ကျနော်တို့က အပြည့်အဝ လေးစားကာကွယ်ရပါလိမ့်မယ်။

ဒါကြောင့် Non CDM ကျောင်းသားတွေကို အပြစ်ပေးအရေးယူရေးဆိုတဲ့ကိစ္စဟာ လုံးဝ မလုပ်အပ်တဲ့ကိစ္စဖြစ်ပါတယ်။ ဘာကြောင့်မလုပ်အပ်တဲ့ကိစ္စလဲဆိုရင်တော့ ဒီလုပ်ရပ်ဟာ အခြေခံလူ့အခွင့်အရေးကို ချိုးဖောက်ရာရောက်နေလို့ပါပဲ။

(၂) ကိုယ်နဲ့ အမြင်မတူတဲ့အတွက် အမြင်မတူသူရဲ့ ပညာရေးခရီးလမ်းကို ပိတ်ဆို့တားမြစ် အရေးယူတာဟာ ဗမာပြည်က စစ်အစိုးရတွေ အစဉ်တစိုက်လုပ်ခဲ့တဲ့ အာဏာရှင်လုပ်ဟန်ဖြစ်ပါတယ်။

ဆန္ဒပြကျောင်းသားတွေကို ကျောင်းထုတ်လိုက်တယ်၊ သမဂ္ဂကျောင်းသားဖြစ်လို့ အပြစ်ရှာပြီး စာမေးပွဲချလိုက်တယ်၊ ဆိုတဲ့အချင်းအရာတွေဟာ ဗမာပြည်သမိုင်းမှာ ဖန်တရာတေနေတဲ့ကိစ္စပါ။ နယ်ချဲ့လက်အောက်မှာရော၊ စစ်အာဏာရှင်လက်အောက်မှာရော မကြာခဏ ကြုံတွေ့ခဲ့ကြရတဲ့အချင်းအရာပါ။ ဒါဟာ အာဏာရှင်တွေရဲ့ လက်နက်တမျိုးဆိုရင်လည်း ဟုတ်ပါတယ်။ ဒီလိုကြုံတွေ့ခဲ့ရတဲ့ ဖြစ်စဉ်တိုင်းမှာ ကျူးလွန်သူဟာ နယ်ချဲ့ကိုလိုနီအစိုးရနဲ့ စစ်အစိုးရပဲဖြစ်ပါတယ်။ (စစ်တပိုင်းအစိုးရကာလမှာလည်း ဒီလိုဖြစ်စဉ် အနည်းငယ်ရှိခဲ့ဖူးပါတယ်။ ရခိုင်ကိစ္စဆန္ဒပြမှုတွေရဲ့ နောက်ဆက်တွဲဖြစ်ခဲ့တာပါ။) ဒီကနေ့တော်လှန်ရေးက ရည်မျှော်တဲ့ အနာဂတ် ဒီမိုကရေစီအစိုးရကိုတော့ ဒီကျူးလွန်သူစာရင်းထဲမှာ ကျနော်တို့ မမြင်ချင်ပါဘူး။

Non CDM ကျောင်းသားတွေဟာ CDM လှုပ်ရှားမှုမှာ မပါဝင်ကြပါဘူး။ ဒါကြောင့် CDM လှုပ်ရှားမှုအပေါ်ထားတဲ့ သူတို့ရဲ့ သဘောထားနဲ့ ကျနော်တို့ရဲ့ သဘောထားဟာ မတူပါဘူး။ ဒီလိုအမြင်မတူတဲ့အတွက် အမြင်မတူသူရဲ့ ပညာရေးခရီးလမ်းကို ပိတ်ဆို့တားမြစ်တယ်ဆိုတာဟာ အင်မတန် သိမ်ဖျင်းတဲ့လုပ်ရပ် ဖြစ်ပါတယ်။ ဒီလုပ်ရပ်ကို စစ်အစိုးရကတော့ ပျော်ပျော်ကြီးလုပ်နေတာပါပဲ။ ကျောင်းသားတွေကို CDM လုပ်လို့ အပြစ်ပေးအရေးယူတာကို စစ်အစိုးရက လုပ်ပါတယ်။ သူတို့အတွက်တော့ ဒီလိုသိမ်ဖျင်းတဲ့လုပ်ရပ်တွေကို လုပ်ရတာက ထမင်းစားရေသောက်ဖြစ်နေပါပြီ၊ မထူးဆန်းတော့ပါဘူး။ ဒါပေမယ့် ဒါဟာ ဒီမိုကရေစီအလေ့အထ မဟုတ်တာကို သတိပြုရပါမယ်။ ဒါဟာ စစ်အာဏာရှင်တွေ အစဉ်တစိုက်လုပ်ခဲ့ကြတဲ့ အာဏာရှင်လုပ်ဟန်ဖြစ်ပါတယ်။ စစ်အစိုးရရဲ့ ဒီလိုလုပ်ရပ်တွေကို သည်းမခံနိုင်လို့ ကျနော်တို့ ပြည်သူလူထုတရပ်လုံးက အုံကြွတော်လှန်နေကြတာပါ။ ကျနော်တို့ ရွံရှာမုန်းတီးတဲ့လုပ်ရပ်မျိုးကို ကျနော်တို့ကိုယ်တိုင် ပြန်လည်မကျူးလွန်မိကြဖို့ အင်မတန်သတိထားရပါလိမ့်မယ်။

စစ်အစိုးရက CDM ကျောင်းသားတွေကို အပြစ်ပေးအရေးယူသလို ကျနော်တို့က Non CDM ကျောင်းသားတွေကို အပြစ်ပေးအရေးယူလို့မရပါဘူး။ ဘာကြောင့်လဲဆိုရင် သူတို့ဟာ စစ်အစိုးရဖြစ်ပြီး ကျနော်တို့ဟာ ဒီမိုကရေစီကို ချစ်မြတ်နိုးတဲ့ တော်လှန်ရေးသမားတွေဖြစ်နေလို့ပါပဲ။

⬛ မြတ်ကို
မှတ်တမ်းနှင့်သုတေသနရေးရာကော်မတီ
ဗကသများအဖွဲ့ချုပ်

#Oway #ABFSU #UYSU #CDM #NonCDM #RighttoEducation #RevolutionaryTactic

ကိုင်းကျွန်းမှီ၊ ကျွန်းကိုင်းမှီပါပဲ။ သူတို့ကိုယ်တိုင်ကိုက စစ်သုံးစစ်ရဲ့ အစိတ်အပိုင်းတခုလည်း ဖြစ်ပါတယ်။ ဒါကြောင့် ခရိုနီတွေဟာလည်း ကျနော်တို့ရဲ့ ဦးတည်ရန်သူတွေဖြစ်ကြပါတယ်။ ဘယ်သူတွေကစစ်သုံးစစ်ကို အလုပ်အကျွေးပြုနေသလဲ ဆိုတာကို ဒီလိုနည်းနဲ့ စိစစ်နိုင်ပါတယ်။

ပြန်ချုပ်ရရင်တော့ တော်လှန်ရေးကာလမှာလုပ်တဲ့ ကျနော်တို့ရဲ့ လုပ်ရပ်တိုင်းဟာ ဦးတည်ရန်သူကို ချေမှုန်းဖို့သာဖြစ်ရပါမယ်။ ဦးတည်ရန်သူမဟုတ်သူတွေကို စည်းရုံးရပါမယ်။ ဦးတည်ရန်သူ ဟုတ်၊မဟုတ်ကို စစ်သုံးစစ်နဲ့ တိုက်စစ်ရပါမယ်။ အချက်နှစ်ချက်ရှိပါတယ်။ (၁) သူတို့ဟာ စစ်သုံးစစ်တည်ရှိခြင်းကနေ အကျိုးအမြတ်ရနေသလား၊ (၂) သူတို့ဟာ စစ်သုံးစစ်ကို အလုပ်အကျွေးပြုနေသလား။ ပထမအချက်ကို စိစစ်ရာမှာတော့ နိုင်ငံရေးအာဏာအကျိုးအမြတ်နဲ့ စီးပွားရေးအကျိုးအမြတ်ဆိုတဲ့ ပေတံနှစ်ချောင်းနဲ့ စိစစ်နိုင်ပါတယ်။ ဒုတိယအချက်ကိုတော့ ကာယအား၊ ဉာဏအားနဲ့ စီးပွားအားဆိုတဲ့ ပေတံသုံးချောင်းနဲ့ တိုင်းတာစိစစ်နိုင်ပါတယ်။ Non CDM ကျောင်းသားတွေဟာ တော်လှန်ရေးရဲ့ ဦးတည်ရန်သူ ဟုတ်၊မဟုတ်ကိုလည်း ဒီအချက်တွေနဲ့ပဲ တိုက်စစ်ရပါလိမ့်မယ်။ ဒါကို နောက်တပိုင်းမှာ အသေးစိတ်ဆွေးနွေးပါမယ်။

⬛ မြတ်ကို
မှတ်တမ်းနှင့်သုတေသနရေးရာကော်မတီ
ဗကသများအဖွဲ့ချုပ်

#Oway #ABFSU #UYSU #CDM #NonCDM #StudentsRights #RevolutionaryTactic

တဦးချင်းခြွင်းချက်တွေအကြောင်းကို အကျယ်မရှင်းတော့ပါဘူး။)

တဖက်မှာလည်း Non CDM ကျောင်းသားတွေဟာ တစုံလုံးအနေနဲ့ တော်လှန်ရေးထဲမှာ ပါဝင်တိုက်ပွဲဝင်နေကြတာ မဟုတ်သေးပါဘူး။ ဒါကြောင့် သူတို့ဟာ ကျနော်တို့ရဲ့ ရဲဘော်ရဲဘက်တွေလည်း မဟုတ်ပါဘူး။ (ဒီကိစ္စကတော့ အကျယ်ရှင်းစရာမလိုဘူးလို့ ယူဆပါတယ်။) ဒါကြောင့် Non CDM ကျောင်းသားထုဟာ ကျနော်တို့ရဲ့ ဦးတည်ရန်သူလည်း မဟုတ်၊ ရဲဘော်ရဲဘက်လည်း မဟုတ်တဲ့အတွက်ကြောင့် သူတို့ဟာ ကျနော်တို့ စည်းရုံးရမယ့် ကြားလူတွေပဲဖြစ်တယ်ဆိုတာ အင်မတန် ရှင်းလင်းနေပါတယ်။

Non-CDM ကျောင်းသားထုဟာ တော်လှန်ရေးရဲ့ ဦးတည်ရန်သူမဟုတ်ဘူး၊ စည်းရုံးရမယ့် ကြားလူတွေဖြစ်တယ်ဆိုတာကို ရှင်းရှင်းလင်းလင်းရှိပြီဆိုရင် Non CDM ကျောင်းသားတွေကို အပြစ်ပေးအရေးယူရမယ်ဆိုတဲ့ကိစ္စဟာ မသင့်တော်တဲ့ကိစ္စမှန်း တပါတည်း ရှင်းလင်းသွားမယ်ထင်ပါတယ်။ ကိုယ်က မိတ်ဆွေများပြီး ရန်သူကို အထီးကျန်အောင် လုပ်ရမယ်ဆိုတာဟာ အခြေခံအချက်ပါပဲ။ ကျနော်တို့ဟာ ဒီကြားလူတွေကို စည်းရုံးရမယ့်အစား အပြစ်ပေးအရေးယူမယ် တကဲကဲနဲ့ ရန်သူ့ဘက်ကို ရောက်သထက်ရောက်အောင် တွန်းပို့နေသလိုဖြစ်ပါလိမ့်မယ်။ ဒီလိုသာလုပ်မိရင် လုပ်မိသူတွေဟာ တော်လှန်ရေးသင်ပုန်းကြီး မကျေရာ ရောက်ပါလိမ့်မယ်။ တော်လှန်ရေးအတွက် အကျိုးမရှိတဲ့အပြင် အကျိုးပါယုတ်စေနိုင်ပါတယ်။ တော်လှန်ရေးကာလမှာ ကျနော်တို့ဟာ ကျနော်တို့ရဲ့ စိတ်ခံစားချက်ထက် တော်လှန်ရေးအကျိုးစီးပွားကိုပဲ ရှေးရှုရပါလိမ့်မယ်။ ကျနော်တို့ရဲ့ လုပ်ဆောင်ချက်တိုင်းဟာ တော်လှန်ရေးကို အကျိုးပြုနေဖို့ လိုပါတယ်။ ဒါကြောင့် Non CDM ကျောင်းသားတွေအကြောင်း စဉ်းစားရာမှာ သူတို့ကို ဘယ်လိုအပြစ်ပေးအရေးယူနိုင်မလဲဆိုတာထက် သူတို့ကို ဘယ်လိုစည်းရုံးဆွဲခေါ်နိုင်မလဲဆိုတာကို ပိုအလေးထားစဉ်းစားကြဖို့ လိုအပ်နေပါတယ်ခင်ဗျာ။

မြတ်ကို
မှတ်တမ်းနှင့်သုတေသန‌ရေးရာကော်မတီ
ဗကသများအဖွဲ့ချုပ်

#Oway #ABFSU #UYSU #CDM #NonCDM #StudentsRights #RevolutionaryTatics

မထိခိုက်ဖို့သာ သတိပြုရပါမယ်။

(၄။ ခ။) CDM နဲ့ Non CDM

ကျောင်းသားတွေ CDM လုပ်ပြီး ကျောင်းမတက်ခြင်းဟာ တော်လှန်ရေးကို အထောက်အကူပြုပါတယ်။ စစ်အစိုးရရဲ့ ပညာရေးယန္တရားကို အနှောက်အယှက်ဖြစ်စေပါတယ်။ ဒါကြောင့် CDM ပညာရေးသပိတ်ကို လက်ရှိအချိန်မှာလည်း ဆက်လက်လုပ်ဆောင်ကြတာ ကောင်းပါတယ်။ CDM ကျောင်းသား၊ ကျောင်းသူတွေကိုလည်း ထိုက်တန်တဲ့ ဂုဏ်ပြုချီးမြှင့်မှုတွေ လုပ်ပေးကြရပါမယ်။ ဒါက တပိုင်းဖြစ်ပါတယ်။

နောက်တပိုင်းကတော့ CDM မလုပ်ဘဲ ကျောင်းတက်နေကြတဲ့ ကျောင်းသားတွေ ကိစ္စဖြစ်ပါတယ်။ သူတို့ကိုလည်း အဖြူမဟုတ်ရင် အမည်းပဲလို့တော့ သတ်မှတ်လို့မဖြစ်ပါဘူး။ ရှေ့အပိုင်းမှာ ဆိုခဲ့သလိုပါပဲ။ Non CDM ကျောင်းသားတွေဟာ ကျနော်တို့ စည်းရုံးရမယ့် ကြားလူတွေ ဖြစ်ပါတယ်။ အလေးအနက် ထပ်ပြောရရင်တော့ တိုက်ပွဲနည်းနာဟာ အရောင်စုံလေ ကောင်းလေပါပဲ။ ဒါကြောင့် Non CDM ကျောင်းသားတွေနဲ့ ပတ်သတ်လာရင် စည်းရုံးရေးအခြေခံကနေ ဗျူဟာကျကျ ချဉ်းကပ်ဖို့လိုအပ်ပါတယ်။

ကျောင်သားတွေ စုစည်းတည်ရှိနေတဲ့ ကျောင်းဟာ ရန်သူစစ်အုပ်စု အကြောက်ဆုံးအရာတွေထဲက တခုဖြစ်ပါတယ်။ ဒါဟာ အင်မတန်ထင်ရှားပါတယ်။ ကျောင်းတွေကို မြို့ပြင်ထုတ်ပစ်တာ၊ အရေးတော်ပုံတခုခုဖြစ်တိုင်း၊ လူထုလှုပ်ရှားမှု တခုခုဖြစ်တိုင်း ကျောင်းတွေကို ပိတ်ပစ်တာကို ကြည့်ရင်သိနိုင်ပါတယ်။ စစ်အုပ်စု ကြောက်မယ်ဆိုရင်လည်း ကြောက်စရာပါ။ စစ်အုပ်စုရဲ့ မျက်နှာဖုံးကို ပထမဆုံး ခွာဆုတ်ပစ်တာ ကျောင်းသားတွေပါ။ အဲဒီနောက်မှာလည်း စစ်အာဏာရှင်စနစ်ဆန့်ကျင်ရေးလှုပ်ရှားမှုတွေဟာ တက္ကသိုလ်တွေ ကျောင်းတွေထဲမှာ အစဉ်အဆက် အလျှိုအလျှို ပေါ်ထွက်ခဲ့ကြတာပါပဲ။ ဒါကြောင့် စစ်အုပ်စုဟာ ကျောင်းသားတွေကို တစုတစုတည်း ရှိမနေနိုင်အောင် အမြဲကြိုးစားပါတယ်။ အင်မတန်ဖိနှိပ်တဲ့ ကျောင်းစည်းကမ်းတွေ၊ အဆောင်စည်းကမ်းတွေ ထုတ်ထားပါတယ်။

ဒီရက်ထဲမှာပဲ ရွှေပြည်သာမြို့နယ်က အခြေခံပညာကျောင်းသားတယောက်ဟာ မင်းအောင်လှိုင်ကို စော်ကားတဲ့ တစ်တော့ဗီဒီယိုတင်လို့ဆိုပြီး အဲဒီကျောင်းသားနဲ့ အခြားကျောင်းသား သုံးယောက်လောက်ကို ကျောင်းခန်းထဲအထိ ဝင်ဖမ်းပါတယ်။ ၂၀၂၄ နှစ်စပိုင်းလောက်မှာလည်း အသံတိတ်သပိတ်လုပ်လို့ဆိုပြီး အင်းစိန် GTI က ကျောင်းသားအချို့ကို ကျောင်းရှေ့မှာပဲ ရိုက်နှက်ဖမ်းဆီးသွားပါတယ်။ Non CDM ကျောင်းသားတွေထဲမှာလည်း စစ်အာဏာရှင်စနစ်ဆန့်ကျင်ရေး ရပ်တည်ချက်ရှိသူတွေ ရှိနေတယ်ဆိုတာကို ဒီဖြစ်ရပ်တွေကနေ ကျနော်တို့ မြင်တွေ့နိုင်ပါတယ်။ တပြိုင်တည်းမှာပဲ ဒါဟာ တစုံလုံးဆိုင်ရာ အခြေအနေမဟုတ်ဘူးဆိုတာကိုလည်း ကျနော်တို့ သတိပြုရပါမယ်။ Non CDM ကျောင်းသားအများစုဟာ စစ်အစိုးရရဲ့ ဖိနှိပ်မှုတွေကို တော်လှန်ဖို့ ကြောက်ရွံ့နေကြတယ်ဆိုတာဟာ လက်ရှိပကတိအခြေအနေဖြစ်ပါတယ်။ လက်ရှိမှာ ဒီလိုအခြေအနေဖြစ်ပေမယ့် Non CDM ကျောင်းသားတွေကြားမှာ အနာဂတ်ဖြစ်တန်ချေတွေ ကိန်းအောင်းနေတယ်ဆိုတာကိုလည်း ကျနော်တို့ မြင်အောင်ကြည့်ရပါလိမ့်မယ်။ ဒါကို စစ်အုပ်စုက အင်မတန်ကြောက်ပါတယ်။ ဒါကြောင့်ပဲ ဘာမဟုတ်တဲ့ ကိစ္စလေးတွေကိုတောင် ဆတ်ဆတ်ထိမခံဘဲ ဖမ်းဆီးပြနေတာပါ။ ဒါကို ကျနော်တို့က ဗျူဟာကျကျ ချဉ်းကပ်ဆောင်ရွက်ရပါမယ်။ အရေအတွက်ကနေ အရည်အချင်းကို ရောက်အောင် တဖြည်းဖြည်းလုပ်ယူကြရပါလိမ့်မယ်။ ဘယ်လိုလုပ်ဆောင်သင့်တယ်ဆိုတဲ့ နည်းနာအသေးစိတ်ကိုတော့ ဒီနေရာမှာ ဆွေးနွေးဖို့ မရည်ရွယ်ပါဘူး။ ခွင့်လွှတ်ကြစေလိုပါတယ်။

အဓိကကတော့ တိုက်ပွဲနည်းနာကို အဖြူမဟုတ်ရင် အမည်းပဲလို့ သတ်မှတ်မရဘူးဆိုတာရယ်၊ ရန်သူ့အခြေအနေနဲ့ မိမိအခြေအနေကို မှန်မှန်ကန်ကန် သုံးသပ်ပြီး တိုက်ပွဲပုံစံမျိုးစုံကို သင့်တော်သလို ကျင့်သုံးရမယ်ဆိုတာရယ်ပါပဲ။ Non CDM ပြဿနာကို ကိုင်တွယ်ဖြေရှင်းရာမှာ ကျနော်တို့ဟာ ဗျူဟာကျကျ ချဉ်းကပ်ဖို့လိုအပ်နေပါတယ်ခင်ဗျာ။

မြတ်ကို
မှတ်တမ်းနှင့်သုတေသနရေးရာကော်မတီ
ဗကသများအဖွဲ့ချုပ်

#Oway #ABFSU #UYSU #CDM #NonCDM #RevolutionaryTatics

Non CDM ကျောင်းသားတွေကို အပြစ်ပေးအရေးယူဖို့ စဉ်းစားရင် ဒီအချက်တွေကို မဖြစ်မနေ ထည့်သွင်းစဉ်းစားရပါလိမ့်မယ်။ မူဝါဒဆိုင်ရာကိစ္စတွေကို စဉ်းစားရာမှာ အမျှော်အမြင်ရှိဖို့ အင်မတန်အရေးကြီးပါတယ်။ တချက်မှားတာနဲ့ တနိုင်ငံလုံး ဒုက္ခရောက်မယ့်ကိစ္စပါ။ ကိုယ်တင်မက ကိုယ့်မျိုးဆက်တွေအထိပါ ဒုက္ခရောက်မှာပါ။ အဲတာကြောင့် ပစ်ကွင်းမလွဲဖို့ လိုပါတယ်။ CDM တွေကို ဘဝပျက်အောင်လုပ်တာဟာ Non CDM တွေ မဟုတ်ပါဘူး။ တရားခံဟာ စစ်အုပ်စုပါပဲ။

နိဂုံး

ဒီဆောင်းပါးတလျှောက်လုံးမှာ ကျနော်တင်ပြခဲ့တဲ့ အချက် ၅ ချက် ရှိပါတယ်။ ဒီ ၅ ချက်ကို ဒီနေရာမှာ ပြန်လည်ဖော်ပြခွင့်ပြုပါ။

(၁) လွတ်လပ်စွာ ပညာသင်ကြားခွင့်ရှိရေးဟာ အခြေခံလူ့အခွင့်အရေးဖြစ်ပါတယ်။
(၂) ကိုယ်နဲ့ အမြင်မတူတဲ့အတွက် အမြင်မတူသူရဲ့ ပညာရေးခရီးလမ်းကို ပိတ်ဆို့တားမြစ် အရေးယူတာဟာ ဗမာပြည်က စစ်အစိုးရတွေ အစဉ်တစိုက်လုပ်ခဲ့တဲ့ အာဏာရှင်လုပ်ဟန်ဖြစ်ပါတယ်။
(၃) Non CDM ကျောင်းသားတွေဟာ တော်လှန်ရေးရဲ့ ဦးတည်ရန်သူမဟုတ်ပါဘူး။ တော်လှန်ရေးအတွက် စည်းရုံးရမယ့် ကြားလူတွေဖြစ်ပါတယ်။
(၄) ကျောင်းသားတွေ စုစည်းတည်ရှိနေတဲ့ကျောင်းဟာ ရန်သူစစ်အုပ်စုအကြောက်ဆုံးအရာတွေထဲက တခုဖြစ်ပါတယ်။ ဒါကို ဗျူဟာကျကျ ချဉ်းကပ်ရပါမယ်။
(၅) Non CDM ကျောင်းသားတွေကို အပြစ်ပေးအရေးယူတာ၊ တဆင့်နှိမ့်ဆက်ဆံတာတွေဟာ‌ အနာဂတ်ပဋိပက္ခကို သန္ဓေတည်ပေးရာရောက်နိုင်ပါတယ်။

ဒီ ၅ ချက်လုံးရဲ့ နောက်ခံစဉ်းစားချက်တွေကိုလည်း အကျယ်တင်ပြခဲ့ပြီးပါပြီ။ အချုပ်ဆိုရရင်တော့ Non CDM ကျောင်းသားတွေကို အပြစ်ပေးအရေးယူရမယ်ဆိုတဲ့ကိစ္စဟာ အင်မတန် မှားယွင်းတဲ့အတွေးအခေါ်ဖြစ်ပါတယ်။ ဒီအတွေးအခေါ်ဟာ အခြေခံလူ့အခွင့်အရေးကို သားရေကြိုးလုပ်ပစ်ချင်တဲ့ အတွေးအခေါ်ပါ။ တော်လှန်ရေးသင်ပုန်းကြီးမကျေတဲ့ မီးကျိုးမောင်းပျက် အတွေးအခေါ်ပါ။ အမျှော်အမြင် နည်းပါးလွန်းတဲ့ အတွေးအခေါ်လည်း ဖြစ်ပါတယ်။

Non CDM ကျောင်းသားတွေကို အပြစ်ပေးအရေးယူမယ့်အစား ကျနော်တို့ လုပ်သင့်တဲ့အလုပ်တွေ အများအပြား ရှိပါတယ်။ CDM ကျောင်းသားတွေကို ဘယ်လိုနည်းနဲ့ ပညာရေးအာမခံချက် ပေးနိုင်မလဲ။ CDM ကျောင်းသားတွေ စဉ်ဆက်မပြတ် ပညာသင်ကြားနိုင်အောင် ဘာတွေလုပ်ပေးလို့ရမလဲ။ CDM ကျောင်းသားတွေရဲ့ ပညာရေးအဆင့်အတန်းကို နိုင်ငံတကာက အသိအမှတ်ပြုအောင် ဘယ်လိုကြိုးစားနိုင်မလဲ။ အင်တာနက်မရတဲ့ဒေသက CDM ကျောင်းသားတွေအတွက် မြေပြင်ပညာရေးကို ဘယ်လိုအားကောင်းအောင် လုပ်နိုင်မလဲ။ CDM ကျောင်းသားတွေ တော်လှန်ရေးလုပ်ရင်း ရရှိလာတဲ့ သူတို့ရဲ့ ဖြတ်သန်းမှုအတွေ့အကြုံတွေကို ပညာအရည်အချင်းတခုအနေနဲ့ ဖြစ်အောင် ဘယ်လိုစိစစ်အသိအမှတ်ပြုနိုင်မလဲ။ စသဖြင့် CDM ကျောင်းသားတွေအတွက် လက်ရှိကာလမှာတင် အကျိုးဖြစ်စေမယ့် အလုပ်တွေ အများအပြားရှိပါတယ်။ ဒါတွေကို အားကြိုးမာန်တက်လုပ်ကြရမှာပါ။ ဒါဟာ CDM ကျောင်းသားတွေကို ဂုဏ်ပြုချီးမြှင့်ရာလည်း ရောက်ပါတယ်။ Non CDM ကျောင်းသားတွေကို ဘယ်လိုအပြစ်ပေးယူမလဲဆိုတာထက် CDM ကျောင်းသားတွေကို လက်တွေ့အားဖြင့် ဘယ်လိုချီးမြှင့်ဂုဏ်ပြုနိုင်မလဲဆိုတာကို ဝိုင်းဝန်းအဖြေရှာကြဖို့ လိုအပ်နေပါတယ်ခင်ဗျာ။

မြတ်ကို
မှတ်တမ်းနှင့်သုတေသနရေးရာကော်မတီ
ဗကသများအဖွဲ့ချုပ်

#Oway #ABFSU #UYSU #CDM #NonCDM #RevolutionaryTatics

ဗကသများအဖွဲ့ချုပ်နှင့် မဟာမိတ်များမှ စစ်အာဏာရှင်စနစ်ဆန့်ကျင်ရေး လှုပ်ရှားမှုပြုလုပ်။

ဒီဇင်ဘာ ၁၇ ၊ ၂၀၂၄

ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ်နဲ့ မဟာမိတ်အဖွဲ့တွေ ပူးပေါင်းပြီး ယမန်နေ့ ဒီဇင်ဘာလ ၁၆ရက်နေ့က "တော်လှန်ရေးသမားကို ​ေ-သေ မိန့်ချရုံနဲ့ တော်လှန်ရေးကို သ-တ်လို့မရဘူး" စာသားပါ ဘန်နာကို ရန်ကုန်မြို့တနေရာမှာ ချိတ်ဆွဲကာ စစ်အာဏာရှင်စနစ်ဆန့်ကျင်ရေး လှုပ်ရှားမှု ပြုလုပ်ခဲ့ပါတယ်။

#Oway #ABFSU #massmovement #studentmovement

တနင်္သာရီကျောင်းသားများသမဂ္ဂမှ တနင်္သာရီမြို့နယ်အတွင်းရှိ ပြည်သူ့အခြေပြုအထက်တန်းကျောင်း၏ ပညာရေးစုံညီ၌ လေကြောင်းရန် ကာကွယ်နည်းများ အသိပညာပေး

ဇန်နဝါရီလ ၂၇ရက်၊ ၂၀၂၅

တနင်္သာရီမြို့နယ်ကျောင်းသားများသမဂ္ဂ (ဗကသများအဖွဲ့ချုပ်)မှ တနင်္သာရီမြို့နယ်အတွင်းရှိ ပြည်သူ့အခြေပြုမြေပြင်အထက်တန်းကျောင်းတကျောင်း၏ ပညာရေးစုံညီ၌ စစ်ကောင်စီ၏ လေကြောင်းရန်မှ ကာကွယ်ခြင်းနည်းလမ်းများအား သရုပ်ဖော်ပြသခဲ့ကြသည်။ တဆက်တည်းမှာပဲ ၎င်းပညာရေးစုံညီကို တက်ရောက်လာကြသော ပြည်သူလူထုအား လေကြောင်းရန်ကာကွယ်နည်း လက်ကမ်းစာစောင်များကိုလည်း ဝေငှခဲ့ကြပါသည်။

သတင်းနှင့်ပြန်ကြားရေးကော်မတီ
ဗကသများအဖွဲ့ချုပ်

#Oway #ABFSU #လေကြောင်းရန်ကာကွယ်နည်း #တနင်္သာရီမြို့နယ် #ဖက်ဒရယ်ကျောင်း #airstrike

ဗကသများအဖွဲ့ချုပ်မှ ထုတ်‌ဝေသည့်
Non-CDM စစ်တမ်းအား အရာတော်မြို့နယ်တွင် ဖြန့်ဝေ

ဖေဖော်ဝါရီလ ၁၃ရက်၊ ၂၀၂၅

အရာတော်မြို့နယ်ကျောင်းသားများသမဂ္ဂ (ဗကသများအဖွဲ့ချုပ်) က ဗကသများအဖွဲ့ချုပ်မှ ထုတ်ဝေသည့် Non-CDM စစ်တမ်းအား အရာတော်မြို့နယ်ရှိ ပြည်သူ့ပညာရေးကျောင်းများနှင့် မဟာမိတ်အင်အားစုများထံ ဖေဖော်ဝါရီလ ၁၁ ရက်နေ့က ဖြန့်ဝေခဲ့ပါသည်။

သတင်းနှင့်ပြန်ကြားရေးကော်မတီ
ဗကသများအဖွဲ့ချုပ်

#Oway #ABFSU #NonCDM #စစ်တမ်း #အရာတော်

နောက်ထပ် ထည့်စဉ်းစားသင့်တဲ့ အကြောင်းအရာကတော့ စစ်မှုထမ်းကိစ္စရဲ့ နောက်ဆက်တွဲတွေပါပဲ။ စစ်မှုထမ်းကိစ္စဟာ ကျနော်တို့ ပြည်သူလူထုတရပ်လုံးကို အတော်လေး အထိနာစေပါတယ်။ ညီအစ်ကိုအချင်းချင်း ပြန်သတ်ခိုင်းတဲ့ဇာတ်ပါပဲ။ ရန်သူ့လုပ်ရပ်က အတော်အသည်းနာစရာပါ။ မြို့တွေ ရွာတွေမှာ လူငယ်မရှိတော့ပါဘူး။ မတရားစစ်မှုထမ်းဥပဒေ ထုတ်လိုက်တာဟာ ပြတ်သားပြီးသား ရန်/ငါ စည်းကို ပိုထင်ရှားအောင် ရန်သူက ထုံးသုတ်ပေးလိုက်တာပါပဲ။ အရင်က မပြတ်မသားဖြစ်သူတွေတောင် စစ်မှုထမ်းကိစ္စက တံခါးလာခေါက်တော့ ပြတ်သားလာရပါတယ်။ ရန်သူ့တပ်ထဲဝင်မလား၊ ရန်သူကို တော်လှန်မလားဆိုတဲ့ အခြေစိုက်အောင် ရန်သူကိုယ်တိုင်က တွန်းပို့နေတာပါ။ ဒါကြောင့်လည်း “ဒီလောက်ဆိုးယုတ်လှတဲ့ ရန်သူ့တပ်ထဲတော့ မဝင်ဘူး၊ မတတ်သာတဲ့အဆုံးမှာ တော်လှန်ရေးကိုသာ ရွေးတယ်” ဆိုတဲ့လူတွေ အများအပြား ပေါ်လာပါတယ်။ ဒေါပုံမှာ လူစာရင်းလာကောက်သူကို အိမ်ရှင်က မီးရှို့တာတွေ ဖြစ်လာပါတယ်။ အောင်လံမှာ စစ်မှုထမ်းဖို့လာခေါ်တဲ့ ရဲနဲ့ ပျူစောထီးကို အိမ်ရှင်က ဓားနဲ့ခုတ်တာတွေ ဖြစ်လာပါတယ်။ တော်လှန်ရေးအဖွဲ့အစည်းတွေမှာ လူသစ်တွေ တိုးလာပါတယ်။ ပြည်သူလူထုကြီး တရပ်လုံးရဲ့ ဒေါသဟာ ကြိမ်မီးအုံးသလို အပူပြင်းဆုံးဖြစ်နေပါပြီ။ ဒါတွေဟာ စစ်မှုထမ်းကိစ္စရဲ့ ဘေးထွက်ကောင်းကျိုးတွေ ဖြစ်ပါတယ်။ မတရားစစ်မှုထမ်းကိစ္စဟာ ရန်သူ့အတွက် အကျိုးရှိသလား၊ အောင်မြင်သလားလို့ သုံးသပ်ရာမှာ ဒီအချက်ကိုလည်း ထည့်တွက်ရပါလိမ့်မယ်။

ပြန်ချုပ်ရရင်တော့ စစ်မှုထမ်းကိစ္စကို ရှုမြင်ရာမှာ ရန်သူကို အထင်သေးခြင်းအစွန်းနဲ့ ရန်သူကို အထင်ကြီးခြင်းအစွန်းဆိုပြီး အစွန်းနှစ်ဘက် ရှိပါတယ်။ ဒီအစွန်းနှစ်ဘက်လုံးဟာ မှားပါတယ်။ စစ်မှုထမ်းကိစ္စကို အပျော်တမ်းဆန်ဆန် အလွယ်တွေးတာဟာ မှားပါတယ်။ အရေးကြုံတဲ့အခါ ငုတ်တုပ်မေ့ရပါလိမ့်မယ်။ စစ်မှုထမ်းကိစ္စကို ဘက်တဘက်တည်းက ကြည့်ပြီး မပြည့်မစုံသုံးသပ်တာဟာလည်း မှားပါတယ်။ စိတ်ဓာတ်ကျခြင်းနဲ့ တော်လှန်ရေးအဆိုးမြင်မှုတွေကိုသာ ဖြစ်စေပါလိမ့်မယ်။ ဒါကြောင့် ဒီအစွန်းနှစ်ဘက်လုံးကို ပြတ်ပြတ်သားသား ဆန့်ကျင်ဖို့လိုပါတယ်။ စစ်မှုထမ်းကိစ္စဟာ မိမိတို့အတွက် နစ်နာသလို ရန်သူကိုလည်း နစ်နာစေတာ မြင်အောင်ကြည့်ရပါမယ်။ ရန်သူ့အတွက် အခွင့်အလမ်းဖြစ်သလို မိမိတို့တော်လှန်ရေးအတွက်လည်း အခွင့်အလမ်းတွေဖြစ်စေတာကို မြင်အောင်ကြည့်ရပါမယ်။ ဒီအခြေခံကနေ ရှုမြင်မှသာ မှန်ကန်မှာဖြစ်ပါတယ်။ မိမိနစ်နာချက်တွေကို ဘယ်လိုလျော့ပါးစေပြီး ရန်သူ့နစ်နာချက်တွေကို ဘယ်လိုတိုးပွားစေနိုင်မလဲ၊ ရန်သူ့အခွင့်အလမ်းတွေကို ဘယ်လိုလျော့ပါးစေပြီး မိမိအခွင့်အလမ်းတွေကို ဘယ်လို လက်ဆုပ်လက်ကိုင်ပြုနိုင်မလဲဆိုတာကို အဓိက စဉ်းစားရမှာဖြစ်ပါတယ်။ ဒီလုပ်ငန်းစဉ်အပိုင်းကို စဉ်းစားရာမှာ အခုလို ရှင်းလင်းပြတ်သားတဲ့ အမြင်ရှိမှသာ အဆင်ချောပါလိမ့်မယ်ခင်ဗျာ။

ဒီနေရာမှာ အလျဉ်းသင့်လို့ အတိအလင်း ပြောချင်တာကတော့ ကျနော်တို့ ဗကသများအဖွဲ့ချုပ်ဟာ ရန်သူက မတရားစစ်မှုထမ်းဥပဒေကို စတင်ထုတ်ပြန်ချိန်ကနေ ဒီကနေ့အချိန်အထိ ဘယ်တုန်းကမှ ရန်သူ့အပေါ် ပြက်ရယ်ပြု အထင်သေးခဲ့တာ မရှိပါဘူး။ ဒီကိစ္စကို အလေးအနက်ထားပြီး အတတ်နိုင်ဆုံး လှုံ့ဆော်ခဲ့ပါတယ်၊ စည်းရုံးခဲ့ပါတယ်၊ ပြင်ဆင်ခဲ့ပါတယ်၊ တိုက်ပွဲဝင်ခဲ့ပါတယ်။ ဒီလိုပဲ “စစ်မှုထမ်းဥပဒေကြောင့် ရန်သူစစ်အုပ်စုတော့ အင်အားကြီးထွားကုန်ပါပြီ၊ ငါတို့တော့ ရှုံးနိမ့်နေပါပြီ” လို့လည်း ဘယ်တုန်းကမှ မတွေးခဲ့ပါဘူး။ ဗကသဟာ ဘယ်တုန်းကမှ ကြောက်စိတ်မဝင်ခဲ့ပါ။ ရန်သူကို အထင်လည်း မကြီးသလို အထင်လည်း မသေးပါ။ ပကတိဘာဝ ရုပ်အခြေအနေတွေအပေါ် အခြေခံပြီးသာ အရှိကို အရှိအတိုင်း ရှုမြင်သုံးသပ်ပါတယ်။ ဒီအခြေခံကနေပဲ လုပ်ငန်းစဉ်တွေကို ချမှတ်လုပ်ဆောင်ပါတယ်ခင်ဗျာ။

မတရားစစ်မှုထမ်းကိစ္စနဲ့ ပတ်သက်ရင်တော့ ကျနော်တို့ ပြည်သူလူထုတရပ်လုံးမှာ ရွေးချယ်စရာရယ်လို့ များများစားစားမရှိပါဘူး။ ရန်သူ့စစ်တပ်ထဲ ဝင်မလား၊ တော်လှန်မလားဆိုတာပဲ ရှိပါတော့တယ်။ ကျနော်တို့အတွက် တခုတည်းသောထွက်ပေါက်ဟာ တော်လှန်ရေးသာဖြစ်ပါတယ်။ ထိရောက်တဲ့နည်းနာမျိုးစုံနဲ့ တော်လှန်ရမှာဖြစ်ပါတယ်။ ဒီအတွက် စိတ်ပိုင်းဖြတ်မှုကအစ ရုပ်ဝတ္ထုပိုင်းဆိုင်ရာအဆုံး အစအစ အရာရာ ပြင်ဆင်ပြီး အားလုံးဝိုင်းဝန်းဆောင်ရွက်ကြဖို့ပါပဲခင်ဗျာ။

⬛ မြတ်ကို
ဗကသများအဖွဲ့ချုပ်

#Oway #ABFSU #UYSU #MilitaryConscription #SAC

ဗကသများအဖွဲ့ချုပ်က ကနီမြို့နယ်တွင် လူထုတွေ့ဆုံ
ဆွေးနွေးပွဲနှင့် လေကြောင်းအန္တရာယ်ကာကွယ်
ရေးအသိပညာပေးဆွေးနွေးပွဲများ ပြုလုပ်

ဖေဖော်ဝါရီလ ၂၅ ရက်၊ ၂၀၂၅

ကနီမြို့နယ် ပြည်သူ့အခြပြု ကျောင်းသားများသမဂ္ဂ (ဗကသများအဖွဲ့ချုပ်) က ဦးဆောင်ပြီး ယမန်‌နေ့က ကနီမြို့နယ် တနေရာမှာ ပြည်သူလူထုနဲ့အတူ မျက်မှောက်တော်လှန်ရေးအခြေအနေတွေကို ဆွေးနွေးခဲ့ကြပါတယ်။

တဆက်တည်းမှာပဲ သမဂ္ဂရဲဘော်တွေနဲ့ ဒေသခံ တော်လှန်ရေးတပ်ဖွဲ့က ရဲဘော်တွေ ပူးပါင်းပြီး လေကြောင်းအန္တရာယ်ကာကွယ်ရေး အသိပညာပေး ဆွေးနွေးပွဲတရပ်ကိုလည်း ပြည်သူလူထုနှင့်အတူ ဆွေးနွေး‌ပြောဆိုခဲ့ကြပါတယ်။

သတင်းနှင့်ပြန်ကြားရေးကော်မတီ
ဗကသများအဖွဲ့ချုပ်

##ABFSU #Oway #ကနီ #လူထုတွေ့ဆုံဆွေးနွေးပွဲ #လေကြောင်းအန္တရာယ်ကာကွယ်ရေး

Skyline ကောလိပ် ကျောင်းသားသမဂ္ဂမှ ရဲဘော်ညီမင်းသူကျဆုံးခြင်း ၃ နှစ်ပြည့် အထိမ်းအမှတ်ပြုလုပ်

ဖေဖော်ဝါရီလ ၂၈ရက်၊ ၂၀၂၅

Skyline ကောလိပ် ကျောင်းသားသမဂ္ဂ (ဗကသများအဖွဲ့ချုပ်) ဦးဆောင်ပြီး ဖေဖော်ဝါရီလ ၂၅ ရက်နေ့က ကျောင်းတွင်းကျင်းပပြုလုပ်ခဲ့တဲ့ ကျောင်းသားလက်ဘက်ရည်ဝိုင်းမှာ “ရှင်သန်နေဆဲ ကျဆုံးရဲဘော်” ခေါင်းစဉ်နဲ့ ရဲဘော်ညီမင်းသူကျဆုံးမှု အထိမ်းအမှတ်စာစောင်ကို အတူဖတ်ရှု၊ ဆွေးနွေးဂုဏ်ပြုခဲ့ကြပါတယ်။

လက်ဖက်ရည်ဝိုင်းအပြီးမှာလည်း ဘုံရန်သူ စစ်အာဏာရှင်စနစ်ကို ထောက်တိုင်ပြုနေတဲ့ စစ်သုံးစစ်ကို အမြစ်ဖြတ်ရေး၊ တပ်ပေါင်းစု တည်ဆောက်ရေး အကြောင်းအရာတွေကိုလည်း လေ့လာဆွေးနွေးခဲ့ကြပါတယ်။

#ABFSU #Oway #ညီမင်းသူ #ရှင်သန်နေဆဲကျဆုံးရဲဘော် #Skyline #လက်ဘက်ရည်စကားဝိုင်း

"သပိတ်မှောက်ကျောင်းသားများရဲ့ လုပ်ရပ်ဟာ တိုင်းပြည်တည်ငြိမ်မှုကို ခြိမ်းခြောက်နေတယ်" -

ကာလုံအဖွဲ့ဝင် ပြည်ထဲရေးဝန်ကြီး ဒုဗိုလ်ချုပ်ကြီးကိုကို၏ သပိတ်မှောက်ကျောင်းသားများအပေါ် သဘောထား (၂၀၁၅ ခုနှစ်၊ ဖေဖော်ဝါရီလ ၇ရက်)
____

လွန်ခဲ့တဲ့ ၁၀ နှစ်၊ မတ်လ ၁၀ ရက်နေ့မှာ အကြမ်းဖက်စစ်အုပ်စုရဲ့ ရဲတပ်ဖွဲ့ဝင်တွေက လက်ပံတန်းမှာ ငြိမ်းချမ်းစွာ ဆန္ဒပြနေတဲ့ ကျောင်းသားတွေ၊ ဝန်းရံပြည်သူတွေကို အကြမ်းဖက်ရိုက်နှက်ဖမ်းဆီးပြီး ဒီမိုကရေစီပညာရေးသပိတ်စစ်ကြောင်းကို ရက်ရက်စက်စက် ဖြိုခွဲခဲ့ပါတယ်။

ဒီသပိတ်စစ်ကြောင်းမှာတော့ ကျောင်းသားတွေက အမျိုးသားပညာရေးဥပဒေကို ပြန်လည်ပြင်ဆင်ပြီး ဒီမိုကရေစီပညာရေးရရှိဖို့အတွက် အဓိကထားတောင်းဆိုခဲ့ကြပါတယ်။ ကျောင်းသားတွေက "အဖမ်းခံမယ်၊ အကြမ်းမဖက်ဘူး"လို့ ညှိနှိုင်းခဲ့သည့်တိုင် သိန်းစိန်ခေါင်းဆောင်တဲ့ စစ်အုပ်စုရဲ့ ရဲတပ်ဖွဲ့ဝင်တွေက ကျောင်းသားတွေကို လက်သီးနဲ့ကပ်ထိုးတာ၊ စစ်ဖိနပ်နဲ့ ခြေထောက်ကို နင်းတာ၊ ဆေးလိပ်မီးနဲ့ ထိုးတာ‌၊ လက်ကိုင်တုတ်နဲ့ရိုက်တာ စသဖြင့် အကြမ်းဖက်ရိုက်နှက်ဖမ်းဆီးခဲ့တာ ဖြစ်ပါတယ်။

ကျောင်းသားတွေက စုံစမ်းရေးကော်မရှင်ဖွဲ့ပြီး ဒီဖြစ်စဉ်ကို စုံစမ်းစစ်ဆေးဖို့ တောင်းဆိုတဲ့အခါမှာလည်း မြန်မာအမျိုးသားလူ့အခွင့်အရေးကော်မရှင်က ‌"ရေသန့်ဗူးတလုံးကျလို့ အကြမ်းဖက်မှုဖြစ်ပွားရတယ်"လို့ လီဆယ်ပြီး "မတရားအကြမ်းဖက်"၊ "ငြိမ်းချမ်းစွာဆန္ဒပြ"ဆိုတဲ့ စကားလုံးတွေကို ရှောင်ပြီး စစ်အုပ်စုရဲ့ လုပ်ရပ်တွေကို ဖာထေးပေးတဲ့ သဘောထားတရပ် ထုတ်ပြန်ခဲ့ပါတယ်။
_

ကျောင်းသားတွေရဲ့ ဒီမိုကရေစီပညာရေးသပိတ်မှောက်လှုပ်ရှားမှု ဆယ်နှစ်ကြာခဲ့သည့်တိုင် သပိတ်ရဲ့ တောင်းဆိုချက်ဖြစ်တဲ့ ဒီမိုကရေစီပညာရေးကို မရရှိသေးတဲ့အပြင် စစ်အုပ်စုရဲ့ ရက်ရက်စက်စက်ဖိနှပ်‌မှုတွေကို ကျောင်းသားတွေက ခါးစည်းခံနေကြရဆဲ ဖြစ်ပါတယ်။

#Oway #ABFSU #UYSU #၂၀၁၅ပညာရေးသပိတ် #ဒီမိုကရေစီပညာရေးသပိတ်စစ်ကြောင်း #အမျိုးသားပညာရေးဥပဒေပြန်လည်ပြင်ဆင်ရေး #studentsunion #studentsmovement

ရေစကြိုမြို့နယ်တွင် ဗကသများအဖွဲ့ချုပ်မှ ကျောင်းသားများနှင့် တွေ့ဆုံဆွေးနွေးပွဲတရပ် ပြုလုပ်

မတ်လ ၂၂ ရက်၊ ၂၀၂၅

ဗမာနိုင်ငံလုံးဆိုင်ရာ ကျောင်းသားများသမဂ္ဂ (ဗကသများအဖွဲ့ချုပ်) က ရေစကြိုမြို့နယ်မှာရှိတဲ့ ပြည်သူ့အခြေပြု ကျောင်းတကျောင်းမှာ တွေ့ဆုံဆွေးနွေးပွဲတရပ်ကို ဒီကနေ့ မနက်ပိုင်းမှာ ကျင်းပပြုလုပ်ခဲ့ပါတယ်။

ဒီဆွေးနွေးပွဲမှာတော့ သမဂ္ဂရဲဘော်တွေက ဦးဆောင်ပြီး ကျောင်းသားသမဂ္ဂပေါ် ပေါက်လာပုံ သမိုင်းအကျဉ်းချုပ်၊ ဗကသများအဖွဲ့ချုပ်ရဲ့တော်လှန်ရေးရပ်တည်ချက်အမြင်နဲ့ ဗမူ ၆ ချက်ကို ရှင်းလင်းတင်ပြပြီး လက်နက်ကိုင်တိုက်ပွဲသဏ္ဌာန်ကိုအခြားတိုက်ပွဲသဏ္ဌာန်တွေနဲ့ ပေါင်းစပ်ဖို့ လိုအပ်ကြောင်းကို တက်ရောက်လာတဲ့ ကျောင်းသားတွေနဲ့အတူ ဆွေးနွေးခဲ့ကြပါတယ်။

သတင်းနှင့်ပြန်ကြားရေးကော်မတီ
ဗကသများအဖွဲ့ချုပ်

#ABFSU #ရေစကြို #studentsmovement #Oway

တနင်္သာရီမြို့နယ် ကျောင်းသားများသမဂ္ဂမှ "လူထုမောင်မယ် သံချပ်"ဖြင့် လှည့်လည်ဖျော်ဖြေ

ဧပြီလ ၁၈ ရက်၊ ၂၀၂၅ ခုနှစ်

တနင်္သာရီမြို့နယ် ကျောင်းသားများသမဂ္ဂ (ဗကသများအဖွဲ့ချုပ်)က သင်္ကြန်အကျနေ့၊ အကြတ်နေ့နဲ့ အတက်နေ့တွေမှာ တနင်္သာရီမြို့နယ်အတွင်း ဒေသခံလူထု စုရုံးရာနေရာတွေမှာ "လူထုမောင်မယ် သံချပ်" နဲ့ လှည့်လည်ဖျော်ဖြေ တင်ဆက်ခဲ့ပါတယ်။

သံချပ်ထဲမှာလည်း စစ်အာဏာရှင်စနစ်ရဲ့ ဆိုးမွေတွေကို ဆန့်ကျင်ခဲ့ကြပြီး လက်ရှိတော်လှန်ရေးအတွင်း အခြေအနေတွေကို ထုတ်ဖော်ပြောဆိုပြီး တင်ဆက်ခဲ့ကြပါတယ်။

သတင်းနှင့်ပြန်ကြားရေးကော်မတီ
ဗကသများအဖွဲ့ချုပ်

#တော်လှန်သံချပ် #ABFSU #Oway #တနင်္သာရီမြို့နယ်

ရေစကြိုမြို့နယ်တွင် ဗကသများအဖွဲ့ချုပ်မှ ကျောင်းသားထုနှင့် တွေ့ဆုံဆွေးနွေးပွဲတရပ် ကျင်းပ

ဧပြီလ ၂၉ရက်၊ ၂၀၂၅

ဗမာနိုင်ငံလုံးဆိုင်ရာကျောင်းသားများသမဂ္ဂ (ဗကသများအဖွဲ့ချုပ်) က ဦးဆောင်ပြီး ဒီကနေ့ နေ့လယ်ပိုင်းမှာ ရေစကြိုမြို့နယ် တနေရာမှာ ပြည်သူ့အခြေပြုကျောင်းသားတွေနဲ့ တွေ့ဆုံဆွေးနွေးပွဲတရပ်ကို ကျင်းပြုလုပ်ခဲ့ပါတယ်။

သမဂ္ဂရဲဘော်တွေကနေ ဗမူ ၆ ချက် နဲ့ ဗကသများအဖွဲ့ချုပ်ရဲ့ တော်လှန်ရေးရပ်တည်ချက်အမြင်ကို ရှင်းလင်းခဲ့ပြီး လက်ရှိတော်လှန်ရေးအခြေအနေ၊ ပညာရေးနဲ့ နိုင်ငံရေးနီးကပ်စွာ ဆက်စပ်နေကြောင်း ဆွေးနွေးတင်ပြခဲ့ပါတယ်။ ထို့နောက် ဗကသများအဖွဲ့ချုပ်ပေါ်ပေါက်လာပုံ သမိုင်းအကျဉ်းချုပ်တွေကိုလည်း ကျောင်းသားထုနဲ့အတူ ဆွေးနွေးခဲ့ကြပါတယ်။

#ABFSU #Oway #ရေစကြို #studentsmovement

တော်လှန်ရေးရဲ့ ရည်မှန်းချက် - ဖက်ဆစ်စစ်တပ်အမြစ်ဖြတ်

⬛ ခင်နီ | အိုးဝေ

မနေ့ညက အမျိုးသားညီညွတ်ရေးအစိုးရ (NUG) က သူ့ရဲ့ လေးနှစ်ပြည့်အထိမ်းအမှတ် အစီရင်ခံစာပါ ‘မဟာဗျူဟာဦးတည်ချက် (၆) ချက်’ကို ပြည်သူလူထုဆီ တင်ပြလာပါတယ်။ တဆက်တည်းမှာလည်း ဒီခြောက်ချက်မှမရရင် မဆွေးနွေးဘူးလို့လည်း စစ်ကောင်စီကို ဦးတည်ပြောဆိုလာပါတယ်။ ၂၀၀၈ ခြေဥဖျက်သိမ်းတာ၊ ဒီမိုကရေစီနည်းကျ ဖွဲ့စည်းပုံအခြေခံဥပဒေအသစ် ရေးဆွဲဖို့ ကြိုးစားကြတာ၊ ဖိနှိပ်ခံတွေအတွက် တရားမျှတမှု‌ကို ရှာဖွေတာတွေက‌ ကြိုဆိုရမှာပါ။

ဒါပေမယ့် ဒီအချက်တွေက တကယ်ပဲ လုံလောက်နေပြီလားဆိုတာ ကျမတို့ မေးစရာ ရှိပါတယ်။

ဗိုလ်မင်းအောင်လှိုင် ဦးဆောင်တဲ့ စစ်ကောင်စီက ၂၀၂၁ ခုနှစ်မှာ ဗမာပြည်ကို အာဏာသိမ်းခဲ့တာ မှန်ပါတယ်။ ဒါပေမယ့် ကျမတို့နိုင်ငံက ဗိုလ်မင်းအောင်လှိုင်အာဏာမသိမ်းခင်မှာပဲ စစ်အာဏာရှင်လက်အောက်မှာ ပြားပြားဝပ်ခဲ့ရတာ နှစ် (၇၀) တိုင်ခဲ့ပါပြီ။ ဗိုလ်နေဝင်း‌လက်ထက်ကစလို့ စစ်အာဏာရှင်အဆက်ဆက်နဲ့ NLD အရပ်သားအစိုးရအုပ်ချုပ်တဲ့ ကာလတွေအထိ ဗမာပြည်က စစ်အာဏာရှင်လက်အောက်က တဖဝါးမှ မလွတ်ခဲ့ပါဘူး။

တဖက်မှာလည်း ဒီစစ်တပ်က လက်နက်ဖြုတ်တိုင်း ပြုတ်သွားမယ့် စစ်တပ်မဟုတ်။ စစ်ဗျူရိုကရက်ယန္တရား အထပ်ထပ်နဲ့ ဖက်ဆစ်စိတ်ဓာတ် မိုးမွှန်နေအောင် ရိုက်သွင်းခံထားရတဲ့ စစ်တပ်ဖြစ်တယ်။ ကိုလိုနီခေတ်အပြီး နေဝင်းလက်ထက် အာဏာမသိမ်းမီထဲက စစ်တပ်ဟာ ဗျူရိုကရက်ယန္တရား အားကောင်းခဲ့တယ်။ အားကောင်းတဲ့ အရင်းရှင်ကော်ပိုရေးရှင်းကြီးတွေ တည်ဆောက်နိုင်ခဲ့တယ်။ နိုင်ငံရေးအင်အားစုတွေရဲ့ အကွဲအပြဲကြားမှာ သာသာယာယာ အာဏာရယူနိုင်ခဲ့တယ်။ ဒီလိုဗျူရိုကရေစီနဲ့ စတင်ခဲ့ပြီး ကြာလေကြာလေ ပိုခိုင်မာလာခဲ့ပါတယ်။ တဗိုလ်ကျ ဘယ်နှဗိုလ်တက်တက် တပ်တွင်း ဖက်ဆစ်စိတ်ဓာတ်တွေ တောင့်တင်းသထက် တောင့်တင်းလာစမြဲပါပဲ။

ဒီလိုဖက်ဆစ်စစ်တပ်ဆီကနေ အာဏာဖယ်ရှားပြီး နိုင်ငံရေးထဲက ပထုတ်လိုက်ရုံ၊ ရာဇဝတ်သားတွေကို အရေးယူလိုက်ရုံနဲ့ တော်လှန်ရေးနိဂုံးချုပ်ပြီ၊ ဗမာပြည်ကြီး ဖက်ဆစ်စိတ်ဓာတ် ကင်းစင်ပြီလို့ ထင်ရင်တော့ စစ်တပ်ကို လျှော့တွက်ရာကြပါလိမ့်မယ်။ စစ်တပ်ရဲ့ ကျန်ရှိနေမဲ့ ဗျူရိုက‌ရက်ယန္တရားထိုင်ခုံကို ဘယ်သူဝင်ထိုင်မလဲ စိုးရိမ်နေရပါလိမ့်မယ်။

ဒီတော့ ကျမတို့ ‌‌ဖက်ဆစ်စစ်တပ်ကို ဘယ်လိုဖယ်ရှားကြမလဲ။ ကျမတို့ရဲ့ ဘုံရည်မှန်းချက် ဘာဖြစ်သင့်သလဲ။

အဖြေကတော့ စစ်သုံးစစ် အမြစ်ဖြတ်ရေးပါပဲ။

စစ်သုံးစစ်ဆိုတာ ဘာလဲ။ ပထမတခုကတော့ လက်ရှိစစ်ကောင်စီဖြစ်တဲ့ စစ်အစိုးရနဲ့ ဒုတိယတခုကတော့ စစ်တပ်၊ စစ်ခရို‌နီတွေနဲ့ ဆက်စပ်တဲ့ စီးပွားရေးလုပ်ငန်း၊ နိုင်ငံရေးပါတီ၊ စစ်တပ်အစုဝင်ဟောင်းတွေပါတဲ့ စစ်အုပ်စုဖြစ်တယ်။ နောက်ဆုံး တတိယတခုကတော့ စစ်အုပ်စုနဲ့ စစ်အစိုးရရဲ့ အကျိုးစီးပွားကို တည်ဆောက်ပေး၊ ကာကွယ်ပေးနေတဲ့ လက်အောက်ခံ ပြည်ထဲရေး၊ ကာကွယ်ရေး ဝန်ကြီးဌာန၊ ဦးစီးဌာနနဲ့ ဌာနဆိုင်ရာအသီးသီး‌တွေ၊ လွှတ်တော်၊ အခြေခံဥပဒေ စတာတွေပါဝင်တဲ့ စစ်ဗျူရိုကရက်ယန္တရားတိုပဲ ဖြစ်တယ်။ အခု ကျမတို့ကို ဖိနှိပ်အုပ်ချုပ်နေတဲ့ စစ်အာဏာရှင်စနစ်ကို ဒီစစ်သုံးစစ်နဲ့ အခိုင်အမာတည်ဆောက်ထားတယ်။

စစ်အာဏာရှင်စနစ် တဗိုလ်ကျ တဗိုလ်တက်နိုင်စေဖို့ ယိုင်နဲ့တိုင်း ပြန်တည့်မတ်ဖို့အတွက် ဒီစစ်သုံးစစ်က ကျားကန်ပေးပါတယ်။ ဒါကြောင့် စစ်အာဏာရှင်စနစ် အပြီးတိုင် ချုပ်ငြိမ်းစေဖို့အတွက် စစ်သုံးစစ်ကို အမြစ်ပြတ်ချေမှုန်းရပါမယ်။ ဖက်ဆစ်စစ်တပ်ကို အလုံးစုံဖျက်သိမ်းပစ်ရပါမယ်။ ဒီနည်းနဲ့ပဲ ဗမာပြည်အတွင်း ဖက်ဆစ်မီးလောင်စာ ပြန်လည်ရှင်သန်မထမြောက်နိုင်တော့အောင် အပြီးသတ်ငြှိမ်းပစ်ရပါမယ်။

တဆက်တည်းပြောရရင် ကျမတို့အနေနဲ့ စစ်တပ်ကို အလုံးစုံဖျက်ဖို့ဆိုတာ မဖြစ်နိုင်ဘူးဆိုတဲ့ အားလျော့သံတွေကိုလည်း စွန့်လွှတ်ရပါမယ်။ တော်လှန်ရေးက လူထုပေါ်မှာပဲ အခြေခံပါတယ်။ လူထု‌ရှိသရွေ့ တော်လှန်ရေးရှိပါတယ်။ တော်လှန်ရေးအောင်စိတ်လည်း ရှိပါမယ်။ အဲ့ဒါဆိုရင် စစ်အာဏာရှင်စနစ်ကို အမြစ်ဖြတ်မယ့် ပန်းတိုင်က အနှေးနဲ့အမြန် ရောက်လာမှာပါပဲ။ စစ်တပ်ဟာ နှစ် (၇၀) ပြည်သူလူထုအပေါ် ဗိုလ်ကျစိုးမိုးခဲ့ပြီးပါပြီ။ ဖက်ဆစ်ဝါဒဟာ တိုင်းပြည်တခုလုံးကို ရက်ရက်စက်စက် သတ်ဖြတ်ခဲ့ပြီးပါပြီ။ ဒီအခြေအနေမှာ တော်လှန်ရေးရည်မှန်းချက် တထစ်လျှော့လိုက်ရင်ဖြင့် ကျမတို့ တိုက်ပွဲဝင်လာခဲ့သမျှ ပန်းမဝင်မယ့် ခရီးလမ်းကို လျှောက်လှမ်းမိပါလိမ့်မယ်။

ဒါကြောင့် ကျမတို့ တော်လှန်ရေးအင်အားစုတွေအနေနဲ့ စစ်သုံးစစ်အမြစ်ဖြတ်ရေးကို တော်လှန်ရေးရဲ့ အခြေခံဘုံရည်မှန်းချက်အနေနဲ့ ထားရှိပြီး တပ်ပေါင်းစုလမ်းကြောင်းကို အခုပဲ ဖော်ဆောင်ကြပါစို့လို့ တော်လှန်ရေးရဲဘော်အချင်းချင်း တိုက်တွန်းလိုက်ရပါတယ်ရှင်။

⬛ ခင်နီ
(ဗကသများအဖွဲ့ချုပ်)

#Oway #ABFSU #NUG #စစ်သုံးစစ်