استاذ مهند اب وصديق ومدرس و قدوه 💙
حرفيا اكثر استاذ احبه واحب درسه شكد ما الكيميا صعبه وجافه شكد ما سهله و لطيفه وياك من المتوسطه اني ادرس عليك وقفلت بالسادس ماسجل يم غيرك الاختيار الصح الي عمري مراح اندم عليه هو انو اختاريت اجي يمك
احلى وكت جان بالمعهد وكت الكيميا خاصه بايام الدوام شكد نجي تعبانين الثلاثاء بس ننسه كل التعب بمحاضرتك 💙💙
ما فد يوم ضوجتنا بحجايه او قهرتنا بالعكس جنت تحفزنا و الدافع الاول انو نكمل
شكر جبير الك ولو شكد ماحجي ماوفي حقك يارب نشوفك باعلى المراتب و احسن الاماكن 💙💙

استاذ مهند السوداني

الاب والصديق قبل ميكون استاذ 💕
شكرا هوايه لوجودك بحياتنه وعلى تعبتك الي تعبته ويانه وعلى كميه الحب والتحفيز الي تنطيه النه وكلماتك الحلوه الي تهون علينه تعب السادس وصعوبة الايام 🤍

كلشي ينكتب قليل بحقك والله العظيم مننسى وجودك وكلماتك النه واهم شي والمميز كلماتك الي الها حب ونكهه خاصه
))انتهى _ انته احيائي لو تطبيقي_ رقم واحد بلكيمياء _الرائع الرونق الرهيب_ طلابي_الله يحفظكم الي _انتو كدها _ عدد افكادروا ))
🤍🤍🤍🤍🦋🦋🦋
كل التقدير والحب الك يارب نكون كد الثقه ونجيب احلى المعدلات الي ترفع الراس 🤍

الله يخليك ويحفظك ان شاء الله يارب التوفيق بكل مسيرتك 🤍


ختام الرساله باحلى شي حجيته ♡
*لو تكون كدها لو تطلع من عدها*

استاذي العزيز
مستحيل اكو كلمات توصفك، ايام و اشهر كضيناها وياك جانت الافضل
من ناحية تدريس و كلشي، كل محاضراتك خفيفة و تخلينا غصب نحب الكيمياء بسبب اسلوبك و شرحك
اكثر استاذ ما اريد افارقه، مدرس بمثابة اب و صديق و مثال أعلى
مستحيل اتخيل نفسي ادرس عند غير مدرس بالكيمياء
كلش احبك استاذ و مستحيل بحياتي انسى البصمة اللي تركتها الي بالسادس♥️♥️♥️.

أستاذ مُهند 🫶🏼🤍.
مع العلم ما حاجيه وياك مثل البقيه، وتفاعلي قليل بمحاضرتك، بس انتَ الأستاذ الي مُستحيل أندم لان سجلت يمه، حرفياً احسن أستاذ ودرسك يجنن ويخلينه گوه نحب الكيمياء، شكُراً أستاذ ع كُل لحظة تعبت بيها علمودنه، ما أنسى تحفيزك وكلماتك الي من تكولي "عفيه بابا بطلة"، وعد أستاذ اجيب 100 بالوزاري وارفع راسك ان شاء الله، حُب چبير الك والله🤍🤍🤍.

استاذ مُهند ♥️
واللّٰـه أغلى استاذ عــندي
ومعزتك بالكلب كلش جبيرة خليتني أحب الكيمياء وسَهلت المادة حيل وياك جنت كلش ماحبها واشوفها صَعبة بس من يوم السجلت يمك صارت مادة سهلة وصرت أحــبهـآ ، وأكيد ماننسى تَحفيزك النه وجودك جان مَهون علينا كل التعب ومحاضراتك الخفيفة اللطيفة احلى ايام صارت وياك، يارب مانضيع تعبك ونطلع درجات ترفع رأسك بيهــآ
ويارب تظل دوم بالقَمة و Number1 بالكيمياء دائماً وابـداً💕

استاذ مهند
القريب من قلب
استاذ سهلت الكيميا وخليتني ماشوف بيها صعوبه من سجلت يمك وكلش احب محاضراتك والونسه والضحك الي يصير وياك تخلي المحاضرات خفيفه علينا حتى نفتهم يارب نكون گدها
استاذ مهند بمثابه اخ واب وصديق الايام الي عشتها وياك جانت احلى ايام ومستحيل يوم من الايام انساها من افضل المدرسين بالنسبه اليه
رقم واحد بالكيميا🖤
ربي يحفظك النا🖤

انتهى..💔

الى الاب الروحي استاذي الغزير مهند السوداني كووولش شكرا علة الي قدمتة النة وان شاء الله منضيع تعبك جنت كوولش حابة اجي اشوفك واودعك بس مكدرت ان شاء الله بلحفلة نلتقي بس كوولش ر اح نشتاقلك اتمنالك الموفقية في حياتك ويطول بعمرك ومتشوف بس السعادة كل هذا الكلام قليل بحقك انت مو استاذ انت خرافي

استاذي الغالي ❤️
ابونه واخونه وصديقنه وقدوه النه راح نشتاقلك هوايه وفراقك جداً جداً صعب علينه 🦋🦋
ان شاءالله نرفع راسك بالوزاري ومنضيع تعبك علينه خليتنه نحب ماده الكيمياء ومحاضرتك جانت احلى محاضره والوقت يمشي عالسريع ومنحس بالساعتين ابد ❤️❤️
واني كلش فخوره انو درست يمك والتقيت بيك احلى سنه مرت عليه بسببك واحنا نحبك كلش هوايه 🦋🦋
انتهى...🥺

2022_4_3
أنتهى..🤍🥹

استاذ طبعا والـلـه العظيم والـلـه شاهد ع كلامي اني مسجله بمعهد النخبة بس درسين الدرس الثاني مراح اكول اسمه لان الاستاذ كلش كرهني بالمعهد وكلش تعامله سيء وياي وكرهني بالمعهد فتره من الفترات وردت ابطل
ربي شاهد عليه انو بقيت بسببك وبسبب جمال محاضراتك ونقاشاتك ونكاتك وتعاملك ويانه واحترامك من كلشييي من كلشيي انت زين من كل النواحي يعني والـلـه اني شكد خجوله واستحي احاجي اساتذه بس انت حتى هلكد مالطيف ويانه وصارت عدنه ميانه وشقه وضحك وياك حتى كمت احاجيك بدون تردد هلكد ما وجهك بشوش وروحك حلوه وطيبه
محاضراتك جانت امتع محاضرات تمر عليه خصوصا انو اني بعمري ماسجلت خصوصي مع ذلك جنت من الثالث متوسط اقره عليك واكول حلمي اشوفه واسجل يمه 😂♥️والـلـه صدك جنت هيج احجي لان جنت قدوتي والحمدلله تحققت امنيتي وسجلت يمك وماتندمت الله يفرحك بينا ويفرحك بجهالك بالمستقبل وطلابك يارب ♥️

شكد ماحجي بيك ميوفي الحجي حقك واليوم كلامك جان محفُز الي كالعادة انت كل محاضره تحفزني وهذا التحفيز كله ان شاء الله ميروح ع الخالي ومافشلك واخلي الكل يشوف شلون انت جنت صحيح من اخذتني كمثال للطالب الساعي والواثق ♥️

استاذ مهند يعني كنز الكيمياء حرفياً محاضراتك من اجمل واخف المحاضرات واحسد طلاب الي راح يجون يمك لان من هسه دتهتملهم وتحضرلهم حُب كلش جبير الك ولمحاضرات الحلوة الي راح نفتقدها 💔
اكثر مدرس يحفز الطالب ويتونس وياه ويتعلق بي لدرجة وداعك جان جداً صعب
بس اكيد مراح نعوفك وراح نفرحك ونرجعلك رافعين راسنه وراسك
ربي يرزقك السعادة وكلشي حلو مثل تدريسك❤️

الى الاستاذ القدير العزيز استاذ مهند السوداني🍃🌹
استاذ صراحةً مااكدر اوصف كمية الشكر والتقدير والاحترام اللي بداخلي الك ✨
كفيت ووفيت بشرح المادة انطيته حقه وزيادة يعني رغم الوقت القليل اللي عندك وضغط المحاضرات عليك بس بقيت تجاوب كلللل رسائلنه واسئلتنه وتحفزنه واذا مفتمنه شي تعيده مرة ومرتين وعشرة كل الاحترام والتقدير لحضرتك استاذ.💕
حقيقة اكثر استاذ اعتبره مثل والدي بخوفه علينه ومحبته النه واذا فد يوم حس وحده بالقاعة ضاجت من شي او انقهرت ماينطيه گلبه يعوفه وماتطلع من المعهد اذا ما مراضية ومبتسمة 🍂
كل كلمة وكل رنة كلته بالمحاضرات بعده ببالي واذكره ومن احل عبالك انته يمي واذكر شنو كلت عله السؤال وابدي احل
حته كلمة انتبه ابني من جنت تكوله بصوت عالي بالقاعة علمود ننتبه للشرح بعدني اذكره وباقي صوتك ورزالتك وشقاك كله محفور بذهنة بذكرى حلوة ولطيفة من اغلى استاذ النه.
مااكدر اكول انتهى گلبي ما ينطيني ولو ان شاء الله سنة الجاية يمك ونكمل مسيرتنه بالسادس🥺🤍

استاذ مهند يعني كنز الكيمياء حرفياً محاضراتك من اجمل واخف المحاضرات واحسد طلاب الي راح يجون يمك لان من هسه دتهتملهم وتحضرلهم حُب كلش جبير الك ولمحاضرات الحلوة الي راح نفتقدها 💔
اكثر مدرس يحفز الطالب ويتونس وياه ويتعلق بي لدرجة وداعك جان جداً صعب
بس اكيد مراح نعوفك وراح نفرحك ونرجعلك رافعين راسنه وراسك
ربي يرزقك السعادة وكلشي حلو مثل تدريسك❤️

استاذيي اليخبل❤️❤️ كلش شكراً على اليوم اليجنن هذا صدك اقرب يوم على قلبي صار 🦋صنعت ذكرى كلش حلوة واعتنيت بينة واعتبرتنة مثل بناتك استاذ متصدك اليوم شكد حسيت بالفخر من سلمت علينة قبل لا نطلع جنت كلش محتاجة هالشي نطاني حافز وحسيتك بمقام ابوية لان مموجود هالفترة كلش تأثرت شكد ما اكتب ما اوصفك ارقى استاذ واطيب قلب 🌸🤍يارب يحصلك الخير بكلشي ويوفقك كلامي من القلب والله وان شاء الله راح اسوي كل الي علية علمود استحق كلمة جنت طالبة عند استاذ مهند السوداني علمود اشوفك نتيجتي واكون محصلة الطبية ورافعة راسك وراس اهلي وانتظرني ادزلك واكتبلك جبت مية بالكيمياء بفضلك 🤍شكراً كلش هواي

استاذ مهند💙💙💙الي جنت اكثر من استاذ بالنسبة النا احلى ايام جانت بمحاظراتك الي مستحيل تنمل من عدها مكانتك بالكلب جبيرة استاذ نحب نكلك شكرا ع تعبك ويانة وان شاء الله نجيك ونبشرك بل١٠٠ بلوزاري وحنبقا نتذكرك ونتذكر سوالفك الحلوة ويانة ومحاظرتك اللطيفة يا الطف استاذ بالدنيا
انتهى.. 2022.4.16
طالباتك التوم💙

احلى استاذ بالدنيا شكرا الك على هل يوم اليخبل مثلك وعلى تحفيزاتك النه وحبك النه شنو ما اكتب قليل بحقك جنت مو بس استاذ النه جنت اب ثاني تنصحنه وتريد طلابك يكونون باحسن شي هذا اليوم مراح انساه طول حياتي لان جمعتنه سوه بسفره وحده هاي السنه بيها هواي اشياء صارت ضحكنا بيها وبجينه بيها وتعبنه بيها الله يوفقك استاذ وتبقى سعيد طول حياتك وهذا اليوم جان اقرب يوم على قلبي مراح ننساك ولا ننسه الشقه الجنت تشاقه بي ويانه ان شاءالله ارفع راسك وراس اهلي بمعدلي واجي اكلك حققت حلمي وصرت مهندسه وتفتخر بيه وبكل طلابك وصنعت ذكرى كلش حلوه راح تبقه بگلبنه ومننساها واحلى شي اليوم من سلمت علينه بلاخير اروع استاذ لماده الكيميا احلى اسطوره بالكيميا وراح تبقه بگلبنه ومراح ننساك ❤️😻🌹

استاذ مهند
هالكلمه من اكولها او اسمعها تجي ببالي هوايه مواقف واشياء حلوه راح تبقى معلگه براسي ومحفوره بگلبي يعني حرفيااا انتَ مجنت بس استاذ النه جنت ابونه واخونه وملهمنه ومصدر طاقتنه وقوتنه جنت اكثر اختيار اختاريته صح بحياتي يعني مستحيل مستحيل راح يجي يوم ويصادفني استاذ او شخص نفسك🥺🫶🏻
يعني فضلك عليه كلش جبير ومستحيل بيوم راح انسى وحيبقى ويايه لاخر يوم بعمري 🫶🏻🥺
يعزز عليه اكول كلمه انتهى لان كلشي منتهى وكلهااا حتبقى ذكرى حلوه نتذكرهااا اتمنى اكون تركت بصمه ولو صغيره تذكرني بيهاااا وشكرااا هوايه على كل شيء سويته ولووو كلمه شكرا قليله💕💕💕🙏🏻🫶🏻
انتضرني سنه التجي يمك اني والميه ان شاء الله 🙏🏻🥺

معرفت شكتب لان اول مره حكتب لفد استاذ كلام من كل گلبي ... حرفياً استاذ انت واحد ما تتخيل اشگد تستاهل الخير على شرحك على تعبك على تشجيعك على كلشي تسوي و كلشي تسوي باتمام اني وحده من الي جنت احب كيمياء بسببك و جنت اتابعك على يوتيوب على حظي مو من محافظتك و بالسادس لان لزمته خصوصي بغيرك بديت اكره الماده و احسه معقد لحد ما وصلت فد يوم كلت كافي حرجع على يوتيوبك و ما اريد ايشي لا امتحان لا شي تركت الخصوصي جيت لكيتك منزل دورة شتوية و جان اكثر شي فرحني حسيت لاول مره عندي حظ😭🏃 و گبل لزمتك وجنت اول الي يحجزون و كملت وياك و سويت الي الكيمياء زلاطه مثل كل سنين واني ممتن الك بشكل مو طبيعيي و راح ابقى امدح بيك وادعيلك طول عمري يا احسن استاذ بالكون يا ملك الاساتذة كله 💕