🏦 Айни дамда Марказий банк бошқаруви раиси Мамаризо Нурмуратов Олий Мажлис Сенати йиғилишида ҳисобот бермоқда.

Ҳисоботни онлайн равишда кўриш учун ҳавола:

https://www.youtube.com/watch?v=xdGW-8udhWE


@bankers_uz_live

🏦 Ўзбекистондаги энг йирик газобетон ишлаб чиқарувчи корхонага пресс-тур ташкил этилди

1 июнь куни Сирдарё вилояти Сирдарё туманида фаолият юритувчи “EURASIA GAZ BETON” МЧЖга пресс-тур ташкил этилди. Корхона Европа технологиялари асосида ишга туширилган бўлиб, Микрокредитбанк томонидан молиялаштирилган.

Лойиҳанинг умумий қиймати 28,9 млн АҚШ долларни ташкил қилади, шундан 15,4 млн евро ва 928 минг долларлик қисми банк томонидан ажратилган кредитлар орқали молиялаштирилган.

Батафсил — https://bankers.uz/news/1136


@bankers_uz

🏦 Bankers.uz ва республикамиз банк тизими жамоаси номидан бугун туғилган кунини нишонлаётган "Ипотека банк" АТИБ Бошқаруви раиси Элёр Иномжоновни табриклаймиз! (1978 йил туғилган)

Шу муносабат билан, Элёр Исроиловичга мустаҳкам соғлик, меҳнат фаолиятида куч-қувват ҳамда зафарлар тилаб қоламиз.


@bankers_uz

💳💳 HUMO-UZCARD банкоматларини интеграция қилган банклар сони 16 тага етди

Миллий банклараро процессинг марказининг хабар беришича, бугунги кунга қадар 16 та банк — Агробанк, Алоқабанк, Ипотека-банк, MKBank, Hamkorbank, Қишлоқ қурилиш банк, Инфинбанк, Asia Alliance Bank, Garant Bank, Tenge Bank, Трастбанк, Туронбанк, Ўзмиллийбанк, Асакабанкларнинг HUMO банкоматлари UZCARD карталарга хизмат кўрсатишни бошлади.

Ушбу 16 та банкка тегишли жами банкоматлар сони 12 316 тани ташкил қилиб, жами ўрнатилган банкоматлардаги улуши 75,65 фоизни ташкил қилади.

Батафсил - https://bankers.uz/news/1138


@bankers_uz

🏦 Ипотека-банк акциядорларининг йиллик умумий йиғилиши 27 июнда бўлиб ўтади

Онлайн тарзда ўтадиган йиғилиш кун тартибидан 10 та масала ўрин олган. Акциядорлар банк Кузатув кенгаши ҳамда Бошқарувининг йиллик ҳисоботларини эшитади, шунингдек, банкнинг 2022 йилги соф фойдасини тақсимлаш ҳамда имтиёзли акцияларга дивидендлар тўлаш масаласини муҳокама қилади.

Эслатиб ўтамиз, банк 2022 йилда 1 трлн 156,5 млрд сўм соф фойда олган.

Батафсил - https://bankers.uz/news/1139


@bankers_uz

🏦 ANORBANK устав капитали МБ талабларига ортиғи билан жавоб беради — банк баёноти

Банк устав капиталининг энг кам миқдори шу йил 1 сентябрдан 200 млрд сўмни ва босқичма-босқич 2025 йил 1 январдан 500 млрд сўмни ташкил этиши белгиланганлиги, ушбу талабларни бажармаган банклар бошқа банкларга қўшилиши ёки лицензияси олиб қўйилиши мумкинлиги ҳақидаги хабарлар юзасидан "ANOR BANK" АЖ расмий баёнот берди.

Қайд этилишича, 2023 йил 1 июнь ҳолатига банк етарли даражада, яъни 325 млрд сўм устав капиталига эга. Шунингдек, банк капитали минимал миқдорига қўйиладиган талабларнинг босқичма-босқич ўзгаришига мос равишда ўз капиталини ошириб боришини маълум қилган.

Батафсил - https://bankers.uz/news/1140


@bankers_uz

🏦 Алоқабанк акциядорларининг йиллик умумий йиғилиши 27 июнда бўлиб ўтади

Жорий йил 27 июнь куни онлайн равишда бўлиб ўтадиган акциядорлар йиғилишида 12 та масала кўриб чиқилиши режалаштирилган. Хусусан, йиғилиш кун тартибидан 2022 йил фаолияти якунлари бўйича Кузатув кенгаши ва бошқарувнинг, шунингдек аудиторлик ҳисоботларини тинглаш, банкнинг йиллик ҳисоботларини тасдиқлаш, ўтган йил олинган соф фойдани тақсимлаш кабилар ўрин олган.

Батафсил - https://bankers.uz/news/1141


@bankers_uz

🏦 Ипотека банк бошқаруви ва кузатув кенгаши таркиби янгиланмоқда

"Ипотека банк" АТИБ акциядорларининг жорий йил 26 майда бўлиб ўтган йиғилишида банк Кузатув кенгаши ва бошқарув аъзолари таркибини янгилашга қарор қилинган. Хусусан, Кузатув кенгаши таркибига 4 та янги аъзо, шу жумладан 3 та OTP Bank вакили киритилган. Бундан ташқари, банк бошқаруви аъзолари таркиби ҳам деярли 50 фоизга янгиланган.

Қайд этилишича, юқоридаги ўзгаришлар ва банкнинг янги ташкилий тузилмаси ЎзР Ҳукумати ва OTP Bank ўртасида тузилган акцияларни олиш-сотиш бўйича шартномага мувофиқ 1-транзакция ёпилишидан сўнг амалга киритилади.

Батафсил - https://bankers.uz/news/1142


@bankers_uz

🏦 “The Investor” журнали Халқ банки ҳақидаги маълумотларни чоп этди

Франциянинг нуфузли халқаро “The Investor” журнали Ўзбекистонга бағишланган сонини нашр қилди. Журналнинг илк икки саҳифасида Ўзбекистоннинг биринчи банки – Халқ банки ҳақидаги маълумотлар ҳамда 83-саҳифасида банкнинг «Xazna» мобил иловаси ҳақида мақола чоп этилган. Шунингдек, журналнинг 32-33-саҳифаларда банк бошқарув раисининг интервьюси жой олган.

Эслатиб ўтамиз, ўқувчиларининг 76 фоизи зиёли қатламдан иборат бўлган журналнинг битта сони тахминан 84 минг ададда чоп этилади.

Батафсил - https://bankers.uz/news/1144


@bankers_uz

🏦 🔄 Click компанияси Uzum Holding таркибига қўшилади

Хабар берилишича, "Click" компаниясини Uzum Holding экотизими таркибига қўшилиши борасида келишувга эришилган.

Эслатиб ўтамиз, ҳозирда Uzum Holding таркибида "Капиталбанк" АТБ, "Uzum Bank" АЖ банклари, "Uzum Market" маркетплейси, "Uzum Tezkor" етказиб бериш хизмати, "Uzum Nasiya" бўлиб тўлаш электрон дўкони фаолият олиб бораётган эди.

Батафсил - https://bankers.uz/news/1146


@bankers_uz

🏦 Фарход Маматджанов "Infinbank"нинг асосий акциядорига айланди

Тадбиркор Фарход Фахриддинович Маматджанов "Invest Finance Bank" АЖнинг 70,88 фоиз улушига бевосита ва 20,53 фоиз улушига билвосита эгалик қила бошлади. Бу ҳақда Ягона корпоратив ахборот порталида ҳамда Статистика қўмитаси маълумотларида айтилган.

Фарход Маматджанов ушбу улушларни шу кунга қадар мазкур улушга эгалик қилган Фахритдин Маматджановдан сотиб олган.

Батафсил - https://bankers.uz/news/1145


@bankers_uz

🏦 Халқ банки тизими ходимлари ўртасида интеллектуал ўйинларга старт берилди (+фото)

АТ "Халқ банки" тизими ходимлари ўртасида махсус интеллектуал тимбилдинг лойиҳаси — "XALQ 25 QUIZ" ўйинларига старт берилди. Банк HR-трансформациясининг қисми сифатида ўтказилаётган тадбирнинг ҳудудий босқич ўйинлари 10 июнь - 5 август кунлари, финал ўйини эса Мустақиллик байрами арафасида бўлиб ўтади.

Куни кеча — 10-11 июнь кунлари ўйинларнинг дастлабки 3 та ҳудудий босқичларида жами 30 та жамоа қатнашди. Нукусдаги ўйинда "Оқманғит", Урганч босқичида "Боғот" ҳамда Қаршида "Амалиёт" жамоалари ғолиб бўлди.

Батафсил - https://bankers.uz/news/1147


@bankers_uz

🏦 OTP Bank Ипотека банкни расман сотиб олди

Бугун Венгриянинг ва Шарқий Европанинг йирик банкларидан бири — OTP-Bank Ипотека банкни сотиб олиш бўйича амалиёти муваффақиятли якунланганини маълум қилди ва банк Ипотека-банкнинг қонуний назорат органига айланди.

Натижада, ОTP Bank Ипотека-банкнинг 73,41 фоиз эгалиги билан асосий акциядорига ҳамда билвосита банкка тегишли “Ipoteka Lizing” ва “Imkon Sug'urta” жамиятларининг эгасига айланди.

Батафсил - https://bankers.uz/news/1148


@bankers_uz