‍ دومان پِیدا


گلسه نۇوروز عألمه، رنگ قئلار جاهان پِیدا
اِبیرلر اۇواز اوروپ، داغ قئلار دومان پِیدا

بی‌جان‌لار جانا گلیپ، آچارلار داهان پِیدا
گؤگرمِدیک گییاه‌لار، گؤگِریپ رۇوان پِیدا

ادرلر حایوانات‌غا هم سود و زئیان پِیدا
یر یۆزۆنه یایئلئپ، یؤریرلر ناهان پِیدا

بو بسته داهان غوش‌لار، قئلارلار زئبان پِیدا
چؤل طاراپئن برک ادیپ، دِر آچار سووا خارچِنگ

زمین سبزه‌‌زار اۇلوپ، تنیندن آیرئلار زنگ
جۆنبنده‌لر مِست اۇلوپ، گؤیأ ایچمیش عاراق، بنگ

هر اِشیانئنگ اؤزۆنه، اؤز اۇوازئ بۇلار گنگ
سبزه ایچره ساندئواچ، یۆز تیلده قئلار آهِنگ

زمین آخضار پوش اۇلوپ، گۆل بیتیرمیش رنگ به رنگ
خوروشا گلیپ عألِم، قئلارلار پئغان پِیدا

سورود و صِدا بیرله، جاهان یۆزی آباددئر
اۇلما سورودا ماغرور، پایاناسئ بی‌باددئر

حاق عئشقئندا زنده جان، بیلینگ باقئ هایهات‌دئر
هر تِنده که عئشق اوُلماز ، روزی اِزِل مِمات دئر

یاز اؤتینچأ یر و گؤک‌، گوٌندن-گۆنه زئیاد دئر
بیر حاشرئ قئیامات دئر، بیر یۇومئ عاراصات‌دئر

دهر ایچره بۇلار هر دم، جاهان ایچره جان پِیدا
زربابا ذۇوقئن اۇلما، باقا یۇقدور دؤولت‌ده

عؤمرۆنگ‌نی بادا برمه، سِن بو دارالمَحنِت‌ده
یِتر سانگا ایر و گیچ، نه یازئلسا قئسمات‌دا

جانئنگا جِپا ایلأپ، مونچا گزمه حاسرات دا
ثۇغاپ یاغشئ عمل‌ده، یا خود یاغشئ نییِت‌ده

عألِم بارچا خئذمات‌دا ، آدام یاتئپ غاپلات‌دا
حاصلئنگ آتاش بۇلغای، اِیله‌سنگ یامان پِیدا

ماغتئمغولئ یئغلار من، بو باغتئ سئیاهئمدان
غۇرقارام جان آپاتئ، ال_آیاق گۆنأهیم‌دن
اومئدئم حاصئل اۇلماز، بو عؤمری تِباهئمدان

جان کؤیدی جِسِد ایچره، بو آتاشئ آهئمدان
غولوم سونوپ، دیلأر من، حاجاتئم اللهئم‌دان

بنده من، اومئدئم کؤپ، اۇل کِرِملی شاهئمدان
اِیله‌گِی عاراصاتدا، گۆل کیبی ایمان پِیدا



#مختومقلی_فراغی
#شعر #نوروز


🗞@turkanxorasan

🎼دومان پیدا
🎙سس: منصور طبری
🖋شاعیر: #مختومقلی_فراغی

🎼@turkanxorasan