በከፍተኛ ሹመት ወደ ሌላ የስራ ኃላፊነት ለተዘዋወሩ የቀድሞ የአካዳሚው ፕሬዝዳንትና ም/ፕሬዝዳንት የሽኝትና የምስጋና መርሃ ግብር ተካዷል፡፡
በሽኝትና በምስጋና መርሃ ግብሩ ላይ የተገኙት የአካዳሚው ርዕሰ አካዳሚ ዶ/ር ምህረት ደበበ የቀድሞ የአካዳሚው አመራሮች ለሰሩት ስራ ምስጋና እንደሚገባቸው በመግለጽ በሄዱበት መልካም የስራ ጊዜ አንዲሁንላቸው ተመኝተዋል፡፡
የሽኝትና የምስጋና መርሃ ግብሩ የአካዳሚው አመራሮችና ሰራተኞች በተገኙበት በአካዳሚው የሱሉልታ ማሰልጠኛ ማዕከል ተደርጓል፡፡

በወቅታዊ ሀገራዊ ጉዳይ ላይ ውይይት ተደረገ

የአፍሪካ አመራር ልህቀት አካዳሚ ርዕሰ አካዳሚ ዶ/ር ምህረት ደበበ ከመላው የአካዳሚው ሰራተኞች ጋር ባደረጉት ውይይት ላይ እንደተናገሩት የውይይቱ አላማ በወቅታዊ ሀገራዊ ጉዳይ ላይ የጋራ ግንዛቤ ለመያዝና ሰራተኛው የሚጠበቅበትን ማድረግ እንዲችል ታስቦ የተዘጋጀ መድረክ መሆኑን ገልጸዋል፡፡

ዶ/ር ምህረት የሀገራችን ሁኔታ ከህልውና ጋርና ኢትዮጵያ ትቀጥላለች ወይም አትቀጥልም የሚል ሁኔታ ላይ የደረሰና ሀገሪቱ በምዕራባውያን ከባድ ጫና እየደረሰባት መሆኑን ተናግረዋል፡፡

ርዕሰ አካዳሚው የሰብአዊ መብት ጉዳይ ሳይሆን ሀገሪቱን እንደ ሶሪያ፣አፍጋኒስታንና ሊቢያ ለማፈራረስ የታሰበ አጀንዳ በመሆኑ ህዝባዊ ድጋፍ ማድረግ አማራጭ የሌለው መሆኑንም አስታውቀዋል፡፡

የጥናትና ምርምር ምክትል ርዕሰ አካዳሚ የሆኑት አቶ ደምሴ ሽቶ በበኩላቸው የሀገሪቱን አንድነት የሚፈታተንና ህዝባችንን በተለያየ መንገድ የሚረብሸ ነገር ሲከናወን ወቅታዊ ወይይቶች ማድረግና ግንዛቤ መውሰድ አስፈላጊ መሆኑን ተናግረዋል፡፡

አቶ ደምሴ ሀገር የማፍረስ እንቅስቃሴንና ውዥንብሮችን መከላከል፣ የሚኖርበትን አካባቢ መጠበቅና ሰላምን ማስከበር እንዲሁም የመከላከያ ሰራዊቱን በተለያየ መንገድ በመደገፍ የሚጠበቅበትን ሃላፊነት መወጣት የሰራተኛው ድርሻ መሆኑንም አስታውቀዋል፡፡

የአካዳሚው ሰራተኞችና አመራሮችም በበኩላቸው ወቅታዊ ውይይቱ አስፈላጊ መሆኑን በማንሳት የአንድ ወር ደመወዛቸውን በአንድ አመት ለመክፈል ተስማምተው በተጨማሪም ባላቸው አቅም በዕውቀት፣ በቁሳቁስ እንዲሁም በደም ልገሳ እንደሚሳተፉም ቃል ገብተዋል፡

በመጨረሻም በውይይት መድረኩ የአካዳሚው ርዕሰ አካዳሚ ዶ/ር ምህረት ደበበ የመስሪያ ቤቱ መዋቅር በባለሙያዎች ከ6-8 ሳምንታት ውስጥ ተሰርቶ ለሰራተኛው እንደሚቀርብም አስታውቀዋል፡