🏦 ANORBANK ва U-BSS компанияси "Бизнес учун энг яхши мобил банк" деб топилди

ANORBANK ва U-BSS компанияси Тошкентда бўлиб ўтган "Digital Uzbekistan" халқаро ПЛАС-форумида "Бизнес учун энг яхши мобил банк" мукофотига сазовор бўлди. Шунингдек, форумда ANORBANK вакили Антон Гайворонский ва U-BSS компанияси вакили Евгений Пономарёв томонидан тақдимот ўтказилди.

Батафсил: https://bankers.uz/news/1571

Telegram | Facebook | Instagram

🏦 Ўзсаноатқурилишбанк Чакана бизнес департаменти директори лавозимига ишга таклиф қилмоқда

"Ўзсаноатқурилишбанк" АТБ Чакана бизнес департаменти директори лавозимига номзодларни танлов асосида таклиф этаётганини маълум қилди. Номзоддан иқтисодиёт, молия ёки менежмент йўналишидаги олий маълумот, банк чакана бизнес йўналишида камида 5 йиллик раҳбарлик тажрибаси, соҳага оид замонавий билимлар талаб қилинган.

Батафсил: https://bankers.uz/news/1572

Telegram | Facebook | Instagram

🏦 Трастбанк 30 йиллигини нишонламоқда

Ўтган давр мобайнида Трастбанк мамлакат банк-молия тизимида муносиб ўрин эгаллаб, иқтисодиёт ривожига ўз ҳиссасини қўшиб келаётган йирик хусусий банклардан бирига айланди. Кўрсаткичларнинг барқарор ўсиш динамикаси, маҳаллий ва халқаро эътирофларга сазовор бўлиш билан бир қаторда, банк мижозлар ишончини қозонди, шунингдек, ижтимоий ҳаётда ҳам фаоллик кўрсатиб келди.

Батафсил: https://bankers.uz/news/1573

Telegram | Facebook | Instagram

🏦 Марказий банкка киберхавфсизликни таъминлашга оид қўшимча ваколатлар берилади

Сенат киберхавфсизликни таъминлаш мақсадида бир нечта қонун ҳужжатларига киритилган ўзгартиришларни маъқуллади. Унга кўра, кредит ва тўлов ташкилотлари, тўлов тизимлари операторлари, валюта биржалари, кредит бюролари томонидан кибертаҳдидларни аниқлаш ҳамда уларнинг олдини олиш чораларини кўриш бўйича Марказий банкка қўшимча ваколатлар берилмоқда.

Батафсил: https://bankers.uz/news/1574

Telegram | Facebook | Instagram

🏦 БАА компанияси Пойтахт банкни сотиб олди

Бирлашган Араб Амирликларининг "Bond Investments limited LLC" компанияси Пойтахтбанкни 10 млн АҚШ долларига сотиб олиш бўйича келишувга эришди. Аввалроқ мазкур банкни Россиянинг "Экспобанк" АЖ сотиб олмоқчи бўлган, бироқ халқаро муносабатлардаги вазият туфайли келишув бекор қилинганди.

Батафсил: https://bankers.uz/news/1578

Telegram | Facebook | Instagram

🏦 Асакабанк ва Тошкент фармацевтика институти ҳамкорликда таълим ривожига ҳисса қўшмоқда

Фармацевтика соҳасини ривожлантириш ва тармоқда малакали кадрларни тайёрлаш мақсадида Асакабанк ҳамда Тошкент фармацевтика институти ўртасида меморандум имзоланди. Ушбу меморандум доирасида банк томонидан институт олимларини қўллаб-қувватлаш, талабаларга бир қанча ўқув ҳамда лаборатория, малака ошириш маркази ва замонавий электрон кутубхоналар билан таъминлаш ишлари амалга оширилди.

Батафсил: https://bankers.uz/news/1579

Telegram | Facebook | Instagram

🏦 Май ойида банкларнинг муаммоли кредитлари 2,4 трлн сўмга камайди — таҳлил

Тижорат банкларининг жами кредит портфели май ойида 6,6 трлн сўмга, хусусан давлат банкларида 4,2 трлн сўмга ортган. Муаммоли кредитлар ой давомида 2,4 трлн сўмга камайиб, 20,9 трлн сўмни ташкил қилган. NPL давлат банкларида 1,4 трлн сўмга, бошқа банкларда 973 млрд сўмга камайган, улуши эса 4,3 фоизгача тушган.

Батафсил: https://bankers.uz/news/1580

Telegram | Facebook | Instagram

🏦 Ўзмиллийбанк Хитой давлат тараққиёт банкидан 2 млрд юань кредит линияси жалб қилмоқда

25 июнь куни Қозоғистоннинг Остона шаҳрида Шанхай ҳамкорлик ташкилоти (ШҲТ) Банклараро бирлашмаси кенгашининг XX йиғилиши бўлиб ўтди. Ушбу тадбир доирасида “Ўзмиллийбанк” АЖ ва Хитой давлат тараққиёт банки ўртасида 2 млрд Хитой юани (271 млн доллар) миқдорида кредит линиясини жалб қилиш юзасидан келишув имзоланди.

Батафсил: https://bankers.uz/news/1582

Telegram | Facebook | Instagram

🏦 Халқ банки бирламчи бозордан уй-жой сотиб олиш учун 20 йил муддатга ипотека кредитини таклиф қилмоқда

 Кредит шартлари:

▪️ муддати – 20 йилгача;
▪️ бошланғич тўлов – 15 %дан бошлаб;
▪️ имтиёзли давр – 6 ой;
▪️ йиллик фоизи – 17,5 %дан бошлаб.

📌 Кредит ўзини ўзи банд қилган ва/ёки банк карта айланмасига эга бўлган шахслар учун ҳам ажратилади.

 Кредитнинг максимал миқдори: 
▪️ Қорақалпоғистон Республикаси ва вилоятлар учун – 330 млн сўм;
▪️ Тошкент шаҳрида уй-жой хариди учун – 420 млн сўм.

⚡️ Ипотека кредити билан кўп қаватли уйдан хонадон харид қилинса, уй-жой гаров суғуртасига харажат қилинмайди.

Батафсил: xb.uz

🏦 Ориент Финанс банк имтиёзли шартларда ипотека кредитларини таклиф қилмоқда⠀

Ориент Финанс банкнинг қулай шартлардаги ипотека кредитлари хонадон эгаси бўлиш учун қўшимча имкониятларни тақдим этади.

2019 йил 28 ноябрдаги ПҚ-5886, ПҚ-33, ПҚ-51 ва 2024 йил 30 апрелдаги ПҚ-70 сонли қарорга биноан, 18 ёшдан 60 ёшгача бўлган, доимий даромадга эга Ўзбекистон Республикаси фуқароларида имтиёзли шартларда ипотека кредитини олиш имконияти мавжуд.⠀

Шартлари:
⠀
➖Тошкентда - 420 млн минг сўмгача;
➖ бошқа шаҳарларда ва қишлоқ жойларда 330 илн сўмгача;
➖кредитнинг энг узоқ муддати - 240 ойгача;
➖фоиз ставкаси — йиллик 18% дан. ⠀

Эслатиб ўтамиз, кредит бирламчи бозор учун берилади. Бошланғич бадал эса 15% дан бошланади. ⠀

Батафсил маълумотни www.ofb.uz сайтидан олиш мумкин. ⠀

Ҳамкорлик асосида

🏦 Халқ банки хотин-қизлар учун махсус электрон ахборот тизимини ишга туширди

Халқ банки ва “Realsoft” компанияси ҳамкорлигида хотин-қизларни бизнесга жалб қилиш ва тадбиркорлигини ривожлантиришни қўллаб-қувватловчи махсус электрон ахборот тизими — loyihalar-fabrikasi.uz ишга туширилди. Платформада ҳудудлар ихтисослашувига кўра 250 турдаги тавсиявий бизнес-режалар кредит ажратиш шартлари билан жойлаштирилган.

Батафсил: https://bankers.uz/news/1585

Telegram | Facebook | Instagram

🏦 Ўзмиллийбанк Лондон фонд биржасида навбатдаги халқаро облигацияларини жойлаштирди

Жорий йилнинг 27 июнь куни Ўзмиллийбанк икки траншдан иборат жами 411 млн АҚШ доллари миқдоридаги облигацияларни Лондон фонд биржасида муваффақиятли жойлаштирди. Облигациялар икки валютада — 300 млн АҚШ доллари 5 йил муддатга, 1,4 трлн сўми эса 3 йил муддатга қўйилган.

Батафсил: https://bankers.uz/news/1586

Telegram | Facebook | Instagram