8 noyabr prospektində 10 metr uzunluğunda "velosiped zolağı".
⠀
📷: Sadiq Əliyev.

❓ Yolları daraltmaq olarmı?
⠀
Yusif Səfərov küçəsində 2 yeni svetoforun quraşdırılması layihəsi çərçivəsində bitişən küçələrdə yenidənqurma işləri aparıldı.
⠀
Bu küçələr Bakı Nəqliyyat Agentliyinin layihəsinə uyğun olaraq təmir olunub və burada gözə dəyən o oldu ki, piyada səkiləri avtomobil yolunun daralması hesabına təşkil olundu.
⠀
Bəs layihə uğurlu alındımı? Və daha yaxşı ola bilərdimi? İndi biləcəksiniz.

👉 https://youtu.be/jmeBj-Z9uB4

​​Deyirəm, gözünüz aydın. 🤌
⠀
Koroğlu Rəhimov küçəsində hər kəs üçün əlçatan və nizamlanan piyada keçidini təşkil edən Bakı Nəqliyyat Agentliyinin daha bir təşəbbüsünü yerə basdırdılar.
⠀
Buradakı yerüstü piyada keçidini tikintisini bərpa etdilər, güman ki, bu da buradakı svetoforun yığışdırılmasına səbəb olacaq.
⠀
Təbii ki, piyadalar belə keçidlərin narahat olmasına görə onlardan istifadə etməyəcəklər, yolu daha rahat keçmək istəyib yola çıxacaqlar, qəzaların və bəlkədə ölümlərin sayı artacaq.
⠀
Yolların təhlükəsizliyinə cavabdeh olan Dövlət Yol Polisi isə piyadaları günahlandıracaq, sosial videoçarxlar çəkəcək və s.
⠀
Qeyd edim ki, bu svetofor quraşdırılan 1 il ərzində burada piyada ilə ağır qəzalar baş verməmişdir, sürücülərin və piyadaların hərəkəti nizamlanırdı. İndi əvvəlki xaos qayıdacaq, şəhər daha da əlçatmaz olacaq. Statistika isə heç kimi maraqlandırmır.
⠀
Və kimsə elə bilir ki, svetoforun ləğvi bu küçədəki tıxacların sayını azaldacaq, əlbəttə elə deyil. Tıxac hər zaman olacaq, çünki tıxacların səbəbi piyada keçidləri və svetoforlar deyil.
⠀
Biz isə sevinirdik ki, bəlkə BNA İcra Hakimiyyətinin tabeliyinə veriləndən sonra bəlkə hansısa proqress görəcəyik. Amma görünür bu gün deqradasiya doğru daha bir addım atdıq.

🇷🇺 Rusiyada kimsə "Yandex Taxi" mobil tətbiqinə müdaxilə edərək, Moskvanın Kutuzovski prospektindəki bir nöqtəsinə bütün boş taksi maşınlarını sifariş verib.
⠀
Nəticədə prospektdə taksilərdən böyük tıxac və xaos yaranıb.

@aviatravel_az

​​❗️ Lerikdə ən azı 8 ailə bu gün bədbəxt oldu. Dövlət proqramı isə kağızda qaldı?
⠀
Yadınızdadırsa, "2019-2023 illər üzrə yol təhıükəsizliyi üzrə dövlət proqramı" adlı bir sənəd var idi, onu hətta dövlət başçısı imzalamışdır.
⠀
Bu proqram konkret addımlar nəzərdə tutsa da, heç biri demək olar ki sona qədər icra olunmayıb.
⠀
Nə ölkədə sürət aşağı salınıb, nə əlçatan mühit yaradılıb, nə də qəza zamanı daha çevik operativ xidmətin göstərilməsində hər hansı bir irəlləyiş yoxdur. Mən hələ bu proqramda nəzərdə tutulan hansısa ciddi islahatlardan danışmıram, bu ayrı bir mövzudur.
⠀
Gələn il bu Dövlət Proqramının müddəti bitir və hansısa yekunlar və hesabatlar vermək lazım olacaq.
⠀
İndidən "nostradamus" kimi bir proqnoz verim. Dövlət qurumları gözəl bir statistika özündən uyduracaq, 1-2 km yeni velosiped zolaqları və yeni yeraltı/yerüstü keçidlərini atılmış addımlar kimi təqdim edəcək.
⠀
Reallıq isə tam başqa olacaq. Yollarımız can almağa davam edəcək, şəhərlərimiz isə günü-gündən deqradasiya doğru gedəcək.
⠀
Pessimist olmaq istəmirəm, amma biz, bəli, HƏR BİRİMİZ, buna qarşı laqeyd qalmağa davam etsək, heç bir irəlləyişdən söhbət gedə bilməz.
⠀
Təhlükəsiz yollar tələb edin. İmkanınız varsa, dövlət qurumlarına hər gün müraciətlər yazın, təhlükəsiz infrastrukturun misallarını göstərin. Biz öz mübarizə frontumuzu yaratmalıyıq.

🚧 Hər dəfə eyni səhvlər.
⠀
AAYDA bu gün məruzə edib ki, Tbilisi prospektində təmir işləri başa çatıb. Burada piyada zolaqlarının olmamasının artıq vurğulayıblar, ümid edirəm, onları da çəkərlər, bu lap primitiv məsələdir.
⠀
Lakin bu küçənin layihəsində yenə də elementar səhvlərə yol veriblər:
❌ Döngələrdə münaqişə zonaları. Bunlar həm qəza ocağı, həm hərəkəti ləngidən zonalardır.
❌ Bəzi yerlərdə 2 avtomobil yerləşə biləcək zolaqların eni. Sonra deyirlər, bizim sürücülər zolağı saxlaya bilmir.
❌ Səki olmayan hissələr. Əlavə şərhə ehtiyac yoxdur, məncə.
⠀
Yaxşı küçənin layihələşdirmək üçün bu gün kifayət qədər müasir proqram təminatı və xarici təcrübə var. AAYDA-ya hər il milyonlara ayrılan vəsaitə həmin təminatı almaq və mütəxəssis cəlb etmək olar. Niyə edilmir?
⠀
Ən azı BNA-ya müraciət etmək olardı, amma son vaxtlar, görünür ki, bu qurumun rəyləri heç kimi maraqlandırmır.
⠀
❗️ Bu arada, Tbilisi prospektində avtobus zolağının salınması da təklif olunurdu BNA tərəfindən, amma icrasına icazə verilmədi.

❌ Bakıda tıxac problemi həll olunmayacaq.
⠀
Ən azı, əgər biz bu məsələyə indiki yanaşma ilə baxmağı davam edəcəyiksə. Son 15 il ərzində paytaxtda tıxac problemini həll etmək üçün bir sıra addımlar atılmışdır. Onların heç biri kömək etmədi, əksinə, şəhəri daha da avtomobilləşdirdi.
⠀
Bu gün isə tıxac probleminin həll etmək üçün radikal islahatlar lazımdır. Sizcə, bu islahatların hansına bizim dövlət qurumları razılıq verməyə hazırdır? Məncə, hələ ki heç birinə. Ona görə yaxın zamanda Bakıda tıxac probleminin həllini gözləməyin.
⠀
Yazıda problemləri və çıxış yollarını topladım:

city4people.az/post/bakida-tixac-problemi/

💡 Hətta "Apple" şirkəti yol təhlükəsizliyinə dair yenilik təqdim etdi iPhone 14-də.

Qəza zamanı telefon özü təcili yardımı çağıracaq.

Bizimkilər isə hələ də "sürücülər diqqətli olsa heçnə olmaz" yanaşmasına sadiqdir.

Dövlət qurumları başa düşməlidir ki, hadisə hər kəsin başına gələ bilər. Necə ki avtomobillərdə təhlükəsiz tədbirləri görülür, eləcə də yollar elə layihələndirilməlidir ki, qəza başa versə, bu ciddi fəsadlara gətirib çıxarmasın.