ថ្ងៃទី២៦ ខែមិនា ឆ្នាំ២០២៣-ក្នុងឪកាសពិធីបើកទិវាជាតិ «វិទ្យាសាស្ត្រ បច្ចេកវិទ្យា និងនវានុវត្តន៍ លើកទី១» សម្តេចតេជោ ហ៊ុន សែន នាយករដ្ធមន្ត្រីនៃព្រះរាជាណាចក្រកម្ពុជា បានអញ្ជើញផ្តល់កិត្តិយសបើកទិវាជាតិ​ និងបានអញ្ជើញពិនិត្យមើល និងទស្សនៈកិច្ចស្វែងយល់នូវពិពរព័ណ៍វិទ្យាសាស្ត្រ និងបច្ចេកវិទ្យា ដែលបានតាំងបង្ហាញនូវផលិតផល សេវាកម្មបច្ចេកវិទ្យាពីបណ្ដាក្រុមហ៊ុនជាតិ និងអន្តរជាតិនានា។

ឆ្លៀតក្នុងឱកាសដ៍ពិសេសនេះដែរ សម្តេចតេជោ ហ៊ុន សែន ក៏បានចូលមកទស្សនា ស្តង់របស់បណ្ឌិត្យសភាបច្ចេកវិទ្យាឌីជីថលកម្ពុជា(CADT) ដែលបានដាក់បង្ហាញនូវសម្មតិផលបច្ចេកវិទ្យា ដែលបានបង្កើតឡើងដោយក្រុមអ្នកស្រាវជ្រាវនៃវិទ្យាស្ថានស្រាវជ្រាវ និង នវានុវត្ដន៍ ដែលមានដូចជាមនុស្សយន្ដដែល អាចនិយាយភាសាខ្មែរបាន «សុខ» និងសម្មតិផលបច្ចេកវិទ្យាជាច្រើនទៀត។

#IDRI #CADT #Research #Robotspeakkhmer