🏦 "HAYOT BANK" АЖга бошқарув раиси тасдиқланди

2023 йилнинг май ойидан "HAYOT BANK" АЖ бошқарув раиси ўринбосари лавозимида ишлаб келган Одил Оқил ўғли Пўлатов мазкур банк бошқаруви раиси лавозимига тасдиқланди. О.Пўлатов жорий йил март ойидан банк бошқаруви раиси вазифасини вақтинча бажарувчи сифатида ҳам фаолият юритиб келаётган эди.

Батафсил: https://bankers.uz/news/1635

Telegram | Facebook | Instagram

🏦 Ўзмиллийбанк мижозларни ҳушёрликка чорламоқда

Сўнгги пайтларда киберфирибгарлар фуқароларга ўзларини Ўзмиллийбанк “Мижозларга хизмат кўрсатиш бўлими" ходими сифатида қўнғироқ қилаётгани ҳамда мижозларнинг шахсий маълумотларини қўлга киритиб, пул маблағларини ўзлаштириш ҳолатлари кузатилаётгани сабабли, "Ўзмиллийбанк" АЖ мижозларга мурожаат қилди. Мурожаатда банк ходимлари мижозларнинг шахсий маълумотлари ва СМС кодларни сўраб қўнғироқ қилмаслиги айтилган.

Батафсил: https://bankers.uz/news/1636

Telegram | Facebook | Instagram

🏦 Азия Инвест банкка янги бошқарув раиси тайинланди

2023 йилнинг ноябрь ойидан "Азия Инвест банк" ЁАЖ бошқарув раисининг биринчи ўринбосари лавозимида ишлаб келаётган Ботир Аминович Рахматов мазкур банк бошқаруви раиси этиб тайинланди. Б.Рахматов меҳнат фаолияти давомида Марказий банкда ва Асакабанкда турли лавозимларда, шу жумладан раҳбарлик лавозимларида фаолият юритган.

Батафсил: https://bankers.uz/news/1637

Telegram | Facebook | Instagram

💳 Uzum Bank Visa virtual картасига олдиндан буюртма бериш хизматини ишга туширди

Visa виртуал картаси Uzum Bank'нинг ўз инфратузилмасида амалга оширилган биринчи молиявий маҳсулоти бўлади. Август ойида картани олдиндан буюртма қилган мижозлар учун UZCARD ва HUMO карталари ўртасида бепул ўтказмалар, бундан ташқари, фоизсиз давр билан микрокредит олиш имконияти берилади.

Батафсил: https://bankers.uz/news/1639

Telegram | Facebook | Instagram

💳 HUMO тўлов тизимининг олти ойлик соф фойдаси ўтган йилга нисбатан 51 фоизга ўсди

“Миллий банклараро процессинг маркази” АЖ (“HUMO” тўлов тизими)нинг 2024 йил ярим йиллик соф фойдаси 71,8 млрд сўмни ташкил этди. Бу кўрсаткич 2023 йилнинг мос даврига нисбатан 51,2 фоизга кўпдир.

Батафсил: https://bankers.uz/news/1640

Telegram | Facebook | Instagram

🏦 Octobank 2024 йилнинг биринчи ярмида эришилган натижаларни маълум қилди

Бугунги кунда 3,1 млн жисмоний ва 2,3 мингдан зиёд юридик шахсларга хизмат кўрсатувчи Octobank 2024 йилнинг 1-ярмида бир қатор муҳим натижаларга эришди. Хусусан, банк мижозлари 324 млрд сўмлик муаммоли активларни тўлади ва Octobank муаммоли активлари йўқ бўлган 7 та банк рўйхатига кирди.

Батафсил: https://bankers.uz/news/1641

Telegram | Facebook | Instagram

🏦 Туронбанк ходимлари ўртасида ўтказилаётган интеллектуал ўйинларининг навбатдаги ҳудудий босқичи бўлиб ўтди

Унда Сирдарё, Жиззах, Самарқанд, Булунғур, Қарши, Шаҳрисабз ва Сурхондарё банк хизматлари марказларидан жами 28 та жамоада 170 нафарга яқин банкирлар қатнашди.

Ўйинларни Абдурасул Абдуллаев бошчилигидаги "Заковат" клуби вакиллари бошқариб борди. Ўйин натижаларига кўра, 9 та жамоа финал босқичига йўл олди.

🏦 Ўзбекистон банкларига тегишли суғурта компаниялари — таҳлил

Ҳозирда суғурта бозорида фаолият олиб бораётган 37 та компаниядан 6 таси бевосита банклар муассислигида ташкил этилган. Bankers.uz ушбу компаниялар ҳақида қисқача таҳлилий маълумот тайёрлади.

Батафсил: https://bankers.uz/news/1643

Telegram | Facebook | Instagram

💳 Uzum bank бошқаруви раисига янги ўринбосар тайинланди

2021 йил ноябрь ойидан "Uzum Bank" АЖ Юридик департаменти директори лавозимида ишлаб келаётган Василий Сергеевич Зобов ушбу банк бошқаруви раиси ўринбосари этиб тайинланди. Василий Зобов 2020-2021 йилларда Капиталбанк тизимида, кейинчалик Uzum bank'да фаолият юритган.

Батафсил: https://bankers.uz/news/1644

Telegram | Facebook | Instagram

🏦 Пойтахт банк бошқарув раисига биринчи ўринбосар тайинланди

Дўстбой Абдурашидович Абжалов "Пойтахт банк" АЖ бошқарув раисининг биринчи ўринбосари лавозимига тайинланди. Д.Абжалов 2009-2012 йилларда Ўзмиллийбанк, 2012-2023 йилларда Азия Альянс банк, 2023-2024 йилларда Алоқабанкда турли лавозимларда, шу жумладан раҳбарлик лавозимларида ишлаган.

Батафсил: https://bankers.uz/news/1647

Telegram | Facebook | Instagram

🏦 Бизнесни ривожлантириш банки Осиё тараққиёт банки билан келишувга эришди

Келишувнинг асосий мақсади микро, кичик ва ўрта бизнес сегменти корхоналарига халқаро стандартларга асосланган банк хизматларини кўрсатишнинг янги операцион моделини яратиш ва уни амалиётга татбиқ этишдан иборат. Лойиҳа ОТБнинг гранти асосида амалга оширилади.

Батафсил: https://bankers.uz/news/1648

Telegram | Facebook | Instagram

🏦 Июлда Ўзбекистоннинг олтин-валюта захиралари 1 млрд долларга кўпайди

МБ маълумотларига кўра, июль ойи давомида мамлакатнинг халқаро захиралари қолдиғи қарийб 1 млрд 62 млн долларга кўпайган ва 37 млрд 402 млн долларга етган. Ой давомида олтиннинг физик ҳажмининг кўпайиши ва нархинининг ошиши жами захираларнинг ошишига асосий таъсир кўрсатган.

Батафсил: https://bankers.uz/news/1649

Telegram | Facebook | Instagram

🏦 “Маҳалла тараққиёти учун энг яхши бизнес лойиҳа” Республика кўрик-танловининг ҳудудий босқичи якунланди — фото

Мустақилликнинг 33 йиллигига бағишлаб Бизнесни ривожлантириш банки ва Ўзбекистон маҳаллалари уюшмаси ҳамкорлигида эълон қилинган мазкур Республика кўрик-танловининг худудий босқичлари ғолиб ва совриндорлари аниқланди. Танловга 186 та тумандан 1189 та онлайн ариза келиб тушди. "Бизнес портал"га бизнес лойиҳалар ҳақидаги 896 та видео юкланди.

Батафсил: https://bankers.uz/news/1650

Telegram | Facebook | Instagram

🏦 Ипотека банк янги автоматлаштирилган банк тизимига ўтади

Ипотека-банк вакиллари автоматлаштирилган банк тизими (ABS)ни янгисига алмаштириш лойиҳаси бўйича Марказий банк раҳбарияти билан учрашув ўтказди. Жорий йил май ойида кенг миқёсда жорий қилиниши бошланган лойиҳа 2025 йилнинг сентябрь ойида ишга туширилиши кўзда тутилган.

Батафсил: https://bankers.uz/news/1651

Telegram | Facebook | Instagram

🏦 Микрокредитбанк раҳбарияти вакиллари Сирдарёдаги тадбиркор хотин-қизлар билан учрашди

“Микрокредитбанк” АТБ ташаббуси билан Сирдарё вилоятининг Боёвут туманида хотин-қизларни тадбиркорлик фаолиятига жалб этиш, муаммо ва мурожаатларини ўрганиш мақсадида учрашув ташкил этилди. Унда банк бошқаруви раиси ўринбосари Икром Джуманиёзов ва департамент директори Рашидмирза Халилов иштирок этди.

Батафсил: https://bankers.uz/news/1654

Telegram | Facebook | Instagram

💳 UZCARD бошқарув тузилмасида ўзгаришлар рўй берди

“Ягона умумреспублика процессинг маркази” АЖ акциядорлари жамият бошқарувини "UCMG" МЧЖга бериш бўйича қарор қабул қилди. "UCMG" МЧЖ директори ҳисобланган Давид Меликидзе бир вақтлар TBC Bank'да ва кейинчалик Payme'да раҳбарлик лавозимида ишлаган.

Батафсил: https://bankers.uz/news/1655

Telegram | Facebook | Instagram