ОИЛАДА ТИНЧЛИК ВА ТОТУВЛИК УЧУН ЎҚИЛАДИГАН ДУО


📌 Бир аёл ҳаётида бўлган воқеани айтади: "Узоқ вақт Расулуллоҳ соллаллоҳу алайҳи ва салламнинг Ибн Ҳиббон ривоят қилган қуйидаги:

"Аллоҳумма аллиф байна қулуубинаа ва аслиҳ заата байнинаа, ваҳдинаа субулас салам" деб зикр қилинган дуони айтиб юрдим.
(Маъноси: Аллоҳим, қалбларимизни улфат қил ва орамизни ислоҳ эт, бизларни саломатлик йўлларига ҳидоят қил).

❗️Илгари бу дуога эътиборсиз бўлган эканман. Субҳаналлоҳ! Ушбу дуони ўқиб юриш билан уйимда, фарзандларим, эрим, оилам ва атрофимдаги барча инсонлар билан келишувда яшаб, тинчлик ва хотиржамликни топдим.

‼️ Ким оиласи тинч-тотув бўлишини истаса шу дуони ёдлаб олсин.

Қуръони каримда номи келтирилган пайғамбарлар

Уларнинг сони 25 та бўлиб, қуйидагилардир:

1. Одам алайҳиссалом

2. Идрис алайҳиссалом

3. Нуҳ алайҳиссалом

4. Ҳуд алайҳиссалом

5. Солиҳ алайҳиссалом

6. Иброҳим алайҳиссалом

7. Исмоил алайҳиссалом

8. Лут алайҳиссалом

9. Исъҳоқ алайҳиссалом

10. Яқуб алайҳиссалом

11. Юсуф алайҳиссалом

12. Шуайб алайҳиссалом

13. Айюб алайҳиссалом

14. Зулкифл алайҳиссалом

15. Мусо алайҳиссалом

16. Ҳорун алайҳиссалом

17. Довуд алайҳиссалом

18. Сулаймон алайҳиссалом

19. Илёс алайҳиссалом

20. Ал-Ясаъ алайҳиссалом

21. Юнус алайҳиссалом

22. Закариё алайҳиссалом

23. Яҳё алайҳиссалом

24. Исо алайҳиссалом

25. Муҳаммад алайҳиссалом

Ибн Умардан ривоят қилинади:
«Албатта, ҳаё билан иймон бир-бирига қўшилган. Бири кўтарилса, иккинчиси ҳам кўтарилади».
Шарҳ: Демак, ҳаёси кўтарилган кишининг иймони, иймони кўтарилган кишининг эса ҳаёси кўтарилади. Шунинг учун ҳаё ий-моннинг бир бўлаги, дейилади. Иймони бор одамгина ҳаёли бўли-ши мумкин экан. Бинобарин, ҳаёга қаттиқ эътибор бериш, унинг иймоннинг аломатларидан бири эканлигини зинҳор унутмаслик керак экан.

«Одоблар хазинаси»

⏺️Бир ҳикмет мени таң қалдырды:

"Бир теректен миллион дана шырпы ислеў мүмкин.

Ал, бир ғана шырпының дәнеси менен болса миллион теректи өртеп жибериў мүмкин".

Демек, бир жаман ис пенен өмириңдеги миллионлаған жақсы ислериңди өртеп жибериўиң мүмкин.

⏺Бир ҳикмат мени ҳайратга солди:

«Битта дарахтдан миллионта гугурт донаси ясаш мумкин.

Биргина гугурт донаси билан эса миллионта дарахтни ёқиб юборса бўлади».

Демак, биргина ёмон иш билан ҳаётингдаги миллионлаб яхши ишларингни куйдириб юборишинг мумкин.

Тәжирийбе – ақыбетлер айнасы

⏺Ёмон хулқнинг таъсири кучлидир

Тажриба – оқибатлар кўзгуси
Изоҳ. Оқибат – ишнинг сўнг натижаси. Иш бошланган пайтда унинг қандай тугашини билмаймиз. Аммо мана шу пайтда тажрибалар қўл келади. Кимдир худди шундай ишни худди шу тарзда бошлаб қандайдир натижага эришган бўлса, унинг шу тажрибасига асосланиб, бошлаган ишимизнинг натижаси ҳақида тасаввурга эга бўлишимиз мумкин. Гўё у кишининг бошидан ўтказган тажрибаси биз бошлаётган ишнинг оқибатини кўрсатувчи кўзгу бўлиб хизмат қилади.

📚 "Ҳидоят"журналидан

🤔ТАНЛОВ

Бир инсон бутун умри давомида бахтли яшабди. У ҳар доим жилмаяр, кулар, ҳеч ким ва ҳеч қачон уни хафа ҳолда кўрмас экан. Баъзан инсонлар бу борада унга турли саволлар берар эди.

- Нега сиз ҳеч қачон хафа бўлмайсиз? Қандай қилиб ҳар доим хурсанд ҳолда юрасиз? Бахтингизнинг сири нимада?
- Қачонлардир мен ҳам сен каби ғамгин эдим. Шунда тўсатдан англаб қолдим: ахир бу менинг танловим, менинг ҳаётим! Ахир бу танлов меники: ҳар кун, ҳар соат, ҳар дақиқада. Ўша ондан буён ҳар тонг, уйқудан туриб, мен ўзимга савол бераман: «Хўш, мен бугун нимани танлайман: қайғу ёки қувонч?» ва ҳар куни шундай бўладики, мен қувончни танлайман. Хуш, сиз-чи? Сиз нимани танлайсиз, қайғуними ёки қувончни?

«Қалбга таскин битиклар» китобидан.