БАРЧАСИ ИНСОН ҚАДРИ УЧУН...

Андижон вилояти ҳокимлиги ҳамда «Юксалиш» умуммиллий ҳаракати Андижон вилояти ҳудудий бўлинмаси томонидан «Инсон ҳуқуқлари соҳасида кадрлар тайёрлаш, таълим ва тарбия сифатини ошириш» мавзусида жамоатчилик мулоқоти бўлиб ўтди. Фаол фуқаролар ҳафталиги доирасида ташкил этилган тадбирда вилоят адлия бошқармаси ва ИИБ раҳбарияти, олий таълим муассасаларининг юридик ва фалсафа фанлари докторлари, илмий тадқиқотчилар, нодавлат нотижорат ташкилотлари ҳамда ОАВ вакиллари иштирок этдилар.

Жараёнда иштирокчилар инсон ҳуқуқларини ҳимоя қилиш соҳасида амалга оширилаётган ишлар самарадорлиги, қонун ҳужжатларида белгиланган стандартлар ва тамойиллар, узлуксиз таълим тизимида инсон ҳуқуқлари ва гендер масалаларида маърузалар тинглаб, фикр-мулоҳазалар билдирдилар.

Жамоатчилик мулоқотида жамиятда инсон ҳуқуқлари маданиятини шакллантириш – фуқаролар ҳуқуқларини таъминлаш ва ҳимоя қилишнинг муҳим шартларидан бири эканлиги алоҳида таъкидланди. Шу нуқтаи назардан, миллий ҳуқуқий тизимни тубдан ислоҳ қилиш, жамиятда ҳуқуқий маданиятни шакллантириш ва малакали юридик кадрларни тайёрлаш бўйича бошланган амалий ишларни давом эттириш муҳим эканлиги қайд этилди.

#Andijon #yuksalish #insonqadri

Facebook | Twitter | Instagram | YouTube | Telegram | TikTok