Андижонда “Спорт мактаблар лигаси” футбол мусобақасининг вилоят босқичи бўлиб ўтди

Вилоятдаги болалар ва ўсмирлар спорт мактабларининг 2012 йилда туғилган ўқувчиларидан тузилган жамоалари ўртасида ўтказилган мусобақанинг вилоят босқичида барча туман, шаҳар спорт мактаблари жамоалари иштирок этиб, ғолиблик учун баҳс олиб борди.

Қизиқарли ва кескин баҳслар асосида ўтган мусобақанинг якуний натижаларига кўра, Хўжаобод тумани болалар ва ўсмирлар спорт мактаби жамоаси барча рақибларидан устун келиб, биринчи ўринни қўлга киритди. Иккинчи ўрин Шаҳрихон тумани, учинчи ўрин эса Андижон тумани спорт мактаблари жамоаларига насиб этди.

Мусобақа давомида Андижон тумани спорт мактаби ўқувчиси Жаҳонгир Акбаров “Энг яхши дарвозабон”, Хўжаобод тумани спорт мактаби ўқувчиси Муҳаммадзоҳид Авлиёхўжаев “Энг яхши ўйинчи”, Шаҳрихон тумани спорт мактаби ўқувчиси Беҳрузбек Баҳодиров “Энг яхши ҳужумчи”, мусобақа тўпурари, деб топилди.

Мусобақа ғолибларини тақдирлашга бағишланган тадбирда юртимизда ёш авлодни жисмонан соғлом вояга етиши, ўз иқтидор ва салоҳиятларини тўлақонли намоён этишлари учун кенг имкониятлар яратиб берилаётганлиги таъкидланди. Ғолиб ва совриндорлар кубок, тегишли медал ва эсдалик совғалари билан тақдирланди.

Facebook | YouTube | Web-site
Instagram | Telegram

Садоқат – танлов ғолибаси

Республика тез тиббий ёрдам маркази Андижон вилояти филиалида “Ҳамшира – 2025” республика кўрик-танловининг вилоят тизим босқичи бўлиб ўтди.

– Айни кунда Республика тез тиббий ёрдам маркази вилояти филиали ҳамда унинг туман, шаҳар бўлимларида 3 минг 115 нафар ҳамшира фаолият олиб боради, – дейди филиал бош ҳамшираси Иродахон Мирзаева.

– Уларнинг касбий малакасини юксалтириш, илғор иш тажрибаларини оммалаштириш, фаолиятларини қўллаб-қувватлаш ва рағбатлантиришда мазкур танловнинг ўрни ва роли ниҳоятда катта.

Танловда вилоят, шаҳар ва туман тез тиббий ёрдам бўлимларида ғолиб бўлган 7 нафар ҳамшира иштирок этиб, тезкор қарор қабул қилиш қобилияти, беморларга биринчи ёрдам кўрсатиш маҳорати ва фавқулодда вазиятларда тўғри ҳаракат қилиш бўйича ўзларининг билим, малака ҳамда амалий кўникмаларини синовдан ўтказди.

Батафсил

Facebook | YouTube | Web-site
Instagram | Telegram

Булоқбошида чигит экиш қизғин паллага кирмоқда

Туманда 2025-йил пахта ҳосили учун жами 2014 гектар майдонга чигит экилиши режалаштирилган бўлиб, шундан 1000 гектар майдонга Хитойнинг “Xin Lu Zohg 52” ва 1014 гектар майдонга Андижон 35 навлари экилади.

Ҳозирги кунда тумандаги барча фермер хўжаликларида майдонларни тайёрлаш ва чигит экиш ишлари қизғин давом этмоқда.

Facebook | YouTube | Web-site
Instagram | Telegram

Иккинчи жаҳон уруши қатнашчиси ҳолидан хабар олинди

Ўзбекистон Республикаси Президентининг “Иккинчи жаҳон урушида қозонилган ғалабанинг 80 йиллиги ҳамда Хотира ва қадрлаш кунига тайёргарлик кўриш ва муносиб нишонлаш тўғрисида”ги қарорида белгиланган вазифалар ижросини таъминлаш, қолаверса, муборак Рамазон ойи муносабати билан “Нуроний” уюшмаси Андижон вилояти бўлими раҳбари, сенатор Ўктамжон Охунов бошчилигида бир гуруҳ нуронийлар Марҳамат тумани Пахтакор маҳалласида истиқомат қилаётган Иккинчи жаҳон уруши иштирокчиси Иминжон ота Темиров хонадонида бўлди.

Ўзининг қутлуғ 100 ёшини нишонлаётган Иминжон ота Темиров Иккинчи жаҳон уруши жанггоҳларида қаҳрамонлик намуналарини кўрсатган мард ва жасур юртдошларимиздан биридир.

Эл-юрт, маҳалладошлар, фарзанд ва набиралари ардоғида, кексалик гаштини суриб умргузаронлик қилаётган Иминжон ота юртимизда кексаларга, уруш қатнашчиларига кўрсатилаётган эътибор ва йўқловлардан мамнун эканлигини билдирди.

Уруш ва меҳнат фахрийлари, нуроний кексаларни йўқлашдек бу каби хайрли ишлар Андижоннинг барча туман ва шаҳарларида ўтказилмоқда.

Батафсил

Facebook | YouTube | Web-site
Instagram| Telegram