السلام عليكم ورحمة الله وبركاته
ربي يحفظك ويسعدك سعادة الدارين
وكل فلس أخذته للاشتراك بدورة الالكترنيه حلال عليك ربي يبارك بعمرك ويرضا ويرزقك من اوسع ابوابه

دائماً محاضراتك ومحاضرات عقيل الزبيدي و سالم ال منصور انتو الثلاث الي ما تعذبون حرفيا افضل ثلاث مدرسين على الكرة الارضية 😭🚶‍♀️❤
من اخلص المحاضرة اشوف نفسي فهمت وداحل صح ، اكول هل استاذ شكد يخاف الله وهيج دينطينا كل ماعنده ويعيد النا ويكرر علمود نفهم ونحل صح

السلام عليكم استاذنا العزيز طبعا جيت بفد كلام اليوم لازم اتكلم بي _اول نقطه اشكرك شكر جبير يعني بحيث من سجلت وياك حسيت روحي مسيطر على الماده ورجعلي شغف الدراسه جنت حرفيا فاقد الامل بعد ما سجلت وياك ويا الاستاذ علي حسيت براحه من يم الماده مالتك احس هم وانشال من يمي جنت بالبدايه متردد اسجل كلت هاي الدورات اكيد كلاوات مو مثل الحضوري بس من دخلت وجربت تغير رئيي حرفياا امتحانات وشرح اسطوري ومعززات وملزمه تغنيك عن المصادر الثانيه عرفت ان هذا قرار صح وياك استاذنا الفاضل فضلا ان ضامن اضبط الماده وياك لان ثقتنا بيك عاليا النقطه الثانيه وهي عرفت ما لازم تعتمد كلام االناس بكلشي حرفيا قبل كم يوم جنت بكروب طلاب سادس لكيتهم يسقطون بيك تسقيط مو طبيعي كتلهم شنو السبب وما يصير هذا الكلام اذا ما مجربين الاستاذ كالوا المفروض نحجي ازيد من هيج لان يستاهل ف دافعت ولكيتهم قافلين ف اني عرفت ان مو شرط كلام الناس اهم شي الشخص نفسه هسه نعرفك ك استاذ يعني محترم بشكل مراعي لظروفنا محاضراتك ما تنمل وتسوي واهس اعيد افصل انوب على شرحك حتى اضبط مييه بالميه وهاي نبذه بسيطه عن شكري الك حقيقتنا اعترف ما متندم باي مبلغ دفعته علمود اسجل وياك تحياتي الك #رقم_1_استاذ_مهند_السوداني

الحمد لله اليوم اكملت اول محاضره مع أول امتحان درجه كامله في أول يوم معك الله شاهد امتحانات ومتابعه وتصحيح محلل خبزتك عكس دخلت يم غير مدرسين لا متابعه لا امتحانات مستمره وشكراً لك من اعماق قلبي ❤️
سادسيون_نحو _المجد

فعلاً انت من اكثر المدرسين الي عليهم اشاعات ونقد وحجي وهذا ان دل على شي فيدل على نجاحك وشكد انت مميز بين اقرانك من مدرسين الكيمياء بس من دخلت عندك اكتشفت انو انا داخلة عد جوهرة مو مدرس وشكد حمدت ربي لأن جنت صدك محتاجة دورة زينة

تصميم قديم

#مناشدة
طلبة السادس الاعدادي والاساتذة يطالبون وزارة التربية بأن يكون جدول السادس الاعدادي لسنة 2024 مشابه لجدول السادس الاعدادي لسنة 2019 وهناك فترة زمينة بين أمتحان وأخر

نرجوا من سيادتكم الموافقة لكونه لا يخالف الشروط ونتمنى ان جدول السادس يكون نهاية الشهر السادس كون المناهج ضخمة وتحتاج وقت


ممثل عن طلبة العراق
اخوكم نيمار ابن الانبار | @V999V

اعتبارا من يوم السبت ان شاء الله
سنقوم بنشر محاضرات الفصل الرابع
تصوير حديث بواقع كل يوم محاضرة
ومن بعده الفصل الخامس بواقع كل يوم محاضرة
علما ان عدد محاضرات الفصل الرابع ٩
والفصل الخامس ٦

استاذ غير الصراحه الالكتروني مالتك نار نار كلش قوي الشرح بي حرفيا خسر الي مدرس يمكم اكثر ماده ماخايفه منها واكثر استاذ واثقه من كلشي يسوي 🔥👍🏻

مساء الخير
حبيت اشكرك استاذ على طريقة شرحك وتوصيلك للمعلومة بالدورة الإلكترونية فعلاً دورة ما بعدها دورة خليتني احس الكيمياء اسهل من كل مواد السادس حته أسهل من الإسلامية ربي يوفقك وليضيع تعبك وان شاء الله درجاتنا النهائية تثبت الك انهُ تعبك وية طلاب الإلكتروني مراح عـالفاضي❤️
دُمت بخير استاذي القدير

علي السوداني👆👆

اما عن نفسي
اعلاني القادم
للالكتروني سيكون يوم ١_ ٤
وعلى منصة الحسن مهند ( حصريا)
والتي ستبقى بنفس الاسم
لسببين الاول
اعتزار بامامي ومولاي الامام الحسن عليه السلام.
تفائلا بابني الاكبر ( حسن).

استاذي القدير
اتمنى من كل گلبي ما تتأثر بأي كلام او إشاعة يحاولون يطلعوها عنك او عن اساتذة اقربائك
ما نكدر ننكر كل اللي يحاول يسقط من عندك عنده غيرة وغيرة كلش قوية ومسمومة منك ومن نجاحك همة يريدون يجذبون اكبر عدد من الطلاب الهم بهذا الكلام على انه استاذ مهند للمستويات العالية والى آخره من الكلام المسموم.....
همة ما يعرفون احنا طلاب وچنه ما نعرف شي عن المواد إله اذا المدرس يشرحها ويوصلها النا بطريقة سلسة ومُبسطة وانت الحمدلله بفضل من رب العالمين تعبك ويانا بتوصيل المعلومة ديبين من نجي نحل نلكى نفسنا عبالك احنا اساتذة المادة وكادرين نحل اي سؤال سواء جان سهل او بي فكرة اثرائية لأن انت كاعد تفتح عيونا على كومة افكار ممكن تجي بالوزاري واللي ما ممكن تجي بس حته تريح ضميرك تشرحها النا وهذا إن دل على شيء يدل على انه انت مدرس ونعم المدرس ربي يبارك بيك ينطيك الصحة والعافية وتستمر بطريق التدريس لأن ان شاء الله بفضلك كومة طلاب راح تاخذ ال100 بالكيمياء
واني متأكدة الطلاب اللي دتخسرهم بسبب حجي هذا وذاك بالسنوات الجاية واح يصيرون أضعاف مضاعفة بأذن الله لأن رب العالمين اعلم بالنيات وراح يرزقك من حيث لا تحتسب
ودائماً تذكر قوله تعالى: (وَٱصْبِرْ عَلَىٰ مَا يَقُولُونَ وَٱهْجُرْهُمْ هَجْرًا جَمِيلًا)
اسفة على الإطالة بس ما حبيت تاخذ على خاطرك استاذي من ورة كلام اشخاص ميستحقون أصلاً نفكر بيهم
في امان الله استاذي🤍

استاذي ، اقسم بالله وعزته وجلاله ، ما استمتعت يومًا في دراسة الكيمياء واصدقائي يعلمون بأني قد اعدت العام الدراسي بسببها لكن هذه السنة قمت بالدراسة على اليوتيوب فقط و وجدت متعة دراسة الكيمياء كلها معك ، وايضًا بفضل الله اتيحت لي محاضرات ابواب للأستاذ علي السوداني و وجدته ذو خلفية علمية ممتازة جدًا ، فأرجوا ممن يريدوا أن يسقّطوا غيرهم بالكلام الذي سيحاسبون عليه يوم القيامة أن يسمعوا من ولا يسمعوا عن