Тижорат банклари валюта айирбошлаш шахобчаларидаги энг мақбул валюта курслари*

🗓 30 сентябрь, 2022 йил, соат 10:00 ҳолатига

Изоҳ: валюта курслари банкларнинг сайтларидаги маълумотлар асосида тайёрланган.

Батафсил


@bankers_uz

Тўртта вилоятда кредит маблағларини талон-тарож қилиш ҳолатлари аниқланди

Бош прокуратура ҳузуридаги Депармент томонидан ҳудудларда кредит маблағларини талон-торож қилиш бўйича аниқланган бир нечта ҳолатлар эълон қилинди.

Хусусан, янги Наманган туманида МЧЖ раҳбари ҳудудий тижорат банки масъул ходимлари ўзаро тил бириктириб, ушбу МЧЖга чемодан маҳсулотларини ишлаб чиқариш учун ажратилган 1,5 млрд. сўм кредит маблағини расмий ҳужжатларни сохталаштириш йўли билан талон-торож қилган.

Шунингдек, Термиз туманида МЧЖ раҳбари 2019 йилда “Янги ҳаёт” МФЙ ҳудудидаги дам олиш масканини қайта таъмирлаш ва меҳмонхона қурилиши учун тижорат банки филиалидан 1,2 млрд. сўм кредит ажратилишига эришиб, ўзлаштириш йўли билан талон-торож қилган.

Шунингдек, шу каби ҳолатлар Денов, Пискент ва Оқдарё туманларида ҳам турли йўллар билан кредит маблағларини талон-торож қилиш ҳолатлари аниқланган.

Мазкур ҳолатлар юзасидан Жиноят кодексининг тегишли моддалари билан жиноят ишлари қўзғатилиб, тергов ҳаракатлари ўтказилмоқда.


@bankers_uz

Bankers.uz жамоаси барча устоз ва мураббийларни бугунги байрам билан қутлайди!

Барчангизга соғлик ва бахт, хонадонингизга эса тинлик ва хотиржамлик тилаймиз!


@bankers_uz

Тижорат банклари валюта айирбошлаш шахобчаларидаги энг мақбул валюта курслари*

🗓 3 октябрь, 2022 йил, соат 10:00 ҳолатига

Изоҳ: валюта курслари банкларнинг сайтларидаги маълумотлар асосида тайёрланган.

Батафсил


@bankers_uz

Тижорат банклари валюта айирбошлаш шахобчаларидаги энг мақбул валюта курслари*

🗓 4 октябрь, 2022 йил, соат 10:00 ҳолатига

Изоҳ: валюта курслари банкларнинг сайтларидаги маълумотлар асосида тайёрланган.

Батафсил


@bankers_uz

Қашқадарёда шифокор кўрикка келган беморнинг картасидаги пулларни ўзлаштирган

Қашқадарё вилоятида оилавий шифокорлик пункти фельдшери кўрикка келган 2-гуруҳ ногиронининг банк картасидан 5 млн. сўм пулини ўзлаштиргани маълум бўлди. Ҳолат юзасидан гумонланувчига нисбатан жиноят иши қўзғатилди.

ИИВ Киберхавфсизлик маркази хабарига кўра, вилоятнинг Деҳқонобод туманида яшовчи 2-гуруҳ ногиронлиги бўлган фуқаро Қ.Ш. (1963 йил туғилган) ариза билан мурожаат қилиб, номаълум шахс банк картасида мавжуд бўлган жами 5.040.000 сўм пулларини ўзлаштирганини билдирган.

Тезкор-қидирув тадбирлари натижасида фуқаро Қ.Ш.нинг банк картасидан пулларни ечиб олган шахс Деҳқонобод туманида яшовчи, оилавий шифокорлик пункти фельдшери 1993 йилда туғилган В.Э. эканлиги аниқланган. У мазкур жиноятни фуқаро Қ.Ш. оилавий шифокорлик пунктига шифокор кўригига келган вақтда, унинг мобил телефонидан банк картаси маълумотларини ва СМС-кодни қўлга киритиб, “CLICK Evolution” мобил иловаси орқали пулларни ўзлаштирган.


@bankers_uz

Туронбанк янгиланган "VISA" карталарини тақдим этмоқда.

Энди банк мижозлари ўз талаби ва эҳтиёжларига мос равишда "Classic", "Business" ва "Gold" карталаридан ўзларига қулайини очишлари мумкин бўлади.

Карталар ҳақида батафсил маълумот

Видеоролик — TuronBank Media

Қўшимча маълумот учун қисқа рақам — 1220.

Тижорат банклари валюта айирбошлаш шахобчаларидаги энг мақбул валюта курслари*

🗓 5 октябрь, 2022 йил, соат 10:00 ҳолатига

Изоҳ: валюта курслари банкларнинг сайтларидаги маълумотлар асосида тайёрланган.

Батафсил


@bankers_uz

Миллий валютадаги кредит фоиз ставкалари пасайишда давом этмоқда

Марказий банк 2022 йил 1 сентябрь ҳолатига банк кредитлари бўйича ўртача фоиз ставкаларига оид статистикани тақдим этди.

Регуляторга кўра, 2022 йил август ойида миллий валютадаги кредитлар бўйича ўртача фоиз ставкалари 22,2 фоизни ташкил қилган. Бу эса июль ойига нисбатан 0,2 фоизга камроқ. Қайд этиш лозимки, ушбу кредитлар бўйича фоиз ставкаларида имтиёзли кредитлар ва микроқарзлар ҳисобга олинмаган.

Қисқа муддатли кредитлар бўйича ўртача фоиз ставкаси 21,2 фоизни (+0,4%), узоқ муддатли кредитлар бўйича ўртача фоиз ставкаси эса 22,5 фоиз (-0,4%)ни ташкил қилган.

Чэт эл валютасида берилган кредитлар бўйича ўртача фоиз ставкалари 7,4 фоизни ташкил қилган. Хорижий валютадаги кредитлар уч ойлик барқарор фоиз ставкаси — 6,7 фоизга нисбатан 0,7 фоизга кўтарилган. Шунингдек, август ойидаги фоиз ставкаси 2022 йилнинг ўтган даври мобайнидаги ойлар кесимидаги энг юқори кўрсаткич саналади.


@bankers_uz

Тижорат банклари валюта айирбошлаш шахобчаларидаги энг мақбул валюта курслари*

🗓 6 октябрь, 2022 йил, соат 10:00 ҳолатига

Изоҳ: валюта курслари банкларнинг сайтларидаги маълумотлар асосида тайёрланган.

Батафсил


@bankers_uz

ЕТТБ вице-президенти банкларни хусусийлаштиришни олти ойга кечиктиришни таклиф қилди

Европа тикланиш ва тараққиёт банки геосиёсий вазият туфайли Ўзбекистон банкларини хусусийлаштиришни кечиктиришни маслаҳат берди. Бу ҳақда банк вице-президенти Юрген Ригтеринк 29 сентябрь куни бўлиб ўтган пресс-конференцияда маълум қилган.

“Ҳозир биз иккита банкни хусусийлаштириш бўйича музокаралар олиб боряпмиз, бу борада президент қарори ҳам бор. Ўзбекистон ҳукуматига шошмасликни тавсия қилдик, бу банкларнинг хусусийлаштиришга пухтароқ тайёргарлик кўриш зарур, энг муҳими, нархни арзонлаштирмаслик керак, бу банклар юқори қийматга эга бўлиши керак”, — деб таъкидлаган ЕТТБ вице-президенти.


@bankers_uz

‼️ Лицензияси олиб қўйилган банклардаги омонатчиларнинг маблағлари икки ойда тўлиқ қайтарилади

Аввал хабар берилганидек, бугун Марказий банк бошқарувининг қарорларига асосан, "Туркистон" ХАТБ ҳамда “HI-TECH BANK” ХАТБнинг банк фаолиятини амалга ошириш ҳуқуқини берувчи лицензиялари чақириб олинди.

Ўзбекистон Республикасининг “Фуқароларнинг банклардаги омонатларини ҳимоялаш кафолатлари тўғрисида”ги Қонунига мувофиқ аҳолининг банклардаги омонатлари Фуқароларнинг банклардаги омонатларини кафолатлаш фонди томонидан тўлиқ кафолатланганлиги муносабати билан ушбу иккита банкдаги омонатчиларининг барча маблағлари, биринчи навбатда, 2 ойдан сўнг тўлиқ қайтарилади.

Аҳолига омонат маблағларини қайтариш Фуқароларнинг банклардаги омонатларини кафолатлаш фонди томонидан ушбу қонунда белгиланган тартибда амалга оширилади.

Омонатларни қайтариш бўйича батафсил маълумотни Ўзбекистон Республикаси Марказий банкининг 71-200-00-44, 71-236-75-24 ишонч телефонлари орқали олиш мумкин.


@bankers_uz

Тижорат банклари валюта айирбошлаш шахобчаларидаги энг мақбул валюта курслари*

🗓 7 октябрь, 2022 йил, соат 10:00 ҳолатига

Изоҳ: валюта курслари банкларнинг сайтларидаги маълумотлар асосида тайёрланган.

Батафсил


@bankers_uz