سلام عليكم استاذ اني من الثالت متوسط اقره عليك كيمياء علرغم انو كل اصدقائي كالوا تشرح لمستوى عالي و ما جنت اسمعهم و صح درجاتي دائما بلكيمياء عاليه مفد يوم جبت اقل ٩٧ و اني و اقره عليك. و هسه بلسادس اصدقائي عدهم صعوبه بلفصل الاول افتح وياهم كامره اشرحلهم يكولون لي عليكم مسجل اكللهم مهند السوداني يتعجبون انو شلون انته طلعت تفهم و هسه متندمين لان مدخلوا يمك و ان شاءالله اضل افتهم عليك لحد يوم الامتحان الوزاري

وراح يبقى الندم ملازم كل طالب 👆

حبّيت أگلك شكراً من القلب على تعبك ويانه، وعلى كل دقيقة كضيتها بشرح المادة وتبسيطها إلنا. صدگ، چنت نِعم الأستاذ إللي يشرح بروح طيبة، وبأسلوب يخلي أصعب المواضيع تصير سهلة.
الفصل الأول خلص، بس إحنا طلعنا منه مو بس بمعلومة، طلعنا بحب للمادة وبثقة بنفسنا، وكل هذا بفضل طريقتك،
وحرصك الدائم على مصلحتنا.


مع خالص الاحترام والتقدير 🌟
طالبتك/زهراء

في ختام الفصل الأول:

لو تكون گدها ، لو تطلع من عدها 🔥

استاذ الفصل الاول متوسط الصعوبه بس ويه المعززات وتعبك ويانه صار اسهل من السهل اني اشوف بنظام شرحك احلى شي بيه المعززات كلش جاي تفيدنه الله يوفقك على تعبك ويانه ❤❤

لمحاضرات المعززات وقع خاص 👆

مع انتهاء فصل الاول احب أشكرك ع تعبك ويانه حرفيا ماشفت مدرس مثلك اني من ثالث اقره عليك استاذ واختي قرت عليك بل سادس جابت 100 وهيه حاليا طب عام
ولله افضل مدرس وتوصل فكره حتى امي شافت شرحك كالت اني فهمت
وماكو مدرس مثلك أبدا واني مامتندمه أبدا لان دخلت عندك جنت خايفه وشايله هم وكلها تحجي ع فصل الاول بس أبدا ماخفت وماشلت هم ولا خفت
وحتى ماحسيت بل فصل اول وكل هذا تهتم النه وتجاوب علينه
الله يوفقك استاذ ومن ميزان حسناتك 🥹🤍

طبعا استاذي بما انو خلص الفصل الاول، احب اشكرك على شرحك وطريقه تبسيطك للموضوع حرفيا حبيت الكيمياء اكثر مما اني احبه وتونست بيه، شرحك المبسط يخلي شكد الموضوع صعب يصير سهل، محاضرات الكيمياء ابدا ما امل منه وبلعكس دائما انتظر تنزل المحاضرات، اشكرك من كل كلبي على المحاضرات الي تجنن والمواضيع الي سويته سهله ممتعه 🤍🤍🤍

كُل محاضرة بالفصل الأول أكول أكيد بعدنا بداية الفصل وهيج سهل وخلص الفصل وأني أكول هو هذا السادس!😂
كُل بداية محاضرة أكول الحمدالله على نعمة الأختيار الصحيح ، من الرابع علمي بديت أدرس عليك وطلعت 97 بالكيمياء ورجعت بالخامس هم درست عليك وطلعت 98 وأن شاء الله بالوزاري 100🤍

سلام عليكم أستاذ احب أشكرك على تعبك ويانا وشرحك المبسط للفصل اول



فصل صار سهل كلش من خلال شرحك …وأكول هو هذا السادس الي مخوفيني منه؟

الأستاذ الفصل هو الأستاذ يسهله وهو يصعبه شاهد ربي أنت سهلته ب معنى الكلمة والمساعدين مالتك هم ما قصرو ست ضحى اتأكد على الامتحان وتابع لان لو ما طريقتك المرتبه ومتابعه مصححين كان ما ضبطنا الفصل هم تابعه استاذ أنت مرتب ربي يحفظك وان شاء الله ونريد تستمر بهذا شرح 🫶❤️

اهلاً وسهلاً يا افضل وارقه واجمل استاذ 🦋🤍
شرحك للفصل الاول جمل جداً 🦋
شكراً على تعبك وعلى جهدك ويانه كلش حلو شرحك وخاصتاً من تنطينه مثالات من حياتنه ليوميه ماقصرت استاذ ونشاءالله نرفع راسك 🤍ربي يحفضك ويطول بعمرك 🦋

السلام عليكم استاذ
بما انو خلص الفصل الاول احب اشكرك ع تعبك ويانا وطريقة شرحك
وتبسيطك للماده وحرفيا شكد ماجنت احبها للكيميا حبيتها اكثر صرت اتونس بدراستها
وان شاءالله بالنهاية نجيب الدرجة الكاملهالي تفرحك🤍🤍

سلام عليكم استاذ بالبداية اشكرك هواي على شرحك يجنن وفصل مو صعب الحمدلله بس يراد مراجعه أكثر علمود منخربط بي لان فصل هواي بي معلومات ⭐️😭بس استاذ اشكرك على شي أكثر استاذ بالعراق يجاوب على طلابه حته لو يوتيوب جاوبهم ربى يوفقك ويحفظك ❤️⭐️واكيد الفصل جوز لوز

والفصل سهل والله

وان شاء الله 100 ✨

شلونك استاذ مهند استاذ اني من الثالث متوسط الى الخامس جنت اعاني من الكيمية قبل فترة من. جنت اختار المدرسين طلع اسمك كدامي اتذكرتك لان بنهاية السنة مال خامس قريت عليك وارتفعت درجاتي فجنت انت الاستاذ الوحيد الي حل لي عقدة الكيمة واتمنى الفصول القادمة تعدي وتخلص مثل هذا الفصل❤️

السلام عليكم استاذ انا حابة اشكرك على تعبك معانا الفصل كلش سهل وان شاء الله ربي ما يضيع تعبك معنا اشكد كنت ما احب الكيمياء بس انت حببتنا بالمادة ☺

سلام عليكم استاذ
بخصوص الفصل الاول
الحمدلله ما واجهنا صعوبة ، كذلك حضرتك استاذ ما عظمت الفصل علينا و خليته انو هو فد شيء فه صار سهل علينا ، كذلك شرحك النا بلهجتنا العامية كلش سهل علينا بشكل مو طبيعي و بالامتحان نتذكر مصطلحاتك الي مسميها للقوانين و للوحدات و تسهل علينا بعد اكثر ، يارب السنة الجاية طلابك كلنا ١٠٠ و نكسر عين شكو شخص يگول ما يشرح بالتفصيل