🏦 "BANK APELSIN" АЖ номи "UZUM BANK" АЖга ўзгартирилиши расман маълум бўлди

"BANK APELSIN" АЖ акциядорининг жорий йил 31 октябрь куни бўлиб ўтган навбатдан ташқари йиғилишида банк номини "UZUM BANK" АЖга ўзгартириш бўйича қарор қабул қилинган. Бу ҳақда Корпоратив Ахборот ягона порталида маълум қилинди.

Қарорда банк бошқарувига банк номи "UZUM BANK" АЖга ўзгарганлиги муносабати билан, уставга тегишли ўзгартириш киритиш ва мазкур ўзгартиришни тегишли равишда рўйхатдан ўтказиш топшириғи берилган.

28 октябрь куни Apelsin иловасининг навбатдаги янгиланишида унинг Uzum экотизимига қўшилгани эълон қилинганди ҳамда мижозларга янгиланган оммавий оферта шартномасини таклиф қилганди. Шунингдек ушбу янгиланишда илова брендидаги сариқ ранг бинафша рангга ўзгарганди.

Эслатиб ўтамиз, банкнинг ягона акциядори "Капиталбанк" АТБ ҳисобланади.


@bankers_uz

💳 "UZCARD"га янги бош директор тайинланди

Ягона умумреспублика процессинг маркази — (UZCARD) аъзоларининг навбатдан ташқари умумий йиғилиши қарори билан Олимжон Асрорович Зокиров UZCARD бош директори вазифасини бажарувчи этиб тайинланди. Бу ҳақда компания матбуот хизмати хабар бермоқда.

О.Зокиров 2019 йилдан буён UZCARD’да турли раҳбарлик лавозимларида ишлаган. Компания бош директори вазифасини бажарувчи этиб тайинланишидан аввал бош директорнинг молиявий технологиялар бўйича ўринбосари лавозимида фаолият юритган.

2020 йил ноябрь ойидан компания бош директори бўлиб ишлаб келган Фаррух Зияев компания таркибидаги бошқа лавозимга ўтганлиги маълум қилинган.


@bankers_uz

🏦 2 ноябрь куни Ўзбекистон банк секторига оид хабарлар қисқа сатрларда

🚔 Музработ тумани ҳокими ўз яқин қариндошларига 166 млрд. сўм имтиёзли кредитлар ажратган;

🏦 "BANK APELSIN" АЖ номи "UZUM BANK" АЖга ўзгартирилиши расман маълум бўлди;

💳 "UZCARD"га янги бош директор тайинланди;

🏦 Туронбанк ва Жаҳон иқтисодиёти ва дипломатия университети ўртасида меморандум имзоланди;

🏦 Марказий банк раҳбарияти Қозоғистон Миллий банки раиси Г.Пирматов билан, шунингдек, Швейцария Миллий банки бошқаруви Кенгаши аъзоси А.Занетти билан учрашди.

🏦 Эртага Ўзсаноатқурилишбанк Лойиҳа офиси томонидан амалга оширилган ишлар мавзусида матбуот анжумани ўтказилади;

🏦 🏦 Валюта биржаси савдо платформасида Асакабанк ҳамда Қишлоқ қурилиш банк иштирокида илк бор фьючерс битимлари тузилди;

🏦 Tenge Bank автокредит расмийлаштираётган мижозлар учун янги — "Буюрсин" акциясини эълон қилди;

💵 Валюта биржасида АҚШ доллари курси 21 сўм 92 тийинга пасайди ва 3 ноябрдан бошлаб расмий курс 11 108 сўм 03 тийинни ташкил қилмоқда.

#дайжест

🏦 Anorbank мобил иловасида давлат хизматлари сервиси қўшилди

Anorbank мобил иловасининг янгиланган версиясида My.gov.uz интерактив давлат хизматлари сервиси қўшилди. Ҳозирда илова орқали 7 та давлат хизматларидан фойдаланиш мумкин.

Бундай хизматлар сирасига фуқаро доимий яшаш жойида рўйхатга олинганлиги тўғрисида кўчирма, C0VID-19 вакцинация рўйхатидан ўтганлиги ва мақомини текшириш, Ўзбекистон ҳудудига автотранспорт воситаларида олиб кириладиган юклар тўғрисида маълумот олиш ҳамда юридик шахслар ва ЯТТларнинг ҳисоб маълумотлари билан танишиш кабилар мавжуд.

Эслатиб ўтамиз, 2022 йил 1 ноябрдан мобил алоқа операторлари, тижорат банклари ҳамда тўлов тизимлари операторларига ахборот хавфсизлиги талабларига риоя этган ҳолда, ўзларининг мобил иловалари орқали Ягона портал (my.gov.uz) даги электрон давлат хизматларини курсатишга рухсат берилган эди.


@bankers_uz

🏦 MKBANK 30 млн. долларлик ҳамкорлик келишувини имзолади

Самарқанд шаҳридаги 2-Ўзбекистон халқаро иқтисодий форумида "Микрокредитбанк" АТБ ҳам иштирок этмоқда.
Бугун «Микрокредитбанк» АТБ ва Хусусий секторни ривожлантириш бўйича ислом корпорацияси ўртасида 30 млн. долларлик ҳамкорлик келишуви имзоланди.

Мазкур келишув исломий молиялаштириш тамойиллари асосида кичик бизнесни қўллаб-қувватлаш хусусий секторни молиялаштиришни кўзда тутади.

Шунигдек, "Микрокредитбанк" АТБ ва Accion International компанияси ўртасида Янги микромолия ташкилотига инвестициялар жалб қилиш бўйича ҳамкорлик олиб бориш тўғрисида англашув меморандуми имзоланди.


@bankers_uz

🏦 3 ноябрь куни Ўзбекистон банк секторига оид хабарлар қисқа сатрларда

🇺🇿 Бугун Самарқанд шаҳрида Иккинчи Ўзбекистон халқаро иқтисодий форуми ўз ишини бошлади;

🏦 Anorbank мобил иловасида давлат хизматлари сервиси қўшилди;

🏦 Туронбанк Самарқанддаги форумда 35 млн. долларлик битим имзолади;

🏦 Форум доирасида Агробанк иккита муҳим келишувга эришди;

🏦 MKBANK форум доирасида 30 млн. долларлик ҳамкорлик келишувини имзолади;

🏦 🏦 Форумда Халқ банки тақдимот ўтказди, Қишлоқ қурилиш банк томонидан эртага тақдимот ўтказилади;

🏦 Бугун Ўзсаноатқурилишбанк навбатдаги матбуот анжуманини ўтказди;

🏦 Форумда Алоқабанк ҳам муҳим келишувларга эришди;

🏦 Tenge Bank “Омадли харид” акциясининг навбатдаги босқичи ғолибларини тақдирлади;

💵 Валюта биржасида АҚШ доллари курси 9 сўм 30 тийинга кўтарилди ва 4 ноябрдан бошлаб расмий курс 11 117 сўм 33 тийинни ташкил қилмоқда.

#дайжест

🏦 Ўзсаноатқурилишбанк ва Халқаро молия корпорацияси икки томонлама ҳамкорликни кенгайтирмоқда

Жорий йил 3-4 ноябрь кунлари Самарқанд шаҳрида бўлиб ўтган “Инсон манфаатларини иқтисодий ислоҳотларнинг бош мазмунига айлантириш” мавзусидаги II Ўзбекистон иқтисодий форуми доирасида Ўзсаноатқурилишбанк ва Халқаро молия корпорацияси (ХМК) ўртасида мандат хати имзоланди.

Ҳужжатга кўра, ХМК томонидан банкка 50 млн. АҚШ доллари миқдорида субординацияланган кредит ажратиш ҳамда еврооблигацияларни муомалага чиқариб, уни хусусий тарзда жойлаштиришга кўмаклашув тақдим этилади.

Бу билан корпорация Банк капиталининг етарлилигини таъминлаш орқали унинг хусусийлаштиришдан аввалги тадбирларига кўмаклашни кўзда тутмоқда. Хусусан, Банкнинг кичик ва ўрта бизнес субъектларини кредитлаш имкониятини ошириш ҳамда халқаро капитал бозорларида еврооблигацияларини иккинчи бор жойлаштиришини моддий ва консультатив қўллаб-қувватлайди.

Батафсил - https://bankers.uz/news/897

@bankers_uz