Мамаризо Нурмуратов: Банк ходимларини ҳам кечаси уйма-уй юришини олдини олишга ҳаракат қилдик

Кеча бўлиб ўтган матбуот анжуманида Марказий банк раиси Мамаризо Нурмуратов яқинда тижорат банкларига юборилган "Жисмоний шахсларнинг муддати ўтган қарздорликлари ундирилишига доир Тавсиялар" ҳақида журналистнинг саволларига жавоб берди.

— Бизнинг асосий мақсадимиз, ўзларинг ҳам бу ҳақда кўп бора ёзиб чиқардиларинг, "шанба куни, якшанба куни банкирлар уйма-уй юрибди, кечаси юрибди" деган хулосалар бор, ана ўшаларни тартибга солиш. Яъни, нафақат мижозни кечаси безовта қилмаслик, балки кечаси банк ходими ҳам юрмасин деган мақсадда қилинган ҳаракат, — деб таъкидлади М.Нурмуратов


@bankers_uz

Кредит фоизларини 10 фоизгача тушириш, ислом молиясини жорий қилиш, банк кенгашларини ислоҳ қилиш — "Ўзбекистон – 2030" стратегиясида нималар назарда тутилган?

Келгуси 7 йилда мамлакатнинг асосий ривожланиш йўналишларини белгилаб берувчи "Ўзбекистон – 2030" стратегияси ва уни 2023 йилда амалга ошириш чора-тадбирлари лойиҳалари кенг жамоатчилик муҳокамаси учун жойлаштирилди.

Стратегиянинг 50-банди банк тизимидаги режаларга бағишланган. Хусусан, унда 2030 йилгача кредит фоизларини 10-12 фоизгача тушириш, йиллик кредитлаш ҳажмини 40 млрд долларга етказиш, камида 3 та банкда ислом молиясини жорий қилиш, банк бозорига камида 4 та йирик нуфузли чет эл банкларини жалб қилиш каби вазифа ва режалар белгиланган.

Батафсил - https://bankers.uz/news/1186


@bankers_uz

Бир миллион донадан ортиқ карта эмиссия қилган банклар сони 12 тага етди

МБ маълумотларига кўра, 2023 йилнинг 1-ярми давомида пластик карталар 4,7 млн донага кўпайиб, уларнинг жами сони 38,8 миллион донадан ошди. Ҳисобот даврида эмиссия қилинган карталар сони бўйича энг кўп ўсиш Халқ банки (+1 367,7 минг), TBC Bank (+494,2 минг), Ипак Йўли банки (+352,5 минг), ANOR BANK (+337,2 минг) ҳамда Hamkorbank (+272,5 минг) да кузатилган.

Ўтган давр давомида TBC Bank 1 млндан ортиқ карта эмиссия қилган 12 та банк қаторига кирган бўлса, Hayot Bank июнь ойида илк марта банк картаси эмиссия қилди.

Батафсил - https://bankers.uz/news/1189


@bankers_uz

Бир нечта иловаларда картадан картага пул ўтказмалари ишламаётгани айтилмоқда

Ижтимоий тармоқларда айрим тўлов иловалари, хусусан "Payme", "Oson", "QIWI Uzbekistan" ва "Limonpay"да картадан картага пул ўтказмалари функцияси ишламаётгани ҳақида хабарлар тарқалди. "Oson" тўлов тизими ўз сайтида вазиятни "компанияга боғлиқ бўлмаган сабаблар туфайли" деб изоҳлаган бўлса, қолган иловалар, хусусан, "Payme" "техник (профилактик) ишлар туфайли" эканлигини "push-хабар" орқали маълум қилган.

Фойдаланувчилар "Click" иловасида ҳам носозликлар кузатилаётганини айтмоқда, бироқ ҳозирча компания бу ҳақда расмий хабар бермаган.

Батафсил - https://bankers.uz/news/1192


@bankers_uz

Учта банкка Қорақалпоғистондаги инвестицион лойиҳаларни молиялаштириш учун 100 млн АҚШ доллари ажратилади — Президент фармони

Президентнинг 8 августдаги "Қорақалпоғистон Республикасида тадбиркорларга қулай шароитлар яратишга оид қўшимча чора-тадбирлар тўғрисида"ги Фармони қабул қилинди. Фармонга кўра, Тикланиш ва тараққиёт жамғармаси ушбу ҳудудда инвестиция лойиҳаларини молиялаштириш учун Ўзмиллийбанк, Ўзсаноатқурилишбанк ва Алоқабанкка 100 млн АҚШ доллари ажратади.

Банклар ушбу маблағлар доирасида хорижий валютада 5 фоиз, миллий валютада 12 фоиз булган йиллик ставкаларда 10 йил муддатгача, 5 йиллик имтиёзли давр билан кредит ажратади.

Батафсил - https://bankers.uz/news/1193


@bankers_uz

Куни кеча Савдо саноат палатаси, Божхона қўмитаси ва Ўзбекистон темир йўллари масъуллари иштирокида тадбиркорлар билан давра суҳбати ташкил қилинди. Учрашувда темир йўл ва божхона соҳасидаги муаммоли масалалар кўтарилди.

Экспорт ва импорт билан ишлайдиган тадбиркорларнинг асосий муаммолари — бу божхона ва темир йўл соҳаларидаги хизматларда бўлгани сабаб, учрашув айнан шу мавзуда бўлиб ўтди. Иқтисодий ўсишга эришиш сўнгги йилларда нафақат қўшни, балки Хитой, МДҲ мамлакатлари билан ҳам савдо-сотиқни ривожлантиришга боғлиқ эканлиги ҳеч кимга сир эмас. Шу каби давра суҳбатини ташкил қилишдан кўзланган асосий мақсад ҳам бошланган самарали тадбирларнинг давоми бўлди.

Учрашувда идоралар раҳбарлари тадбиркорларинг тўпланиб қолган барча муаммоларни тинглашди. Айниқса, шу ойда бўлиб ўтадиган Президент билан учрашув арафасида бу муаммоларни кўтариш ва уларга ечим излаш, жамоатчиликка буни кўрсатиш муҳим эди.

Муаммолари ҳал этилаётган тадбиркорларнинг кўнгли анча кўтарилди. Баъзи раҳбарлар эса тизимда бу каби муаммолар борлигидан ўзлари ҳам ҳайратга тушишди. Кўриндики, ўзаро алоқа такомиллашган ҳолда йўлга қўйилмаган. Савдо-саноат палатаси бу масалада ҳар доим ўзига хос очиқ мулоқот майдони, платформа вазифасини ўташда давом этади деган умиддамиз.

❗️Доллар курси 400 сўмга ошмоқда

Тижорат банкларида доллар курси кескин кўтарилиши кутилмоқда. Хусусан, аксарият тижорат банклари ҳозирнинг ўзида АҚШ доллари сотув курсини 12 120 - 12 135 сўм оралиқ даражасида белгилашни бошлади.

Айрим банк мобил иловаларида АҚШ долларини онлайн конверсия қилиш функцияси вақтинча ишламаётганлиги ҳам айтилмоқда.


@bankers_uz