ទឹកភ្លៀងជន់លិចភ្នំពេញ ពលរដ្ឋរិះគន់ថា មកពីលុប​បឹង​ធម្មជាតិ
---
ទឹកភ្លៀង​ធ្លាក់​ខ្លាំង​រយៈពេល​ជាង​មួយម៉ោង​ ​កាលពី​ល្ងាច​ថ្ងៃ​ទី​៣​ ​ខែ​កក្កដា​ ​បណ្តាលឲ្យ​លិចលង់​តំបន់​មួយ​ចំនួន​ ​នៅកណ្តាល​ក្រុងភ្នំពេញ​ ​។​ ​កំណាត់ផ្លូវ​តូច​ធំ​ ​និង​ផ្ទះសម្បែង​ជាច្រើន​ក្នុង​រាជធានី​ភ្នំពេញ​ ​ត្រូវ​លិចលង់​ទាំងស្រុង​។​ ​ប្រជាពលរដ្ឋ​មួយ​ចំនួន​ ​នៅ​រាជធានី​ភ្នំពេញ​ត្អូញត្អែរ​ពី​បញ្ហា​ជំនន់​ទឹកភ្លៀង​ ​ដែល​កើតឡើង​ស្ទើរ​ជា​រៀងរាល់​ឆ្នាំ​ ​បង្ក​ជា​ក្តី​កង្វល់​ ​និង​បញ្ហា​នានា​ ​បើ​ទោះបីជា​អាជ្ញាធរ​លើកឡើង​ជា​ដដែល​ៗ​ ​ពី​ផែនការ​ទប់​ស្កាត់​យ៉ាងណាក្តី​។​

​ពលរដ្ឋ​ដែល​រងគ្រោះ​ដោយ​ជំនន់​ទឹកភ្លៀង​លិច​ចូលក្នុង​ផ្ទះ​ ​និង​អ្នក​ធ្វើដំណើរ​តាម​ដង​ផ្លូវ​អះអាង​ថា​ ​បញ្ហា​នេះ​ ​បណ្ដាលមកពី​រដ្ឋាភិបាល​អនុញ្ញាត​ឱ្យ​ក្រុមហ៊ុន​ឯកជន​វិនិយោគ​លុប​បឹង​ធំ​ៗ​ ​សំខាន់​ជាច្រើន​ ​នៅ​រយៈពេល​ប៉ុន្មាន​ឆ្នាំ​ចុងក្រោយ​នេះ​ ​ដែល​ធ្វើ​ឱ្យ​ភ្នំពេញ​បាត់បង់​អាង​ស្តុក​ទឹក​ស្ទើរ​ទាំងស្រុង​។​
---
#RFAKhmer #Cambodia #Environment #Flood #RainingFlood #PhnomPenh #TamokLake