የልህቀት አካዳሚና የጋራ ምክር ቤቱ በአቅም ግንባታና ምርምሮች በጋራ ለመሥራት የደረሱበትን ስምምነት ተግባራዊ ማድረግ ጀመሩ

አዲስ አበባ፤ ሚያዝያ 17/2017(ኢዜአ)፦ የአፍሪካ አመራር ልህቀት አካዳሚና የኢትዮጵያ ፖለቲካ ፓርቲዎች የጋራ ምክር ቤት በአቅም ግንባታ፣ ጥናትና ምርምሮች ላይ በጋራ ለመሥራት የደረሱበትን ስምምነት ተግባራዊ ማድረግ ጀምረዋል።

ተቋማቱ ህዳር 2 ቀን 2017 ዓ.ም በተለያዩ መስኮች በትብብር ለመስራት የመግባቢያ ሰነድ ተፈራርመዋል።

የመግባቢያ ሰነዱን ወደ መሬት ለማውረድ ከሁለቱ ተቋማት የተውጣጣ የቴክኒክ ቡድን በቀጣይ የሚከናወኑ ተግባራት ላይ የጋራ ዕቅድ አዘጋጅቷል።

በዛሬው ዕለትም በተዘጋጀው ዕቅድ ዙሪያ የአካዳሚው እና የጋራ ምክር ቤቱ አመራር አባላት የተወያዩ ሲሆን፤ በአቅም ግንባታ፣ በጥናትና ምርምር እንዲሁም በሌሎች ዘርፎች በጋራ የመስራት እንቅስቃሴ ጀምረዋል።

የአፍሪካ አመራር ልህቀት አካዳሚ ምክትል ፕሬዚዳንት መሰረት ደስታ በዚሁ ወቅት እንዳሉት፤ በስምምነቱ መሰረት አካዳሚው ለፖለቲካ ፓርቲ አመራር አባlaት የአቅም ግንባታ ሥልጠናዎችን ይሰጣል።

በዚህም ያሉ ክፍተቶችን በጥናት በመለየት እንደሚሰራ ጠቁመው፤ የፖሊሲ ማማከር ሥራዎችንም አካዳሚው እንደሚያከናውን አብራርተዋል።

በዚህ ዓመት ለ120 የፖለቲካ ፓርቲ አመራር አባላት የአቅም ግንባታ ሥልጠና እንደሚሰጥ ገልጸው፤ ሥልጠናው ተጠናክሮ እንደሚቀጥልም አስረድተዋል።

በኢትዮጵያም ሆነ በዓለም አቀፍ ደረጃ ያሉ ሁኔታዎችን በላቀ ደረጃ የሚረዳና በቂ ግንዛቤ የጨበጠ አመራር ወሳኝ ነው ያሉት ምክትል ፕሬዝዳንቷ፤ በተቋማቱ መካከል የተደረገው ትብብር ይሄን ግብ ለማሳካት ያለመ ነው ብለዋል።

የመንግስት ግዥ እና ንብረት ባለስልጣን ሴት አመራሮች በአፍሌክስ የአመራር ልማት ስልጠና ወሰዱ

ሱሉልታ ሚያዚያ 17/2017 (አፍሌክስ) - የመንግስት ግዢና ንብረት ባለስልጣን ሴት አመራሮች ሱሉልታ በሚገኘው የአፍሌክስ የአመራር ልማት ማዕከል የአመራር አቅም ግንባታ ስልጠና መውሰድ ጀምረዋል።

መርሃ ግብሩ የባለስልጣን መስሪያ ቤቱን ሴት የቡድን መሪዎችን እና ስራ አስፈፃሚዎች ጨምሮ 44 ተሳታፊዎችን ይዟል።

ስልጠናው የአመራር ልማት እና የልቦና ውቅር ላይ ያተኮረ ሲሆን፣ ለተቋም አመራር ወሳኝ የሆኑ ርዕሶችንም አካቷል።

ስልጠናው መሪዎቹ በስራ ላይ የሚገጥሙ ውስብስብ ፈተናዎችን በመፈተሽ እና አወንታዊ የስራ አካባቢን በመፍጠር ውጤታማ የለውጥ አመራርን መተግበር እንዲችሉ ማገዝን አላማው አድርጓል።

የአመራር መርሆዎችን ግንዛቤ ለማሳደግ የሚያስችሉ ገለጻዎች እና ውይይቶች የስልጠናው አካላት ናቸው።

በአዲስ አበባ የኮሪደር ልማትን ጨምሮ እየተከናወኑ የሚገኙ የልማት ሥራዎች የከተማዋን ተወዳዳሪነት በእጅጉ የሚያጎሉ ናቸው

በአዲስ አበባ የኮሪደር ልማትን ጨምሮ እየተከናወኑ የሚገኙ ዘርፈ ብዙ የልማት ሥራዎች የከተማዋን ዓለም አቀፍ ተወዳዳሪነት በእጅጉ የሚያሳድጉ መሆናቸው ተገለጸ፡፡

የፕሮጀክቶች በፍጥነትና በጥራት መጠናቀቅ የመፈጸም አቅምን ከፍ ያደረገ ስለመሆኑም ተጠቁሟል፡፡

የጠቅላይ ሚኒስትር ጽሕፈት ቤት ተጠሪ ተቋማት እና የብልፅግና ፓርቲ ጽሕፈት ቤት የሥራ ኃላፊዎች እና ሠራተኞች በከተማዋ የተለያዩ አካባቢዎች በመዘዋወር የካሳንቺስ የኮሪደር ልማት ስራዎችን፣ የመልሶ ማልማት፣ የእንስሳት ልማትና ልህቀት ማዕከል፣ አዲስ ዓለም አቀፍ ኮንቬንሽን ማዕከልና ጨምሮ ሌሎች የልማት ፕሮጀክቶችን ጎብኝተዋል።

በዚሁ ወቅት በሰጡት አስተያየትም የልማት ስራዎቹ የከተማዋን ዕድገት የሚያፋጥኑና የሕዝቡን ተጠቃሚነት የሚያሳድጉ መሆናቸውን አንስተዋል፡፡

ከአፍሪካ አመራር ልህቀት አካዳሚ የተሳተፉት አለሙ ገላን ለልማት ተነሺዎች ሁሉንም ዓይነት የመሠረተ ልማት ያሟላ የመኖሪያ ቤት ጨምሮ ለኑሮ ምቹ የሆነ ከባቢ መሰጠቱ ልማቱ ህዝቡን ተጠቃሚ እያደረገ ለመሆኑ ማሳያ ነው ብለዋል፡፡

አቶ ብሩክ አመንቴ በበኩላቸው፥ አዲስ አበባ ለሌሎች ከተሞች ሞዴል መሆን ወደ ምትችልበት ደረጃ እየተሸጋገረች መሆኗን አንስተዋል፡፡

አዲስ አበባ በከፍተኛ የለውጥ ሂደት ላይ እንደምትገኝ የተጠናቀቁና በመጠናቀቅ ላይ የሚገኙ የልማት ስራዎች ማሳያ እንደሆኑም የጉብኝቱ ተሳታፊዎች ገልጸዋል፡፡

AFLEX Collaborates with LLEAP to Deliver Transformative Leadership Program in Ethiopia

Addis Ababa, Ethiopia – April 25, 2025 – AFLEX has joined forces with the Leveraging Leadership in Ethiopia Accelerator Program (LLEAP) to provide an immersive leadership training program for leaders at the Academy.