شكراا استاذ ..💞
ع تعب الي تعبته ويانهه والشرح ماقصرت ابد❤️ محاضراتك كلهه حلوه ونت محليهه♥️ اكيد رح نشتاقلكك ونشالله نرفع راسك بالوزاري وميضيع تعبكك 🥀👑

طبعا اني جنت عايشه باربيل وتحولت ع منهج بغداد وگمت اقره عليك ونجحت من خامس قريت وياك الالكتروني مال سادس سجلت وصلت سادس جيت لبغداد علمودك انت واستاذ حيدر وليد وجنتو احلى ختيار بحياتي طبعا مقصرت ويانه بكلشي چنت اب وسند النه معلوماتك وملاحظاتتك وراح نشتاق لشقه وسوالفك ولكل تفصيل صار وخلصت رحلتنه بلكيمياء وشكرا لكل حرف ونصيحه قدمته النه ولحضه فخر وامل وحب وسعاده موفقط استاذ قدوه النا ربي يبارك بيك ونشالله تعبك ميروح ونجيب معدلات العاليه ونفرحك بيهم استاذي الغالي اليوم كلامك لچان تحفيز قوي واقعي كلشششش ربي يحفظك♥️
انتهى.......💎

شنو اريد احجي بحقك قليل بس اريد اكول انشاء الله التوفيق بحياتك ويحفظك ويحفظ عائلتك ويرحم امواتك لان انته تعبت ويانه وما عفتنه يوم واحد وانطيت الماده اكثر من حقهة وما قصرت ويانه ودائمًا تنطينه طاقه تنطينه حافز نوصل بي للي انريده احنه تنطينه قوى نوصل بي الحلمنه انشاء الله ابد ما نضيع تعبك وانته تكول (لو تكون كدهة لو تطلع من عدهة) بس انشاء الله احنه موبس كدها اكبر من عدهة واني انشاء الله ادزلك درجتي 100بل وزاري❤️❤️

حبيبي استاذ مهند العزيز كلش على گلبي
مادري منين ابدي بس لحد هسه متاذي كلش راح اشتاقلك ماعرف شوصفك وشحجي قليل بحقك من وكفاتك لو من اسلوبك لو من ضحكتك الي خلت اثر كلش جبير بكلبي
جنت ومازلت والد وصديق قبل متكون استاذنا
الله يقدرنا و نردلك تعبك بدرجاتنا بالوزاري يارب
ونفرحك ولو بـ شي بسيط جنت ادرس عليك باليوتيوب قبل مادخل يمك وجانت امنيتي التقي بيك وبالاخير درست يمك يم نمبر وان الكيمياء على مستوى العراق والي الشرف اكون من ابناء النمبر وان
بالنهاية احب اكول الف رحمة ونور تنزل على روح الوالدة الي جابت هيج انسان عظيم اكيد هسه هي فخورة كلش بالي دتسوي والي تقدمة النا كطلاب السوداني و كطلاب بشكل عام الله يحفظك ويحفظلك الاطفال ويخليك خيمة عليهم ويرحم الوالدة ويدخلها الفردوس الاعلى بحق الحبيب محمد
كلش احبك وراح اشتاقلك♥️♥️♥️

أستاذي الغالي
أستاذ مهند يعني افضل أستاذ بالدنيا
و مو بس هيج احسن وأطيب شخص والله
استاذ تدري جنت أتمنى بيوم من الايام أنهُ تدرسني
واكون أحد طلابك ❤️
والحمدلله مقصرت ويانه احنه طلاب الإلكتروني
اشكرك ع تعبك وع جهدك ومتابعتك النا
ومن اسألك فورًا تجاوبني
يارب مانضيع تعبك وناخذ احسن الدرجات بالوزاري
ونگول اي احنه طلاب أستاذ مهند السوداني✌🏻🤍

استاذي الغالي ❤️اشكرك على تعبك ويانه وحرصك علينه حيبقى مكانك بالذهن وبالگلب للابد
وانشالله مراح نضيع اي تعب تعبته ويانه
ونرفعلك راسك
وانشالله تحصل ثمره التعب الي تعبته ويانه بمعدلات عاليه وترضيك يارب
اسأل الله ان ينطيك الصحه والعافيه والقوه "وتبقى تدرس اجيال واجيال"

عادي اكتب واني طالبتك من 2019؟
لان من شفت حجي الطلاب مكدرت ماعبر عن الي بداخلي
صح اني هسه مرحلة ثالثه طب اسنان
بس لحد الان ما انسى فضلك عليه
ما انسى من جنت تدرسنا وتتعب علمودنا
وبنفس الوكت جنت اب النا مو بس استاذنا
ما اتذكر مره طلعت مفاهمه من اي محاضره
كل محاضره جنت افتهمها وجنت اشوفها سهله
حرفيا جنت اشوف الكيمياء من اسهل المواد بالسادس
شكرا من كل كلبي استاذي ❤️
شكرا لان بسببك تعلمت هوايه❤️

استاذي الغالي❤️طبعا شكد مااشكرك قليل بحقك لانه انت اكثر استاذ وكف ويانه وساندنه مو بس صرت النا استاذ وإنما صرت اب وصديق النا هواي تونسنا بهاي السنه وياك وفهمنا منك وتعلمنا وان شاء الله نرفع راسك ونجيب اعلئ المعدلات وتفرح بينا ويارب يحفظك من كل شر وينطيك الصحه والعافيه يااحلا استاذ وأب وصديق وسند النا وطبعا شكد مااشكرك قليله كلش والله❤️ جنت أكثر ماده اكرهها هي الكيمياء من دخلت عندك ودرست وفهمت صرت احب الكيمياء بسببك وأكثر من بقيه المواد هم حبيتها وان شاء الله اجيب المعدل العالي وافرحك وارفع راسك يااحلا استاذ واغلى استاذ وشما احجي بيك واوصفك قليل والله ربي يحفظك ويطول بعمرك استاذي❤️
انتهئ.......

استاذيي الغالي مهند
طبعاً اني يمكن اخر وحده كتبت دائماً مختلفه هههه انت اكثر استاذ لطيف ويهتم النا ولنفسيتنا والي يشرحلنا دائماً بطريقه القصص حتى نفتهمها ونتذكرها وكل موضوع تسويله قصه خاصه راح افتقدك كلش اخر محاضره والوداعيه ضجت لان بعد منشوفك ولا نسمع صوتك وسوالفك كلشي جان مميز بمحاضراتك وبيهن ذكريات كلش حلوه وشرحك الي لا يعلى عليه صدك NUMBER 1شكد كلولي لا تدخلين مهند ميفهم ومينزل لمستوى الطالب بس مسمعتهم لان ادرس عليك اني من الرابع والحمدلله مسمعتهم ودخلت يمك وهم نفسهم الي حجو يجون يردون اشرحلهم اني 😂 الله يوفقك استاذ وان شاء الله منضيع تعبك وتفتخر بينا بالاخير الله يحفظك استاذ لاهلك ولكل الطلاب شكراً ع كلشي قدمته النا
استاذي المفضل 🤍🤍
انتهى …

جانب من ملزمه الوزاريات التي تصدر بعد العيد مباشرة كل شي فيها موضح المحذوف والمكرر ودرجة السؤال ومقسمه حسب الفصول
تشمل دور اول وثاني وثالث وتمهيدي ونسخ من خارج القطر

استاذ مهند
يعني كلشي حلو وايجابي حرفيا احلا مدرس واكثر واحد احبه ، مدتصور شكد حشتاقلك وحشتاق لمحاضراتك ، حبيت يوم الثلاثاء لان انت بيه ، كل الحجي الي حكوله محيوصفك ، حرصت انو اكتبلك ورة الوداعيه مالتنا حرفيا كل مشاعري بهل رساله ، ادموعي خلصوا من المعهد للبيت ، طبعا اني متأثر بسرعه ولا ابجي بس انت استاذ دموعي متتصور شكد
كل الحب الك استاذ من اعماق گلبي واستاذ وعد وعد انو حقرة هواي وبثقة كولش جبيره وان شاء الله ١٠٠
...
استاذ مهند حيثُ لا احد . 💗😔

نظرا للطلبات الكثيرة وامانه للكثيرة جدا غدا تفاصيل الاعلان عن دورة جديدة لفصلي العضوية والحياتيه فقط وبسعر مناسب جدا لطلبتنا

استاذي الغالي حب كلش جبير لحضرتك ومحاضراتك الحلوه اللي جانت لطيفه كلش كلش وعباراتك الحلوه بالشرح اللي تاركه بينا بصمه وأثر جبير بداخلنا🥺مرت الاشهر َوياك كأنوا لحظات محسينا لانو جانت الوحيده محاضرتك لطيفه ومبيها اي. ضغط ولود بالعكس نرتاح بيها ولا كأنوا كيمياء 🥺كلش كلش احبككك استاذي الغالي جنت حسبة صديق النا مو استاذ. مستحيل اكو استاذ يجي بغلاتك لو يكون نفس طيبتك وحبك النه مستحيل الأستاذ الوحيد أبين كل الاستاذه ونكول عليه انتهى ❤️ربي يوفقك استاذي الغالي



ولو انقهرنا كلش استاذ من اليوم جنه حابين استاذ مهند يشاركنا ع السفره
بس متوقعناها هيج ابددد🥺

احب اشكرك كلش هوايي أستاذي الغالي جنت الوحيد مابين الاستاذة تنطي دفعة تحفيزية الي ولغيري من الطلاب ❤️❤️
صح خلصت الرحلة بس مستحيل يخلص الحب والتقدير ألك استاذ صح خلصت رحلتنه بالكيمياء بس الوعد الي أنطينا الك انو نرفع راسك مراح يخلص حتى لو دخلنه كلية الحلم (الطب) راح يضل على عاتقنة انو نرفع راسك واسمك اعلى واعلى وهياتني خلصت المحاضرة ومباشرة خليتها ع خلفية التلفون خاف اسهو بيوم وانسى كلام استاذ مهند
#لو_تكون_گدها_لو_تطلع_منها

قليل بحقك والله اشكر امك وماانساها من الدعاء لأن ماجنت احب الكيمياء ودائما اخذ بيها بالگوه 80 رغم مستواي عالي واول امتحان شهري قبل لا اسجل بالدورة اخذت 54 😂🤷‍♀️ بس بنصف السنة الوحيدة بالدفعة اخذت 100 من 100 ...

مرحبا استاذ
بما آنَ انتهت رحلتنا…..💔
احب اشكرك على كل جهودك وتعبك معانا شكراً شكراً على كل شي 💜
واكثر قرار ماراح اتندم عليه دخلت يمك الكتروني ضبطت مادة بسببك استاذ💛
انت بالنسبة الي افضل مدرس كيمياء شفته بحياتي من كل نواحي
انا اتندمت مادرست عليك المادة بالعطلة الصيفية كنت دارس على غير مدرس تقريباً خلصت نصف منهج ومافهمت عليه
بدء العام الدراسي وقررت ادرس عليك وخاصة بعد ماشفت ملازمك مضبوطة من حيث كلاميات
وخاصة الفصل الثاني وتقسيمك للموضوع والثالث الوحيد كنت اعاني منهم بفضلك ضبطهم +العضوية ماننساها😁
+ الدراسة وياك مادة ماتصير ملل لان اول شي وقت محاضرة اكثر شي40 دقيقة ومحاضرات قليلة وتاخذ كل معلومات بدون تضخيم للمادة مثل باقي المدرسين بدون ذكر اسماء فوق ساعة محاضراتهم كلها ومحاضرات هواي
وانت استاذ تختصر النا وقت وتوضح شرح ومسائل بدون مانحس
كنت اكره كيمياء بداية العام بس الله يشهد من درستها وياك هسه اكثر دراستي باليوم كيمياء
وتحفيزك وكلامك النا بمحاضرة فصل ثامن استاذ انت لسان يعجز عن وصفك وفخر النا
وان شاء الله مانضيع تعبك وانا وعلى ادرس كل طاقتي عمود افرحك بالنتيجة
تبقى استاذ انت الاصل وملك الكيمياء بالنسبة الي وصراحة انا كنت ادرس غير مدرس مااحس بثقة عكسك استاذ انت من اتابعك اثق بك لان ماشايف مدرس مثلك يعطي مادة علمية مالها بحيث اعرف من اخلص محاضرة انت تعطينا كل معلومات و اسلوبك وطريقتك خاصة بشرح منهج وتعطي الطلاب ثقة وماتنسى شي ماتذكرو ولان انت كفوء من كل نواحي وربي يحفظك النا وديمك ويعطيك الصحة والعافية وانت اب بالنسبة الي قبل استاذي❤️🌹
+توقعيك يمكن باليوم اعمله فوق100مرة😅
انتهى…….💜💜💜💜💜💜💜