Toshkent shahridagi Inha universitetida raqamli transformatsiya bo‘yicha xalqaro konferensiya bo‘lib o‘tdi

2025-yil 16-17-aprel kuni Toshkent shahridagi Inha universitetida Toshkent amaliy fanlar universiteti va O‘zbekiston Respublikasi Raqamli texnologiyalar vazirligi huzuridagi Raqamli iqtisodiyot tadqiqotlari markazi hamkorligida "Raqamli transformatsiya: axborot texnologiyalari, sun’iy intellekt va iqtisodiyotda yangi davr" mavzusida xalqaro ilmiy-amaliy konferensiya bo‘lib o‘tdi.

Konferensiyada Turkiya, Germaniya, Belarus, Rossiya, Qirg‘iziston va boshqa mamlakatlardan olim va ekspertlar ishtirok etdi.
Ishtirokchilar raqamli rivojlanishning asosiy yo‘nalishlari bo‘yicha tadqiqotlar va ma’ruzalar taqdim etdilar:
• raqamli transformatsiya va IT
• sun’iy intellekt
• kiberxavfsizlik
• raqamli moliya
• ta’lim va iqtisodiyotdagi innovatsiyalar

Konferensiya tajriba, g‘oyalar va hamkorlik istiqbollari almashish uchun platformaga aylandi.

@fozilovblog

#xalqaro_sammit #vazir

“Tech Horizon 2025”: Taʼlim va innovatsiyalar chorrahasidagi xalqaro sammit

17-aprel kuni Toshkent shahridagi Hilton Tashkent City mehmonxonasida “Mirzo Ulugʻbek vorislari” tayyorlov oʻquv kurslari markazi hamda “Science and Innovation” xalqaro ilmiy jurnali hamkorligida “Tech Horizon 2025: IT va innovatsiyalar sammiti” xalqaro ilmiy-amaliy anjumani boʻlib oʻtdi.

Tadbirni Oliy taʼlim, fan va innovatsiyalar vaziri Qoʻngʻirotboy Sharipov tantanali ravishda ochib berdi. Vazirning taʼkidlashicha, bu kabi anjumanlar zamonaviy taʼlim tizimini rivojlantirish, xalqaro hamkorlikni mustahkamlash va innovatsion yondashuvlarni amaliyotga joriy etishda muhim ahamiyat kasb etadi.

Anjumanda 15 nafarga yaqin xorijiy olimlar, 300 dan ziyod mahalliy professor-oʻqituvchi, doktorant, mustaqil tadqiqotchi va iqtidorli talabalar faol ishtirok etdi. Shuningdek, yetakchi IT kompaniyalar va ish beruvchi tashkilotlar vakillari ham sammit doirasida oʻtkazilgan baxs-munozaralarda qatnashdilar.