Диққат! Диққат!

Ҳамватанони азиз! Дар шабакаҳои иҷтимоӣ аз қаллобони молиявӣ ва ба ном “ширкатҳои адвокатӣ” эҳтиёт бошед! Ҳушёриро аз даст надиҳед, зеро бехатарии молиявии шумо - дар дасти шумост!

Ҷиҳати татбиқи бандҳои дахлдори Стратегияи миллии фарогирии молиявии Ҷумҳурии Тоҷикистон барои солҳои 2022-2026, Бонки миллии Тоҷикистон якҷо бо Созмони байналмилалии муҳоҷират @iomtajikistan дар шаҳри Душанбе тренинги омӯзишӣ оид ба саводнокии молиявӣ баргузор намуданд.

Тренерон аз тамоми гӯшаву канори Тоҷикистон бо малакаҳои муҳимми омӯзонидани муҳоҷирони меҳнатӣ ва оилаҳои онҳо шинос карда шуданд.

Аксари муҳоҷирон ва наздикони онҳо дар идоракунии устувори даромад ва интиқоли маблағҳои худ ба мушкилот дучор мешаванд. Тренерон ба омӯзонидани идоракунии оқилонаи интиқоли пулӣ аз Британияи Кабир ба Тоҷикистон, сарфаи оқилона ва коркарди пул дар Британияи Кабир, дарки ҳуқуқҳои молиявӣ дар Британияи Кабир омӯзонида шуданд.

Рӯзҳои наздик тренерони омӯзонидашуда дар як қатор шаҳру ноҳияҳои ҷумҳурӣ машваратҳои саводнокии молиявиро барои муҳоҷирони меҳнатӣ ва оилаҳои онҳо хоҳанд гузаронид.

Модарони Азиз! Шуморо ба муносибати ҷашни фархундаи баҳору зебоӣ - рузи модар табрику муборакбод гуфта, бароятон пеш аз ҳама сиҳатмандии комил, хушҳолии рӯзгор, бахту саодати ҳамешагӣ ва барору комёбӣ орзумандем.

Бигзор дили шумо ҳамеша монанди чашмаҳои куҳистони диёрамон поку мусаффо ва мисли табиати ҳамешабаҳори Тоҷикистони азизамон зебову муҷалло бошад!

Мутобиқи моддаи 39(1) Қонуни Ҷумҳурии Тоҷикистон “Дар бораи ҳимояи ҳуқуқи истеъмолкунандагон” хизматрасонии молиявии ташкилотҳои қарзӣ ва суғуртавӣ аз ҷониби Бонки миллии Тоҷикистон тибқи қонунгузории Ҷумҳурии Тоҷикистон танзим ва назорат карда мешавад.

Тибқи моддаи 6 Қонуни Ҷумҳурии Тоҷикистон “Дар бораи Бонки миллии Тоҷикистон” ташкили шароити мусоид барои ҳимояи ҳуқуқҳои истеъмолкунандагони хизматрасониҳои низоми бонкӣ ва ташкилотҳои ғайриқарзии молиявӣ яке аз вазифаҳои асосии Бонки миллии Тоҷикистон мебошад.

Дӯстони азиз!

Шуморо бо иди ҷаҳонии Наврӯзи мардуми тоҷику форс муборак гуфта, бароятон рӯзгори фаровон ва пирӯзию хушиҳо таманно дорам. Бигузор файзу баракати Наврӯз ба зиндагониатон рангу таровати тоза бахшида дастархонатонро пурфайз гардонад.

Наврӯз муборак!

Истиқоматкунандагони ноҳияи Данғара, Диққат!

Ба наздикӣ чорабинӣ бахшида ба баланд бардоштани сатҳи саводнокии молиявӣ баргузор мегардад.

Ин имконияти бениҳоят хуб барои гирифтани маълумот оид ба идоракунии дурусти маблағҳо, сармоягузорӣ, банақшагирии хароҷотҳо ва як қатор маслиҳатҳои молиявии дигар мебошад!

Идоракунии маблағҳои худ - як маҳорати муҳимест, ки барои расидан ба суботи молиявӣ кӯмак мекунад. Ин маънои тартиб додани буҷет, сарфа, сармоягузорӣ ва қабули қарорҳои молиявии огоҳонаро дорад. Шурӯъ аз ҳозир оғоз кунед ва пулҳои худро оқилона идора кунед! 💼💰

Саводнокии молиявӣ барои ҳамагон маҳорати муҳим аст! Омӯзиши идоракунии молияи худ ба шумо кӯмак мекунад, ки аз қарз канорагирӣ кунед ва мустақилияти молиявиро ба даст оред то ки ба ҳадафҳои худ расед. Таъхир накунед, имрӯз оғоз кунед - асосҳои буҷетсозӣ, сармоягузорӣ ва банақшагирии ояндаи молиявии худро омӯзед. 💼💰

Дӯстон салом!
Имрӯз мехоҳем ба Шумо оид ба воситаҳои асосӣ, ки барои баланд бардоштани сатҳи саводнокии молиявиятон кӯмак мерасонанд, маълумот пешниҳод намоем.

Дар шабакаи интернетӣ як қатор сомонаҳо, блогҳо, наворҳо ва замимаҳои мобилию компютерӣ мавҷуданд, ки тавассути онҳо Шумо метавонед оид ба банақшагирии хароҷотҳо, сармоягузорӣ, идоракунии қарзҳо ва дигар маълумоти заруриро пайдо намоед. Баъзе аз ин воситаҳо курсҳо ва ё тренингҳои фосилавӣ пешниҳод менамоянд, ки пас аз омӯзиши он Шумо маҳорати банақшагирии молиявӣ ва қабули қарорҳои дурусти молиявиро аз худ менамоед.

Воситаҳои зеринро истифода баред, то ки саводнокии молиявии худро беҳтар намуда устувории молиявиро ба даст оред. Мувафаққият!

Фестивали саводнокии молиявӣ ҷиҳати татбиқи босамари Стратегияи миллии фарогирии молиявии Ҷумҳурии Тоҷикистон барои солҳои 2022-2026 баргузор мегардад.

Чорабинии мазкур бо ташаббуси Бонки миллии Тоҷикистон (БМТ) гузаронида мешавад.

МАҚСАД ВА ҲАДАФҲОИ ЧОРАБИНӢ:

Мақсад аз баргузории фестивали саводнокии молиявӣ - васеъ намудани дастрасии аҳолӣ ба хизматрасониҳои молиявию суғуртавӣ, баланд бардоштани сатҳи саводнокии молиявӣ тавассути гузаронидани чорабиниҳои ҷолиб мебошад.

Ҳадафҳои фестивали саводнокии молиявӣ:
- Ҳавасмандкунии аҳолӣ ҷиҳати баланд бардоштани сатҳи саводнокии молиявӣ;
- Шиносоии иштирокчиён бо хизматрасониҳои молиявӣ ва суғуртавӣ;
- Пешниҳоди хизматрасониҳои молиявӣ ва суғуртавӣ.

Чӣ тавр нақшаи дурусти буҷети оилавиро тартиб диҳем?

Дар аввал тартиб додани буҷети шахсӣ ё  оилавӣ осон нест. Бо назардошти чӣ қадар пул барои ғизо, пардохтҳои коммуналӣ, талаботи хонавода лозим аст, мо тақрибан хароҷоти худро ҳисоб карда метавонем.

Аммо баъзан хароҷоти ғайричашмдошт ба монанди пардохти хизмати духтури дандон, сафари ғайримунтазир ва диг. пайдо мешавад. Ҳангоми баҳисобгирӣ ва банақшагирии бюджет, шартҳои асосии некӯаҳволии молиявии оиларо дар хотир доред:
1. Даромад ва хароҷоти оиларо ба ҳисоб гирифтан.
2. Нақшаро барои давраи муайян тартиб додан.
3. Амонатгузорӣ.
4. Сарфакорӣ.
5. Дастаҷамъӣ

Қисмҳои асосии бюджет аз хароҷот иборат аст ва онҳоро ба қисмҳо ҷудо намудан мумкин аст:
• ҳатмӣ
• барои таҳсили фарзандон
• барои оила
• барои худ ва ғ.

Пасандоз  – ин  даромадҳои пулии аҳолӣ, ки бо мақсади захира кардани маблағи муайян барои таъмини эҳтиёҷоти худ дар оянда пасандоз карда  мешавад.

Барои чӣ пасандоз бояд кард?

* Дар сурати ҳолатҳои ғайричашмдошт анҷом додани хариди калон (инчунин сармояи ибтидоӣ хариди амволи ғайриманқул ва автомобил);
* Пардохти ҷашнҳои гуногун, истироҳат, табобат;
* Таваллуди кӯдак, пардохти маблағи таҳсили кӯдакон, тӯйҳо ва дигар хароҷоти марбут ба кӯдакон;
* Нигоҳ доштани сатҳи арзандаи зиндагӣ ҳангоми баромадан ба нафақа.

Ҳамватанони азиз!

Ҳамаи Шуморо бо фарорасии Иди саиди Фитр табрик ва муборакбод гуфта, ба Шумо зиндагии босаодат, файзу баракати рӯзгор, хушбахтиву некрӯзӣ ва хони пур аз неъмат таманно дорад!

Бигзор ҳама дуову орзуҳои неки мо амалӣ гарданд, ваҳдати мардум боз ҳам мустаҳкамтар гашта, осмони кишварамон ҳамеша софу беғубор бошад!

Иди саиди Фитр муборак!

В мире, где финансовая стабильность играет ключевую роль, умение экономить и инвестировать становится все более важным. Вот несколько стратегий, которые могут помочь достичь финансового успеха:

1. Установите цели: Определите свои финансовые цели на короткий, средний и длинный срок. Это может быть покупка дома, образование детей или пенсионное обеспечение. Чем четче определены ваши цели, тем проще составить план действий.

2. Составьте бюджет: Проследите за своими расходами и доходами, составив бюджет. Это поможет понять, куда уходят ваши деньги, и найти области, где можно сэкономить.

3. Экономьте: Сокращайте издержки, где это возможно, без ущерба для качества жизни. Это может включать в себя отказ от ненужных покупок, использование скидок и купонов, а также поиск более выгодных предложений на услуги.

4. Инвестируйте: Начните инвестировать свои сбережения. Разнообразьте портфель инвестиций, включая акции, облигации, недвижимость и другие активы. Инвестиции помогут вашим деньгам расти со временем и защитят их от инфляции.

5. Образование: Изучайте финансовые рынки и инвестиционные стратегии. Чем больше вы знаете, тем лучше сможете принимать обоснованные финансовые решения.

6. Риск и доходность: Помните, что чем выше потенциальная доходность инвестиции, тем выше и риск потери средств. Оценивайте риски и принимайте решения в соответствии с вашими финансовыми целями и уровнем комфорта.

Экономия и инвестирование требуют дисциплины и терпения, но они могут стать ключом к финансовой независимости и достижению желаемого уровня благосостояния.

Муҳтарам истеъмолкунандагон!
Дар асоси талаботи қисми 9 моддаи 55 Қонуни Ҷумҳурии Тоҷикистон “Дар бораи фаъолияти бонкӣ” ташкилоти қарзӣ ҳукуқ надорад, ки ба муштарӣ қарз дода ё хизмати дигар расонида, дар назди вай шарт гузорад, ки ҳатман аз дигар хизматрасониҳои ҳамин ташкилоти қарзӣ ё муассисаҳои он истифода барад.
Ҳангоми чунин шартгузорӣ аз ҷониби ташкилоти қарзӣ Шумо ҳуқуқ доред онро рад намоед.

Шаҳрвандони муҳтарам!
Тибқи талаботи моддаи 55 Қонуни Ҷумҳурии Тоҷикистон “Дар бораи фаъолияти бонкӣ” ва моддаи 3 Қонуни Ҷумҳурии Тоҷикистон “Дар бораи ташкилотҳои маблағгузории хурд” муносибати муштариён бо ташкилоти қарзӣ дар асоси шартнома сурат мегирад ва мӯҳлат, меъёрҳои фоизии қарзҳо, амонатҳо, пасандозҳо, инчунин ҳаққи хизмат аз ҷониби ташкилоти қарзӣ дар шартнома бо муштарӣ муқаррар карда мешаванд.
Бинобар ин, ҳангоми истифода бурдан аз хизматрасониҳои молиявии ташкилотҳои қарзӣ, аз ҷумла гирифтани қарз, гузоштани амонат, пасандоз ё дигар намуди хизматрасонӣ пеш аз бастани шартнома бо шартҳои асосии он бодиққат шинос шавед.