#marketing

A/B Testi

A/B testi - bu ikkita narsani solishtirib, qaysi biri yaxshiroq ishlashini aniqlash usuli.

Masalan, sen do'konga bording va ikkita turli xil shokoladni ko'rding: biri qora shokolad, ikkinchisi sutli shokolad. Qaysi birini ko'proq yoqtirishingni bilish uchun, bir kun qora shokoladni sinab ko'rasan, keyin boshqa bir kuni sutli shokoladni. Shundan so'ng, qaysi biri mazaliroq ekanini qaror qilasan.

A/B testi ham xuddi shunday ishlaydi, lekin internetda yoki reklamalarda. Masalan, kompaniya yangi mahsulotning ikki xil reklamasi yoki ikki xil veb-sahifasini yaratadi. Keyin bu ikkita versiyani turli odamlarga ko'rsatadi va qaysi biri ko'proq o'qilgani, yoqtirgani yoki sotib olingani aniqlanadi. Shunda ular eng yaxshi ishlaydigan variantni tanlaydilar.

Qisqasi, A/B testi yordamida kompaniyalar qaysi variant odamlar uchun yaxshiroq ekanini aniqlashadi.

Tushunarli bo’ldi degan umiddaman.

Obuna bo'lishni unutmang: 👇
@nodirbek_abdulhaev

#marketing_termin

Opinion-lider – u yoki bu sohada ilg’or fikrlovchi lider va ekspert

SEM (Search Engine Marketing) – qidiruv tarmoqlari marketingi. Mijoz qidiruv tarmoqlaridan
foydalanayotganda ko’rsatiladigan reklama.

ATL (Above The Line) – kompaniyadagi reklama turi. U keng auditoriya ya’ni ko’proq
mijozlarga televideniye, radio va boshqalar orqali ko’rsatiladi. Maqsad asosan brendni tanitish.

BTL (Below The Line) – kompaniyadagi reklama turi. U belgilangan, tor doiradagi mijozlar
segmentiga ko’rsatiladi. Katalog, Search Engine Marketinglar shular jumlasidandir.

@nodirbek_abdulhaev

#marketing_termin

TTL (Through The Line) – ikkala turdagi ATL va BTL aralashgan marketing kanallari.

SEO (Search Engine Optimization) – qidiruv tarmoqlari optimizatsiyasi. Kompaniya mahsuloti
yoki sayti qidiruv tarmoqlarida birinchi chiqib kelishi uchun xizmat qiluvchi marketing kanali.

ER (Engagement Rate) – auditoriya qay darajada jalb qilinganligini belgilovchi koeffitsiyent.

Virusli kontent – auditoriya tomonidan ko’plab repostlar qilingan va diqqat markazida bo’lgan,
bir zumda mashhur bo’lib ketib, eng ko’p muhokama qilingan kontent.

@nodirbek_abdulhaev

#Marketing

Baliq ovida boshqa baliqchilarning odatini yaxshi biladiganlarga qaraganda, baliqlarning odatini yaxshi bilganlar yutadi.

- "Marketing A dan Z gacha" kitobidan

@nodirbek_abdulhaev

#Marketing

   Filip Kotler, «Marketing A dan Z gacha» kitobidan tagiga chizib o‘qilgan satrlar

• Biznesni reklamasiz yuritish — bu qorong‘u xonada qizga ko‘z qisish bilan barobardir.

• Brendlashtirishning maqsadi mahsulot uchun o‘z qiymatidan kattaroq daromad olishdir.

• Kompaniyaning ichki tub o‘zlarishlari tezligi tashqi o‘zgarishlar tezligidan orqada qolsa, biznesning oxiri yaqindir. (General Electronics)

• «Biz bozorlarga xizmat ko‘rsatish bilan shug‘ullanmaymiz, biz ularni yaratamiz».

• Kompaniyaning maqsadi — iste'molchini yaratish.

• Biznes ikkita, faqat ikkita bosh funksiyaga ega: marketing va innovatsiya.

• Mijoz bizning mulklarda eng yoqimli mehmon. U bizning izmimizda emas, biz uning izmidamiz. U bizning biznesga begona emas, u bu biznesning bir qismidir. Biz unga xizmat ko‘rsatmaymiz, u bizga o‘ziga xizmat ko‘rsatishga ijozat bergani uchun unga xizmat ko‘rsatyapmiz. (L.L.Veap)

• Ford kompaniyasining ishchilaridan biri: «Agar iste'molchi bizni boshqarmasa, bizning mashinalarni ham boshqarmaydi» degan edi.

• Bizning mijozlar bizdan shuning uchun mamnunlarki, chunki biz hech qachon o‘zimizdan mamnun emasmiz. (Honda)

• «Bizning xodimlar — mening eng birinchi mijozimdir». (The Body Shopping)

• Sen o‘z xodimlaring bilan yaxshi munosabatlar o‘rnatmaguningcha, mijozlar bilan hech qachon yaxshi munosabatlar o‘rnata olmaysan (Uolt Disney)

• Biz mijozlar haqida qayg‘urishga moyilligi bor odamlarni izlaymiz (Jeff Bezos)

• Faqat mijoz bizning barchamizni ishdan bo‘shata oladi. (Sem Uolton)

• To‘lov vedemostiga nechta odam kiritishni rahbariyat emas, mijozlar hal qiladi. (Larra Bossi)

• Kompaniyaning ravnaqi haqida o‘ylamanglar — mijozning ravnaqi haqida o‘ylanglar. (Land's End)

@nodirbek_abdulhaev