"Biz uchun birinchi o‘rinda ta'lim, ta'lim va yana ta'lim turadi"
Shavkat Mirziyoyev

✍ Qo‘qon universitetida Buvayda tumani Maktabgacha ta'lim bo‘limining konferensiyasi o‘tkazildi

Qo‘qon universiteti bilan hamkorlikda o‘tkazilgan hisobot konferensiyasini universitet rektori v.b G‘afurjon Zahidov tabrik so‘zi bilan ochdi. Muhim raqamlarga e'tibor qaratib, oliygohimizda bugungi kunda Buvayda tumanilik 127 nafar talaba-yoshlar ta'lim olayotgani, ularning 105 nafari aynan ta'lim yo‘nalishlarida o‘qishi, kelgusida bu yoshlar zamonaviy bilimlar bilan Maktabgacha ta'lim tizimi ravnaqiga hissa qo‘shishlarini ta'kidladi.

Anjumanda universitetda ta'lim sifatini oshirish, talabalarda zamonaviy kasbiy kompetensiyalarni shakllantirish borasida viloyat, shahar va tumanlar Maktabgacha ta'lim boshqarma va bo‘limlari rahbariyatlari bilan hamkorlik izchil davom ettirilishi aytib o‘tildi. Universitet tizimni nafaqat malakali mutaxassislar bilan ta'minlash, balki soxa xodimlarining malakasini oshirishga hissa qo‘shishga tayyorligi ma'lum qilindi.

Buvayda tumani hokimligi va Maktabgacha ta'lim bo‘limi tomonidan universitet rahbariyatiga hamkorlik uchun minnatdorchilik bildirildi, Tashakkurnoma va esdalik sovg‘alari topshirildi.

Anjumanda tuman hokimining o‘rinbosari G‘ayratjon Mamajonov so‘zga chiqib, Qo‘qon universiteti faoliyati xususida iliq fikrlar bildirdi.

Qo‘qon universitetining Maktabgacha ta'lim yo‘nalishi bitiruvchilari so‘zga chiqib, mehnat faoliyatlari davomidagi ilk xulosalari bilan bo‘lishdilar va tarbiyachilar uchun muhim tavsiyalar berdilar.

Avgust kengashi sho'balar kesimida davom etdi.

🔗 @kokanduniversity

🇺🇿🇰🇷 Qo‘qon universiteti talabasi Janubiy Koreyaga ta'lim oladi

Qo‘qon universitetining Xorijiy til va adabiyoti: ingliz tili yo‘nalishi talabasi Abduvohid Halimjonov talaba almashinuv dasturi bo‘yicha Janubiy Koreyaning Joongbu universitetida bir semestr bepul ta'lim olish imkoniyatiga ega bo‘ldi. Bu bilimli talabamiz koreyalik professorlar suhbatidan muvaffaqiyatli o‘tdi.
--------------------------
Ma'lumot o‘rnida, joriy yilning iyun oyida Qo‘qon universiteti va Joongbu universiteti rahbariyatlari o‘rtasida memorandum imzolangan va almashinuv dasturlarini amalga oshirish rejalashtirilgan.Joongbu universiteti 1992-yilda tashkil etilgan bo‘lib, sifatli ta’lim va tadqiqot falsafasi asosida bilim beriladi. Statistik ma’lumotlarga ko‘ra, ushbu universitet bitiruvchilarining ish bilan ta’minlanish darajasi mamlakatdagi o‘rtacha ko‘rsatkichdan 58% yuqori. Universitetda chet ellik talabalar uchun koreys tili kurslari mavjud.

🔗 @kokanduniversity

✍ Qo‘qon shahrida yoshlar uchun muhim tashabbus amalga oshirilmoqda 

“Yuksalish” umummilliy harakati, YUNISEFning O‘zbekistondagi vakolatxonasi va Yoshlar ishlari agentligi hamkorligida O‘zbekistonning 6 ta shahri, xususan Qo‘qonda "Yoshlar uchun do‘stona mahalliy boshqaruv tashabbusi" amalga oshirilmoqda.

Ishchi guruh tuzilib, yoshlarning farovonligi, sifatli ta’lim-tarbiya olishini ta’minlashga qaratilgan infratuzilma ob’yektlari, jumladan Qo‘qon universitetidagi shart-sharoitlar o‘rganildi. Qo‘qon universiteti tashabbusni amalga oshirish uchun muloqot maydoni vazifasini o‘tamoqda.

Ushbu tashabbus mahalliy boshqaruv tizimida yoshlarning huquqlari, fikri va ehtiyojlarini davlat siyosati, dasturlarning ajralmas qismiga aylantirishga yordam beradi. Shuningdek, mahalliy hokimlik, yoshlar bilan ishlovchi barcha tizim va muassasalar faoliyatini yoshlarga mos tarzda rejalashtirishga xizmat qiladi.

🔗 @kokanduniversity