የአካዳሚው አመራሮችና ሠራተኞች ለመከላከያ ሠራዊት ደም ለገሱ
****************
(ኢ.ፕ.ድ)
የአፍሪካ አመራር ልህቀት አካዳሚ አመራሮችና ሠራተኞች ዛሬ ለመከላከያ ሠራዊት ደም ለገሡ።
የአካዳሚው ምክትል ርእሰ አካዳሚ ዶክተር ወንድዬ ለገሰ በደም ልገሳ መርሃ ግብሩ ላይ እንደገለጹት፤ መከላከያ ሠራዊቱ በግንባር መተኪያ የሌለው ክቡር ሕይወቱን እየሰጠ ስለሆነ ባለን አቅም ሁሉ ማገዝ አለብን።
በአንድ በኩል በየተሠማራንበት የሙያ መስክ ጠንክረን በመሥራት በጦርነቱ ኢኮኖሚው እንዳይጎዳ መሥራት አለብን ያሉት ዶክተር ወንድዬ፤ ተገደን የገባንበትን ጦርነት በአጭር ጊዜ በድል ማጠናቀቅ እንድንችልም በግንባር እየተዋደቀ ለሚገኘው ሠራዊት ደም ከመለገስ ጀምሮ አስፈላጊውን እገዛ በማድረግ አገራችንን ማዳን አለብን ብለዋል።
በተለያዬ ጊዜ ደም መለገሳቸውን አስታውሰው፤ አሁን ላይ አገርን ለመታደግ የማይተካ ሕይወቱን ሰጥቶ እየተዋደቀ ለሚገኘው መከላከያ ሠራዊት የሚለገሰው የሚተካ ደም ነው። በመሆኑም ለዚህ ጀግና ሠራዊት ደም በመለገሳቸው መደሰታቸውን ገልጸዋል።
ደም ከለገሱ የአካዳሚው ሠራተኞች መካከል አቶ አወል አሊ እንደገለጹት፤ አገርን ለማዳን ዋጋ እየከፈለ ካለው ሠራዊት ጎን መቆማቸውን ለመግለጽ ደም መለገሳቸውን ተናግረዋል።
መላው ኢትዮጵያውያንም ደም በመለገስም ሆነ በማንኛውም መልኩ ድጋፉን አጠናክሮ እንዲቀጥል ጠይቀዋል
ወይዘሮ አልማዝ መኮንን በበኩላቸው፤ ከዚህ ቀደም ሠራዊቱን በተለያየ መልኩ ሲደግፉ መቆየታቸውን ገልጸዋል ።
"ዛሬም ደም በመለገሴ ግንባር ድረስ ተሰልፌ አገሬን የታደኩ ያህል ተሰምቶኛል" ያሉት ወይዘሮ አልማዝ፤ ጦርነቱ በድል ተጠናቆ ዘላቂ ሰላም እንዲሰፍን ሁሉም ኢትዮጵያዊያን የየበኩሉን ድርሻ እንዲወጡ ጥሪ አቅርበዋል።
በፋንታነሽ ክንዴ
****************
(ኢ.ፕ.ድ)
የአፍሪካ አመራር ልህቀት አካዳሚ አመራሮችና ሠራተኞች ዛሬ ለመከላከያ ሠራዊት ደም ለገሡ።
የአካዳሚው ምክትል ርእሰ አካዳሚ ዶክተር ወንድዬ ለገሰ በደም ልገሳ መርሃ ግብሩ ላይ እንደገለጹት፤ መከላከያ ሠራዊቱ በግንባር መተኪያ የሌለው ክቡር ሕይወቱን እየሰጠ ስለሆነ ባለን አቅም ሁሉ ማገዝ አለብን።
በአንድ በኩል በየተሠማራንበት የሙያ መስክ ጠንክረን በመሥራት በጦርነቱ ኢኮኖሚው እንዳይጎዳ መሥራት አለብን ያሉት ዶክተር ወንድዬ፤ ተገደን የገባንበትን ጦርነት በአጭር ጊዜ በድል ማጠናቀቅ እንድንችልም በግንባር እየተዋደቀ ለሚገኘው ሠራዊት ደም ከመለገስ ጀምሮ አስፈላጊውን እገዛ በማድረግ አገራችንን ማዳን አለብን ብለዋል።
በተለያዬ ጊዜ ደም መለገሳቸውን አስታውሰው፤ አሁን ላይ አገርን ለመታደግ የማይተካ ሕይወቱን ሰጥቶ እየተዋደቀ ለሚገኘው መከላከያ ሠራዊት የሚለገሰው የሚተካ ደም ነው። በመሆኑም ለዚህ ጀግና ሠራዊት ደም በመለገሳቸው መደሰታቸውን ገልጸዋል።
ደም ከለገሱ የአካዳሚው ሠራተኞች መካከል አቶ አወል አሊ እንደገለጹት፤ አገርን ለማዳን ዋጋ እየከፈለ ካለው ሠራዊት ጎን መቆማቸውን ለመግለጽ ደም መለገሳቸውን ተናግረዋል።
መላው ኢትዮጵያውያንም ደም በመለገስም ሆነ በማንኛውም መልኩ ድጋፉን አጠናክሮ እንዲቀጥል ጠይቀዋል
ወይዘሮ አልማዝ መኮንን በበኩላቸው፤ ከዚህ ቀደም ሠራዊቱን በተለያየ መልኩ ሲደግፉ መቆየታቸውን ገልጸዋል ።
"ዛሬም ደም በመለገሴ ግንባር ድረስ ተሰልፌ አገሬን የታደኩ ያህል ተሰምቶኛል" ያሉት ወይዘሮ አልማዝ፤ ጦርነቱ በድል ተጠናቆ ዘላቂ ሰላም እንዲሰፍን ሁሉም ኢትዮጵያዊያን የየበኩሉን ድርሻ እንዲወጡ ጥሪ አቅርበዋል።
በፋንታነሽ ክንዴ
የአፍሪካ አመራር ልህቀት አካዳሚ አመራርና ሠራተኞች የተለያዩ ተቋማትን ጎበኙ
*****************
(ኢ ፕ ድ)
የአፍሪካ አመራር ልህቀት አካዳሚ አመራርና ሠራተኞች የኢፌዲሪ አየር ኃይልን፣ የኢንፎርሜሽን መረብ ደህንነት አሰተዳደር፣ የኢትዮጵያ አርቴፊሻል ኢንተለጀንስ ኢንስቲትዩትንና የአዲስ አበባ ከተማ አስተዳደርን ጎብኝተዋል።
በጉብኝቱ በተቋማቱ ያለው ጠንካራ የሥራ ባህል የታየበትና አገሪቱ በተለያዩ ችግሮች ውስጥ እያለፈች ቢሆንም እየተተገበሩ ያሉ አገራዊ ሪፎርሞች ውጤታማ መሆናቸውን የተገነዘቡበት ነው።
የአፍሪካ አመራር ልህቀት አካዳሚ ምክትል ርእሰ አካዳሚ ወይዘሮ ሕይወት አለማየሁ በጉብኝቱ ወቅት እንደገለጹት፤ በተቋማቱ የታየው ጠንካራ የሥራ ባህልና ስኬት ለአካዳሚው ሠራተኞች ትልቅ መነሳሳት የሚፈጥር መሆኑን ጠቁመው፤ ጠንክሮ በመሥራት ችግር ፈቺ የሆኑ ተግባራትን ለአገር ማበርከት እንደሚቻል ልምድ ያገኘንበት ነው ብለዋል።
አካዳሚው በአፍሪካ ደረጃ የአመራር ልህቀት ማዕከል የመሆን ራዕይ አንግቦ እየተንቀሳቀሰ ነው ያሉት ምክትል ርእሰ አካዳሚዋ፤ አካዳሚው ከእነዚህ ተቋማት ጋር በትብብር በመሥራት የታለመውን አገራዊ የመልማት እቅድ እውን ለማድረግ የበኩሉን ሚና ለመወጣት ዝግጁ መሆኑንም ጨምረው ገልጸዋል።
ጉብኝቱ ትልቅ መነሳሳትና ሞራል እንደፈጠረላቸው የጠቆሙት የአካዳሚው ሠራተኞች፤ በተቋማቱ ውስጥ በተመለከቱት ሥራ አገራዊ ኩራት እንደተሰማቸውም ጠቁመዋል።
የአካዳሚው አመራርና ሠራተኞች ጉብኝት ከትናንት ጀምሮ ዛሬም በመከናወን ላይ ያለ ሲሆን፣ ከተቋማቱ ጉብኝት በተጨማሪ በምሥራቅ ሸዋ ዞን በክላስተር የለማ የስንዴ ማሳንም ጎብኝተዋል።
በፋንታነሽ ክንዴ
*****************
(ኢ ፕ ድ)
የአፍሪካ አመራር ልህቀት አካዳሚ አመራርና ሠራተኞች የኢፌዲሪ አየር ኃይልን፣ የኢንፎርሜሽን መረብ ደህንነት አሰተዳደር፣ የኢትዮጵያ አርቴፊሻል ኢንተለጀንስ ኢንስቲትዩትንና የአዲስ አበባ ከተማ አስተዳደርን ጎብኝተዋል።
በጉብኝቱ በተቋማቱ ያለው ጠንካራ የሥራ ባህል የታየበትና አገሪቱ በተለያዩ ችግሮች ውስጥ እያለፈች ቢሆንም እየተተገበሩ ያሉ አገራዊ ሪፎርሞች ውጤታማ መሆናቸውን የተገነዘቡበት ነው።
የአፍሪካ አመራር ልህቀት አካዳሚ ምክትል ርእሰ አካዳሚ ወይዘሮ ሕይወት አለማየሁ በጉብኝቱ ወቅት እንደገለጹት፤ በተቋማቱ የታየው ጠንካራ የሥራ ባህልና ስኬት ለአካዳሚው ሠራተኞች ትልቅ መነሳሳት የሚፈጥር መሆኑን ጠቁመው፤ ጠንክሮ በመሥራት ችግር ፈቺ የሆኑ ተግባራትን ለአገር ማበርከት እንደሚቻል ልምድ ያገኘንበት ነው ብለዋል።
አካዳሚው በአፍሪካ ደረጃ የአመራር ልህቀት ማዕከል የመሆን ራዕይ አንግቦ እየተንቀሳቀሰ ነው ያሉት ምክትል ርእሰ አካዳሚዋ፤ አካዳሚው ከእነዚህ ተቋማት ጋር በትብብር በመሥራት የታለመውን አገራዊ የመልማት እቅድ እውን ለማድረግ የበኩሉን ሚና ለመወጣት ዝግጁ መሆኑንም ጨምረው ገልጸዋል።
ጉብኝቱ ትልቅ መነሳሳትና ሞራል እንደፈጠረላቸው የጠቆሙት የአካዳሚው ሠራተኞች፤ በተቋማቱ ውስጥ በተመለከቱት ሥራ አገራዊ ኩራት እንደተሰማቸውም ጠቁመዋል።
የአካዳሚው አመራርና ሠራተኞች ጉብኝት ከትናንት ጀምሮ ዛሬም በመከናወን ላይ ያለ ሲሆን፣ ከተቋማቱ ጉብኝት በተጨማሪ በምሥራቅ ሸዋ ዞን በክላስተር የለማ የስንዴ ማሳንም ጎብኝተዋል።
በፋንታነሽ ክንዴ
እናመሰግናለን!!
አቶ አሸብር አህመድ በአፍሪካ አመራር ልህቀት አካዳሚ ውስጥ በልዩ ስልጠና ዳይሬክተርነት ሰርተዋል፡፡ በጡረታ እስከተሰናበቱበት ድረስም በቅንነትና በታማኝነት አገልግለዋል፡፡ አካዳሚውም የምስጋና በዓል አዘጋጅቶ በክብር ሸኝቷቸዋል፡፡ አቶ አሸብር በተቋሙ ውስጥ በሰጡት አመራር እናመሰግናለን፡፡
አቶ አሸብር አህመድ በአፍሪካ አመራር ልህቀት አካዳሚ ውስጥ በልዩ ስልጠና ዳይሬክተርነት ሰርተዋል፡፡ በጡረታ እስከተሰናበቱበት ድረስም በቅንነትና በታማኝነት አገልግለዋል፡፡ አካዳሚውም የምስጋና በዓል አዘጋጅቶ በክብር ሸኝቷቸዋል፡፡ አቶ አሸብር በተቋሙ ውስጥ በሰጡት አመራር እናመሰግናለን፡፡
የደቡብ ሱዳን የብሔራዊ መረጃና ደህንነት አገልግሎት ልዑክ የአፍሪካ አመራር ልህቀት አካዳሚን ጎበኘ፡፡
ልዑኩ ሱሉልታ በሚገኘው የተቋሙ የስልጠና ማዕከል ሲደርስ የአካዳሚው የፕሮግራም ዘርፍ ም/ርዕሰ አካዳሚ ወ/ሮ ሕይወት አለማየሁ እና የስራ አመራር ዘርፍ ም/ርዕሰ አካዳሚ ወንድዬ ለገሰ (ዶ/ር) አቀባበል ያደረጉለት ሲሆን ስለ አካዳሚው ተግባርና ኃላፊነት ሰፊ ገለፃ አድርገውላቸዋል፡፡
አካዳሚው እንደ አዲስ ከተቋቋመ ጀምሮ የአፍሪካን አመራር አቅም በሁለንተናዊ መልኩ ለመገንባት እየሰራ እንደሆነ የገለፁት ወ/ሮ ሕይወት የደቡብ ሱዳን የመረጃና ደህንነት ተቋምም አመራሮቹን የማሰልጠን ፍላጎት ካለው በጋራ ለመስራት ዝግጁ መሆናቸውን ተናግረዋል፡፡
ም/ርዕሰ አካዳሚዋ አያይዘውም የአፍሪካ አመራር ልህቀት አካዳሚ ከፓን አፍሪካ ጋር የተያያዙ አዳዲስ የስልጠና ፕሮግራሞችን በመቅረፅ ወደ ስራ እየገባና የአፍሪካውያንን የስልጠና ፍላጎት በተደራጀ የስልጠና ማዕከል ውስጥ ለማሟላት እየሰራ መሆኑን ገልፀዋል፡፡
የደቡብ ሱዳን የብሔራዊ መረጃና ደህንነት አገልግሎት ዋና አስተዳደር አብርሀም ኬት ቢቾክ በበኩላቸው ለተደረገላቸው አቀባበልና ለተደረገላቸው ገለፃ አመስግነው በአካዳሚው ውስጥ ለመሰልጠን ፍላጎት እንዳላቸውና በአጭር ጊዜ ውስጥ የስልጠና ፍላጎታቸውን እንደሚያሳውቁ ተናግረዋል፡፡ የአካዳሚውን የስልጠና ማዕከል በመጎብኘታቸውም ደስተኛ እንደሆኑና በማዕከሉ ባዩት መሰረተ ልማት መደነቃቸውን ተናግረዋል፡፡
ልዑኩ ሱሉልታ በሚገኘው የተቋሙ የስልጠና ማዕከል ሲደርስ የአካዳሚው የፕሮግራም ዘርፍ ም/ርዕሰ አካዳሚ ወ/ሮ ሕይወት አለማየሁ እና የስራ አመራር ዘርፍ ም/ርዕሰ አካዳሚ ወንድዬ ለገሰ (ዶ/ር) አቀባበል ያደረጉለት ሲሆን ስለ አካዳሚው ተግባርና ኃላፊነት ሰፊ ገለፃ አድርገውላቸዋል፡፡
አካዳሚው እንደ አዲስ ከተቋቋመ ጀምሮ የአፍሪካን አመራር አቅም በሁለንተናዊ መልኩ ለመገንባት እየሰራ እንደሆነ የገለፁት ወ/ሮ ሕይወት የደቡብ ሱዳን የመረጃና ደህንነት ተቋምም አመራሮቹን የማሰልጠን ፍላጎት ካለው በጋራ ለመስራት ዝግጁ መሆናቸውን ተናግረዋል፡፡
ም/ርዕሰ አካዳሚዋ አያይዘውም የአፍሪካ አመራር ልህቀት አካዳሚ ከፓን አፍሪካ ጋር የተያያዙ አዳዲስ የስልጠና ፕሮግራሞችን በመቅረፅ ወደ ስራ እየገባና የአፍሪካውያንን የስልጠና ፍላጎት በተደራጀ የስልጠና ማዕከል ውስጥ ለማሟላት እየሰራ መሆኑን ገልፀዋል፡፡
የደቡብ ሱዳን የብሔራዊ መረጃና ደህንነት አገልግሎት ዋና አስተዳደር አብርሀም ኬት ቢቾክ በበኩላቸው ለተደረገላቸው አቀባበልና ለተደረገላቸው ገለፃ አመስግነው በአካዳሚው ውስጥ ለመሰልጠን ፍላጎት እንዳላቸውና በአጭር ጊዜ ውስጥ የስልጠና ፍላጎታቸውን እንደሚያሳውቁ ተናግረዋል፡፡ የአካዳሚውን የስልጠና ማዕከል በመጎብኘታቸውም ደስተኛ እንደሆኑና በማዕከሉ ባዩት መሰረተ ልማት መደነቃቸውን ተናግረዋል፡፡