مرحبا استاذ
شلونك ان شاءالله بخير
احب اگلك اني هسة كملت مراجعه الكيمياء والحمدالله بفضلك محسيت بأي صعوبة بالمادة
وكلش تونست واني اقراها والمعززات عالم ثاني وخاصتاً معززات الفصل الثالث
والملزمه الكلاميه اسطورية بمعنى الكلمه قريتها مرتين وضبطتها كلش هواية
وحليت الاسألة اللي نشرتها بالگروب والحمدالله زينه بيهم...
كلش شكرا ع وگفتك ويانا وشرحك الممتاز والاسألة الصعبة اللي سهلتها علينا هواية كلش
ربي يحفظك ويخليك وينطيك الصحه والعافية ويرحم الوالدة ويجعل مثواها الجنه❤️❤️.

#خبر |
وجه معالي وزير التربية على ضرورة القضاء على ظاهرة نشر الاسئلة على مواقع التواصل الاجتماعي اثناء فترة الامتحان بوقت قصير وشدد معاليه على اتخاذ اشد العقوبات بحق المخالفين.

استاذ اني دا اراجع كيمياء ما تتخيل شگد احس بسهولة بالمادة ورناتك وصوتك لحد الان براسي يعني فعلا تعبك ويانا ما نگدر نجازي وما نوفيك حقك .... شكرا استاذي⭐

استاذ شلون افرق بين المسائل الاملاح ومسائل ايون المشترك لان اعرف احل بس ما اعرف شوكت تحل قوانين املاح لو قوانين ايون المشترك

هلاو استاذ
استاذ اني العضويه مقاريته. +اذا اقراهه لحك لو اجل ع دور ثاني لو هيه يجي من عدهه سؤال يعني اتركه اليجي👍

اذا عدنه قطب هيدروجين ونريد نحرره ويه قطب فلز اخر

الهيدروجين ليش يصير كاثود ؟

سلام عليكم استاذ بالنسبة لمسائل التحليل الحجمي بالامتحان الوزاري تجي نصاً بس تغيير ارقام لو هم يغيرون بالافكار ؟

السلام عليكم استاذ
قيم ايتا اكدر اكتب قيمتها مباشره لو اله اكتب تفاصيلها ؟

عودة النصائح الكيمائية للتذكير👇👇👇

نصيحة كيميائية رقم ١
اذا ضبطت الملازم مال استاذك
اي استاذ لا تحتاج
الى ملزمة الوزاريات
بس المهم تتاكد انه
ملزمة استاذك شارح فيها
جميع التمارين ومسائل الفصل.... انتهى

نصيحة كيميائية رقم ٢
اي سؤال محذوف
فكرته انحذفت
لا تقراه
صدكني ما يجي مثله ولا مثل فكرته
وانا مسوؤل عن كلامي
اتحدث عن الكيمياء فقط .... انتهى

نصيحة كيميائية رقم ٣
ثوابت الفصل الاول
المسعر او هيس
طاقة كبس لازم شي عليه
مسالة او تعليل كبس
او حتى اقل شي
انتروبي التغيرات الفيزيائية.

نصيحة كيميائية رقم ٤
كلش كلش كلش ركز على
سؤال يربط المسعر بقانون المجموع
رقمه ( 1_16) في منهاج ٢٣
ورقمه ( 1_19) في المناهج الي قبل ٢٣
هسه على شنو هذا السؤال👇

نصيحة كيميائية رقم ٥
الفصل الثاني
كلش كلش كلش ركز على
السؤالين الجدد
رقمهن ١٣ و ٢١ وعلى شنو
هذين السؤالين👇👇

نصيحة كيميائية رقم ٦
الفصل الثاني
كلش كلش كلش ركز على
المواضيع الي كانت محذوفة
موضوع اهمية ثابت الاتزان
خاصة سؤال الاناءيين
وعلى موضوع حاصل التفاعل

نصيحة كيميائية رقم ٧
الفصل الثاني
جوكر الفصل هو لو شاتليه.
قد يكون تعريف
او تعليل
او سؤال ماذا يحدث
او صف عدد من الاجراءات ...انتهى

نصيحة كيميائية ٨
الفصل الثالث
الجوكر
الذوبانية _ محلول بفر

نصيحة كيميائية ٩
الفصل الثالث
كيف اسيطر على قوانين بفر.
اتبع هذه الخطوات الاربعة
١_ من يتحكم بقوانين بفر الضعيف
٢_ الملح دائما بسط والضعيف مقام
٣_ كلمن يزيد صاحبه ينقص عدوه
٤_ اشارة البسط عكس المقام

نصيحة كيميائية ١٠
الفصل الثالث
هذا الفصل اسهل من الثاني
لازم تعرف هذا الشي
اذا خليته في بالك راح تشوفه فصل سهل

نصيحة كيميائية ١١
الفصل الثالث
نصيحة العمر بالذوبانية
اذا اعطى لفظة تركيز فقط تركيز
ولم يعطي لفظة ذوبانية
حينما نكتب معادلة تفكك المادة الشحيحة الذوبان لانضع تحت الايونات الناتجة S او 2S
لا نضع شيئا
مباشرة نكتب القانون واكرر
دون وضع اي اي S تحت الايونات الناتجة

نصيحة كيميائية ١٢
الفصل الثالث
لفظة التركيز بالمحلول المائي المشبع
هو نفسه الذوبانية

الفصل الرابع
نصيحة كيميائية ١٣
اقوى لعبة بالفصل وصارت باسئلة سنة ٢٠٢٠
يعطي جهود تاكسد وليس اختزال
وهنا تعرف تقلب اشارة منو اشارة الكاثود
لان الكاثود اختزال وليس تاكسد
وجهد الاختزال سالب جهد التاكسد

بصمه توضيح نصيحه اعلاه