استاذ مهند دا اريد اكتب الك بس مدا اعرف اجمع الكلام لان شكد ما احجي ما اكدر اوفي بحقك وحق التعب الي تعبتة ويانة السنة كلهة اكثر انسان تعب ويانة وهلك روحة على مودنة بس حتى نفهم المادة بطريقة سهلة وبسيطة جنت دائما اكره مادة الكيميا وما حب ادرسهة بس بديت احبهة من سجلت عدك وصارت من اسهل المواد عندي وكل هذا بفضلك والوداعية والفطور اليوم جان خرافي ولله احلة مائدة جانت واحلة لمة اشكرك على هذا الشي ومراح انساك ابد لان انت جنت بمثابة اب واخو وصديق قبل لا تكون مدرس كامل شكر وحب وتقدير الك استاذ وشكد ما اكتب واحجي واعبر واسوي مراح امدر اوفي حقك وحق التعب الي تعبتة ويانة
واكول بصوت الاستاذ مهند الاسوداني
انتهى.... 💔☹️

صباح الخير استاذ
صليت صلاة الفجر واكيد ذكرت والدتك الله يرحمها وقريتلها سورة الفاتحه وصليتلها ركعتين وبعدهه قريتلها سورة ياسين
واحب اشكرك جدا ع الشرح الي مقدمة باليوتيوب. الله يحفظك ويوفقك 🌸❤️

بارك الله فيك👆👆👆

اول شي اني اليوم ما كدرت اجي للوداعية فحبيت ادز هاي الرسالة حابب اكلك شكراً من كل قلبي على كلي شي سويته ويانة وأقسم بالله ما اعتبرك غير بمقام والدي ف شكراً شكراً و حابب اكول شغلة قبل ما ادخل يمك هواي كلولي لا تدخل يم مهند لا تدخل يمه ما يعرف يشرح بس والله انو همة غلطانين لئن بحياتي كله لاول مرة اكون قوي جداً بالكيمياء طبعاً فضل من الله ثم أنت ما قصرت ويانا طوال ال 10 اشهر و كلمة شكراً قليلة بحقك وانشاءالله غير نرفع راسك بالمعدلات والله اول ما يطلع المعدلات والله الة اول واحد اخبره بمعدلي هو أنت والله قبل اي واحد لئن انت قريب على قلب انت اكثر من استاذ بالنسبة الية شكراً استاذ مهند انتهى.

شكراا استاذ ..💞
ع تعب الي تعبته ويانهه والشرح ماقصرت ابد❤️ محاضراتك كلهه حلوه ونت محليهه♥️ اكيد رح نشتاقلكك ونشالله نرفع راسك بالوزاري وميضيع تعبكك 🥀👑

طبعا اني جنت عايشه باربيل وتحولت ع منهج بغداد وگمت اقره عليك ونجحت من خامس قريت وياك الالكتروني مال سادس سجلت وصلت سادس جيت لبغداد علمودك انت واستاذ حيدر وليد وجنتو احلى ختيار بحياتي طبعا مقصرت ويانه بكلشي چنت اب وسند النه معلوماتك وملاحظاتتك وراح نشتاق لشقه وسوالفك ولكل تفصيل صار وخلصت رحلتنه بلكيمياء وشكرا لكل حرف ونصيحه قدمته النه ولحضه فخر وامل وحب وسعاده موفقط استاذ قدوه النا ربي يبارك بيك ونشالله تعبك ميروح ونجيب معدلات العاليه ونفرحك بيهم استاذي الغالي اليوم كلامك لچان تحفيز قوي واقعي كلشششش ربي يحفظك♥️
انتهى.......💎

شنو اريد احجي بحقك قليل بس اريد اكول انشاء الله التوفيق بحياتك ويحفظك ويحفظ عائلتك ويرحم امواتك لان انته تعبت ويانه وما عفتنه يوم واحد وانطيت الماده اكثر من حقهة وما قصرت ويانه ودائمًا تنطينه طاقه تنطينه حافز نوصل بي للي انريده احنه تنطينه قوى نوصل بي الحلمنه انشاء الله ابد ما نضيع تعبك وانته تكول (لو تكون كدهة لو تطلع من عدهة) بس انشاء الله احنه موبس كدها اكبر من عدهة واني انشاء الله ادزلك درجتي 100بل وزاري❤️❤️

حبيبي استاذ مهند العزيز كلش على گلبي
مادري منين ابدي بس لحد هسه متاذي كلش راح اشتاقلك ماعرف شوصفك وشحجي قليل بحقك من وكفاتك لو من اسلوبك لو من ضحكتك الي خلت اثر كلش جبير بكلبي
جنت ومازلت والد وصديق قبل متكون استاذنا
الله يقدرنا و نردلك تعبك بدرجاتنا بالوزاري يارب
ونفرحك ولو بـ شي بسيط جنت ادرس عليك باليوتيوب قبل مادخل يمك وجانت امنيتي التقي بيك وبالاخير درست يمك يم نمبر وان الكيمياء على مستوى العراق والي الشرف اكون من ابناء النمبر وان
بالنهاية احب اكول الف رحمة ونور تنزل على روح الوالدة الي جابت هيج انسان عظيم اكيد هسه هي فخورة كلش بالي دتسوي والي تقدمة النا كطلاب السوداني و كطلاب بشكل عام الله يحفظك ويحفظلك الاطفال ويخليك خيمة عليهم ويرحم الوالدة ويدخلها الفردوس الاعلى بحق الحبيب محمد
كلش احبك وراح اشتاقلك♥️♥️♥️

أستاذي الغالي
أستاذ مهند يعني افضل أستاذ بالدنيا
و مو بس هيج احسن وأطيب شخص والله
استاذ تدري جنت أتمنى بيوم من الايام أنهُ تدرسني
واكون أحد طلابك ❤️
والحمدلله مقصرت ويانه احنه طلاب الإلكتروني
اشكرك ع تعبك وع جهدك ومتابعتك النا
ومن اسألك فورًا تجاوبني
يارب مانضيع تعبك وناخذ احسن الدرجات بالوزاري
ونگول اي احنه طلاب أستاذ مهند السوداني✌🏻🤍

استاذي الغالي ❤️اشكرك على تعبك ويانه وحرصك علينه حيبقى مكانك بالذهن وبالگلب للابد
وانشالله مراح نضيع اي تعب تعبته ويانه
ونرفعلك راسك
وانشالله تحصل ثمره التعب الي تعبته ويانه بمعدلات عاليه وترضيك يارب
اسأل الله ان ينطيك الصحه والعافيه والقوه "وتبقى تدرس اجيال واجيال"

عادي اكتب واني طالبتك من 2019؟
لان من شفت حجي الطلاب مكدرت ماعبر عن الي بداخلي
صح اني هسه مرحلة ثالثه طب اسنان
بس لحد الان ما انسى فضلك عليه
ما انسى من جنت تدرسنا وتتعب علمودنا
وبنفس الوكت جنت اب النا مو بس استاذنا
ما اتذكر مره طلعت مفاهمه من اي محاضره
كل محاضره جنت افتهمها وجنت اشوفها سهله
حرفيا جنت اشوف الكيمياء من اسهل المواد بالسادس
شكرا من كل كلبي استاذي ❤️
شكرا لان بسببك تعلمت هوايه❤️

استاذي الغالي❤️طبعا شكد مااشكرك قليل بحقك لانه انت اكثر استاذ وكف ويانه وساندنه مو بس صرت النا استاذ وإنما صرت اب وصديق النا هواي تونسنا بهاي السنه وياك وفهمنا منك وتعلمنا وان شاء الله نرفع راسك ونجيب اعلئ المعدلات وتفرح بينا ويارب يحفظك من كل شر وينطيك الصحه والعافيه يااحلا استاذ وأب وصديق وسند النا وطبعا شكد مااشكرك قليله كلش والله❤️ جنت أكثر ماده اكرهها هي الكيمياء من دخلت عندك ودرست وفهمت صرت احب الكيمياء بسببك وأكثر من بقيه المواد هم حبيتها وان شاء الله اجيب المعدل العالي وافرحك وارفع راسك يااحلا استاذ واغلى استاذ وشما احجي بيك واوصفك قليل والله ربي يحفظك ويطول بعمرك استاذي❤️
انتهئ.......

استاذيي الغالي مهند
طبعاً اني يمكن اخر وحده كتبت دائماً مختلفه هههه انت اكثر استاذ لطيف ويهتم النا ولنفسيتنا والي يشرحلنا دائماً بطريقه القصص حتى نفتهمها ونتذكرها وكل موضوع تسويله قصه خاصه راح افتقدك كلش اخر محاضره والوداعيه ضجت لان بعد منشوفك ولا نسمع صوتك وسوالفك كلشي جان مميز بمحاضراتك وبيهن ذكريات كلش حلوه وشرحك الي لا يعلى عليه صدك NUMBER 1شكد كلولي لا تدخلين مهند ميفهم ومينزل لمستوى الطالب بس مسمعتهم لان ادرس عليك اني من الرابع والحمدلله مسمعتهم ودخلت يمك وهم نفسهم الي حجو يجون يردون اشرحلهم اني 😂 الله يوفقك استاذ وان شاء الله منضيع تعبك وتفتخر بينا بالاخير الله يحفظك استاذ لاهلك ولكل الطلاب شكراً ع كلشي قدمته النا
استاذي المفضل 🤍🤍
انتهى …

جانب من ملزمه الوزاريات التي تصدر بعد العيد مباشرة كل شي فيها موضح المحذوف والمكرر ودرجة السؤال ومقسمه حسب الفصول
تشمل دور اول وثاني وثالث وتمهيدي ونسخ من خارج القطر

استاذ مهند
يعني كلشي حلو وايجابي حرفيا احلا مدرس واكثر واحد احبه ، مدتصور شكد حشتاقلك وحشتاق لمحاضراتك ، حبيت يوم الثلاثاء لان انت بيه ، كل الحجي الي حكوله محيوصفك ، حرصت انو اكتبلك ورة الوداعيه مالتنا حرفيا كل مشاعري بهل رساله ، ادموعي خلصوا من المعهد للبيت ، طبعا اني متأثر بسرعه ولا ابجي بس انت استاذ دموعي متتصور شكد
كل الحب الك استاذ من اعماق گلبي واستاذ وعد وعد انو حقرة هواي وبثقة كولش جبيره وان شاء الله ١٠٠
...
استاذ مهند حيثُ لا احد . 💗😔

نظرا للطلبات الكثيرة وامانه للكثيرة جدا غدا تفاصيل الاعلان عن دورة جديدة لفصلي العضوية والحياتيه فقط وبسعر مناسب جدا لطلبتنا