#مختارات


‏ساد صمتٍ مابقى ف البال غيره
حاس قلبي وادري ان الجاي مؤلم !

نيّتك بانت وأظنّ البُعد خيرة
يمكن الله كاتبٍ لي منْك اسلم !

كل ما ابني صبر واترجّى كثيرة
تطغى فِـ غيابك وتتجبّر وتهدم !

كنت لك في ظُلمة الدنيا بصيرة
وانت ماقصرت تجرحني وتظلم !

لي متى برضى وكذباتك كبيرة
لي متى واقصى طموحاتي أبحلم !

من يشيلك من تفاصيلي الصغيرة ؟
هو متى بيصير للنسيان موسم ؟

فض هالسيرة ياقلبي بس حيرة :
الندم ماعاد ينفع لو بتندم !

المحبة رحلة العمر القصيرة :
وقد ماحبيت ماظني بتفهم !

الشاعرة : رزان