🏦 Агробанк Ислом тараққиёт банкининг йиллик йиғилишида иштирок этди

Жорий йилнинг 11–13 май кунлари Саудия Арабистонида Ислом Тараққиёт банкининг йиллик йиғилиши бўлиб ўтди. Унда Агробанк вакиллари ҳам иштирок этдилар.

Форум давомида Агробанк Хусусий Секторни Ривожлантириш Ислом корпорацияси (ХСРИК) ва Халқаро Ислом Савдо-Молия корпорацияси (ХИСМК) билан бир нечта манфаатли келишувларга эришди. Шунингдек, банк Ислом Тараққиёт банки гуруҳига кирувчи 57 та иштирокчи давлатлар банклари орасида бир йўла 2 та махсус номинациялар бўйича эътироф этилди.

Батафсил - https://bankers.uz/news/1112


@bankers_uz

🏦 ANORBANK’дан юридик шахслар учун валюта курслари

Банк томонидан юридик шахслар учун ҳар куни махсус валюта курслари таклиф қилинмоқда. Бундан ташқари, ойига умумий 1 миллион доллардан ортиқ миқдорда валюта сотиб олинса, валюта курси янада пастроқ бўлади. Юридик мижозлар ANORBANK'да ҳисобрақам очиб, валюта конвертациясидан фойда қилишлари мумкин.

Кунлик валюта курслари @anorbank каналида бериб борилади.

🏦 Туронбанк ҳудудлардаги ходимлар учун махсус корпоратив тренинглар ўтказмоқда

"Туронбанк" АТБ Bankers.uz мутахассислари билан ҳамкорликда банкни фаол трансформациялаш жараёнларининг ажралмас қисми сифатида ходимларнинг профессионал салоҳиятини ривожлантириш бўйича махсус ўқув-тренинглар ўтказмоқда. Тренинглар бош офис топ-менежерлари, шунингдек соҳа экспертлари ва менторларини жалб қилган ҳолда, барча ҳудудлардаги инфратузилмаларда ташкиллаштирилади.

Ушбу тренинглар давомида ходимларга "Банклар ва банк фаолияти қонунчилиги", "Хизмат кўрсатиш стандартлари", "Colvir" дастурида ишлаш", "Чакана ва корпоратив хизматлар кўрсатиш ҳамда психология", "тайм-менеджмент" сингари мавзуларда маъруза ва амалий машғулотлар ўтказилмоқда.

Батафсил - https://bankers.uz/news/1101


@bankers_uz

🏦"YANGI BANK" АЖ бошқарув раиси кимлиги маълум бўлди

Жорий йил 5 май куни лицензия олган "YANGI BANK" АЖ бошқарув раиси этиб Светлана Зехеновна Хе тайинланган. Бу ҳақда Статистика қўмитасининг корхона ва ташкилотлар тўғрисидаги ахборотларида маълумот киритилган.

Светлана Хе меҳнат фаолиятини Ўзмиллийбанкда бошлаган. 2004-2012 йилларда Капиталбанк тизимида турли лавозимларда, 2012-2022 йилларда ЧАКБ "Равнақ банк" бош бухгалтери, 2022 йил июнь ойидан ушбу банк бошқаруви раиси маслаҳатчиси лавозимида ишлаган.

Батафсил - https://bankers.uz/news/1115


@bankers_uz

🏦 2022 йил якунларига кўра, жисмоний шахсларнинг банклардаги депозитлари қолдиғи бўйича Агробанк етакчи иккита банкдан бири сифатида қайд этилган. Банк кенг инфратузилма тармоғи ва ишончли хизмат кўрсатиш орқали омонат амалиётлари бозорида ўзига хос ўринга эга.

Банк томонидан таклиф қилинаётган фойдали шартлардаги омонатлар билан бу ерда танишиш мумкин.

Сиз ҳаракатда — пулингиз ҳам ҳаракатда!


@bankers_uz

🏦 Микрокредитбанк бошқарув раисига янги ўринбосар тайинланди

"Микрокредитбанк" АТБ Кузатув кенгашининг тегишли қарорига кўра Қосим Хўжаёрович Муҳаммадиев банк бошқарув раиси ўринбосари этиб тайинланди. Бу ҳақда Корпоратив ахборот ягона порталида маълум қилинган.

Қ. Муҳаммадиев 1970 йил туғилган. 1993 йилда Тошкент молия институтини, 1998 йилда Банк-молия академиясини тамомлаган. 1994-1996 йилларда Марказий банк, 1996-2000 йилларда Пахта банк, 2000-2014 йилларда Турон банк тизимид турли лавозимларда, шу жумладан раҳбарлик лавозимида фаолият олиб борган. Шу кунга қадар Ўзсаноатқурилишматериаллари уюшмасида ишлаган.

Батафсил - https://bankers.uz/news/1116


@bankers_uz

🏦 Bankers.uz ва республикамиз банк тизими жамоаси номидан бугун туғилган кунини нишонлаётган "ANOR BANK" АЖ бошқаруви раиси Шерзод Акрамовни самимий табриклаймиз! (1983 йил туғилган)

Шу муносабат билан, Шерзод Салимовичга мустаҳкам соғлик, меҳнат фаолиятида куч-қувват ва муваффақият тилаб қоламиз.


@bankers_uz

🏦 Асакабанк China Zheshang Bank билан ўзаро ҳамкорликни йўлга қўйди

Жорий йилнинг 18-19 май кунлари Президент бошчилигидаги Ўзбекистон делегациясининг Хитой Халқ Республикасига расмий ташрифи доирасида "Асакабанк" АЖ ва Хитойнинг Zheshang Bank'и ўртасида 50 миллион доллар эквивалентида маблағ ажратишни кўзда тутувчи меморандум имзоланди.

Ушбу ҳужжат томонларнинг ўзаро корреспондентлик алоқаларини ўрнатиш, савдони молиялаштириш, ғазначилик операциялари бўйича икки томонлама ҳамкорлик келишувларини кўзда тутади

Батафсил - https://bankers.uz/news/1117


@bankers_uz

🏦 Ориент Финанс банк акциядорларининг йиллик умумий йиғилиши 12 июнь куни ўтказилади

Акциядорлар умумий йиғилиши кун тартибидан 13 та масала ўрин олган бўлиб, улар қаторида банкнинг 2022 йилги ҳисоботларини тасдиқлаш, йил якунларига кўра банк олган соф фойдасини тақсимлаш, Кузатув кенгаши аъзоларига ҳақ тўлаш, Бошқарув раиси ва аъзолари билан тузилган меҳнат шартномаларини узайтириш, банкнинг янги ташкилий тузилмасини тасдиқлаш кабилар бор. Йиғилиш Тошкент шаҳар, Осиё кўчаси 5 уй манзилида жойлашган банкнинг бош офисида бўлиб ўтади.

Батафсил - https://bankers.uz/news/1119


@bankers_uz

🏦 "Rent Agro" МЧЖ Ипак Йўли банкининг энг йирик акциядорига айланди

"Rent Agro" масъулияти чекланган жамияти "Ипак Йўли" АИТБнинг 42,30 фоиз акциялари эгасига айланди. Бу ҳақда махсус порталда маълум қилинган. Жорий йил 15 май куни "Кафолат" СК банк устав капиталининг 6,28 фоизлик акциялар пакетини 62,47 млрд сўмга "Rent Agro" МЧЖга сотган.

"Rent Agro" МЧЖ 2012 йил августда ташкил этилган. Жамиятнинг устав капитали 83,46 млрд сўм бўлиб, иккита таъсисчи - Фазилов Хайрулла Хабибуллаевич (55,20%) ва Муратов Икромжон Ахматович (44,80%) га тегишли.

Батафсил - https://bankers.uz/news/1118


@bankers_uz

🏦 Bankers.uz ва республикамиз банк тизими жамоаси номидан бугун туғилган кунини нишонлаётган "Туронбанк" АТБ Бошқаруви раиси Чори Мирзаевни самимий муборакбод этамиз! (1971 йил туғилган)

Шу муносабат билан Чори Садибакосовичга соғлик-саломатлик ва куч-қувват, меҳнат фаолиятида эса янги ютуқлар тилаб қоламиз!


@bankers_uz

🏦 "HAYOT BANK" АЖ бошқарув раисига ўринбосарлар тайинланди

"HAYOT BANK" АЖ бошқарув раиси ўринбосарлари этиб Руслан Убайдуллаевич Хайдаров ҳамда Одил Оқил ўғли Пўлатовлар тайинланган. Бу ҳақда банк матбуот хизмати Bankers.uz'га маълум қилди.

Руслан Хайдаров 2012-2017 йиллар ҳамда 2019 йилдан Капиталбанк тизимида, хусусан, 2020 йилдан буён Капиталбанк "Тошкент шаҳар" смартбанк бошлиғи лавозимида фаолият юритган. Одил Пўлатов 2011-2020 йилларда Капиталбанк тизимида турли лавозимларда ишлаган. 2020-2022 йилларда “ANOR BANK” АЖ Чакана бизнес департаменти директори сифатида фаолият юритган.

Батафсил - https://bankers.uz/news/1122


@bankers_uz

🏦 TBC Group Payme'нинг 100 фоизлик улушига эга бўлди

TBC Group Payme'нинг 100% эгасига айланди. Бу ҳақда Грузия компаниясининг Лондон фонд биржасида эълон қилган баёнотида маълум бўлган.

2019 йил апрелидан бери TBC Group Payme'нинг 51% назорат пакетига эгалик қилиб келган ва охирги келишув натижасида компания таъсисчиларига тегишли бўлган 49% улушини ҳам сотиб олган. Айтилишича, бунинг учун гуруҳ келгуси 10 кун ичида нақд пул шаклида 55,7 млн доллар тўлайди. Битим натижасида Payme'нинг бозор қиймати 113,6 млн долларга баҳоланган.

Батафсил - https://bankers.uz/news/1123


@bankers_uz

🏦 Ўзмиллийбанк 2022 йил соф фойдасидан 2,17 трлн сўмни капитализацияга йўналтирди

"Ўзмиллийбанк" АЖ акциядорлари 12 май куни бир нечта масалалар, шу жумладан банкнинг 2022 йилги тақсимланмаган соф фойдасини тақсимлаш бўйича қарор қабул қилди.

Қарорда айтилишича, соф фойданинг 1,4 трлнлик қисми банк устав капиталини оширишга йўналтирилади. Банк ўтган йилнинг ярим йиллик соф фойдасидан қарийб 986 млрд сўмлик қисмини ҳам шу мақсадга йўналтирганини ҳисобга олсак, банк ўтган йилги соф фойдани 90 фоизини капитализацияга йўналтирган дейиш мумкин.

Батафсил - https://bankers.uz/news/1124


@bankers_uz

🏦 Давр банк бошқарув раисига ўринбосар тайинланди

"Давр банк" хусусий акциядорлик тижорат банки Кузатув кенгашининг тегишли қарорига асосан Самаржон Сидиқович Назаров банк бошқаруви раиси ўринбосари — юридик хизмат департаменти директори лавозимига тайинланган. Бу ҳақда Ягона корпоратив ахборот порталида маълум қилинди, хабарни С.Назаровнинг ўзи Bankers.uz'га тасдиқлади.

С.Назаров 2010-2017 йилларда ХАТБ "Давр банк"да турли лавозимларда ишлаган. 2017 йилдан буён хусусий секторда фаолият юритиш билан бир қаторда Давр банк Кузатув кенгаши аъзоси сифатида фаолият юритиб келган.

Батафсил - https://bankers.uz/news/1126


@bankers_uz

🏦 Ўтган йил республика бўйича ажратилган таълим кредитларининг 40 фоизи Халқ банки ҳиссасига тўғри келган

Aҳолига ипотека ва таълим кредитлари ажратиш борасида Халқ банки етакчилик қилмоқда, хусусан, 2022 йилда банклар томонидан ажратилган таълим кредитларининг 40 фоизи Халқ банки ҳиссасига тўғри келган. Бу ҳақда, 24 май куни АОКАда бўлиб ўтган матбуот анжуманида банк бошқарув раисининг биринчи ўринбосари Зафар Азимов маълум қилди.

Матбуот анжуманида, шунингдек, банкнинг 2022 йилдаги фаолияти натижалари ҳамда 2023 йилга мўлжалланган режалар ҳақида сўз борди.

Батафсил - https://bankers.uz/news/1127


@bankers_uz