Nega men Telegram’da blogimni o‘zbek tilida yuritaman?

Ko‘pchilik mendan so‘raydi: “Nega aynan o‘zbekcha yozyapsiz?”
Javobim oddiy — har bir platformada auditoriya har xil, va men aynan shu asosda tilni tanlayman.

Instagram va Facebook’da — postlarim rus tilida. Chunki bu yerda auditoriyamning katta qismi rus tilini yaxshi tushunadi. Bu platformalarda men ko‘proq savdo, xizmatlar va mahsulotlar haqida yozaman. Qisqacha va tushunarli bo‘lishi kerak.

LinkedIn va Threads’da esa — ingliz tilida yozaman. Chunki bu platformalarda men xalqaro aloqalar, B2B hamkorliklar va professional tarmoqni rivojlantirishga qaratilganman. Bu yerda menga xorijiy hamkorlar kerak.

Telegram’da esa — o‘zbek tilida yozaman. Chunki bu platformadagi asosiy auditoriyam mahalliy tadbirkorlar, yoshlar va o‘zgarishga ochiq insonlar. Ular bilan chin dildan, samimiy va ravon o‘zbek tilida gaplashishni istayman. Bu — men uchun eng yaqin, real aloqadagi platforma.

Men har bir platformaning tilini strategik tanlaganman. Har bir tilda – o‘sha tildagi auditoriyaga eng yaqin uslubda murojaat qilaman. Bu yondashuv menga natija beradi.

⸻

Siz nima deb o‘ylaysiz? Har bir platformada til tanlash to‘g‘rimi?
Kommentariyada fikringizni yozing — bu mavzu siz uchun ham dolzarbmi?

@nodirbek_abdulhaev

“Armaniga osilsa – ko‘chaga chiqadi, gurjiga tashlansa – ovoz ko‘taradi. Bizda esa nima? Bittamizni bo‘g‘izlashsa, ikkinchimiz jim turadi…” (Mauzer Soatovich, “Tushda kechgan umrlar”, O’tkir Hoshimov)

Og‘riqli, ammo achchiq haqiqat. Bu nafaqat siyosatda, bu biznesda, jamiyatda, hatto kontentda ham ko‘rinadi. Boshqalar o‘zini himoya qiladi. Biz esa – koʻnikamiz. “Nima qilay, hayot shunaqa”, deymiz. Lekin bu fikr – brendingizning qatl hukmi.

Savdo qilayotgan bo‘lsangiz – o‘zingizni himoya qiling.
Kontent yaratayotgan bo‘lsangiz – ovozingizni eshittiring.
Brendingiz bor bo‘lsa – uni “jim” tutmang.

Dunyo sizni shunchaki topib olmaydi. Dunyo sizni eshitishi, ko‘rishi, tanishi kerak. Buning uchun siz birinchi boʻlib chiqishingiz kerak – “Nega bizni mensimayapsiz?” deb.

Siz jim tursangiz – boshqa birov kelib siz haqingizda soxta hikoya yozadi.
Siz jim tursangiz – sizning joyingizni ovozli raqibingiz egallaydi.

Ha, haqiqat oxir-oqibat ro‘yobga chiqadi. Lekin haqiqatga yetib boradigan yo‘lni siz yotqizasiz.

Bugun jim turgan brend — ertaga mavjud bo‘lmaydi.

@nodirbek_abdulhaev

— Hozir shunday davrdamizki, kimdir sizga telefon qilsa ko'targingiz kelmaydi...

— To'g'rimi?
— Nega?
— Shunday bo'lib qoldik?
— Qaytib telefon qilish ham yo'q!

— Sababi oddiy...
— Telegramga kirib shundo audio yozib yubora qolasiz yoki telefon qilibsan ololmadim deya qolamiz...

— Vaqtni odamlardan qizg'anib, mehrimizni netga berishga o'rganib qoldik...

— Yolg'on deya olamizmi?

Introvert bo’lish urfga kirib bormoqda. Men xam siz kabi telefonda gaplashishnj juda yomon ko’raman :(

@nodirbek_abdulhaev

“Yillar oʻtib, odamning qiyofasi, gavdasi, hatto gapirish ohangi ham oʻzgarib ketishi mumkin. Faqat koʻzi oʻzgarmaydi.”
— “Tushda kechgan umrlar” - Oʻtkir Hoshimov

Ko‘z — bu yolg‘on gapirmaydigan haqiqat.
Ko‘z — bu yurakning tarjimoni.
Yillar tanani o‘zgartiradi, hayot esa fe’l-atvorni, ammo ko‘zlar… u yerda hammasi yashirin:
— kimdir hayotning og‘irini yengib chiqqan,
— kimdir sevgidan yaralgan,
— kimdir esa dardni yutib, jim turishga o‘rgangan.

Shuning uchun insonni tanimoqchi bo‘lsang, tarjimai holini emas, ko‘zlariga qaragin.

Brendlar ham shunaqa: tashqi dizayn, reklama, aksiya — bularning bari o‘zgaradi.
Ammo ularning “ko‘zi” — bu niyatida, qadriyatida, mijozga bo‘lgan munosabatida.
Agar bu sof bo‘lsa — odamlar ishonadi.

Ko‘zlar — ishonch oynasi.
Yaxshi qaragin… sening ko‘zlaringda nima ko‘rinadi?

@nodirbek_abdulhaev

📝 Hammasi ideal bo‘lishini kutmang!

Ko‘pchilik katta ish boshlashdan oldin ideal vaqtni kutadi.

Mukammal reja, to‘g‘ri vaqt, yaxshi sharoit. Bular bo‘lmaguncha hech qanday harakat qilmaslikka bahona topiladi.

– Ish boshlashdan oldin barcha bilimlarni o‘rganib chiqmoqchi bo‘lishadi.
– Sport bilan shug‘ullanish uchun eng yaxshi zal va eng qimmat forma kerak deyishadi.
– Yangi biznes ochish uchun avval hamma narsani ideal holatga keltirishga harakat qiladi.

Ammo hayot shundayki, hech qachon hamma narsa 100% ideal bo‘lmaydi.

Haqiqiy natijaga erishadiganlar – mukammal sharoitni kutmasdan bor imkoniyati bilan harakatni boshlaganlar bo'ladi.

Ko‘plab muvaffaqiyatli insonlar ilk qadamni bosganda:

Yetarlicha bilimga ega bo‘lmagan. Ko‘p xatolar qilgan. Ko'p pulga ega bo‘lmagan.

Ular yo‘lda o‘rganishdi. Kichik qadamlar bilan maqsadlari tomon harakat qilishdi va natijaga erishishdi.

@nodirbek_abdulhaev

“Tun — yolgʻizlarni sinash uchun yuborilgan jazo elchisi. Avval koʻzingni koʻr qiladi. Keyin qulogʻingni shangʻillatadi.”
— Oʻtkir Hoshimov

Tun — jimjitlik emas, ichki ovozlar bilan to‘la maydon.
U seni birov emas, oʻzing bilan yuzlashtiradi.
Kun davomida chalgʻitgan shovqinlar, telefonlar, ishlar — barchasi ortda qoladi. Tun esa… savol beradi:
— Rostdan ham baxtlimisan?
— Qilayotgan ishing — bu sening ishingmi?
— Oxirgi bor kimga “rahmat” deding?

Tun — yolg‘izlikni yomonlashtirmaydi, faqat uni eslatadi.
Tun — marketingda ham, hayotda ham chuqur fikr qilish vaqti.

Brendni rivojlantirish, strategiyani qayta ko‘rib chiqish, hayotdagi yo‘lingni aniqlashtirish — bularning hammasi tunda boshlanadi.

Tun – jazo emas. U imkon.
Oʻzini eshitishga, oʻzini tushunishga, keyin esa — o‘zgartirishga.

@nodirbek_abdulhaev

Xatolaringiz - sizni narxingizni oshiradi!

Sut buzilsa qatiqga aylanadi. Qatiq sutdan qimmatroq, undan ham battar bo’lsa pishloqga aylanadi. Pishloq qatiqdan ham, sutdan ham qimmatliroq.

Agar uzum sharbati achib qolsa, u undanda qiymatliroq sharobga aylanadi.

Siz xato qilganingiz uchun yomon emassiz.
Xatolar bu sizni shaxs sifatida yanada qadrli qiladigan tajribalardir.

Aleksandr Fleminning xatosi uni pensilin ixtiro qilishiga olib keldi.

Amaliyot mukammal qilmaydi. Aynan biz o’rganadigan xatolar bizni mukammal qiladi. Faqat oldinga yuring.

@nodirbek_abdulhaev

“Odamzot hayotida shunday pallalar boʻladiki, baʼzida ularni hech qachon unutging kelmaydi, baʼzida esa tushingda kechirgandek unutishni xohlaysan.”
— Oʻtkir Hoshimov

Ba’zida bir lahza butun umrga teng bo‘ladi.
Uni eslab, yuraging iliqlik bilan to‘ladi.
Ba’zida esa… shunday holatlar bo‘ladi, ularni eslash og‘riqli — u xotira emas, jarohat.

Har bir insonning ichida bunday sahifalar bor:
— biri yorug‘, biri qorong‘u;
— biri xotira, biri — og‘riq;
— biri unutilmas, biri unutishga majbur qiluvchi.

Lekin hayot shundan iborat: xotiralar bilan yashash, dars olish, lekin davom etish.
Shaxsiy hayotingizda ham, biznesingizda ham xatolar bo‘lgan bo‘lishi mumkin. Esdan chiqarmang: bu sizni yomon qilmaydi. Bu — sizni inson qiladi.

Hayot — tush emas, ammo ba’zida u ham tushdek oʻtadi.
Muhimi — uyg‘onib, davom etish.

@nodirbek_abdulhaev

🔟 "Atom odatlar" kitobidan - TOP 10 insayt:

1. "Katta o‘zgarishlar — kichik odatlarning yig‘indisidir."
Har kuni 1% yaxshilanish – uzoq muddatda ulkan natijalar beradi. Asosiy g‘oya: katta sakrash emas, kichik qadamlar.

2. "Kim bo‘lishni xohlayapsiz – shu asosida odat yarating."
Masalan, “Men har kuni yuguraman” emas, balki “Men sportchi odamlardanman” deb o‘zingizga isbotlang. Odat — shaxsiyatdan boshlanadi.

3. "Odatlar tizim bilan shakllanadi, maqsad bilan emas."
Maqsad – yo‘lning boshlanishi. Ammo samarali tizimlar**siz unga yetib bo‘lmaydi. Yaxshi tizim = muvaffaqiyat.

4. "Muhitni o‘zgartir, o‘zini o‘zgartirasan."
Muhit odatlarni kuchliroq ta’sir qiladi. Masalan, sog‘lom ovqatni ko‘z oldida turgizish — ovqatlanish odatini o‘zgartiradi.

5. "Qancha oson – shuncha amalga oshadi."
Yangi odatni qanchalik osonlashtirsangiz, shunchalik tez amalga kiradi. Qiyinlashtiring – yomon odatlar yo‘qoladi.

6. "Sinyallarni kuchaytiring – yomon odatlarni kamaytiring."
Masalan, telefonda ijtimoiy tarmoq ilovasini yashirish – undan foydalanishni kamaytiradi.

7. "Stacking" metodi: mavjud odatlar ustiga yangi odat qo‘shish.
Masalan: “Choy ichganimdan keyin 5 daqiqa kitob o‘qiyman.” Bu yangi odatni mavjudiga bog‘lash usuli.

8. "Biror ishni 2 daqiqalik qilib boshlang."
Har qanday murakkab ishni eng oson, qisqa varianti bilan boshlang. Masalan: "Faqat sport kiyimini kiyaman."

9. "O‘zingni kuzat – odatlarni nazorat qilishni o‘rgan."
Kundalikda odatlaringizni yozib boring – bu o‘zgarishlarga sezilarli turtki beradi.

10. "Mukofot tizimi – odatni mustahkamlaydi."
Yaxshi odat ortidan kichik mukofot qo‘shing – bu miyani “odoblantiradi” va uni davomli qiladi.

11-insayt mendan: "Odat – bu biznesdagi eng kuchli tizim bo‘lishi mumkin."
Men jamoamni odatlar orqali o‘zgartiraman: har kuni kichik yaxshilanishlar, o‘z vaqtida hisobotlar, doimiy o‘rganish, kitob mutolaa qilish va siz aytkan yo'lga yurgani uchun unga albatta mukofot berishingiz lozim. Chunki bir odamning odati – bu o‘zgarish, lekin jamoaning odati – bu natijadir.”

@nodirbek_abdulhaev

“Oʻylab qarasam, urush teskari haqiqat degani. Odam boʻlging kelsa — shafqatsiz boʻl. Oʻlging kelmasa — oʻldir.”
— Oʻtkir Hoshimov

Urush — bu axloq bilan emas, omon qolish bilan o‘lchanadigan dunyo.
Bu yerda haqiqat — teskari.
Yaxshilik qilgan yutmaydi. Kim qattiqroq bo‘lsa — o‘sha qoladi.
Urush faqat o‘q bilan emas.
Hayotning o‘zi ham ba’zida maydonga aylanadi:
– bozorda raqobat,
– internetda e’tibor uchun kurash,
– hayotda prinsiplar uchun jang.

Ba’zida eng mehribon odamlar ichkarida eng ko‘p urilgan bo‘ladi.
Ba’zida eng muvaffaqiyatli insonlar — o‘zini yo‘qotmaslik uchun yuragini sovutishga majbur bo‘lgan bo‘ladi.

Marketingda ham, biznesda ham, hayotda ham bitta haqiqat bor:
Omon qolishni istasang — o‘zingni himoya qilishni o‘rgan.
Soddalik emas, strategiya seni olib chiqadi.

Bu haqiqat qattiq. Ammo aynan shuning uchun — u rost.

@nodirbek_abdulhaev

“Baliq boshidan chiriydi, biznes esa o‘quvsiz rahbariyat ortidan”

Har bir muvaffaqiyatsiz biznesning ildizi — rahbariyatda. Jamoa sust ishlayaptimi? Sotuvlar pasayganmi? Tizim ishlamayaptimi? Aybni boshqalardan izlashdan oldin, o‘zimizni ko‘raylik.

Bugun to‘qimachilikda yoki ITda raqobat kuchli. Lekin ko‘p kompaniyalar oddiy sabablardan qulab tushyapti:
— Rahbar zamonaviy bozorni tushunmaydi
— Xodimlar bilan ishlashni bilmaydi
— O‘rganmaydi, o‘rgatmaydi
— Tizim emas, “kayfiyat” asosida qaror qiladi

Natijada savdo yo‘q, eksport yo‘q, mijoz yo‘q.

Liderlik — bu lavozim emas, mas’uliyat. Biz har kuni o‘qishimiz, o‘rganishimiz, yetakchi bo‘lishimiz kerak. Chunki o‘rganmagan rahbar — o‘sishga to‘siq.

Men o‘zim bu yo‘lda doim izlanaman, jamoamni o‘rgataman. Chunki bilaman: sifatli mahsulotni ishlab chiqarish oson, lekin uni bozorga chiqarish — bilim va strategiyani talab qiladi.

Sizchi? Oxirgi marta qachon o‘z ustingizda ishladingiz?

@nodirbek_abdulhaev

“Hamma onalar bir-birlariga oʻxshaydi shekilli.”
— Oʻtkir Hoshimov

Ularning qo‘li doimo issiq.
Ko‘zi – tashvishli.
Yuragi – og‘ir, ammo sabrli.
So‘zlari oddiy, ammo ularning orqasida tog‘dek mehr yotadi.

Har bir ona — o‘z farzandining baxti uchun yashaydi.
U charchaydi, lekin bildirmaydi.
O‘ksinadi, lekin o‘zini tutadi.
Ko‘zida yosh bo‘lsa ham, labida tabassum bo‘ladi.

Onalar bir-biriga o‘xshaydi, chunki hammasining yuragida bitta so‘z yashaydi — “bolam”.

Siz bugun onangizga “rahmat” dedingizmi?

@nodirbek_abdulhaev

Bu insonni qancha dard bilan gapirishini qarang, shunchaki respect.

Xursand bo’lganim agar rivojlanish boshlanmaganda shunday insonlar hech qachon ommaga chiqmasdi.

“Qog’oz narxi oshganini tualet qog’ozidan bilgan insonlar - o’ylayvering ular qayeri bilan o’ylashini” - Iqtibosning eng 🔥.

@nodirbek_abdulhaev

“Dialektika qonunlari qiziq ekan. Bugun yoʻqotasan, ertaga topasan.”
— Oʻtkir Hoshimov

Hayotda ba’zan yo‘qotish — faqat yangi imkoniyatga joy yaratishdir.
Bugun yutqazgan narsang, ertaga seni yanada kuchliroq qiladi.
Har bir xato, har bir tushkunlik, har bir muvaffaqiyatsizlik — bu faqat yangi bosqichning boshlanishi.

Balki bugun sening uchun hammasi og‘ir ko‘rinadi.
Balki harorat yuqori, va qiyinchiliklar orqasida faqat qorong‘ulikni ko‘rasan.
Lekin esingda bo‘lsin: har bir yo‘qotish, seni yangi yutuqqa olib keladi.

Bugun yo‘qotilgan narsani, ertaga topasan — yangi kuch, yangi imkoniyatlar bilan.

@nodirbek_abdulhaev

Bir yosh bola 6-7 sinf bolasi magazindan chiqib savol beryapti:

- Oka, nega biz damaschilarga, magazinchilarga Pul xam berib, xam Rahmat aytamiz?

Aslida mani javobim aniq, chunki bizga maxsulot beradi, shunday desam, - biz pul beramiz, dedi u.

Qisqasi sizning fikringizcha kim kimga aytishi kerak rahmatni? 😅

🔥 - sotib oluvchi
♥️ - sotuvchi
💯 - boshqa gap aytilishi kerak

@nodirbek_abdulhaev

Davomi 🔥

https://youtu.be/lXthzAZtFJs - To'liq versiyasi. Barchaga tavsiya qilgan bo'lardim.

@nodirbek_abdulhaev