🏦 Қишлоқ қурилиш банк таъсисчилигидаги суғурта компанияси сотилди

2019 йил "Қишлоқ қурилиш банк" АТБнинг тўлиқ таъсисчилигида очилган "Perfect Insurance" суғурта компаниясининг 100 фоизлик акциялар пакети жорий йил 17 март куни бўлиб ўтган биржа савдоларида қарийб 51,6 млрд сўмга сотилди. Бу ҳақда Тошкент фонд биржаси эълон қилган маълумотларда айтилган. Суғурта компаниясига тегишли акциялар номинал нархидан 47 фоизга қимматроқ сотилган бўлиб, харидор номи ҳозирча очиқланмаган.

Маълумот учун, "Perfect Insurance" СК таркибида барча вилоят марказларида 14 та филиаллар ва 23 та суғурта марказлари ҳамда 20 дан ортиқ суғурта хизматларини кўрсатиш шаҳобчалари мавжуд. Банк ўтган йилнинг ноябрь ойида суғурта компанияси устав капиталидаги 100 фоиз акциялар пакети биржа савдоларига чиқарилаётганини эълон қилганди.

Батафсил - https://bankers.uz/news/1066


@bankers_uz

🏦🏦 Асакабанк ва Ипотека-банк МДҲнинг топ-10 банклар рўйхатидан ўрин олди

Forbes Россия нашри МДҲнинг энг умидли банклари рейтингини тузди. Рейтингдан Арманистон, Грузия, Озарбайжон, Қозоғистон ва Ўзбекистонда фаолият юритаётган 50 та банк ўрин олган.

Нашр банклар рейтингини халқаро рейтинг агентликларининг баҳолашлари асосида тузган. Топ-10 ликдан Қозоғистоннинг 5 та, Грузиянинг 3 та, Ўзбекистоннинг 2 та банки ўрин олган.

Хусусан, "Асакабанк" АЖ 8-ўринда, “Ипотека-банк” АТИБ 9-ўринда қайд этилган. Жами рўйхатдан шунингдек, ЎзСҚБ, ҚҚБ, Ўзмиллийбанк, Агробанк, Халқ банки, Микрокредитбанк, Hamkorbank ва Капиталбанк жой олган.

Батафсил - https://bankers.uz/news/1067


@bankers_uz

🏦 Ўтган йил июнь ойида "Капиталбанк" АТБ бошқаруви раиси ўринбосари лавозимига тайинланган Расулжон Гулямов жорий йил 23 мартдан эътиборан эгаллаб турган лавозимидан озод қилинган ва шу муносабат билан банк бошқаруви таркибидан чиқарилган.

Эслатиб ўтамиз, Р.Гулямов банк бошқаруви раиси ўринбосари лавозимига тайинлангунга қадар (2020-2022 йиллар) "Капиталбанк" Кузатув кенгаши аъзоси сифатида ҳам фаолият юритган.


@bankers_uz

🏦 Ўзмиллийбанк бошқарув раисига биринчи ўринбосар тайинланди

"Ўзмиллийбанк" АЖ Кузатув кенгашининг тегишли қарорига асосан Сардорбек Анарбекович Усманбеков "Ўзмиллийбанк" АЖ бошқаруви раисининг биринчи ўринбосари лавозимига тайинланган. Тайинловга қадар С. Усманбеков "Ўзмиллийбанк"нинг Россиядаги шўъба банки — "Азия Инвест банк" ЁАЖ бошқаруви раиси лавозимида фаолият юритиб келаётган эди.

Батафсил - https://bankers.uz/news/1069


@bankers_uz

🏦 🏦 2023 йилда Ўзсаноатқурилишбанк капиталига 125 миллион доллар, Асакабанкка 100 миллион доллар маблағ жалб қилинади

Президент Шавкат Мирзиёев 28 март куни Асакабанк ва Ўзсаноатқурилишбанк капиталига хорижий инвестициялар жалб этиш бўйича тақдимот билан танишди.

Тақдимотда қайд этилганидек, 2023 йил давомида Ўзсаноатқурилишбанк капиталига 125 миллион доллар, Асакабанкка 100 миллион доллар маблағ жалб қилиниши кўзда тутилмоқда. Банкларнинг операцион фаолиятида замонавий дастурий IT маҳсулотлар ва 100 дан зиёд янги банк хизмат турлари жорий этилади.

Батафсил - https://bankers.uz/news/1071


@bankers_uz

🏦 Bankers.uz ва республикамиз банк тизими жамоаси номидан бугун туғилган кунини нишонлаётган Акциядорлик-тижорат "Халқ банки" бошқаруви раиси — Шухрат Атабаевни табриклаймиз! (1978 йил туғилган)

Шу муносабат билан, Шухрат Халдаровичга мустаҳкам соғлик ва куч-қувват, меҳнат фаолиятида эса муваффақиятлар тилаб қоламиз.


@bankers_uz

🏦 Қишлоқ қурилиш банкнинг суғурта компанияси кимга сотилгани маълум бўлди

Маълум бўлишича, "Қишлоқ қурилиш банк"нинг тўлиқ таъсисчилигидаги "Perfect Insurance" АЖ суғурта компаниясининг 100 фоизли акциялари улуши жорий йил 17 март куни 51,6 млрд. сўмга "Insurance 8888" масъулияти чекланган жамиятига сотилган.

Тадбиркорлик субъектларининг ягона реестрида қайд этилишича, "Insurance 8888" МЧЖ (СТИР: 310189788) жорий йил 1 февраль куни Тошкент шаҳрида рўйхатдан ўтган. Жамиятнинг устав капитали 10,0 млн сўм бўлиб, ягона таъсисчи сифатида жисмоний шахс Ерназаров Даврон Мухтарович кўрсатилган.


@bankers_uz

🏦 "HAYOT BANK" АЖ бошқаруви раиси ким эканлиги маълум бўлди

Жорий йилнинг 16 март куни банк фаолиятини амалга ошириш учун лицензия олган яна бир банк — "HAYOT BANK" акциядорлик жамиятининг бошқарув раиси этиб Алимов Зохид Закиржанович тайинланган. Бу ҳақда Давлат Статистика қўмитасининг корхона ва ташкилотлар тўғрисида маълумотлар реестрида қайд этилган.

З.Алимов (1984 йил туғилган) меҳнат фаолияти давомида Ўзсаноатқурилишбанк, Капиталбанк, "Kapital sug'urta" ҳамда "ANORBANK" тизимида, шу жумладан раҳбарлик лавозимларида ишлаган. Хусусан, 2020-2022 йилларда "ANORBANK" АЖ бошқаруви ўринбосари лавозимида фаолият юритган.

Батафсил - https://bankers.uz/news/1072


@bankers_uz

🏦 ANORBANK Россия иқтисодиёт университетининг Тошкент филиали билан меморандум имзолади

2023 йил 31 март куни ANORBANK ҳамда Г.В. Плеханов номидаги Россия иқтисодиёт университетининг Тошкент филиали ўртасида ўзаро манфаатли ҳамкорлик тўғрисида меморандум имзоланди. Имзолаш маросимида банк бошқарув раиси Шерзод Акрамов, бошқарув раиси ўринбосари Элёр Наджимитдинов ҳамда Филиал директори, Ўзбекистон Республикаси Фанлар академияси академиги Қаландар Абдураҳмонов иштирок этдилар.

Икки томонлама муносабатларни ривожлантириш бўйича имзоланган Меморандум доирасида томонлар бир нечта йўналишлар бўйича узоқ муддатли ҳамкорлик қилишга келишиб олдилар.

Батафсил - https://bankers.uz/news/1073


@bankers_uz

🏦 Tenge Bank корпоратив мижозларга мўлжалланган мобил иловани ишга туширди

Tenge Bank юридик шахслар учун банк филиалига ташриф буюрмасдан онлайн банк хизматларидан фойдаланиш имконини берувчи “Tenge Business” мобил иловасини ишга туширди.

Илова замонавий ва қулай интерфейсга ҳамда кенг функционалга эга бўлиб, у орқали мижозлар ўз ҳисобларини бошқариши, қолдиқлар, ҳисобварақдан кўчирмалар ва бошқа маълумотларни олиш имкониятига эга бўлади.

30 июнга қадар бепул хизмат кўрсатиладиган иловани App Store ва Google Play'дан юклаб олиш мумкин.


@bankers_uz