🏦 12-14 ноябрь кунлари Ўзбекистон банк секторига оид хабарлар қисқа сатрларда

🏦 OTP-Bank Ипотека банкни сотиб олиш бўйича музокараларни қайта бошлади;

🏦 "Туронбанк-интеллект" ўйинларининг Қашқадарё ва Сурхондарё ҳудудий босқичи бўлиб ўтди

🏦 Наманганда кредит маблағларини талон-торож қилиш ҳолати аниқланди;

🏦 Бир нечта банклар, хусусан Агробанк, Алоқабанк, МКБ ва Асакабанк "Ўзэкспомарказ"да 14-18 ноябрь кунлари бўлиб ўтаётган тармоқлараро саноат ярмаркасида иштирок этишмоқда;

🏦 Ўзмиллийбанк бош офиси ходимлари ўртасида шахмат турнири бўлиб ўтди;

🏦 Асакабанк мижозлар ишончини аниқлаш ва коррупция ҳолатларини олдини олиш бўйича сўровнома ўтказмоқда;

🏦 Эртага соат 15:00 да АОКАда "Ўзсаноатқурилишбанк" тизимида аҳоли мурожаатлари билан ишлаш тизими таҳлили" мавзусида брифинг бўлиб ўтади;

💵 Валюта биржасида АҚШ доллари курси 16 сўм 84 тийинга пасайди ва 15 ноябрдан бошлаб расмий курс 11 190 сўм 06 тийинни ташкил қилмоқда.

#дайжест

🏦 15 ноябрь куни Ўзбекистон банк секторига оид хабарлар қисқа сатрларда

🏦 Мустақил Ўзбекистоннинг биринчи валютаси — сўм-купон муомалага киритилганига 29 йил бўлди;

🏦 Агробанк "Фермерлар мактаби"нинг икки ойлик ўқув курсида бугунги кунга қадар қарийб 700 нафар (596 та эркак, 100 та аёл) тингловчилар таҳсил олган;

🏦 Марказий банкда Халқаро валюта жамғармаси делегацияси билан миссия якунлари муҳокама қилинди;

🏦 Ўзсаноатқурилишбанк АОКАда брифинг ўтказди;

🏦 Қишлоқ қурилиш банк QQB-Transfer пул ўтказмалари хизматини таклиф қилмоқда;

💵 Валюта биржасида АҚШ доллари курси 19 сўм 41 тийинга пасайди ва 16 ноябрдан бошлаб расмий курс 11 170 сўм 65 тийинни ташкил қилмоқда.

#дайжест

🏦 "Standard&Poor’s" халқаро рейтинг агентлиги илк бор Трастбанк рейтингини тасдиқлади

"S&P Global Ratings" халқаро рейтинг агентлиги "Трастбанк" ХАБнинг рейтингини илк бор "Барқарор" прогнози билан "B+" даражасида тасдиқлади. Рейтинг агентлиги маълумотларига кўра, Трастбанкнинг узоқ муддатли кредит рейтинги "B+", қисқа муддатли кредит рейтинги эса "B" даражасида баҳоланган.

Агентлик ҳисоботида келтирилишича, банк ўзининг бизнес моделига эга. Барқарор мижозлар базасининг мавжудлиги, шунингдек, йирик мижозлар билан узоқ муддатли муносабатлар банк фаолиятига ижобий таъсир кўрсатмоқда. Агентлик Трастбанкни ўз даражасидаги қараганда юқори даромад олишда давом этишини кутган ҳолда, банкнинг узоқ вақт давомида банк тизими бўйича ўртача кўрсаткичдан юқори бўлган кучли молиявий натижаларни намойиш этиб келаётганини таъкидлаган.

Батафсил — https://bankers.uz/news/916


@bankers_uz

🏦 16 ноябрь куни Ўзбекистон банк секторига оид хабарлар қисқа сатрларда

🏦 "Standard&Poor’s" халқаро рейтинг агентлиги илк бор Трастбанк рейтингини тасдиқлади;

🚓 Чилонзорда МЧЖ раҳбари корхонага ажратилган 1,3 млрд. сўмни талон-торож қилгани аниқланди;

👨‍💼 Қашқадарёда ҳоким ёрдамчиси кредит маблағларини ўзлаштиргани айтилмоқда;

🏦 "Микрокредитбанк" АТБ 2022 йил 6 декабрь куни акциядорлар умумий йиғилишини ўтказади;

🏦 Нурмухаммад Рахимов Ўзсаноатқурилишбанк Бунёдкор БХМ, Бехзод Хайдаралиев Хонобод БХМ бошқарувчиси лавозимига тайинланди;

🏦 Paynet тизимида "ИНН бўйича тўлов (УНИВЕРСАЛ)" янги хизмати таклиф қилинмоқда;

💵 Валюта биржасида АҚШ доллари курси 14 сўм 11 тийинга ошди ва 17 ноябрдан бошлаб расмий курс 11 184 сўм 76 тийинни ташкил қилмоқда.

#дайжест

🏦 Марказий банк бош биноси томини қуёш панеллари билан қоплашни режалаштирмоқда

Марказий банк Тошкент шаҳар Миробод тумани Ислом Каримов кўчаси 6-уйда жойлашган бош биноси (Б маъмурий блоки) томини қуёш панеллари билан қоплашни режалаштирмоқда. Регулятор ускуналар учун 3 млрд. 300 млн. сўм харажат қилишга тайёр.

Давлат харидлари порталига қўйилган эълонда "Марказий банк биносининг том қисмига 3200 м2 майдонга 300кВт қувватга эга энергия тежовчи қуёш электр станцияси (ҚЭС)ларни тайёр ҳолатда ўрнатиш" кераклиги айтилган.

Қуёш панеллари икки тарафлама монокристал ёки PERS технологияси асосида ишлаб чиқарилган модул, 530 Вт (тахминий ҳажмлар 2256х1130) бўлиши, IP66 стандарти бўйича ҳимояланган бўлиши талаб этилади.

Марказий банк эҳтиёжидан ортиқча энергия "Ҳудудий электр тармоқлари" АЖ тармоқларига узатилади ҳамда жараён тўлиқ автоматлаштирилган онлайн кузатиб бориш мониторинг тизимига эга бўлади. Қуёш панеллари 220 ҳамда 380 Вольтда ишлайди.


@bankers_uz

🏦 Қозоғистон Халқ банки раҳбари Умут Шаяхметова Хорижий инвесторлар кенгаши йиғилишида иштирок этди

Жорий йил 16 ноябрь куни Кўксарой қароргоҳида Президент Шавкат Мирзиёев раислигида Хорижий инвесторлар кенгашининг биринчи ялпи мажлиси бўлиб ўтди. Тадбирда халқаро молия институтлари, етакчи хорижий компания ва банклар раҳбарлари, жумладан, “Қозоғистон Халқ банки” АЖ (Halyk Bank) бошқаруви раиси Умут Шаяхметова иштирок этди.

Учрашувларда қайд этилганидек, "Halyk" гуруҳи Ўзбекистоннинг иқтисодий ривожланиш истиқболларини юксак баҳолаган ва республика иқтисодиётидаги йирик қозоғистонлик инвесторлардан бири бўлган ҳолда, сўнгги уч йил ичида "Tenge Bank" АТБ ҳамда Қозоғистон Халқ банки томонидан умумий қиймати 500 млн. АҚШ долларидан ортиқ лойиҳаларини молиялаштирган.

Кенгаш йиғилишида У.Шаяхметова Ўзбекистон Президентига "Halyk" гуруҳи фаолиятига ижобий баҳо бергани ва унинг вакилини Хорижий инвесторлар кенгаши таркибига киритгани учун миннатдорчилик билдирди, шунингдек, инвестиция муҳити ва республика банк секторининг жадал ривожланиши бўйича қатор таклифларни баён қилди.

Батафсил — https://bankers.uz/news/919


@bankers_uz

🏦 17 ноябрь куни Ўзбекистон банк секторига оид хабарлар қисқа сатрларда

🏦 Марказий банк бош биноси томини қуёш панеллари билан қоплашни режалаштирмоқда;

🏦 Қозоғистон Халқ банки раҳбари Умут Шаяхметова Хорижий инвесторлар кенгаши йиғилишида иштирок этди;

🏦 Алоқабанкда ислом молиясига бағишланган ўқув-семинари бўлиб ўтди;

🏦 Марказий банкда Moneycorp компанияси вакиллари билан учрашув ўтказилди;

🏦 Қишлоқ қурилиш банк бир қатор йўналишларда вакансия эълон қилди;

💵 Валюта биржасида АҚШ доллари курси 23 сўм 42 тийинга кўтарилди ва 18 ноябрдан бошлаб расмий курс 11 208 сўм 18 тийинни ташкил қилмоқда.

#дайжест

🏦 Октябрь ойида пул массаси 2,9 трлн. сўмга камайган

Марказий банк 2022 йил 1 ноябрь ҳолатида пул агрегатлари статистикасини тақдим қилди. Унга кўра, кенг маънодаги пул массаси (M2) миқдори ўтган ойга нисбатан 2,86 трлн. сўмга камаяган ва 171 трлн. 304 млрд. сўмни ташкил қилмоқда.

Муомаладаги нақд пуллар миқдори октябрь ойида бир ой олдинги кўрсаткичга нисбатан 8 млрд. сўмга камайиб, 43,78 трлн. сўмни ташкил қилмоқда.

Миллий валютадаги талаб қилиб олингунча депозитлар миқдори эса 36,69 трлн. сўмгача пасайган (-955 млрд. сўм).

Миллий валютадаги пул массаси ой давомида 679 млрд. сўмга кўпайган. Ушбу ўсиш миллий валютадаги бошқа депозитларнинг 1 трлн. 641 млрд. сўмга кўпайиши ҳисобига юз берган.

Кенг маънодаги пул массаси (М2) камайишига, чет эл валютасидаги депозитларнинг камайиши (-3 535 млрд. сўм) асосий таъсир кўрсатган.


@bankers_uz

🏦 18 ноябрь куни Ўзбекистон банк секторига оид хабарлар қисқа сатрларда

🏦 Октябрь ойида пул массаси 2,9 трлн. сўмга камайган;

🏦 "Invest Finance Bank" АТБ 2022 йил 12 декабрь куни акциядорлар умумий йиғилишини ўтказади;

🏦 Марказий банк октябрь ойида аҳолининг даромадлар кесимида инфляция даражаси ва сезилган инфляция шарҳини тайёрлади;

🏦 Асакабанк 2 декабр куни бўладиган профессионал бокс турнирининг бош ҳомийсига айланди;

💵 Валюта биржасида АҚШ доллари курси 3 сўм 46 тийинга кўтарилди ва 21 ноябрдан бошлаб расмий курс 11 211 сўм 64 тийинни ташкил қилмоқда.

#дайжест

🏦 “Туркистонбанк” омонатчиларининг маблағлари муддатидан аввал қайтарилади

Жорий йил 21 ноябрдан бошлаб “Туркистонбанк” омонатчилари бўлган жисмоний шахслар омонатга жойлаштирган маблағлари юзасидан агент-банк сифатида танланган “Қишлоқ қурилиш банк”ка мурожаат этишлари мумкин.

Омонатчилар қайтариб олинаётган пул маблағларини ўзлари хоҳлаган тарзда – нақд пул шаклида олиши, банк картасига кўчириши ёки “Қишлоқ қурилиш банк”ка қайта омонатга қўйиши мумкин.

Фуқароларнинг омонатлари бўйича ҳақ тегишли ҳужжатларнинг асл нусхалари (паспорт, омонат дафтарчаси, омонат шартномаси, нотариус томонидан тасдиқлаган ишончнома) кўрсатилган тақдирда омонатчиларнинг қонуний вакилларига ёки уларнинг ҳуқуқий ворисларига ҳам тўлаб берилади.

Батафсил маълумот олиш учун, Ўзбекистон Республикаси Марказий банкига (71) 236-75-24 ёки Фуқароларнинг банклардаги омонатларини кафолатлаш фондига (71) 238-69-45, (71) 238-69-46 телефон рақамлари орқали мурожаат қилиш мумкин.


@bankers_uz

🏦 Октябрь ойида муомаладаги банк карталари сони 576 минг донага кўпайди

Марказий банк тақдим этган маълумотларга кўра, Ўзбекистон банклари томонидан муомалага чиқарилган пластик карталар сони октябрь ойида 576,88 минг донага кўпайиб, уларнинг жами сони 32 млн. 397 минг донага етди.

Муомаладаги банк карталари сони энг кўп Агробанк (86,0 минг дона), ANORBANK (70,3 минг дона), "Ипак Йўли" банки (61,6 минг дона), TBC Bank (61,3 минг дона) ҳамда Ипотека-банк (53,4 минг дона) да ортган.

Лицензияси чақириб олинган Туркистонбанк (-39,5 минг дона) ҳамда Hi-Tech Bank (-26,6 минг дона) лар эмиссия қилган карталар умумий статистикадан чиқарилган. Хусусий банклар орасида 1 миллиондан ортиқ пластик карта чиқарган банклар сони яна биттага кўпайган. Hamkorbank ҳамда "Ипак Йўли" банкларидан кейин ANORBANK ҳам "миллионлик довон" дан ўтган.

Ўтган ойдаги каби бу ойда ҳам терминаллар сонида эса камайиш қайд этилган — 1 819 дона. Тугатилган Туркистонбанк (-1 318 та) ва Hi-Tech Bank (-365 та) лардан ташқари яна 12 та банкка тегишли терминаллар сонида камайиш кузатилган, 4 та банкда эса ўзгаришсиз қолган.

Ўрнатилган банкомат ва инфокиосклар сонининг сезиларли кўпайиши тўлов ташкилотлари (жами 310 дона), Халқ банки (155 дона) ҳамда Инфинбанк (23 дона) да юз берган.


@bankers_uz

🏦 Давр Банкдан "2 milliard" кредити!

❓Тадбиркормисиз? Сизга бизнесингиз ривожи учун катта миқдорда маблағ керакми? Ушбу маблағни қаердан олишни билмаяпсизми?

❗️Бу ҳақида ортиқ ўйлашга ҳожат йўқ! Давр Банк кредит миқдорларини оширишда давом этмоқда! Эндиликда банк тадбиркорлар учун "2 milliard" кредитини таклиф қилади! Ушбу кредит маҳсулоти орқали 2 миллиардгача бўлган нақд пул маблағларини олиш мумкин!

🔹Кредит муддати – 60 ойгача;
🔹Йиллик фоиз - 21% дан (молиявий ковенант шарти билан);

Давр Банк — чексиз имкониятлар дунёси!

Мурожаат учун:
📞Телефон: 1284;
📍Манзил: 100057, Тошкент ш., Олмазор тумани, Шимолий Олмазор кўчаси, 17-Б уй. Шунингдек, Давр Банк ХАТБ барча филиаллари.
🕐 Иш вақти: 09:00 - 17:30

Сайт I Instagram I Facebook I YouTube

Реклама