🏦 Асакабанк Хитойнинг Sinosure корпорацияси билан ҳамкорлик шартномасини имзолади

26 май куни "Асакабанк" АЖ Бош офисида Хитойнинг экспорт-кредит суғурта корпорацияси — "Sinosure" раиси Сонг Шугуанг бошчилигидаги делегация билан музокаралар бўлиб ўтди.

Асакабанк ва Sinosure ўртасидаги ҳамкорлик 2017 йилда бошланган бўлиб, қайд этилишича, ўтган давр мобайнида умумий қиймати 128,8 миллион долларлик иккита йирик лойиҳа биргаликда амалга оширилган.

Батафсил - https://bankers.uz/news/1131


@bankers_uz

🏦 ANORBANK нутқ технологиялари ва илғор бизнес амалиётлари соҳасидаги ютуқларини тақдим қилди

23 май куни Тошкент шаҳрида Марказий Осиё давлатларининг етакчи тизимли интегратори U-BSS ва Person Hunters компаниялар гуруҳи томонидан конференция ўтказилди.

Тадбирда ANORBANK бошқаруви раиси ўринбосари Икром Шукуров қатнашиб, банкнинг анъанавий офлайн банклар билан фарқлари, унинг рақамли моҳияти, шунингдек, кейинги ривожланиш режалари ҳақида тақдимот ўтказди.

Батафсил - https://bankers.uz/news/1132


@bankers_uz

🏦 Апрель ойида муаммоли кредитлар ҳажми 425 млрд сўмга кўпайган

Маълумотларига кўра, апрель ойи якуни бўйича банк тизимида муаммоли кредитлар ҳажми 425 млрд сўмга кўпайган. Кредит портфели ҳажми 5,2 трлн сўмдан зиёдга кўпайган ва 413,4 трлн сўмни ташкил қилмоқда. NPLнинг жами кредитлардаги улуши 3,57 фоизга етган (+0,06%).

Давлат банкларидаги NPL кўрсаткичи 0,1 фоизга кўпайиб, 3,96 фоизни ташкил қилмоқда. Ой давомида муаммоли кредитлар ҳажм жиҳатдан Ўзмиллийбанк (+208 млрд сўм), Асакабанк (+115 млрд сўм) ва Ўзсаноатқурилишбанк (+78 млрд сўм) да нисбатан кўпайган. Агробанк, Халқ банки, Ипотека-банк ҳамда Микрокредитбанкларда эса камайган.

Батафсил - https://bankers.uz/news/1133


@bankers_uz

🏦 "APEX BANK" АЖ бошқарув раисига биринчи ўринбосар тайинланди

"APEX BANK" АЖ Кузатув кенгаши қарорига кўра, Бобохон Рустамович Абдуллаев банк бошқаруви раисининг биринчи ўринбосари лавозимига тайинланган. Бу ҳақда Ягона корпоратив ахборот портали маълумотларида айтилган. Б.Абдуллаев 2005 йилдан 2023 йил апрель ойигача Асакабанк тизимида, хусусан, 2019 йил февралдан "Асакабанк" АЖ бошқаруви раиси ўринбосари лавозимида ишлаган.

Тартибга кўра, Б.Абдуллаев номзоди МБ билан келишилгандан сўнг, расман лавозимига тасдиқланган ҳисобланади.

Батафсил - https://bankers.uz/news/1129


@bankers_uz

🏦 Муомаладаги банк карталари сони Ўзбекистон аҳолиси сонидан ошди

МБ маълумотларига кўра, апрель ойи давомида пластик карталар 904,6 минг донага кўпайиб, уларнинг жами сони 37,5 млн донадан ошиб кетган. Карталар сонининг ўсиши бўйича Халқ банки (+431,4 минг дона), TBC Bank (+83,5 минг дона), ANORBANK (+52,7 минг дона), Агробанк (+51,4 минг дона) ва Ипак Йўли банки (49,1 минг дона) етакчи бўлган.

Апрель ойи мобайнида банкоматлар ва инфокиосклар сонида 4 336 тага камайган. Камайиш асосан тўлов ташкилотлари (4 490 дона) ҳиссасига тўғри келган.

Батафсил - https://bankers.uz/news/1134


@bankers_uz

🏦 Айни дамда Марказий банк бошқаруви раиси Мамаризо Нурмуратов Олий Мажлис Сенати йиғилишида ҳисобот бермоқда.

Ҳисоботни онлайн равишда кўриш учун ҳавола:

https://www.youtube.com/watch?v=xdGW-8udhWE


@bankers_uz_live

🏦 Ўзбекистондаги энг йирик газобетон ишлаб чиқарувчи корхонага пресс-тур ташкил этилди

1 июнь куни Сирдарё вилояти Сирдарё туманида фаолият юритувчи “EURASIA GAZ BETON” МЧЖга пресс-тур ташкил этилди. Корхона Европа технологиялари асосида ишга туширилган бўлиб, Микрокредитбанк томонидан молиялаштирилган.

Лойиҳанинг умумий қиймати 28,9 млн АҚШ долларни ташкил қилади, шундан 15,4 млн евро ва 928 минг долларлик қисми банк томонидан ажратилган кредитлар орқали молиялаштирилган.

Батафсил — https://bankers.uz/news/1136


@bankers_uz

🏦 Bankers.uz ва республикамиз банк тизими жамоаси номидан бугун туғилган кунини нишонлаётган "Ипотека банк" АТИБ Бошқаруви раиси Элёр Иномжоновни табриклаймиз! (1978 йил туғилган)

Шу муносабат билан, Элёр Исроиловичга мустаҳкам соғлик, меҳнат фаолиятида куч-қувват ҳамда зафарлар тилаб қоламиз.


@bankers_uz

💳💳 HUMO-UZCARD банкоматларини интеграция қилган банклар сони 16 тага етди

Миллий банклараро процессинг марказининг хабар беришича, бугунги кунга қадар 16 та банк — Агробанк, Алоқабанк, Ипотека-банк, MKBank, Hamkorbank, Қишлоқ қурилиш банк, Инфинбанк, Asia Alliance Bank, Garant Bank, Tenge Bank, Трастбанк, Туронбанк, Ўзмиллийбанк, Асакабанкларнинг HUMO банкоматлари UZCARD карталарга хизмат кўрсатишни бошлади.

Ушбу 16 та банкка тегишли жами банкоматлар сони 12 316 тани ташкил қилиб, жами ўрнатилган банкоматлардаги улуши 75,65 фоизни ташкил қилади.

Батафсил - https://bankers.uz/news/1138


@bankers_uz

🏦 Ипотека-банк акциядорларининг йиллик умумий йиғилиши 27 июнда бўлиб ўтади

Онлайн тарзда ўтадиган йиғилиш кун тартибидан 10 та масала ўрин олган. Акциядорлар банк Кузатув кенгаши ҳамда Бошқарувининг йиллик ҳисоботларини эшитади, шунингдек, банкнинг 2022 йилги соф фойдасини тақсимлаш ҳамда имтиёзли акцияларга дивидендлар тўлаш масаласини муҳокама қилади.

Эслатиб ўтамиз, банк 2022 йилда 1 трлн 156,5 млрд сўм соф фойда олган.

Батафсил - https://bankers.uz/news/1139


@bankers_uz

🏦 ANORBANK устав капитали МБ талабларига ортиғи билан жавоб беради — банк баёноти

Банк устав капиталининг энг кам миқдори шу йил 1 сентябрдан 200 млрд сўмни ва босқичма-босқич 2025 йил 1 январдан 500 млрд сўмни ташкил этиши белгиланганлиги, ушбу талабларни бажармаган банклар бошқа банкларга қўшилиши ёки лицензияси олиб қўйилиши мумкинлиги ҳақидаги хабарлар юзасидан "ANOR BANK" АЖ расмий баёнот берди.

Қайд этилишича, 2023 йил 1 июнь ҳолатига банк етарли даражада, яъни 325 млрд сўм устав капиталига эга. Шунингдек, банк капитали минимал миқдорига қўйиладиган талабларнинг босқичма-босқич ўзгаришига мос равишда ўз капиталини ошириб боришини маълум қилган.

Батафсил - https://bankers.uz/news/1140


@bankers_uz

🏦 Алоқабанк акциядорларининг йиллик умумий йиғилиши 27 июнда бўлиб ўтади

Жорий йил 27 июнь куни онлайн равишда бўлиб ўтадиган акциядорлар йиғилишида 12 та масала кўриб чиқилиши режалаштирилган. Хусусан, йиғилиш кун тартибидан 2022 йил фаолияти якунлари бўйича Кузатув кенгаши ва бошқарувнинг, шунингдек аудиторлик ҳисоботларини тинглаш, банкнинг йиллик ҳисоботларини тасдиқлаш, ўтган йил олинган соф фойдани тақсимлаш кабилар ўрин олган.

Батафсил - https://bankers.uz/news/1141


@bankers_uz

🏦 Ипотека банк бошқаруви ва кузатув кенгаши таркиби янгиланмоқда

"Ипотека банк" АТИБ акциядорларининг жорий йил 26 майда бўлиб ўтган йиғилишида банк Кузатув кенгаши ва бошқарув аъзолари таркибини янгилашга қарор қилинган. Хусусан, Кузатув кенгаши таркибига 4 та янги аъзо, шу жумладан 3 та OTP Bank вакили киритилган. Бундан ташқари, банк бошқаруви аъзолари таркиби ҳам деярли 50 фоизга янгиланган.

Қайд этилишича, юқоридаги ўзгаришлар ва банкнинг янги ташкилий тузилмаси ЎзР Ҳукумати ва OTP Bank ўртасида тузилган акцияларни олиш-сотиш бўйича шартномага мувофиқ 1-транзакция ёпилишидан сўнг амалга киритилади.

Батафсил - https://bankers.uz/news/1142


@bankers_uz