មេរោគចាប់ជំរិត (#ransomware) កំពុងតែបានវាយលុកមកលើអ្នកប្រើប្រាស់ IT នៅកម្ពុជាដោយសារតែភាគច្រើនគឺប្រើប្រាស់កម្មវិធីដែលមិនមានអាជ្ញាប័ណ្ណ ឬដែលយើងហៅថា Crack ឬ Patch នោះ។ ចោរព័ត៌មានវិទ្យាបានប្រើប្រាស់បច្ចេកទេសនេះ ដើម្បីធ្វើការពង្រីកការឆ្លងមេរោគរបស់ខ្លួនបានលឿន ដោយសារតែភាគច្រើន គឺប្រើប្រាស់កម្មវិធីដែលមិនមានអាជ្ញាប័ណ្ណ។

ជារៀងរាល់ថ្ងៃ មានអ្នកប្រើប្រាស់នៅកម្ពុជាជាច្រើនអ្នកតែងតែសាកសួរអំពីដំណោះស្រាយអំពីបញ្ហានេះ ... រីឯចំលើយដ៏ខ្លីគឺ ១/ត្រូវបង់លុយ (តែមិនប្រាកដថាបាន១០០ភាគរយ) ២/បើមិនបង់លុយ ត្រូវយកពី backup ៣/បើមិនបង់លុយ និងមិនមាន backup គឺមិនអាចស្រោចស្រង់ឡើយ។

សម្រាប់អ្នកដែលមិនទាន់ទទួលរងគ្រោះដោយមេរោគចាប់ជំរិតនោះទេ សូមអនុវត្តន៍តាមចំនុចល្អៗដូចខាងក្រោម៖

១.ជៀសវាងការប្រើប្រាស់កម្មវិធីដែលមិនមានអាជ្ញាប័ណ្ណបើសិនជាអាច
ធ្វើទៅបាន
២. កុំទាញយកកម្មវិធីពីប្រភពមិនច្បាស់លាស់ (មិនមែនជាវេបសាយ
របស់កម្មវិធីនោះ)
៣. កុំបើកមើល attachment ជាមួយនឹងអ៊ីម៉ែលដែលមានប្រភពមិន
ច្បាស់លាស់
៤. ធ្វើការអាប់ដេតកម្មវិធីរបស់អ្នកជាប្រចាំ និងប្រើប្រាស់កម្មវិធីទប់ស្កាត់ និងកំចាត់មេរោគ
៥. ធ្វើការថតចំលងឯកសាររបស់អ្នកទុក (មិនឱ្យភ្ជាប់ជាមួយនឹង network ឡើយ) ជាមួយនឹង USB Drive ឬ External HD

មានតែខ្លួនអ្នកទេ ដែលអាចការពារមិនឱ្យមានការឆ្លងមេរោគនេះបាន!

@OUPNarith