የአፋልጉኝ ተማጽኖ

#Ethiopia | ወጥተን የምንገባበት፤ ሰርተን የምንበላበትን መኪናችንን ሰረቁን!

የሰሌዳ ቁጥር ኮድ 2A - 75482 አዲስ አበባ የሆነ ኮሮላ 2003 ሞዴል ሲልቨር ከለር የሆነውን መኪናችንን፣ ከቆዬ ፈጨ ወደ ቦሌ ቡልቡላ በሚወስደው መንገድ ወደ ገላን ጉራ ፕሮጀክት መግቢያ በር ላይ ከ4: 30 አስከ 5: 30 ገደማ ባቆምንበት ተሰርቀናል።

በአቃቂ ቃሊቲ ክፍለ ከተማ ፖሊስ ጽ/ቤት፣ የወንጀልና ትራፊክ አደጋ ምርመራ ም / ዳይሬክቶሬት ለአዲስ አበባ ፖሊስ ኮሚሽን የምርመራ መዝገብ መኪናው ባልታወቀ ግለሰብ መሰረቁን የሚገል ደብዳቤ ልኳል።

መኪናውን ያያችሁ አቅራቢያችሁ ለሚገኝ የሕግ አካል ያሳውቁ!!

ወይም

ከታች በተዘረዘሩት ስልክ ቁጥሮች ይደውሉ!!

ያላያችሁ፣ ላዩት እንዲደርስ በመልካምነት ሼር በማድረግ ያጋሩ!!

0911281980
0912877977
0912112574

አፋልጉን ይላሉ
ሚካኤል እና ባለቤቱ መታሰቢያ

#AddisAbaba

ጓደኛቸውን #በመግደል ሲያሽከረክረው የነበረውን መኪና ወስደው ተሰውረዋል የተባሉ ሁለት ግለሰቦች ተያዙ።

የወንጀል ድርጊቱ የተፈፀመው ግንቦት 8 ቀን 2016 ዓ/ም በጉለሌ ክፍለ ከተማ ወረዳ 8 ሰሜን ማዘጋጃ ተብሎ በሚጠራው አካባቢ ነው፡፡

ገ/ሚካኤል ሰይፉ የተባለው ሟች የወንጀል ፈፃሚዎቹ የቅርብ ጓደኛ ነው።

ጓደኛማቻቾቹ በየዕለቱ እየተገናኙ አብረው የሚውሉ፣ የሚዝናኑ እና በእጅጉ የጠነከረ የጓደኝነት ግንኙነት ያላቸው የሱሉልታ ከተማ ነዋሪዎች እንደሆኑ  ተጠርጣሪዎቹ ለፖሊስ በሰጡት ቃል አረጋግጠዋል።

በዕለቱ ሟች በወንጀሉ ከተጠረጠሩት ከሁለቱ ጓደኞቹ ጋር አብሮ ሲዝናና እንዳመሸ ታውቋል።

ተጠርጣሪዎቹ  ቴዎድሮስ ታከለ እና  ሲሳይ ጥላሁን ከምሽቱ 5 ስዓት ገደማ የጓደኛቸውን  አንገት በማነቅ ህይወቱ እንዲያልፍ ካደረጉ በኋላ አስክሬኑን መንገድ ላይ በመጣል  ሞባይል ስልኩንና መታወቂያውን ጨምሮ በወቅቱ ሲያሽከረክረው የነበረውን የሰሌዳ ቁጥር ኮድ 4-15624 ኢት መኪና ወስደው ተሰውረዋል።

ፖሊስ የወንጀሉ ሪፖርት ከደረሰው በኋላ ባደረገው ያልተቋረጠ ክትትል ወንጀሉን ፈፅመዋል ተብለው የተጠረጠሩትን ግለሰቦች ለይቶ በማወቅ በ24 ሰዓታት ውስጥ በቁጥጥር ስር አውሏቸዋል፡፡

አንደኛው ተጠርጣሪ ከአየር ጤና አካባቢ የተያዘ ሲሆን ሁለተኛው ተጠርጣሪ ደግሞ ሱሉልታ ከተማ ውስጥ ሊገኝ ችሏል፡፡

ፖሊስ ግለሰቦቹን በቁጥጥር ስር ካዋለ በኋላ ካበናወነው ምርመራ የማስፋት ስራ የሰረቁትን ተሽከርካሪ በሸገር ከተማ " ወለቴ " ተብሎ ወደሚጠራው አካባቢ በመውሰድ እንዲሸጥላቸው ለአንድ ግለሰብ እንደሰጡት አረጋግጧል።

መኪናውም ከቆመበት በምሪት እንዲመለስ ተደርጓል፡፡

ተሽከርካሪውን ለመሸጥ ተስማምቶ ከተጠርጣሪዎቹ የተቀበለውን ግለሰብ በቁጥጥር ስር ለማወል ክትትል እየተደረገ እንደሚገኝ የአዲስ አበባ ፖሊስ አስታውቋል።

#AddisAbabaPolice

@tikvahethiopia

በምሽት ተገቢ የተሽከርካሪ መብራት በማይጠቀሙ አሽከርካሪዎች ላይ ቁጥጥር ተደረገ:: *54 አሽከርካሪዎች ተቀጥተዋል -----
- (ት/ማ/ባ/ ግንቦት 8/2016 ዓ.ም) በአዲስ አበባ ትራፊክ ማኔጅመንት ባለሥልጣን የየካ ቅርንጫፍ ጽ/ቤት በትናንትናዉ እለት በምሽት የሌሎች አሽከርካሪዎችን እይታ በማወክ ለትራፊክ ግጭት እና ለትራፊክ ፍሰት መስተጓጎል ምክንያት በሆኑ አሽከርካሪዎች ላይ በልዩ ኦፕሬሽን ቁጥጥር አድርጓል።

በክፍለከተማዉ በተመረጡና እግረኞች በሚበዙባቸው ቦታዎች ከምሽቱ 1 ሰዓት ጀምሮ በተቀናጀ መልኩ ጥብቅ ቁጥጥር ተካሂዷል።

በቁጥጥሩም ረጅም መብራት እያላቸው በማብሪያ ጊዜ ያላበሩ፣ መብራት የሌላቸው፣ እያላቸዉ ያላበሩ፣ ከስታንዳርዱ ውጪ ተጨማሪ መብራት የገጠሙ በድምሩ 54 አሽከርካሪዎች በደንብ 395/2009 በእርከን 1/21 እና በእርከን 4/5 መሰረት የገንዘብ ቅጣት ተጥሎባቸዋል።

ይኸዉ ቁጥጥር ተጠናክሮ እንደሚቀጥልም በቅርንጫፍ ጽ/ቤቱ የመንገድ ትራፊክ የግንዛቤና ደንብ ማስከበር ዳይሬክተር አቶ ሀገሬ ኃይሉ አስታዉቀዋል።

አፋልጉን

ይሄ በፎቶ የምታዮት ወንድማችን ዳዊት አስናቀ ይባላል ተወልዶ ያደገዉ እዚሁ አዲስ አበባ ነው ሆኖም ግን ከ3 ቀን በፊት የጠፋ እሰካሁን አልተመለሰም። በጊዜው ኮድ 2-B65248 ኮሮላ መኪና እያሽከረከረ ነበር።

ሰልኩም አይሰራም። በምን ሆኔታ ላይም እንዳለ አናውቅም
በቻላቹሁት አቅም ሁሉ ሸር በማድርግ ወንድማችንን አፋልጉን

ስልክ
:- 0918706526
፡-0913412564
:-0911609294

ወደ ክፍያ መንገዱ በሚገቡ ተሽከርካሪዎች የቴክኒክ ፍተሻ
============================================
ኢክመኢ / ETRE [ግንቦት-18-2016ዓ.ም]

ኢንተርፕራይዙ የቴክኒክ ደረጃቸውን ያልጠበቁ ተሸከርካሪዎች በፍጥነት መንገዱ አደጋ እንዳያደርሱ የቅድመ አደጋ መከላከል ስራ በአዲስ - አዳማ የክፍያ መንገድ በቱሉ ዲምቱ እና በአዳማ ዋና የክፍያ ጣቢያ የውጫዊ የተሸከርካሪዎች የቴክኒክ ፍትሻ አደረገ፡፡

በተጨማሪም አሽከርካሪዎች በክፍያ መንገዱ ውስጥ ሲያሽከረክሩ ለደህንነታቸው ሊያደርጓቸው የሚገባቸውን ተግባራት ላይ የግንዛቤ ማስጨበጫ ስራዎችን መስራት ተችሏል፡፡

የቴክኒክ ደረጃቸውን ያልጠበቁ ተሽከርካሪዎች ወደ ክፍያ መንገዱ ክልል እንዳይገቡ የማድረግ ስራ እና በትራፊክ ህግ መሰረት እንዲታረሙ ማድረግ ተችሏል፡፡

የቴክኒክ ፍተሻው በዋነኝነት ትኩረት ተደርጎ የተሰራው
🚑 የጎማ ጥራት
🚑 የዝናብ መጥረጊያ
🚑 መብራቶች
🚑 ሶስት ማዕዘን አንፀባራቂ ናቸው፡፡

ኢንተርፕራይዙ ለመንገድ ተጠቃሚዎች የቴክኒክ ደረጃውን ያልጠበቀ ተሸከርካሪ ባለማሽከርከር እና ወደ ክፍያ መንገዱ ከመግባታቸው በፊት የቅድመ ጉዞ ፍተሻ በማድረግ አደጋን በጋራ እንከላከል እያለ ጥሪውን ያቀርባል፡፡

የኢትዮጵያ የክፍያ መንገዶች ኢንተርፕራይዝ
ደህንነትዎ የክብር ስማችን ነው!

☎️ 0114171717 /00/13