🏦 Венгриянинг OTP Bank'и Ўзбекистоннинг Ипотека-банкини сотиб олиш бўйича шартнома имзолади

2020 йил охиридан бошлаб Ўзбекистон банк секторини хусусийлаштириш жараёнларига фаол қизиқиш билдириб келаётган Венгриянинг OTP Bank'и ва ниҳоят расман Ипотека банкни сотиб оладиган бўлди. Ҳужжатни Тошкентда OTP Bank номидан бошқарув раиси ва бош ижрочи директор Шандор Чаньи ва бош ижрочи директор ўринбосари Ласло Вольф, шунингдек банкнинг асосий акциядори бўлган Молия вазирлиги томондан Молия вазири Тимур Ишметов, Ўзбекистон Республикаси номидан эса — Бош вазир ўринбосари, инвестициялар ва ташқи савдо вазири Жамшид Хўжаев имзоладилар.

Шартномага кўра, OTP Bank Ўзбекистон Молия вазирлигига тегишли бўлган 100 фоиз акцияларни (жами улушнинг қарийб 97 фоизи) икки босқичда сотиб олади: бунда 75 фоиз акциялар ҳозир ва қолган 25 фоизи эса дастлабки молиявий битим амалиёти тўлиқ ёпилгандан кейин уч йил ўтгач амалга ошади. Маълум қилинишича, биринчи битим молиявий жиҳатдан 2023 йилнинг биринчи ярмида якунланиши кутилмоқда.

Батафсил - https://bankers.uz/news/961


@bankers_uz

🏦 Bankers.uz ва республикамиз банк тизими жамоаси номидан бугун юбилейини нишонлаётган "Давр банк" ХАТБ бошқаруви раиси Абдумажид Самадовни чин дилдан табриклаймиз! (1972 йил туғилган)

Шу муносабат билан, Абдумажид Абдуваҳитовичга мустаҳкам соғлиқ, куч-қувват ҳамда меҳнат фаолиятида янги ютуқлар тилаб қоламиз!


@bankers_uz

⬜️ 10-12 декабрь кунлари Ўзбекистон банк секторига оид хабарлар қисқа сатрларда

🏦🏦 Якшанба куни бўлиб ўтган "Ҳосил байрами" да Агробанк ва Туронбанк иштирок этди;

🏦 Микрокредитбанк Бошқарув раисига яна бир ўринбосар тайинланди;

🏦 Тошкент шаҳрида "Туронбанк-Интеллект" ўйинларининг Бош офис босқичи бўлиб ўтди;

🏦 Венгриянинг OTP Bank'и Ўзбекистоннинг Ипотека-банкини сотиб олиш бўйича шартнома имзолади;

🏦 Ўзмиллийбанк акциядорлари ташқи аудиторлик фирма сифатида Ernst&Young'ни танлади;

🏦 Универсалбанк ЕТТБ билан синтетик кредит линиясини жалб қилиш бўйича кредит шартномаси имзолади;

🏦 ​​Ипак Йўли банки ўзининг халқаро карталаридан банк касса ва банкоматлари орқали нақдлаштириш бўйича комиссияни бекор қилди;

💳 "VISA Awards 2022"да Ўзмиллийбанк, Hamkorbank, Қишлоқ қурилиш банк турли номинацияларда ғолиб деб топилди;

💵 Валюта биржасида АҚШ доллари курси 19 сўм 25 тийинга ошди ва 13 декабрдан бошлаб расмий курс 11 271 сўм 26 тийинни ташкил қилмоқда.

#дайжест

🏦 Агробанк Бошқарув раисига янги ўринбосарлар тасдиқланди

"Агробанк" АТБ Кузатув кенгашининг 2022 йил 12 декабрдаги тегишли қарори билан Кахоров Эркин Азизжонович банк Бошқарув раисининг биринчи ўринбосари, Турдиев Жамшид Зайнидинович ҳамда Очилов Вохид Абдумаликович банк Бошқарув раиси ўринбосарлари этиб тайинланди. Бу ҳақда банк матбуот хизмати хабар бермоқда.

Тайинловга қадар Эркин Кахоров банк бошқаруви раиси ўринбосари, Жамшид Турдиев ва Вохид Очиловлар Агробанкда бошқарма бошлиқлари сифатида фаолият юритиб келишган.

Батафсил: https://bankers.uz/news/963


@bankers_uz

🏠 Янги тартиб асосида ажратилган ипотека кредитлари — банклар кесимида

Молия вазирлиги маълумотларига кўра, Ўзбекистондаги 12 та тижорат банки ўтган 11 ой давомида янги тартиб асосида жами 7,39 трлн. сўм ипотека кредитлари ажратган.

Энг кўп ипотека кредитлари Қишлоқ қурилиш банк (1,76 трлн. сўм), Ипотека-банк (1,51 трлн. сўм) ва Ўзмиллийбанк (1,20 трлн. сўм) томонидан берилган. Ҳудудлар кесимида энг кўп кредитлар Тошкент шаҳри (1,63 трлн. сўм, 5000 дона квартира), Самарқанд вилояти (784 млрд. сўм, 3248 дона квартира) ва Фарғона вилояти (685 млрд. сўм, 3220 дона квартира) да ажратилган.

Аввалроқ Марказий банк 1 декабрь ҳолатига ажратилган ипотека кредитларининг 9,17 трлн. сўми Молия вазирлиги маблағлари ҳисобидан эканлиги айтган эди.

Батафсил - https://bankers.uz/news/964


@bankers_uz

⬜️ 13 декабрь куни Ўзбекистон банк секторига оид хабарлар қисқа сатрларда

🏦 Агробанк Бошқарув раисига янги ўринбосарлар тасдиқланди;

🏠 Молия вазирлиги маблағлари ҳисобидан ажратилган ипотека кредитлари — банклар кесимида;

🏦 Қишлоқ қурилиш банкнинг 3 та филиали тугатилди;

🏦 Марказий банкда жорий йилнинг 12-21 декабрь кунлари ХВЖнинг коммуникация сиёсати бўйича техник миссияси иш олиб бормоқда;

🏦 Tenge Bank "Tenge24 оиласига хуш келибсиз" акциясини ишга туширмоқда;

🏦 13-15 декабрь кунлари «Гарант банк» АЖ банкоматларининг фаолияти бутун Республика бўйлаб вақтинча тўхтатилади;

💵 Валюта биржасида АҚШ доллари курси 13 сўм 76 тийинга ошди ва 14 декабрдан бошлаб расмий курс 11 285 сўм 2 тийинни ташкил қилмоқда.

#дайжест

🏦 Ноябрь ойида муомаладаги нақд пуллар миқдори 2,5 тлрн. сўмга камайган

Марказий банк 2022 йил 1 декабрь ҳолатида пул агрегатлари статистикасини тақдим қилди. Унга кўра, кенг маънодаги пул массаси (M2) миқдори ўтган ойга нисбатан 5,93 трлн. сўмга кўпайган ва 177 трлн. 238 млрд. сўмни ташкил қилмоқда.

Муомаладаги нақд пуллар миқдори ноябрь ойида бир ой олдинги кўрсаткичга нисбатан 2,45 трлн. сўмга камайиб, 41,32 трлн. сўмни ташкил қилмоқда.

Миллий валютадаги талаб қилиб олингунча депозитлар миқдори эса 35,76 трлн. сўмгача пасайган (-932 млрд. сўм).

Кенг маънодаги пул массаси (М2) кўпайишига чет эл валютасидаги депозитларнинг кўпайиши (+5 545 млрд. сўм) асосий таъсир кўрсатган.


@bankers_uz

🏦 InfinBANK тақсимланмаган фойданинг яна 35 млрд. cўмини устав капиталини оширишга йўналтирмоқда

ЧЭКИ "Invest Finance Bank" АТБ акциядорларининг 12 декабрь куни бўлиб ўтган умумий йиғилишида ўтган йиллар мобайнида тақсимланмай қолдирилган 298,83 млрд. сўм соф фойдани қисман тақсимлаш қарори қабул қилинган.

Хусусан, тақсимланмаган фойданинг 35,35 млрд. сўми акциядорларга дивиденд шаклида ҳисобланади. Бунда ҳисобланган дивидендлар (даромадлилик 7,6 фоиз) акциядорлар улушини ошириш орқали устав капиталини кўпайтиришга йўналтирилади ва шу орқали банкнинг қўшимча 100 млрд.сўмлик янги эмиссия проспекти ёпилади. Пировардида банк акциядорлик капитали 500 млрд.сўмга етказилади.

Тақсимланмай қолган фойданинг қолган қисми — 263,48 млрд. сўми акциядорлар томонидан тегишли қарор қабул қилингунига қадар тақсимланмаган фойда шаклида қолдиришга қарор қилинган.


@bankers_uz

⬜️ 14 декабрь куни Ўзбекистон банк секторига оид хабарлар қисқа сатрларда

🏦 Ноябрь ойида муомаладаги нақд пуллар миқдори 2,5 тлрн. сўмга камайган;

🏦 InfinBANK тақсимланмаган фойданинг яна 35 млрд. cўмини устав капиталини оширишга йўналтирмоқда;

🚓 Навоийда кредит маблағларини талон-торож қилиш ҳолати аниқланди;

🏦 MKBANK акциядорлари ташқи аудиторлик фирма сифатида Grant Thornton'ни танлади;

🏦 Марказий банкда “тартибга солиш қумдони” юзасидан ХМК иштирокида семинар-тренинг ўтказилди;

🏦 Қўнғирот сода заводида Tenge Bank ходимлари иштирокида давра суҳбати бўлиб ўтди;

🏦 Бугун соат 22:30 да UzReport телеканалида "ANORBANK" АЖ бошқаруви раисининг биринчи ўринбосари Э.Нажмитдинов билан интервью лавҳаси эфирга узатилади;

💵 Валюта биржасида АҚШ доллари курси 28 сўм 81 тийинга камайди ва 15 декабрдан бошлаб расмий курс 11 256 сўм 21 тийинни ташкил қилмоқда.

#дайжест

🎄 Трастбанкдан янги йил туҳфаси! Трастбанк иккиламчи бозордан автомобиль харид қилиш учун кредит ажратмоқда

🚗 Янги йилда ўз автомобилингизга эга бўлишни истайсизми? Унда Сиз учун махсус таклиф бор! Трастбанк иккиламчи бозордан автомобилларни харид қилиш учун автокредит бермоқда.

❕ Расмий даромадга ва доимий иш жойига эга бўлган мижозлар фойдаланишда бўлган автомобиллар учун автокредитни қулай шартлар ва муддатларда олишлари мумкин.

🔵Бошланғич тўлов – 30 % дан бошлаб;
🔵Муддати – 48 ойгача;
🔵Йиллик фоиз ставкаси – 23 % дан бошлаб.

Айтганча, расмий даромадга эга бўлмаган, бироқ ўзини ўзи банд қилган шахсларга ҳам автоулов олиши учун автокредит ажратилади. Фойдаланишда бўлган автомобиллар учун:

🔵Бошланғич тўлов – 40 % дан бошлаб;
🔵Муддати – 48 ойгача;
🔵Йиллик фоиз ставкаси – 24 % дан бошлаб.

❕Бундан ташқари, хорижда ишлаб чиқарилган ва фойдаланишда бўлмаган автомобилларни сотиб олишга ҳам автокредит берилади.

➡️ Батафсил: https://trustbank.uz/uz/private/crediting/avtomobillarni-xarid-qilish-uchun-/

➕ Шунингдек, 1 йилдан ортиқ меҳнат стажига эга бўлган мактабгача таълим, халқ таълими, олий ва ўрта махсус таълими, соғлиқни сақлаш ҳамда банк тизимлари ходимлари учун имтиёзлар мавжуд.

📞 Алоқа маркази: 1287

🏦 Трастбанк – ишонч билан юзма-юз

trustbank.uz | Telegram | Instagram | Facebook | Youtube

Реклама

🏦 Марказий банк асосий ставкани ўзгаришсиз қолдирди

Айни пайтда Ўзбекистон Республикаси Марказий банки Бошқарувининг йиғилиши ўтказилмоқда.

Унда асосий ставкани йиллик 15 фоиз даражасида ўзгаришсиз қолдириш тўғрисида қарор қабул қилинди.

Тафсилотлар билан яқин вақтларда эълон қилинадиган расмий пресс-релизда эълон қилинади.

@bankers_uz

⬜️ 15 декабрь куни Ўзбекистон банк секторига оид хабарлар қисқа сатрларда

🏦 Марказий банк асосий ставкани ўзгаришсиз қолдирди;

🏦 "Капиталбанк" АТБнинг мобил иловасида онлайн омонат очиш имконияти тикланди;

🏦 Ўзмиллийбанкда Россиянинг МТС-банкидан тўғридан-тўғри пул ўтказмаларини йўлга қўйилди;

🏦 ХВЖ миссияси Ўзбекистондаги ОАВ ва ижтимоий тармоқ фаоллари билан учрашди;

🏦 Равнақ-банкнинг банкоматлари 20 декабргача ишламайди;

🏦 Ўзсаноатқурилишбанк aktiVISAatsiya акциясини бошлади;

🏦 Анорбанк Россиядан пул ўтказмалари қабул қилувчилар акциясида ғолибларни аниқлади;

🏦 Бугун Apelsin иловаси ишга туширилганига 3 йил тўлди;

💵 Валюта биржасида АҚШ доллари курси 25 сўм 6 тийинга камайди ва 16 декабрдан бошлаб расмий курс 11 231 сўм 15 тийинни ташкил қилмоқда.

#дайжест