АҚШ долларининг расмий курси пастлади

Марказий банк 25 октябрдан хорижий валюталарнинг ўзбек сўмига нисбатан янги қийматини белгилади.

Каналга уланинг:👉@humanuzofficial

Зоир Мирзаев янги лавозимга тайинлангани ҳақидаги хабарлар рад этилди

Ижтимоий тармоқларда Тошкент вилояти ҳокими Зойир Мирзаев қишлоқ хўжалиги вазири этиб тайинланиши мумкинлиги ҳақида хабарлар тарқалди. Вилоят ҳокими матбуот котиби Беҳзод Қобулов бу хабарларни рад этди.

«Бу гаплар ҳақиқатга тўғри келмайди. Тошкент вилояти ҳокими Зойир Мирзаев айни пайтда ўз ишини давом эттирмоқда ва кун тартибига мувофиқ, белгиланган вазифалар, чора-тадбирлар ижроси билан банд», — деди у.

Каналга уланинг:👉@humanuzofficial

Туркия президенти Швециянинг NATOга киришини тасдиқловчи ҳужжатни имзолади

Туркия президенти Режеп Таййип Эрдоған Швециянинг NATOга киришини тасдиқловчи ҳужжатни имзолади. Бу ҳақда Туркия раҳбари маъмурияти маълум қилди.

“2023 йил 23 октябрда Швециянинг NATOга кириши ҳақидаги протокол Президент Режеп Таййип Эрдоған томонидан имзоланди ва ҳужжат кўриб чиқиш учун Туркия Буюк миллат мажлисига юборилди”, – дейилади президент маъмуриятининг алоқа бўлими ижтимоий тармоқдаги саҳифасида.

Каналга уланинг:👉@humanuzofficial

Оқдарёда 3 киши ис газидан заҳарланиб вафот этди

Самарқанд вилоятининг Оқдарё туманида 3 киши ис газидан заҳарланиб вафот этган. Бош прокурор матбуот котибининг хабар беришича, мазкур ҳолат юзасидан тегишли модда билан жиноят иши қўзғатилган.

Каналга уланинг:👉@humanuzofficial

Янги қишлоқ хўжалиги вазири тайинланди

Қарши шаҳрида президент Шавкат Мирзиёев раислигида Қашқадарё вилоятини ижтимоий-иқтисодий ривожлантириш масалалари юзасидан ўтаётган йиғилишда олий таълим, фан ва инновациялар вазири Иброҳим Абдураҳмонов қишлоқ хўжалиги вазири этиб тайинланиши ҳақида эълон қилинди.

Каналга уланинг:👉@humanuzofficial

Шаҳрисабз аэропортида фуқаро авиацияси йўлга қўйилади

Қарши шаҳрида президент раислигида ўтказилаётган йиғилишда Шаҳрисабз аэропортида фуқаро авиацияси йўлга қўйилиши таъкидланди.

1 январдан бошлаб Шаҳрисабз аэропортига янги ATR самолёти парвозлари йўлга қўйилиб, Самарқанд, Бухоро, Хоразм ва водий вилоятларига маҳаллий рейслар кўпайтирилади. Тошкент-Қарши йўналишида авиарейслар ҳафтасига 2 мартадан 7 мартага оширилади.

Натижада, авиачипталар нархи 2 баробар арзонлашади, хорижий ва маҳаллий сайёҳлар оқими эса 3 баробар кўпаяди.

Мутасаддиларга “Тахтақорача” довонидан ўтиш талабларини енгиллаштириш топширилди.

Келгуси йилда “Тахтақорача” довонида янги тоннел ва йўл қуриш лойиҳаси бошланади. Хитойлик инвесторлар билан бирга Самарқанд билан Шаҳрисабзни боғловчи 30 километр йўлни таъмирлаш ишлари бошланади.

Шунингдек, “Ғузор-Бухоро-Нукус-Бейнеу” йўлининг Қашқадарёдан ўтган 100 километр қисмини таъмирлашга 122,5 миллион доллар жалб қилинади.

Умуман, келгуси йилда хорижий сайёҳларни 500 мингтага етказиш вазифаси қўйилди.

Каналга уланинг:👉@humanuzofficial

АҚШ долларининг расмий курси яна пастлади

Марказий банк 26 октябрдан хорижий валюталарнинг ўзбек сўмига нисбатан янги қийматини белгилади.

Каналга уланинг:👉@humanuzofficial

Буюк Британияда қашшоқ аҳоли сони қарийб 4 млн. нафарга етди

Буюк Британияда қашшоқлик ортиб бормоқда. Ўтган йили Буюк Британиянинг 3,8 миллион аҳолиси, жумладан, бир миллион бола қашшоқликка дуч келди, деб хабар бермоқда Кazinform агентлиги.

Joseph Rowntree Foundation нодавлат ташкилоти томонидан ўтказилган тадқиқот шуни кўрсатадики, сўнгги уч йилда Буюк Британияда қашшоқлик даражаси 61 фоизга ошган. Ёрдамга муҳтож болалар сони 2017 йилдан буён уч баравар ошди.

Қашшоқлик асосий жисмоний эҳтиёжларни қондира олмаслик сифатида тавсифланади. Бу озиқ-овқат етишмаслиги, уй-жой етишмаслиги, кийим-кечак ва оддий инсон ҳаёти учун зарур бўлган бошқа нарсаларнинг йўқлиги.

Бундан ташқари, коммунал тўловларни ўз вақтида тўламаслик, истеъмол кредити бўйича тўловларни кечиктириш сўровда қатнашганларнинг аксариятига хос бўлди. Озиқ-овқат банкларидан фойдаланувчиларнинг улуши эса 2019 йилдаги 22 фоиздан 2022 йилда 35 фоизгача ошди.

Йўқчилик қашшоқликда яшаётган одамларнинг аҳволини мураккаблаштиради ва ёмонлаштиради. Улар орасида қарзларнинг кўпайиши, озиқ-овқат банкларига қарамлик, уй-жой етишмаслиги ва озиқ-овқат тақчиллиги вазиятни янада оғирлаштиради.

Тадқиқот муаллифлари Буюк Британиянинг ижтимоий таъминот тизими қашшоқликнинг олдини олмайди деган хулосага келишди, чунки ижтимоий нафақаларнинг асосий ставкаси шунчалик пастки, у мамлакатдаги қашшоқлик чегарасини енгиб чиқа олмайди.

Шу сабабли, бугунги кунда ижтимоий қўллаб-қувватлаш ҳуқуқига эга бўлмаган муҳожирлар билан чегараланган қашшоқликка асосан Буюк Британия фуқаролари ва ижтимоий нафақа оладиган оилалар дуч келмоқда.

Каналга уланинг:👉@humanuzofficial

Исроил Ғазо секторига қуруқликдан бостириб киришга тайёрланмоқда

Бош вазир Биньямин Нетаньяху Исроил Ғазо секторига қуруқликдан бостириб киришга тайёрланаётганини айтди, бироқ бу қачон амалга ошишига аниқлик киритмади, деб хабар бермоқда Financial Times нашри.

Чоршанба оқшомида халққа телемурожаатида Исроил раҳбари ҲАМАС жангари гуруҳига қарши “ерда, ер остида, Ғазода ва ундан ташқарида” курашишга ваъда берди, бироқ қуруқликдаги операция қачон ўтказилишини айтмади. "Биз ёруғлик ўғилларимиз, улар эса зулмат ўғиллари", – деди Нетаньяху.

Унинг сўзлари Ғазо сектори билан чегарада Исроил қўшинларининг кенг кўламли жойлаштирилиши ва минтақада АҚШ ҳарбий кучларининг тўпланиши фонида янграган.

"Биз қуруқликка бостириб киришга тайёрланяпмиз. Қачон, қандай ва қанча [аскарлар бўлишини] аниқ айтмайман”, – деди Нетаньяху, ҳаммаси қора кийинган, исроилликларга прайм-тайм нутқида.

Нетаньяху қуруқликдаги босқин вақти ҳарбий вазирлар маҳкамасининг бир овоздан қабул қилинган қарори билан белгиланишини айтди. "ҲАМАСнинг барча аъзолари ўлади", – деб таъкидлади у.

Каналга уланинг:👉@humanuzofficial

Ҳудудлардаги ўртача маошлар эълон қилинди

Статистика агентлигига кўра, 2023 йил январь-сентябрь ойларида ўртача иш ҳақи 4 млн 409,4 минг сўмни ташкил этди ва бу 2022 йилнинг мос даврига нисбатан 18,1 фоизга кўп.

Ўртача ойлик иш ҳақи ҳудудлар кесимида (сўмда):

— Тошкент шаҳри — 7 186 900;
— Навоий вилояти — 5 750 300;
— Тошкент вилояти — 4 419 200;
— Андижон вилояти — 3 850 400;
— Бухоро вилояти — 3 785 800;
— Хоразм вилояти — 3 649 300;
— Қорақалпоғистон Республикаси — 3 638 200;
— Сирдарё вилояти — 3 533 600;
— Жиззах вилояти — 3 388 400;
— Фарғона вилояти — 3 340 400;
— Сурхондарё вилояти — 3 314 200;
— Самарқанд вилояти — 3 298 900;
— Наманган вилояти — 3 258 800;
— Қашқадарё вилояти — 3 200 800.

Каналга уланинг:👉@humanuzofficial

АҚШ долларининг расмий курси кўтарилди

Марказий банк 27 октябрдан хорижий валюталарнинг ўзбек сўмига нисбатан янги қийматини белгилади.

Каналга уланинг:👉@humanuzofficial

Қарши туманига янги ҳоким тайинланди

Бугун халқ депутатлари Қарши тумани Кенгашининг навбатдан ташқари сессияси бўлиб ўтди. Унда ташкилий масала кўриб чиқилди.

Сессияда депутатлар Алиқулов Зоир Халиловични Қарши тумани ҳокими лавозимига тасдиқлашди.

Зоир Алиқулов 1979 йилда Қарши шаҳрида туғилган. Ички ишлар академияси, академиянинг магистратура ва олий академик курсларини тамомлаган.

Тайинловга қадар у Деҳқонобод тумани ҳокими лавозимида ишлаб келаётган эди.

Каналга уланинг:👉@humanuzofficial

Ҳиндистон канадаликлар учун виза хизматини тиклади

Ҳиндистон сентябрь ойида юз берган йирик дипломатик можародан сўнг тўхтатилган канадаликлар учун виза хизматларини қайта йўлга қўяди, дея маълум қилди Ҳиндистоннинг Оттавадаги Олий комиссияси.

Визанинг тўхтатилиши Канада ҳудудида сикх сепаратистининг ўлдирилиши билан боғлиқ катта можаролар фонида содир бўлди.

Оттава Ҳиндистонни қотилликка алоқадорликда айблади, Нью-Деҳли бу айбловни "абсурд" деб атади.

Ҳиндистон чоршанба куни ўз ваколатхоналаридаги хавфсизлик билан боғлиқ вазият кўриб чиққандан сўнг, баъзи визаларни беришни давом эттиришини айтди. Баёнотда, шунингдек, Ҳиндистон “кейинги қарорлар вазиятга қараб қабул қилиши” айтилган.

Кириш, бизнес ва тиббий визалар пайшанба куни қайта тикланиши кутилмоқда. Ҳиндистоннинг Торонтодаги Бош консуллиги маълумотларига кўра, кириш визалари фақат “ҳиндистонлик шахслар”, уларнинг турмуш ўртоқлари ва фарзандлари учун мўлжалланган. Улар Ҳиндистон фуқаросининг яқин қариндошларига ҳам тегишли.

Каналга уланинг:👉@humanuzofficial

Азизов Абдулла Абдисаламович Фармацевтика тармоғини ривожлантириш агентлиги директори этиб тайинланди

Бунга қадар у “Олмалиқ кон-металлургия комбинати” АЖ бошқаруви раисининг Рақамлаштириш бўйича ўринбосари лавозимида ишлаб келган.

Каналга уланинг:👉@humanuzofficial

Метрополитен: Ер усти ҳалқа йўлининг айрим бекатлари 3 кунга ёпилади

Тошкент метрополитени ахборот хизматининг маълум қилишича, “Ер усти ҳалқа йўли” йўналишининг II босқичидаги Қурувчилар даҳасидан Сергели мавзесигача бўлган Турон (13-бекат) ва Қипчоқ (14-бекат) метро бекатларида қурилиш ишларининг сўнгги босқичи амалга оширилмоқда.

Шу муносабат билан 3-5 ноябрь кунлари 3 кун муддатга “Ер усти ҳалқа йўли” йўналишининг Толариқ (10-бекат),
Хонобод (11-бекат), Қурувчилар (12-бекат) бекатларида поездлар ҳаракати тўхтатилади.

Йўловчиларга ноқулайлик туғдирмаслик мақсадида “Қиёт” (9-бекат) ва “Қурувчилар” (12-бекат) бекатлари оралиғида бепул хизмат кўрсатувчи қўшимча автобуслар ҳаракати йўлга қўйилади.

Каналга уланинг:👉@humanuzofficial

Ўзбекистоннинг Австриядаги элчиси тайинланди

Бахтиёр Иброҳимов Венада фавқулодда ва мухтор элчи этиб тайинланди.

У мазкур тайинловга қадар Нью-Йоркда Ўзбекистоннинг БМТдаги доимий вакили (2017–2023) лавозимида ишлаган.

Каналга уланинг:👉@humanuzofficial