♻️ Bakıda faciəvi şəkidlə zibil qabları çatışmazlığı var.

Onlar isə demək olarki əsasən şəhərin mərkəzindədir.

Dayanacaqlara qoyulan zibil qabları günlərlə təmizlənmir. Adicə Nizami küçəsində yerləşən binaların heyətlərinə girsəz natəmizliyi müşahidə edəcəksiniz.

Yaxşı şəhərlərdə zibil qabları necə olur? Ətraflı yeni məqalədə 👉 https://city4people.az/post/zibil-medeniyyeti/

Avtobus zolağına daxil olanlar dövlət büdcəsinin qeyri-neft sektoruna yatırım edirlər :))

(c) "Şedevr" səhifəsindən.

Bizim küçələri daha təhlükəsiz etmək və buraxılış qabiliyyətini artırmaq üçün bu cür transformasiyalara ehtiyac var.

Bura Sinqapurdur 🇸🇬
⠀
Bəzən deyirlər bu istiqamətdə inkişaf ancaq Avropada mümkündür, biz isə daha çox Asiyaya yaxın olan xalqıq.
⠀
Əslində, yol hərəkətinin təşkili və şəhərlərdə prioritetlər məhz bu istiqamətdə gedir. Amerika və Avstraliyada da belə nümunələr çoxdur.
⠀
Odur ki, bəhanə axtarmayaq.

🇳🇴 Norveçdə yaşayan izləyicimiz bu fotonu göndərib və qeyd edir:
⠀
Bu qədər boş ərazi olmasına rəğmən sırf piyadaların nizamlanmayan keçiddə rahat hərəkət etməsi üçün 1 zolaqlı avtomobil yolunun hissəsidir. Qarşı qarşıya gələn maşınlar bir-birinə yol verərək gözləyir.

Bu şəhəri necə sevməyəsən?

Foto: Lala Babayeva

​​❗️SƏNİN MAŞININ - SƏNİN MƏSULİYYƏTİNDİR❗️
⠀⠀
Bilirəm, bu post sürücü olan bir çox dostlarımızın xoşuna gəlməyəcək. Amma göydən düşüb bəzi reallıqları anlamaq lazımdır.
⠀
Dünyanın heç bir ölkəsində, o cümlədən Azərbaycanda, parkinq zəruri sosial xidmətlərə aid deyil. Dövlət vətəndaşlara pulsuz orta təhsil, keyfiyyətli tibb xidmətləri, işsizliyə görə müavinətlə təmin etməlidir. Parkinq yeri haqqında bizim Konstitusiyamızda heçnə deyilmir.
⠀
Maraqlıdır ki, maşın alan insanlar dövlətdən pulsuz benzin, pulsuz yağ dəyişmə və pulsuz təkər təmiri tələb etmir. Eyni zamanda, hamı düşünür ki, dövlət hər bir vətəndaşa avtomobilin saxlanmılması üçün şəhərin istənilən yerdə pulsuz 10 kvadrat metr yer təmin etməyə borcludur. Niyə?
⠀
Maşını park etməyə yer tapmamaq, onu səkidə və yaxud uşaq meydançasında saxlamaq hüququnu qazandırmır.
⠀
Avtomobil alanda onu harada saxlayacağını hər kəs düşünməlidir. Eyni zamanda, maşını olan vətəndaş ev alanda həmin binada maşın saxlamaq üçün yerin olub-olmaması ilə maraqlanmalıdır.
⠀
Bakı kimi şəhərdə avtomobil zərurət deyil. Sakinlərimizin əksəriyyətində avtomobil yoxdur, onlar ictimai nəqliyyatdan istifadə edir. İctimai nəqliyyatın keyfiyyəti sizi qane etmirsə, dövlətdən parklanma yerləri deyil, daha yaxşı ictimai nəqliyyat tələb edin.
⠀
Dünyanın bütün inkişaf etmiş şəhərlərində hətta məhləarası küçələrdə parklanma ödənişlidir. Çünki şəhər sahəsi məhdud resursdur, məhdud resurs isə pulsuz və ya ucuz ola bilməz. Biz əgər sivil ölkədə yaşamaq istəyiriksə, sivil ölkələrinin təcrübəni tətbiq etməliyik.
⠀⠀
Sənin maşının - sənin məsuliyyətindir. Bir avtomobil sahibi olaraq bu cümləni özümə də aid edirəm. Və sürücülərlə heç bir şəxsi qərəzliyim yoxdur. Avtomobil həqiqətən bəşəriyyətin böyük bir ixtirasıdır.
⠀
Lakin, avtomobilə sahib olmaq heç bir vətəndaşa əlavə imtiyazlar və digər insanların hüquqlarını taptalamaq haqqını vermir.

Bu gündən etibarən yeni sürücülük vəsiqələri veriləcək.
⠀
Dizayn cəhətindən gözəllik salonun vizit kartına oxşayır :)

"Bizim cavanlar özlərinə əziyyət vermək istəmir, hamı istəyir asan hərəkət eləsin", - AAYDA-nın sədri Saleh Məmmədov.
⠀
Vay-vay! Utanmırsınız, ay cavanlar? Şəhərdə rahat hərəkət etmək kim icazə verib sizə? Liftlər sizə görə hələ enerji sərf edir, əlavə işıq pulu yazır (elə də deyir, özünüz qulaq asın) 🤦‍♂️
⠀
Sizin üç gül kimi piyada keçidi tikiblər, 3 mərtəbəni qalxıb-düşün də, nə problem var? Siz isə rahat yol axtarırsınız, utanın.
⠀
AAYDA-ya isə yalnız bir məsləhət görə bilərəm: Dünya təcrübəsi ilə tanış olub, bu cür keçidlərin nəyə görə effektiv olmaması haqqında heç olmasa bu reportajı baxsınlar: https://www.facebook.com/758164794219694/videos/2640592852845981

❄️ "BİZİMKİLƏR NİYƏ QARA HAZIR DEYİL AXI?" 🌨
⠀
Bu gün sosial şəbəkələrdə və xəbər saytlarında gündəm və başlıqlar bu cür olacaq.
⠀
Amma gəlin sizə bir şeyi başa salım. Ümumiyyətlə soyuq və qışı qarlı keçən ölkələrdə sürücülər və yol infrastrukturu təmamilə fərqli bir qayda və qanunlar yaşayır.
⠀
Adətən, belə ölkələrdə hər kəsin qarajında qış təkərləri olur, daha dözümlü antifrizlər, troslar və hətta maşını qardan təmizləmək üçün baqajnikdə lopatka saxlayanlar da var. Təbii ki, bizim ki ölkələrdə ildə 1-2 gün qar yağacaq deyə heç kim belə xərclərə getməyəcək.
⠀
Eyni zamanda, Rusiya və yaxud Skandinaviya yarımadasında aid olan ölkələrdə qanun mütləq şəkildə faralardan gündüz vaxtı istifadə etmək məcbur edir (çünki çox vaxt yağıntılı olur).
⠀
Və təbii ki kommunal xidmətləri küçə-yol infrastrukturuna daimə nəzarət edir, qrafik əsasında yolları hər səhər təmizləyirlər. Hətta velosiped yolları belə təmizlənir ki, insanlar qışda da velosiped sürə bilsinlər (bəli, sürən də olur). Bizdə isə şəhər mərkəzində bir neçə küçə istisna olmaqla digər yollara bir o qədər nəzarət yoxdur. "1-2 gün evdən çıxmayın, sabah onsuzda qar əriyəcək" prinsiplə yanaşırlar. Mən hələ mərmər piyada keçidlərindən danışmıram...
⠀
Odur ki, bütün hərəkət iştirakçılarına sadəcə daha ehtiyatlı olmağı tövsiyə etmək qalır.
⠀
Video: @AzeSputnik səhifəsindən.

Qarlı havada avtomobillərin real istifadə etdiyi sahə seçilir.

Qar ilə örtülən ərazi lazımsız asfalt səhrasıdır. Burada ağaclar ola bilərdi, misal üçün.

Bakı-Sumqayıt yolunu genişləndirdilər, amma tıxac problemi yenə də həll olunmadı...
⠀
Niyə? Çünki yolların genişləndirilməsi tıxac problemin həll etmir.
⠀
Bu məqaləni yazanda elə Bakı-Sumqayıt yolunun da aqibəti proqnozlaşdırılmışdı: https://city4people.az/post/yollarin-genislendirilmesi/

Bu dəfə şəhəri piyadalar üçün necə əlverişli etmək olar ondan danışıram. Podkastlarımızı İtunes, Apple podkast və Spotify-dan dinləmək mümkündür.

Tural Yusifovun danışdığı məsələlər urbanistikanın əsaslarıdır. Qulaq asın, maraqlıdır və yaxşı şəhərlər necə olmalıdır haqqında maariflənin.