🏦 Bankers.uz ва республикамиз банк тизими жамоаси номидан бугун туғилган кунини нишонлаётган "Асакабанк" АЖ бошқаруви раиси Нодирбек Сайдуллаевни самимий табриклаймиз! (1982 йил туғилган)

Шу муносабат билан, Нодирбек Нарзуллаевичга мустаҳкам соғлиқ, куч-қувват ҳамда меҳнат фаолиятида янги ютуқлар тилаб қоламиз!


@bankers_uz

🏦 15-17 октябрь кунлари Ўзбекистон банк секторига оид хабарлар қисқа сатрларда

🏦 Алоқабанк тизимида ташкиллаштирилган "AloqaBrains" интеллектуал ўйинлари якунланди;

🏦 ANORBANK очиқ хат билан мурожаат қилди;

🏦 Туронбанк ходимлари "очиқ осмон остида"ги навбатдаги тренингда иштирок этишди;

🏦 Ипак Йўли банки ҳамда 🏦Ziraat Bank Uzbekistan айрим бўш лавозимларга номзодларни изламоқда;

🏦 18-19 октябрь кунлари InFinBank'нинг Тошкент вилоят филиалига қарашли терминаллари профилактика сабабли ишламайди;

💵 Валюта биржасида АҚШ доллари курси 11 сўм 83 тийинга ошди ва 18 октябрдан бошлаб расмий курс 11 143 сўм 28 тийинни ташкил қилмоқда.

#дайжест

🏦 Ўзагроэкспортбанк "ёпиқ қарор" билан сотилганлиги айтилмоқда

"Ўзагроэкспортбанк" акциядорлик-тижорат банки "ёпиқ қарор" асосида хусусийлаштирилган бўлиши мумкин. Бу ҳақда иқтисодчи Отабек Бакиров ўз телеграм каналида маълум қилмоқда.

Айтилишича, 2017 йилда ташкил этилган банк ташқи олигархия билан аффилланган компаниялардан бирига ёпиқ қарор билан сотилмоқда. Компания номи, у билан аффилланган шахслар ва битим шартлари ва суммаси очиқланмаган. Банкни сотиб олаётган корхона мулкчилик шакли МЧЖ бўлиб, унинг устав капитали 6 миллион сўм эканлиги ҳам айтилган.

Bankers.uz вазиятга ойдинлик киритиш мақсадида боғланган Давактив агентлиги матбуот хизмати масъул ходими вазият бўйича кейинроқ ахборот тақдим этишини маълум қилди.


@bankers_uz

💳 OSON тўлов ташкилоти эмитент-банкни тезда ўзгартиришга ва Алоқабанкка ўтишга эришгани маълум қилди

Компаниянинг хабар беришича, бундай ҳолатлар финтех ва фойдаланувчилар орасида электрон пулларга бўлган ишончга сезиларли даражада таъсир қилади.

Ҳозирда компания Алоқабанк билан ҳамкорлик қилмоқда, зудлик билан шартнома имзолаш ва “OSON Sum” электрон пуллар фаолиятини тиклаш мумкин бўлди. Компания шахсий маблағлари ҳисобидан ҳар бир фойдаланувчининг ҳамёнини ҳимоя қилишга муваффақ бўлди.

Маълум қилинишича, музлатилган маблағларни чиқариш билан эса адвокатлар гуруҳи шуғулланишмоқда: улар ҳозирда банк ҳаракатларининг қонунийлиги юзасидан назорат органлари билан маслаҳатлар олишмоқда. Компания шу кунгача "Туркистон" банкдан содир бўлган воқеа юзасидан бирорта ҳам аниқ тушунтириш олмаган.

Шунингдек, компания тартибга солувчи органга ва банкка OSON вакилларига банкни ликвидация қилиниши жараёнига кириш ҳуқуқини бериш, шунингдек, кредиторлар орасидан комиссия тузиш учун уларнинг рўйхатини тақдим этиш бўйича сўров юборган.

Батафсил — https://bankers.uz/news/868


@bankers_uz

🏦 ANORBANK банкка уюштирилган ахборот хуружи тўғрисида қўшимча баёнот берди

"ANOR BANK" акциядорлик жамияти баъзи оммавий ахборот воситалари томонидан банкка қарши режалаштирилган ахборот ҳужуми уюштирилиши муносабати билан қонуний чоралар кўрилиши ҳақида тегишли органларга мурожаат қилинганини маълум қилди. Бу ҳақда тўлиқ баёнот матни банк расмий веб-сайтида эълон қилинди.

Банк аввал эълон қилинган очиқ хатда таъкидланганидек, ўзига қарши содир этилган ҳатти-ҳаракатлар тафсилотларини ўрганиб чиқиб, ўзининг ишчанлик обрўсини, шунингдек, акциядорларининг шаъни ва қадр-қимматини ҳуқуқий майдонда барча қонуний чоралар билан ҳимоя қилишини айтган, ҳамда айрим оммавий ахборот воситалари вакиллари ва блогерларнинг ҳатти-ҳаракатлари юзасидан Ўзбекистон Республикаси Президенти ҳузуридаги Ахборот ва оммавий коммуникациялар агентлигига мазкур инстанциянинг хулосасини олиш учун мурожаат йўллаганини маълум қилган.

Батафсил — https://bankers.uz/news/869


@bankers_uz

🏦 18 октябрь куни Ўзбекистон банк секторига оид хабарлар қисқа сатрларда

🏦 Ўзагроэкспортбанк "ёпиқ қарор" билан сотилганлиги айтилмоқда;

💳 OSON тўлов ташкилоти эмитент-банкни тезда ўзгартиришга ва Алоқабанкка ўтишга эришгани маълум қилди;

🏦 ANORBANK банкка уюштирилган ахборот хуружи тўғрисида қўшимча баёнот берди;

🏦 MKBANK ижтимоий тармоқларда Микрокредитбанкдан фоизсиз кредит берилаётганлиги ҳақидаги хабарлардан эҳтиёт бўлишга чақирди;

🏦 Ўзсаноатқурилишбанк пахта-тўқимачилик кластерлари учун махсус кредит линиясини ишга туширди;

💵 Валюта биржасида АҚШ доллари курси 14 сўм 15 тийинга ошди ва 19 октябрдан бошлаб расмий курс 11 157 сўм 43 тийинни ташкил қилмоқда.

#дайжест