🏦 MKBANK'нинг Тошкент шаҳар бошқармаси ташкил қилинди

Кеча, 4 сентябрь куни Тошкент шаҳар, Юнусобод тумани, Боғишамол кўчаси манзилида "Микрокредитбанк" АТБнинг янги қилинган — Тошкент шаҳар бошқармасининг очилиш маросими бўлиб ўтди.

Мазкур бўлинмада тадбиркорлар учун алоҳида имтиёзлар, хусусан кейинги 6 ой давомида ҳисобварақдан маблағ ўтказиш, тўлов терминаллари (Humo, Uzcard) ижараси ҳамда корпоратив банк карталари бепул тарзда тақдим этилади

Батафсил — https://bankers.uz/news/1215


@bankers_uz

🏦 Марказий банк тўлов ташкилотларига киритилган чекловлар сабабини расман маълум қилди

МБнинг маълум қилишича, "Oson" тўлов ташкилоти Ички назорат қоидаларига зид равишда халқаро ўтказмаларнинг олувчиси ва жўнатувчиси ҳақида маълумотларни акс эттирмаган. Бундан ташқари тўлов ташкилоти хорижий банкда ҳисобварақ очиб, “Валютани тартибга солиш тўғрисида”ги Қонунга зид равишда амалиётлар ўтказган.

МБ бундан кейин ҳам тўлов ташкилотлари фаолиятида қонунчилик бузилиши ҳолатларини мунтазам равишда назорат қилишини айтган.

Батафсил — https://bankers.uz/news/1217


@bankers_uz

🏦 Қишлоқ қурилиш банк акциядорлари банк номини ўзгартириш бўйича йиғилиш ўтказади

2023 йил 28 сентябрь куни Қишлоқ қурилиш банк акциядорларининг навбатдан ташқари умумий йиғилишида банк номини ўзгартириш масаласи кўриб чиқилади. Шунингдек бир нечта банк ички ҳужжатларининг янги таҳририни тасдиқлаш ҳам кун тартибидан жой олган.

18 август куни Президент Шавкат Мирзиёев тадбиркорлар билан бўлиб ўтган учрашувда Қишлоқ қурилиш банк "Бизнесни ривожлантириш банки"га айлантирилишини маълум қилганди. 1994 йил "Ғаллабанк" номи билан ташкил қилинган банк, иккинчи бор — (дастлаб 2009 йил ва катта эҳтимол билан шу йил якунигача) расман яна бир бор номини ўзгартиради.

Батафсил - https://bankers.uz/news/1218

@bankers_uz

🏦 Агробанк Осиё Тараққиёт Банки томонидан эътироф этилди

Сўнгги йилларда Агробанк томонидан савдони молиялаш йўналишида Осиё Тараққиёт Банки билан фаол ҳамкорлик амалга ошириб келинмоқда. Мазкур ҳамкорлик самараси ўлароқ, Агробанк 2023 йилда “Савдо ва таъминот занжирини молиялаш дастурининг фаол иштирокчиси” мукофотига лойиқ деб топилди.

Мукофот жорий йилнинг 5 сентябрь куни Сингапур давлатида бўлиб ўтган Осиё Тараққиёт Банкининг йиллик анжумани доирасида Агробанк вакилларига топширилди.


@bankers_uz

🏦 Марказий банк бакалавриат ва магистратура талабалари учун махсус стипендия танловини эълон қилди

Танловда банк иши, иқтисодиёт, бухгалтерия ҳисоби, молия ва ахборот технологиялари йўналишлари бўйича бир нечта нуфузли ўқув юртлари бакалавриатининг сўнгги босқичи ҳамда магистратура талабалари иштирок этиши мумкин.

Стипендиатлар ўқув жараёнида юқори рейтинг кўрсаткичига эга бўлиши, давлат тилини мукаммал билиши, хорижий тилларни энг камида В2 даражасида билиши талаб этилади.

Батафсил - https://bankers.uz/news/1220


@bankers_uz

🏦 Туронбанк "Exeed" автомобиллари учун қулай шартларда автокредит ажратмоқда

Ҳамёнбоп нархга премиум классдаги янги модел автомобилларини 0 фоиздан бошлаб муддатли тўловга ёки 8 фоиздан бошлаб кредит расмийлаштириш орқали харид қилиш мумкин.

Таклиф BMW i3, BYD, Monza, Zeekr, Honda E-NS1 ва Geely брендлари учун ҳам амал қилади.

Батафсил - www.turonbank.uz

Қисқа рақам: 1220

🏦 ANORBANK Anor Merchant ҳамкорлик дастурига қўшилишни таклиф қилмоқда

Эндиликда ANORBANK мобил иловаси орқали тегишли QR-кодни автоматик тарзда яратиш орқали товар ва хизматлар учун пластик картадан фойдаланмасдан бир лаҳзада жойида тўловни амалга ошириш мумкин. QR-код ёрдамида нақд пулсиз тўловларни қабул қилишнинг бундай усули операция тезлиги ва хавфсизлигини таъминлайди.

Anor Merchant ҳамкорлик дастури бўйича батафсил маълумотни ушбу ҳавола ёки 1290 рақамига қўнғироқ қилиш орқали олиш мумкин.

@bankers_uz

🏦 Ravnaq-bank Кузатув кенгаши таркиби янгиланди

2023 йил 30 август куни бўлиб ўтган “Ravnaq-bank” АЖ акциядорларининг навбатдан ташқари умумий йиғилишида банк кузатув кенгашининг янги таркиби сайланган. Жумладан, С.Файзиев, Р.Камилджанов, Х.Жумаев, У.Махмудов кенгаш таркибидан чиқарилган. Янги таркибдан Улуғбек Муслимов, Тахмина Закирова, Нажмиддинходжа Шарипов, Шуҳрат Пулатов ҳамда Азиз Ахраровлар ўрин олган.

Хабар берилишича, акциядорлар умумий йиғилишда банк номини "Octobank" АЖ тарзда ўзгартириш бўйича ҳам қарор қабул қилинган.

Батафсил - https://bankers.uz/news/1222


@bankers_uz

🏦 Bankers.uz ва республикамиз банк тизими жамоаси номидан бугун туғилган кунини нишонлаётган "Ravnaq-bank" АЖ Бошқаруви раиси Искандар Турсуновни табриклаймиз! (1979 йил туғилган)

Шу муносабат билан, Искандар Бахтинуровичга куч-қувват, мустаҳкам соғлик, меҳнат фаолиятида янги муваффақиятлар тилаб қоламиз.


@bankers_uz

🏦 Агробанк ходимлари ўртасида кенг миқёсли интеллектуал ўйинларга старт берилмоқда!

Жорий йилнинг 9-сентябрь — 21 октябрь кунлари "Агробанк" АТБ барча филиаллари ва Бош офиси жамоалари ўртасида "Agrobank Liderlari" интеллектуал ўйинларининг 2023 йилги мавсум баҳслари бўлиб ўтади.

Дастлаб, Қорақалпоғистон Республикаси ва барча вилоятлар марказларида ҳудудий босқич ўйинлари ўтказилади. Ушбу ўйинларда етакчи 3 та ўринни эгаллаган жамоалар октябрь ойи якунида бўлиб ўтадиган финал баҳсида беллашадилар.

Ўйинларнинг бориши Агробанк Матбуот хизматининг ижтимоий тармоқлардаги саҳифаларида ва Bankers.uz порталида ёритиб борилади.


@bankers_uz

🏦 Марказий банк 4 та тўлов ташкилотининг лицензиясини чақириб олди

Ўзбекистон Республикаси Марказий банки 4 та тўлов ташкилоти — “OZINTERPAY” МЧЖ, “Interpay Sys” МЧЖ, “WOOPPAY UZ” МЧЖ ҳамда “VENKON GROUP” МЧЖларнинг тўлов ташкилоти фаолиятини амалга ошириш ҳуқуқини берувчи лицензияларини чақириб олди ва тўлов ташкилотлари реестридан чиқарди.

Бунга ушбу ташкилотларнинг устав капитали қонунчилик талабларига мувофиқ шакллантирилмагани сабаб бўлган.

Батафсил - https://bankers.uz/news/1224


@bankers_uz

📰 Moody's бир нечта Ўзбекистон банкларининг кредит рейтингларини қайта кўриб чиқди

Moody's рейтинг агентлиги Агробанк, Алоқабанк, Асакабанк, Ўзмиллийбанк ҳамда Қишлоқ қурилиш банкнинг мустақил кредит рейтингларини қайта кўриб чиқди ва баҳолади.

Агентлик, хусусан, Қишлоқ қурилиш банкнинг айрим рейтинг кўрсаткичларини туширган ҳамда истиқболини "барқарор"дан "салбий"га ўзгартирган.

Батафсил — https://bankers.uz/news/1226


@bankers_uz

🏦 Аввал хабар берганимиздек, ўтган дам олиш кунлари Агробанк тизими ходимлари ўртасида ўтказиладиган "Agrobank Liderlari" интеллектуал ўйинларининг 2023 йилги мавсумига старт берилди. Дастлабки баҳслар водий вилоятларида бўлиб ўтди.

Ўйинларнинг Наманган вилоят босқичида 14 та жамоа қатнашди. Қизиқарли ва муросасиз баҳслар якунида "Agropop" жамоаси биринчи, "Namangan lochinlari" жамоаси иккинчи ҳамда "Dream Team" жамоаси учинчи ўринни эгаллади. Ушбу жамоалар октябрь ойи якунида бўлиб ўтадиган финал босқичи йўлланмасини қўлга киритдилар.

Ўйин фотожамланмасини ушбу ҳаволада томоша қилишингиз мумкин.

Эслатиб ўтамиз, мазкур ўйинлар Bankers.uz жамоаси билан ҳамкорликда ташкил қилинмоқда.


@bankers_uz

🏦 Марказий банк Бошқаруви 2023 йил 14 сентябрда асосий ставкани йиллик 14 фоиз даражасида ўзгаришсиз қолдириш тўғрисидаги қарор қабул қилди.

Қайд этилишича, жорий ички ва ташқи иқтисодий шароитларни ҳисобга олган ҳолда йил якунига қадар инфляция даражаси 8,5-9,5 фоизлик прогноз коридори доирасида бўлиши кутилмоқда.


@bankers_uz

💳 UZCARD таъсисчилари таркибида ўзгариш рўй берди

"Ягона Умумреспублика Процессинг Маркази" МЧЖ (UZCARD) таъсисчилари таркибида ўзгариш содир бўлган. Очиқ маълумотларга кўра, ўтган йил октябрь ойидан буён жамиятга эгалик қилаётган тўртта жисмоний шахсдан учтасига тегишли жами 75 фоизлик улуш "IMC-CAPITAL" МЧЖ ҚКга ўтган.

Компаниянинг аввалги таъсисчиларидан фақатгина Камрон Акбаровнинг 25 фоизлик улуши сақланиб қолган.

Батафсил - https://bankers.uz/news/1228


@bankers_uz

🏦 Moody's Асакабанкнинг узоқ муддатли рейтингини "В1"дан "Ва3"га оширди

Moody's халқаро рейтинг агентлиги банклар кредит рейтингларини йиллик қайта кўриб чиқиш доирасида "Асакабанк" АЖнинг узоқ муддатли банк депозитлари рейтингини "В1"дан "Ва3"га ҳамда базавий кредит рейтингини "В3" дан "В2" га ошириш ҳақида хулоса берди.

Мазкур рейтинглар Асакабанкнинг инвестицион салоҳияти ошишига асосий омиллардан бири бўлиб хизмат қилади.

Батафсил - https://bankers.uz/news/1227


@bankers_uz

🏦 ANORBANK юридик шахслар учун Plus депозитини таклиф қилмоқда

Ушбу депозит очилгандан сўнг дарҳол 2 фоизгача аванс мумкин бўлади. Депозит бўйича фоиз ставкаси унинг миқдори ва муддатидан келиб чиқади.

Депозитни очилган кундан бошлаб 90 кундан ичида тўлдириш имконияти мавжуд.

Батафсил маълумотни ушбу ҳавола ёки 1290 рақами орқали олиш мумкин.


@bankers_uz

🏦 Янги норматив талаблар автокредитлар ажратишни чекламайди ва фоиз ставкаларига таъсир қилмайди — Марказий банк

Марказий банк охирги кунларда муҳокама бўлаётган, тижорат банкларига автокредитлар бўйича янги чекловлар жорий қилингани ҳақидаги хабарларга расмий изоҳ берди.

Қайд этилишича, сўнгги йилларда банклар томонидан ажратилган автокредитлар улушининг кескин ортиши турли рискларни келтириб чиқаргани боис, МБ тижорат банкларига айрим кўрсатмаларни берган. Бироқ, бу банклар томонидан автокредитлар ажратилишини тақиқламайди ҳамда фоиз ставкалари ошишига таъсир кўрсатмайди.

Батафсил - https://bankers.uz/news/1230


@bankers_uz