test2018.uz сайтида Андижон ва Сурхондарёдан ташқари барча ҳудудларда эфир тўхтатилганлиги ҳамда тест синовлари ўз якунига етгани ҳақида маълумот берилмоқда.

t.me/profieducation_group

Бугун Сурхондарё вилоятидаги 1та олий таълим муассасасида тест синовлари давом этмоқда, деб хабар беради бош вазир ўринбосари Азиз Абдуҳакимов.

✅Тест синовлари материаллари махфийлиги ва дахлсизлигини таъминлаган ҳолда тест синовларидан 1 кун аввал 12 август куни тест синовлари ўтказиладиган 8та бинога етказилди.

✅Маълумот учун: Сурхондарё вилоятида тест синовлари давом этмоқда. Бошқа барча вилоятлар ва Тошкент шаҳрида тест синовлари якунланди.

✅Тест синовлари 8:00да бошланди. Тест синовларида 1та олий таълим муассасасининг 3та таълим йўналишида 2 минг 1 нафар абитуриент иштирок этмоқда.

t.me/profieducation_Group

Барча ОТМларда тест синовлари 13 кунда тўлиқ якунланди

Бугун 2018 йил 13 августда Сурхондарё вилоятидаги 1 та ОТМда тест синовлари бўлиб ўтди. Шунинг билан республикадаги барча 60 та ОТМ ва уларнинг 19 та филиалларида тест синовлари муваффақиятли якунланди. Бу ҳақида Бош вазир ўринбосари Азиз Абдухакимов хабар бермоқда.

"Тест синовлари натижаларига кўра олий таълим муассасаларига ўқишга тавсия қилинган абитуриентларни ва уларнинг ота-оналарини фарзандлари ўқишга кирганлиги билан табриклаймиз", - дейилади хабарда.

ОТМга кириш учун етарли балл тўплай олмаган абитуриентлар ва уларнинг ота-оналарини қизиқтирган оширилган тўлов-контракт (суперконтракт) миқдори тўғрисидаги маълумот 2018 йил 15 августда ДТМ ва Олий ва ўрта махсус таълим вазирлигининг сайтларида эълон қилинади.

t.me/profieducation_group

Tokio tibbiyot universiteti 20 yil talaba qizlarning imtihon bahosini ongli ravishda pasaytirib kelgan

«Rakurs» xabar berishicha, Tokio tibbiyot va stomatologiya universitetida 20 yil davomida talaba qizlarning bahosi atayin past qo‘yib kelingan. Yigitlarga esa aksincha, baholar yuqorilatib qo‘yilgan.

Testning birinchi bosqichida qizlardan 20 ball olib tashlanib, talaba yigitlarga 20 balldan qo‘shib berilgan. Yigirma yil davom etib kelgan bu firibgarlik yaqinda universitetda poraxo‘rlik jinoyatlariga qarshi olib borilgan surishtiruv davomida yuzaga chiqdi.

Yaponiya universitetlari TOP-20»ligiga kiruvchi Tokio tibbiyot va stomatologiya universiteti mamlakat xalqidan kechirim so‘radi.

G‘alati amaliyot sirini esa universitet rahbariyati shunday izohladi: «Ayollar bola tarbiyasini deb ko‘pincha ishdan bo‘shab ketishadi. Shuning uchun ham biz vrachlar ko‘proq erkaklardan chiqishini istaganmiz va shunga harakat qilganmiz».

t.me/profieducation_group

​​Яна бир хушхабар!

Ногиронлиги бўлган шахслар бир қаторда ҳарбийларнинг фарзандлари учун ҳам натижалар эълон қилинди.

2018 йил 14 майдаги ПҚ-3726-сонли Президент қарорига биноан алоҳида 5% ли давлат гранти квотаси асосида ҳарбий хизматчиларнинг фарзандларини қабул қилиш белгиланган эди.

Кеча ўша имтиёз бўйича ўқишга кирганлар рўйхати ҳам эълон қилинди.

Сиз суратда Юридик университетда давлат гранти асосида қабул қилинган 31 нафар ҳарбийларнинг фарзандларининг рўйхатини кўриб турибсиз. Эътибор берсангиз, 68,2 балл олган абитуриент ушбу имтиёз асосида ҳам давлат гранти асосида Юридик университетга ўқишга қабул қилинган.

Агар Сиз ҳам ҳарбийларнинг фарзандларига бериладиган махсус тавсиянома билан ҳужжат топширган бўлсангиз, унда results2018.dtm.uz сайти орқали грантга кирган ёки кирмаганини текшириб олиши мумкин. Сизларга омад тилаймиз!

t.me/profieducation_group

Ўқишдан йиқилганлар учун

Ушбу файлда ўқишдан йиқилганлар супер-контракти арзонроқ қайси йўналишларга «перевод» қилиши мумкинлиги кўрсатилган.

💾 PDF, 671 кб.

t.me/profieducation_group

✔️ Халқ таълими вазири мактабларда ўқиш 5 сентябрдан бошланишини маълум қилди

Ўзбекистон Республикаси умумтаълим мактабларида янги — 2018/19 ўқув йили 5 сентябрь, чоршанбадан бошланади. Бу ҳақда Халқ таълими вазири Шерзод Шерматов ўзининг Facebook'даги саҳифасида эълон қилди.

Эслатиб ўтамиз, Ўзбекистон Республикаси Президенти Шавкат Мирзиёевнинг 2017 йил 28 декабрь куни «2018 йилда расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисида»ги фармони асосида Янги йил, Наврўз ва Мустақиллик байрамлари арафасида кетма-кет 5 кунлик дам олиш кунлари белгиланган эди.

Мустақиллик байрами — 1 сентябрь арафасида дам олиш қуйидагича бўлади:

Ҳафтада 5 кун ишловчиларга (кетма-кет 5 кун дам олиш):

31 август, жума – қўшимча дам олиш куни;

1 сентябрь, шанба – Мустақиллик байрами;

2 сентябрь, якшанба – дам олиш куни;

3 сентябрь, душанба – кўчирилган дам олиш куни;

4 сентябрь, сешанба – кўчирилган дам олиш куни.

Изоҳ: 8 ва 15 сентябрь – шанба кунлари ҳафтасига 5 кун ишловчилар учун расман иш куни бўлади.

Ҳафтада 6 кун ишловчиларга (кетма-кет 3 кун дам олиш):

31 август, жума – қўшимча дам олиш куни;

1 сентябрь, шанба – Мустақиллик байрами;

2 сентябрь, якшанба – дам олиш куни;

3 сентябрь, душанба – иш куни;

4 сентябрь, сешанба – иш куни.

t.me/profieducation_group

Bugun 20-avgust, test natijalaridan norozi abituriyentlar DTM ga apellyatsiya shikoyatlarini berish boshlandi.

Test sinovlari natijasidan norozi bo‘lgan abituriyentlar 20 avgustdan 30 avgustgacha (belgilangan ish vaqtiga muvofiq, dam olish kunlarisiz o‘n bir kalendar kuni ichida) bo‘lgan muddatda O‘zbekiston Respublikasi ta’lim muassasalariga o‘qishga qabul qilish bo‘yicha davlat komissiyasi tomonidan tasdiqlangan apellyatsiya komissiyasiga yozma yoki elektron shaklda apellyatsiya shikoyatini berishlari mumkin.

t.me/profieducation_Group

2018/2019 o‘quv yilida xorijiy oliy ta’lim muassasalaridan o‘qishni O‘zbekistondagi oliy ta’lim muassasalariga ko‘chirish va ko‘chirib qayta tiklash bo‘yicha o‘tkaziladigan test sinovlari grafigi

Savol:
Yodju institutiga kirish imtihonlari qaysi fanlardan o'tkaziladi?

Javob👇

t.me/profieducation_group

В наше время глобализации знать иностранный язык жизненно необходимо.

t.me/profieducation_Group

Xorijiy oliy taʼlim muassasalaridan Oʻzbekistonga oʻqishini koʻchirayotgan talabalar imtihon topshirmoqda
2018/2019-oʻquv yilida xorijiy oliy taʼlim muassasalaridan oʻqishni Oʻzbekiston Respublikasidagi oliy taʼlim muassasalariga koʻchirayotgan va koʻchirib qayta tiklayotgan talabalarning dastlabki guruhlari 24-avgust kuni test sinovlaridan oʻtishdi.

Oliy va oʻrta maxsus taʼlim vazirligi axborot xizmati maʼlumotiga qaraganda sinovlarda ishtirok etish uchun 3356 kishi hujjat topshirgan.

Xorijiy oliy taʼlim muassasalaridan oʻqishni Oʻzbekiston Respublikasidagi oliy taʼlim muassasalariga koʻchirish va koʻchirib qayta tiklash boʻyicha oʻtkaziladigan test sinovlari grafigiga binoan imtihonlar 25-avgust kuni ham davom ettiriladi.

t.me/profieducation_Group

Таълим кредити ҳақида батафсил (1-қисм)

Ҳуқуқий асос: Вазирлар Маҳкамасининг 26.07.2001 йилдаги “Олий ўқув юртларида тўлов-контракт асосида ўқиш учун таълим кредитлари бериш тўғрисида”ги 318-сонли қарори

Кредит миқдори: талаба ва ОТМ ўртасида тузилган тўлов-контракт шартномаси миқдорида

Муддати: бакалавр босқичи учун - 10 йилгача, магистратура босқичи учун - 5 йилгача.

Фоизи: икки хил категория бўйича турли фоизларда берилади:

а) чин етимларга, “Меҳрибонлик уйлари”да тарбияланганларга ҳамда болаликдан I ва II гуруҳ ногиронларига - ноль фоиз ставкаси (фоизсиз кредит);

б) талабаларнинг қолган тоифаларига – Марказий банкнинг амалдаги қайта молиялаш ставкасидан юқори бўлмаган миқдорда (ҳозир 14%).

Кимларга берилади: ОТМларга тўлов-контракт асосида қабул қилинган талабаларнинг ўзларига, уларнинг ота-оналарига ёки васийларига.

Кредит таъминоти: кредит таъминоти сифатида қуйидагилардан бири ёки бир нечтаси тақдим этилиши мумкин:
а) мол-мулк ёки қимматли қоғозларни гаровга қўйиш;
б) банкнинг кафолати;
в) учинчи шахснинг кафиллиги;
г) суғурта компаниясининг қарз олувчининг кредитни қайтара олмаслиги хавфи суғурта қилинганлиги тўғрисидаги суғурта полиси;
д) фуқароларнинг ўзини ўзи бошқариш органларининг кафиллиги (фақат чин етимлар ва «Меҳрибонлик уйлари»да тарбияланганлар, болаликдан I ва II гуруҳ ногиронлари ва кам таъминланган оилалардан чиққанлар учун).
Манба: @Xushnudbek

t.me/profieducation_group

Таълим кредити ҳақида батафсил (2-қисм)

Қандай ҳужжатлар керак?

Таълим кредитини олиш учун банкка қуйидаги ҳужжатлар тақдим этилади:
а) ариза;
б) талаба ва ОТМ ўртасидаги шартнома (контракт);
в) маҳалладан яшаш жойи тўғрисида маълумотнома:
г) кредитни қайтаришнинг таъминланиши тўғрисида ҳужжат;
д) имтиёзли таълим кредитлари олиш ҳуқуқига эга бўлган шахслар тегишли тасдиқловчи ҳужжат.

Ариза қанча вақтда кўриб чиқилиши керак?

Ариза банк томонидан 10 иш кунида кўриб чиқилиши ва кредит шартномаси имзоланиши керак. Агар кредит берилмаслиги тўғрисида қарор қабул қилинган тақдирда аризачига кредит беришнинг рад этилиши сабаби кўрсатилган ёзма хулоса бериши лозим. Сизга шунчаки оғзаки рад жавоби беришларига йўл қўйманг. Албатта асосланган ёзма жавоб беришсин. Бу келгусида асоссиз рад қилинганлик учун шикоят қилиш ҳуқуқини беради.

Кредит қачон тўланади?

Таълим кредитлари бўйича маблағлар ҳар ярим йилда йиллик контракт миқдорини икки тенг қисмга бўлиш йўли билан ўтказилади. Бунда, 1-курслар учун 1-ярим йилликда 1 октябргача, 2-ярим йилликда 15 мартгача тўланиши мумкин. 2-курсдан бошлаб сентябрь ва март ойининг 5-санасидан кечиктирилмасдан тўланади.

Кам таъминланганлар учун имтиёз борми?

Кам таъминланган оилалардан бўлган талабалар учун кредит бўйича қўшилган фоизларнинг 50 фоизи туман Бандликка кўмаклашиш ва аҳолини ижтимоий муҳофаза қилиш марказлари томонидан Иш билан таъминлашга кўмаклашиш давлат жамғармаси маблағларидан тўланади.

Махсус сиртқи, кечки ва сиртқи таълим учун ҳам таълим кредити олса бўладими?

Низомга кўра, таълим кредити фақат кундузги бўлимларда ўқиётган талабаларга берилади. Шунга кўра, махсус сиртқи, кечки ва сиртқи бўлимлар учун таълим кредити ажратиш назарда тутилмаган.

Хорижлик фуқаролар ҳам таълим кредити олиши мумкинми?

Йўқ. Низомга кўра, таълим кредити фақат Ўзбекистон фуқароларига берилади. Фуқаролиги бўлмаган шахслар ҳам Низомда назарда тутилмаган.

Лекин банклар супер-контракт учун каттароқ фоизларда оддий кредит бериши мумкин. Буни ўзлари ҳал қилади.

Агар талаба талабалар сафидан четлатилса нима бўлади?

Агар талаба ўқиш даври тугамасдан талабалар сафидан ўчирилса, ОТМ раҳбарияти ректор (директор)нинг буйруғи чиққан кундан бошлаб 10 иш куни мобайнида бу ҳақда банкка хабар бериши керак, қарз олувчи эса ўз навбатида уч ой муддатда таълим кредити ва унга қўшилган фоизлар бўйича қарзларни тўлиқ қайтариши лозим.

Агар ОТМ ўз вақтида банкни огоҳлантирмаса нима бўлади?

Талабанинг талаба сафидан чиқарилиши ОТМ томонидан банкка ўз вақтида маълум қилинмаган тақдирда, ОТМ ушбу давр учун ҳисобланган фоизларни банкка тўлашга мажбур.
Фақат ушбу шартлар шартномада акс этган бўлиши керак.

Кредитни муддатидан олдин ёпса бўладими?

Ҳа, кредитни муддатдан олдин қайтариш мумкин.
Манба: @xushnudbek

t.me/profieducation_group

Samarqandda Prezident akademiyasining hududiy filiali tashkil etildi

Davlatimiz rahbarining 2018-yil 6-avgustdagi «O‘zbekiston Respublikasi Prezidenti huzuridagi davlat boshqaruvi akademiyasining hududiy filiallarini tashkil etish to‘g‘risida»gi qaroriga ko‘ra, Guliston, Qarshi, Samarqand, Urganch va Farg‘ona shaharlarida akademiyaning hududiy filiallari tashkil etilgan edi.

Akademiyaning Samarqand filiali Samarqand davlat universiteti bosh binosida faoliyat boshladi. Bu haqda «Zarnews.uz» xabar bermoqda.

2018-yil sentyabr oyidan boshlab bu yerda Samarqand, Buxoro va Navoiy viloyalari shahar va tuman hokimlarining o‘rinbosarlari, davlat hokimiyati va boshqaruv organlarining shahar va tuman bo‘linmalari rahbarlari malaka oshiradilar.

Malaka oshirish kursi olti kun davom etib, 72 soatlik vebinar, suhbat, trening mashg‘ulotlaridan iborat. Shuningdek, tinglovchilarga mustaqil ta’lim uchun topshiriqlar beriladi va ularni bajarish yakunida taqdimot, muayyan keys yechimi va yoki chora-tadbirlar rejasi va «yo‘l xaritasi» loyihasi ishlab chiqiladi.

Vebinar mashg‘ulotlari akademiya professor-o‘qituvchilari tomonidan onlayn tarzda olib boriladi. Suhbat va treninglar esa mini-ma’ruza va mavzu bo‘yicha muhokama shaklida, aqliy hujum, kichik guruhlarda ishlash, keys-stadi va dialog shakllarida tashkil etiladi.

Malaka oshirish kursi tinglovchilarining o‘zlashtirishi akademiya ta’lim portali orqali on-layn monitoring qilinadi. Tizimli ravishda topshiriqlar berish va testlar yechish bilan ularning bilimi baholanadi.

t.me/profieducation_group