Bəzi insanların təhlükəsizliyə yanaşmasına heyranam.

Bu gün sükan arxasında maskada oturan, amma kəmərini bağlamayan sürücüyə rast gəldim.

​​"Transport for Baku" Parisdə 30 km/s sürət məhdudiyyətindən danışır, ardınca isə izləyicidən belə bir şərh gəlir ⬇️🖼
⠀
Əslində, belə insanları çox da qınamaq lazım deyil. Bir çox sahələrdə biz ilk növbədə intuitiv düşünürük, heç bir ətraflı təhlillər etmədən. Maşın varsa, deməli o yüksək sürətlə hərəkət etməlidir və onun üçün mümkün qədər geniş yollar inşa etmək lazımdır.
⠀
İnsan həyatına təhlükə isə keçir ikinci plana, bu haqda yalnız qəza olanda yadımıza salırıq.
⠀
Əminəm ki, bu səhifəni izləyiciləri arasında da belə düşünən insanların sayı az deyil.
⠀
Əsas problem bu düşüncənin dövlət qurumları, deputat və vəzifədə olan insanlarda olmasıdır.
⠀
Bu səhifənin məqsədi də daha çox insanları maarifləndirmək, ictimaiyyətdə təhlükəsiz şəhərlərə tələb yaratmaqdır.
⠀
Təbii ki, 10-15 ildən sonra biz bütün inkişaf etmiş ölkələrinin etdiyi səhvləri təkrarlayıb onların indiki vəziyyətinə gələcəyik. Amma müsbəyət dəyişiklikləri 5 il ərzində də etmək mümkündür. İctimaiyyət bunu tələb etsə.
⠀
Tələb edin, müraciətlər yazın - bu sizin qanuni vətəndaş hüququnuzdur.

Qrammatik səhvlər bir qırağa. Bu nömrəyə zəng vurursan, deyir təyin olunmayıb.
⠀
Yazırlar ki, bu nişanı DYP quraşdırıb, amma onu da qeyd etmək lazımdır ki, Bakı şəhərində yol nişanlarəna nəzarət 3 ildən çoxdur ki BNA-nın nəzdnindədir.
⠀
Nişanların monitorinqi sıfır dərəcəsindədir.

🚲 "Süni" velozolaq.
⠀
Neftçilər prospektində "Formula-1" yarışmasından sonra qalan xətlənmə sanki yolun kənarında velosiped zolağını nişanlandırıb.
⠀
Fikir verin, avtomobillər də bu yol çiyninə daxil olmur və hər zaman olduğu kimi yenə də rahat üç cərgə ilə hərəkət edir.
⠀
Bu bir daha onu göstərir ki, Bakıda əksər küçələrdə yolun kənarlarını velozolaqlar üçün ayırmaq olar və bunun heç bir mənfi təsiri olmayacaq (əksinə, velosiped zolağı əlavə buraxılış qabiliyyəti gətirəcək).
⠀
Video: Orxan Abi

İctimai nəqliyyat yenə həftəsonu işləməyəcək.
⠀
Görəsən, bu vəziyyətin dəyişməsi üçün insanlar mütləq hansısa kütləvi etiraz aksiyalarına çıxmalıdır ki yoxsa necə?

Hər gün şəhər və küçələrdə problemlər haqqında danışırsan, təkliflər verirsən, izləyicilərin göndərdiyi problemləri işıqlandırırsan və gözləyirsən ki, BNA, DYP və yaxud İcra Hakimiyyətindən kimsə gəlib problemi həll edəcək və yaxud heç olmasa "nəzərə alarıq" kimi cavab yazacaq.
⠀
Amma reallıq odur ki, dövlət qurumları arasında, ən azı bu məsələdə, ən vicdanlı qaz istismarı departamenti çıxdı.