🔆Семей қаласында арнайы кітапхана құрылысы жүргізілуде

Зағип және нашар көретін азаматтар үшін арнайы кітапхана құрылысы қарқынды жүргізілуде. Жоба «Самұрық-Қазына» компаниялар тобының бірыңғай қайырымдылық операторы – «Samruk-Kazyna Trust» қоры мен «Кемелді қадам» қайырымдылық қоры және Семей қаласы әкімдігімен бірлескен бастамасы аясында жүзеге асырылуда. Қазір кітапхана ғимаратының құрылысы толық аяқталған.

Бүгін, Семей қаласы әкімінің міндетін атқарушы Бекжан Бапышев нысанға барып, кітапхана алаңын абаттандыру және көгалдандыру жұмыстарын сала мамандарымен талқылап, тез және сапалы тұрғыда аяқтау жөніндегі ұсыныстарын білдірді.

💬«Кітапханада арнайы оқу залдары және құралдармен жабдықталған. Жоба мүгедектігі бар азаматтардың білім алуға, ақпаратқа тең қол жеткізуіне, әлеуметтік ортаға бейімделуіне және мәдени өмірге белсенді араласуына мүмкіндік береді», -деп түйіндеді Бекжан Бапышев.

📷inst | 🗳fb | 🌐gov.kz

#СемейҚаласыныңӘкімдігі

💡Семей қаласында сәулеттік жарықтандыру жұмыстары жалғасуда

Семей қаласында сәулеттік жарықтандыру жұмыстары жалғасып жатыр. Бүгінде екінші кезең аясында Ибраев көшесі, 156 және Шәкәрім даңғылы, 9, 14, 38, 40, 42 мекенжайларындағы көпқабатты тұрғын үйлерге жарықтандыру орнатылды.

Келесі кезеңде Дулатов, Қабанбай батыр, Шәкәрім және Засядко көшелерінде сәулеттік жарықтандыру жұмыстары жалғасатын болады.

Айта кетейік, бұған дейін Шәкәрім даңғылы, 20, Шмидт көшесі, 9/1, 9/2 және Ұранхаев көшесі, 1 мекенжайларында сәндік жарықтандыру қосылған болатын.

📷inst | 🗳fb | 🌐gov.kz

#СемейҚаласыныңӘкімдігі

✅Облыс әкімі үш жылдық даму жоспарын таныстырады

Семейдегі Абай театрында облыс әкімі Берік Уәлидің төрағалығымен өңірдің алдағы жылдардағы дамуына арналған жиын өтуде. Аймақтың білім, денсаулық сақтау, мәдениет, спорт, әлеуметтік, бизнес саласының өкілдері, депутаттар, құқық қорғау органдарының жетекшілері, жоғары оқу орындарының басшылары қатысуда. Маңызды шара облыстың барлық аудандарында ютуб желісі арқылы көрсетілуде.

🔼Аймақ басшысы жиынды ашқан сөзінде Президенттің облысты құру туралы шешімі шын мәнінде тарихи әділдіктің салтанат құруы екенін атап өтті.

«Облыс құрылған сәттен бастап өңіріміздің әлеуметтік-экономикалық дамуы Мемлекет басшысының тікелей бақылауында. Өздеріңізге белгілі, биыл біз Абай Құнанбайұлының 180 жылдық іс-шарасын атап өтеміз. Үкімет бұл бағыттағы көптеген жұмыстарды қолға алып жатыр. Іс-шараға дайындықты қазірден бастадық, жоғары деңгейде өткізуге атсалысу облысымыздың әрбір тұрғынының міндеті деп білемін» деді облыс әкімі.

📌Аймақ басшысы облыс әкімі ретінде қызметке кіріскен үш ай уақыт аралығында өңірдің барлық аудан, қалаларын, бұрын аудан орталықтары болған Шар қаласында, Баршатас, Таскескен және Қайнар ауылдарында, жалпы саны 68 елді мекенде болып, тұрғындардың тыныс тіршілігімен, өзекті мәселелерімен танысты.
Осы уақыт аралығында өңірдің барлық аудан, қалаларын, бұрын аудан орталықтары болған Шар қаласында, Баршатас, Таскескен және Қайнар ауылдарында, жалпы саны 68 елді мекенде болып, тұрғындардың тыныс тіршілігімен, өзекті мәселелерімен танысты.

«Біз облыстың транзиттік әлеуетін және географиялық ерекшеліктерін ескере отырып, алдағы үш жылға даму жоспарын айқындап, дамудың негізгі бағыттарын белгіледік. Өңірдің өндірістік, ет, сүт кластерін құру мен суармалы егіншілік әлеуетін арттыруға, ішкі туризмді, әлеуметтік саланы дамытуға, жол және инфрақұрылым жүйелерін жаңартуға басымдық беріледі» деді облыс әкімі.

АБАЙ ОБЛЫСЫ ӘКІМІНІҢ БАСПАСӨЗ ҚЫЗМЕТІ