🎶💓 Yakamuz Music :
سن سيز سويوق گئجه لرده
قالديم يولا باخا – باخا
اؤز اليمله « قار چيچه گين»
سالديم يولا باخا – باخا

ه...ي، ال – اله دويمه ده له
دئديم بلكه سحر گه له
تئللي سازي آلديم اله
چالديم يولا باخا – باخا

دولانيرديم پرده – پرده
بوينو بوكوك لال شه هه رده
توپراق اوسته چؤكن درده
دولدوم يولا باخا – باخا

گيلئي لنديم اوفوق لاردان
ساچلاريما ياغان قاردان
سوراغيني سون باهاردان
آلديم يولا باخا – باخا

نه ياغيشدان بير خبر وار
نه باغچامدا گوللو باهار
قاپي ميزدا قالاندي قار
سولدوم يولا باخا - باخا
"دومان "
Sənsiz soyuq gecələrdə
Qaldım yola baxa baxa
Öz əlimlə qar çiçəgin
Saldım yola baxa baxa

H...i əl ələ düymə dələ
dedim bəlkə səhər gələ
Tellı sazı aldım ələ
Çaldım yola baxa baxa

Dolanırdım pərdə pərdə
Boynu bükük lal şəhərdə
Topraq üstə çökən dərdə
Doldum yola baxa baxa

Gileyləndim ofuqlardan
Saçlarıma yağan qardan
Sorağını son bahardan
Aldım yola baxa baxa

Nə yağışdan bir xəbər var
Nə baxçamda güllü bahar
Qapımızda qalandı qar
Soldum yola baxa baxa

🖋 #دومان_بختیاری
https://telegram.me/joinchat/B8I6uzwZqSMyKEh8bMcFxw