كشخص يشوف الكيمياء "صعبة حيل" طول عمره ؟
هاي اول مرة أتونس بشرحها وحفظها ودراستها وية حضرتك استاذ 😭😭

سلامٌ عليك أستاذنا الغالي...
بخصوص سؤالك عن الفصلِ الأول..
لانّي لا أجيـدُ أن أقول صعباً
ولأنّ تعبكَ فيهِ لا يسمحُ بالقولِ متوسطٌ
لذا تلقائياً الفصل الأول سهـلٌ إذا رتّبناه معك ولم نجعله عشوائياً

مع انتهاء الفصل الاول؛
من قلبي أحب أشكرك على كل دقيقة تعبت بيها ويانا، وعلى شرحك السهل والممتع اللي حببني بالكيمياء أكثر.
بفضلك فهمت الفصل الأول بكل تفاصيله، ووعد منّي كدام الله ثم كدامك، ما أخيب ظنك بالوزاري اتمنى تذكر اسمي (رحيق حيدر تقي) ، وراح أبذل كل جهدي حتى أرفع راسك وتكون فخور .
ربي يحفظك ويعطيك الصحة والتوفيق، لأنك مو بس أستاذ، أنت بصمة حقيقية بحياة كل طالب علم.

نهاية موسم ٢٠٢٦( كلنا نتذكر وعد رحيق)

الرساله نشرت بموافقة منها👆

والله أستـاذ على شرحك هذا والصراحة الفـصل الأول ميعتبر من فصول السادس الي خـابصينه بي وبصعـوبته اشوفه فصل اعتيادي وكلـش طبيعي تحصل عليه درجة كاملة بالأمتحان الوزاري وأتمنى تبقى على هذا شرحك للـنهاية المنهج وما تقـصر ويانه 🤍

والله أستاذ حيل سهل الفصل الأول بس يعني طلع سهل من شرحك الحلو للفصل أهوايه طلاب كالو الكيمياء صعبه بس وياك حيل سهله 🤍🤍

استاذ شكد جنت اكره الكيمياء او بعمري ما حبيته ولا جنت اتوقع راح احبه هيج او ياك هل سهولته يعني من خلص الفصل اني ستغربت كلت معقوله خلص بهل سهول او خاصه هيس كله تحجي بيه صعب او معرف ايش اسهل موضوع بل الفصل الاول بفضل الله ثم بفضلك استاذ

مع انتهاء الفصل الاول من ماده الكيمياء احب اشكرك على الشرح الرائع الذي كان في قمه الابداع والتميز من خلال شرح المسائل او الشرح الكلاميات ما قصرت معانه وهذا كان الفصل الاول فكيف باقي الفصول اعلم يقين انك ما راح تقصر بالمادة لانك استاذ يشهد له العراق من شماله إلى جنوبه في الشرح الراقي والمرتب 🤍🤍🤍🤍
وجزاك الله خير الجزاء على هذا الشرح والترتيب ورحم الله والديك 🤍

السلام عليكم ستاذ مهند هذا الكلام جان عاجبني اكللكياه من زمان واجه الوقت المناسب طبعاً اني سادس دفعه2026 اني اقره وياك ع اليوتيوب من الثالث متوسط واني اخفقت بالدراسه بثالث والرابع عدا الكيمياء جانت درجاتي بيها عاليه لان استمتع من اقره محاضراتك يعني نكدر نكول اهلي كل ما يكلولي اقره افتح الكيمياء اقراها وحالياً وياك وان شاء الله نطلع معدل عالي وياك ونختمها ختام مسك

السلام عليكم استاذ مهند بـ مناسبهـ اكتمال الفصل الاول احب اشكرك من كلـ قلبي على تعبك ويانا وحرصك علينا . استاذ اني ادرس عليك من الثالث متوسط و الرابع علمي و الخامس علمي و صرت سادس و دخلت يمك . تعرف شلون توصل النا المعلومهـ بأسهل و ابسط الطرق و تحببنا بالمادهـ

سلام عليكم استاذ اني من الثالت متوسط اقره عليك كيمياء علرغم انو كل اصدقائي كالوا تشرح لمستوى عالي و ما جنت اسمعهم و صح درجاتي دائما بلكيمياء عاليه مفد يوم جبت اقل ٩٧ و اني و اقره عليك. و هسه بلسادس اصدقائي عدهم صعوبه بلفصل الاول افتح وياهم كامره اشرحلهم يكولون لي عليكم مسجل اكللهم مهند السوداني يتعجبون انو شلون انته طلعت تفهم و هسه متندمين لان مدخلوا يمك و ان شاءالله اضل افتهم عليك لحد يوم الامتحان الوزاري

وراح يبقى الندم ملازم كل طالب 👆

حبّيت أگلك شكراً من القلب على تعبك ويانه، وعلى كل دقيقة كضيتها بشرح المادة وتبسيطها إلنا. صدگ، چنت نِعم الأستاذ إللي يشرح بروح طيبة، وبأسلوب يخلي أصعب المواضيع تصير سهلة.
الفصل الأول خلص، بس إحنا طلعنا منه مو بس بمعلومة، طلعنا بحب للمادة وبثقة بنفسنا، وكل هذا بفضل طريقتك،
وحرصك الدائم على مصلحتنا.


مع خالص الاحترام والتقدير 🌟
طالبتك/زهراء

في ختام الفصل الأول:

لو تكون گدها ، لو تطلع من عدها 🔥

استاذ الفصل الاول متوسط الصعوبه بس ويه المعززات وتعبك ويانه صار اسهل من السهل اني اشوف بنظام شرحك احلى شي بيه المعززات كلش جاي تفيدنه الله يوفقك على تعبك ويانه ❤❤

لمحاضرات المعززات وقع خاص 👆

مع انتهاء فصل الاول احب أشكرك ع تعبك ويانه حرفيا ماشفت مدرس مثلك اني من ثالث اقره عليك استاذ واختي قرت عليك بل سادس جابت 100 وهيه حاليا طب عام
ولله افضل مدرس وتوصل فكره حتى امي شافت شرحك كالت اني فهمت
وماكو مدرس مثلك أبدا واني مامتندمه أبدا لان دخلت عندك جنت خايفه وشايله هم وكلها تحجي ع فصل الاول بس أبدا ماخفت وماشلت هم ولا خفت
وحتى ماحسيت بل فصل اول وكل هذا تهتم النه وتجاوب علينه
الله يوفقك استاذ ومن ميزان حسناتك 🥹🤍

طبعا استاذي بما انو خلص الفصل الاول، احب اشكرك على شرحك وطريقه تبسيطك للموضوع حرفيا حبيت الكيمياء اكثر مما اني احبه وتونست بيه، شرحك المبسط يخلي شكد الموضوع صعب يصير سهل، محاضرات الكيمياء ابدا ما امل منه وبلعكس دائما انتظر تنزل المحاضرات، اشكرك من كل كلبي على المحاضرات الي تجنن والمواضيع الي سويته سهله ممتعه 🤍🤍🤍

كُل محاضرة بالفصل الأول أكول أكيد بعدنا بداية الفصل وهيج سهل وخلص الفصل وأني أكول هو هذا السادس!😂
كُل بداية محاضرة أكول الحمدالله على نعمة الأختيار الصحيح ، من الرابع علمي بديت أدرس عليك وطلعت 97 بالكيمياء ورجعت بالخامس هم درست عليك وطلعت 98 وأن شاء الله بالوزاري 100🤍