#Yoshlar_Ittifoqi
#Koordinatorlar

"Kabobjon" championati bo'lib o'tdi!

Guliston davlat pedagogika instituti TTJ hovlisida o‘zbekning eng mazali taomlaridan biri bo‘lgan kabob pishirish bo‘yicha chempionati bo‘lib o'tdi.

Tadbir uchun turli yo‘nalish talabalaridan guruhlar tashkil qilinib, har bir guruh turli ko‘rinishdagi: mol go‘shtili to‘g‘ramchi, qiyma shashlik, tovuq go‘shtili shashliklarni zo‘r mahorat va ishtiyoq ila tayyorladilar.

Ushbu jarayon davomida shashliklarning me'yor darajasida pishirilishi, ishtirokchilarning gigiеna talablari doirasida harakat qilishlari hamda estetik did ila hakamlarga taqdim etish kabi jihatlari baholab borildi.

Yakuniy natijalarga ko'ra: Texnologik ta'lim yo'nalish talabalari g'oliblikni qo'lga kiritishdi.

Telegram | Instagram | YouTube | Facebook | Website

"TALABALAR LIGASI" musobqasi bo'lib o'tdi

Oliy taʼlim, fan va innovatsiyalar vazirligi, Yoshlar siyosati va sport vazirligi, Oʻzbekiston talabalar sporti Assotsiatsiyasi, Oʻzbekiston futbol assotsiatsiyasi, Oʻzbekiston Basketbol federatsiyasi, Oʻzbekiston Voleybol federatsiyasi, Oʻzbekiston Stol tennisi federatsiyasi, Oʻzbekiston Shaxmat federatsiyalari bilan birgalikda tasdiqlangan Qoʻshma qarorlarga muvofiq OTM talaba yoshlari o'rtasida "Talabalar ligasi" doirasida Basketbol sport o'yini bo'lib o'tdi.

Murosasiz kechgan bahslar yakunida Guliston davlat pedagogika instituti talabalari faxrli 2-o'rinni qo'lga kiritdi.

Prezidentimiz ta'kidlaganidek, yoshlarni sportga keng jalb qilish va ular orasidan iqtidorli sportchilarni saralab olish, sport turlari bo‘yicha yuqori natijalarni ta’minlaydigan mahoratli sportchilar bilan milliy terma jamoalarni shakllantirish va trenerlar uchun qo‘shimcha shart-sharoitlar yaratish maqsadga muvofiqdir.

Telegram | Instagram | YouTube | Facebook | Website