Telegram platforması Azərbaycanda təzəlikcə məşhur olmağa başlayıb, amma artıq bizim ölkədə kifayət qədər maraqlı kanallar var.

Oxudaqlarım və məsləhət gördüklərim:

@Shirinly - Elvin Şirinovdan ən vacib xəbərlər və onların ətraflı təhlili 🇦🇿

@truemamed - Ən aktual xəbərlər. Qısa və konkret 👌

@uchansichan - xəbərlər və maraqlı podkastlar. Həmin kanalın qonağı mən də olmuşam. Daxil olub qulaq asa bilərsiniz 🎧

@akinchiproject - Müzakirəsinə ehtiyac olan, amma kifayət qədər müzakirə ediləməyən mövzular 📃

@urcellardoor - Bakı və onun sakinləri. Alla Polonskaya digər saytların yazmadıqlarını işıqlandırır ✅

Bəs siz hansı Azərbaycan kanallarını izləyirsiniz və tövsiyə edirsiniz? Şərhlərdə qeyd edə bilərsiniz 👇

Brazililiyanın Rio de Janeyro şəhərində Olimpiya oyunlarına hazırlıq mərhələsində köhnə liman ərazisindən keçən avtomobil yolu sökülərək yerində tramvay yolları çəkilmış və ictimai məkan yaradılmışdır.

// via Transport for Baku

İllər keçir, amma hələ də əlil qazilərimizin üçün Şəhidlər Xiyabanında şərait yaradılmır.
⠀
Standartlara uyğun panduslar bu məsələni həll edə bilərdi.

🚲❄️ Şərait olsa, istənilən havada velosiped sürmək olar 🙂
⠀
ABŞ, Viktoriya şəhəri.

🚫 💰 Gündə 18 manat ver harada istəyirsən maşını saxla.
⠀
İnzibati Xətalar Məcəlləsinə belə bir dəyişiklik təklif olunur ki, gün ərzində dayanma-durmaya görə bir dəfə cərimə olunan sürücü həmin şəhərin istənilən yerdə nə qədər istəyir qayda poza bilər - buna görə ikinci dəfə cərimə olunmayacaq.
⠀
Başqa sözlə desək, şəhərin istənilən küçəsini günü 20 AZN (vaxtında ödəsən 18 AZN) olan rəsmi olaraq böyük bir dayanacağa çevirmək istəyirlər.
⠀
Bütün müasir şəhərlərdə avtomobil axınını idarə edilməsi üçün parklanma qaydalarını sərtləşdirirlər ki, insanlar normal hərəkət edə bilsin, dəm qazından zəhərlənməsin, amma bizim qanunları fikirləşən deputatların öz dərdləri var, bizim isə "öz yolumuz var". 🤦‍♂️
⠀
Mənbə: ASAN Radio

🇵🇱 Polşa, Varşava. 2014-cü və 2020-ci illərdə.

Bu gün saat 18:00-dan başlayaraq DJ.Turalın qonağı olacam, Vağzal meydanında təşkil olunan dayanacaqdan və ümumi olaraq şəhər parklanmasından danışacağıq.

📻 İctimai Radio, 90FM

Efiri onlayn dinləmək olar: 👉 https://fb.watch/3eycCQy6PD/

Vağzalın qarşısı şəhərin ən gözəl meydanlarından biri ola bilər. Hazır layihə də var, onu niyə icra etməyəsən axı?

Düz sözə nə deyəsən...

Tural Yusifov: "Bakı şəhərində A nöqtəsindən B nöqtəsinə rahat gedə biləcəyiniz bircə küçə belə yoxdur"

Möcüzə? :)

Hər şey çox düzgün vurğulanıb.
⠀
Ona görə Torqovaya küçəsində və Fəvvarələr meydanında siz heç vaxt ağır tikinti material satan dükanlara rast gəlməyəcəksiniz. Eyni zamanda, bu gün ən çox ticarət obyekti olan və ən bahalı evlər məhz bu ərazidədir.
⠀
Şəhərin daha çox piyadayönümlü olması ilk növbədə həmin şəhərə daha çox vergi gətirəcək. Dövlət qurumları bunu anlamalıdır.

🚗 Müasir, insan yönümlü şəhərlərin standartlarına görə şəhər küçələrində böyük dairələr təxmini bu cür transformasiya edilməlidir.
⠀
Ukrayna dairəsində lazımsız yerüstü piyada keçidi tikmək əvəzinə həmin məbləğə bu cür yenidən qurma işlərini aparmaq olardı.
⠀
Mənbə: NACTO Street Design Guide

"Biz yerüstü və yeraltı piyada keçidlərindən imtina etməliyik"

🚷 Tural Yusifov Moskva prospektində yeni tikilən və lifti işləməyən yerüstü piyada keçidindən bir daha öz verilişində danışdı.
⠀
Ümid edirəm, bu mövzunu televiziya vasitəsilə tez-tez işıqlandırılması gec-tez öz nəticəsini verəcək.
⠀
Şəhər daxilində yeraltı və yerüstü keçidlər birmənalı olaraq sökülməlidir. Onlar əlavə təhlükə mənbəyidir və daha çox qəzalara gətirib çıxarır.
⠀
Tam reportaja keçid birinci şərhdə ⤵️

🚍🚕 Avtobus zolaqlarında taksilərin hərəkətinə icazə verilsinmi?
⠀
O gün Avtostopun efirində sual verildi ki, bəs niyə taksilərə avtobus zolaqlarında sürməyə icazə vermirlər? Rusiyada axı belə bir icazə var.
⠀
Bəli, Rusiyada bunu etdilər. Nəticəsi ilə bilirsiniz nə oldu? Hər kəs gedir özünə taksi lisenziyasını alır (bəzi hallarda rüşvətlə), maşının damına "şaşka" yapışdırır və beləliklə ayrılmış zolaqlara qanuni hərəkət edir, hətta sərnişin daşımasa da. Gündən günə belə "taksi"lərin sayı artır, zolağın effektivliyi azalır.
⠀
Ona görə, Moskvada artıq bəzi küçələrdə ayrılmış zolaqlarda taksilərin girişini qadağa ediblər.
⠀
Düşünürəm bizdə hələ ki belə bir qanunu tətbiq etmək tezdir, biz ilk növbədə bu zolaqlara nəzarət mexanizmini təkmilləşdirməliyik, sürücülər isə cərimənin qaçılmaz olmasını anlamalıdır.

"Gəlin bu yola bir zolaq da əlavə edək, onda hər şey düzələr" 🙃

Neftçilər prospekti bəzi yerlərdə 7-8 zolaqdan ibarətdir. Və...?

❗️Geniş yollar daha çox avtomobil cəlb edir. Bu aksiomadır ⚠️

👍 🚍 TIXACLARDA QALMAYAN AVTOBUSLAR
⠀
Öz yolu ilə hərəkət edən, tıxaclarda ilişməyən və cədvəl üzrə çalışan ictimai nəqliyyat daha cəlbedici olur. Daha cəlbedici ictimai nəqliyyat isə daha az avtomobil və daha az tıxac deməkdir.
⠀
❗️İnkişaf məhs bu istiqamətdə getməlidir.
⠀
Əsas marşrutların keçən küçələrində bu cür zolaqlar çəkilməlidir. Başqa cür mümkün deyil. 👌

Bakıda piyadalar üçün yeni olimpiya idman növləri 🙂

Foto: Bakı Gündəliyi səhifəsindən