#Talaba_ijodidan

🥀 BAHOR

Lahzalarga teng umrim, asli,
Ko‘z ochib yumguncha o‘tadi.
Ostonamda go‘zallik fasli,
Uyg‘onishim intiq kutadi.
🍃🌸🍃
Samolarda minglab yulduzlar,
Nigohida sirli kelajak.
Shodlik aro necha gul yuzlar,
Tug‘iliboq uni ko‘rajak.
🍃🌸🍃
Balki birdan mast bo‘lib qolar,
Gul taqqanda daraxtlar shoxi.
Tashrifingga sumalak solar
Qiz-ayollar, o‘tli nigohi.
🍃🌸🍃
Armonlar ham erib ketadi,
To‘lib-toshib oqadi soylar.
Yalpizlaring terib ketadi,
Gul shoxingdan yuzi chiroylar.
🍃🌸🍃
Vasling aro tug‘ilar olam,
Tuproq uzra unib chiqar nish.
Seni qancha bitmasin qalam,
Bir maysangcha bo‘lolmas olqish.
🍃🌸🍃
Hayot sendan boshlanar doim,
Xayol uchar bog‘laring aro.
Izlaringni bosar har odim,
Umrimizga berarsan oro.
🍃🌸🍃
Bugun tongni quchoqlagayman,
Xuddi sendek olamni suyib.
Har bir jondan so‘roqlagayman,
Sen haqingda sevgingni tuyib.
🍃🌸🍃
Balki, qushlar tinmay sayraydi,
Jilg‘alarda tinmay oqar suv.
Seping uzra endi yayraydi,
Qir-adirni to‘ldirib suruv.
🍃🌸🍃
Kelinchakdek bezanmish bog‘lar,
Bu dunyoni etgancha maftun.
Hatto erib ketmoqda tog‘lar,
Mehr nuring tushgani uchun.
🍃🌸🍃
Men vaslingga intizor oshiq,
Nafasingdan xushhol mastona.
Quchganimcha bag‘ringni issiq,
Bolaligim qo‘msayman, Ona!..

Hamid IKROM
Qo‘qon universiteti talabasi.

⚡️Do‘stlar, bugundan boshlab sizlarga chet tillarini bepul o’rganish imkoniyatini taqdimot etmoqchimiz. Marhamat, ingliz tilidan ilk 10ta darslarni ko’ring va bepul til o’rganing. Bu imkoniyatni do’stlaringiz va yaqinlaringizga ham yetkazing.

Ingliz tilidan 1-dars;
Ingliz tilidan 2-dars;
Ingliz tilidan 3-dars;
Ingliz tilidan 4-dars;
Ingliz tilidan 5-dars;
Ingliz tilidan 6-dars;
Ingliz tilidan 7-dars;
Ingliz tilidan 8-dars;
Ingliz tilidan 9-dars;
Ingliz tilidan 10-dars;

✊ "Ibrat Farzandlari" bilan xorijiy tillarni oson, kreativ va mutlaqo bepul usulda o‘rganing!

👉 https://t.me/ibratfarzandlari