السومرية تنشر تدوينة التلغرام

استاذ تدري هذا اول امتحان ارجع منه مرتاحة وان شاء الله اجوبتي تكون كاملة ياربي

شكراا هوايه استاذ رحلة كانت طويلة بس مستحيل انساها رغم باقي المواد كسرتني وضيعت الحلم اللي ببالي بس الكيمياء الف الحمد لله اجه تعويض من رب العالمين شكرااا هواييههه استاذ

مني لحَضرتك كُل الإحترام والتقدير
أديت واجبك وزَايد مَابخلت
بأي مَعلومة ولا قَصرت بشَرح أي موضوع
مَا كرهتنا بالكيمياء درستنا إياها بشَغف وحُب
وإحنه إستقبلنا المَادة فاهميها مو حافظيها
بنُص الإمتحان أتذكر رَنات بفر والذوبانية
وغيرهن مِن المَواضيع
أحمد رب العالمين إنتَ جنت أستاذي
بهذه السَنة والسَنوات إلي قبلها
أسست لي بمُحاضرات اليوتيوب أساس
قَوي مو بَس بالكيمياء فقط
أمّا الحضوري مَال السَادس كان بكفة ثانيه
مُمتنه إلك أستاذ على كُل مَرة تعبت بيها ويانه
سويت أكثر من إللي لازم تسويه وفَصلت المادة تَفصيل وإنطيتها حَقها بكُل أمانة وإخلاص
بحَيث إمتحان اليوم جان نُقطة ببحر إمتحاناتنا
شُكراً على كُل شي
دُمت بخير وسلامة أستاذ 🤍.

مرحبا استاذ صح متاخره طالبه محاولات اليوم الاسءله حلوه وصعبه بس انت مقصرت ابد والي نزلته البارحه كتبته بدفتر والصبح اجه منهم والف رحمه ع والدتك ادعيلنه بالموفقيه 💚🌧

هلو استاذ

الاسئله جتي كلش سهله الحمدلله

والله العظيم احل و بيني و بين نفسي اترحملك

اكثر امتحان متأكده منه من بقية المواد

استاذ شنو أكول قليل بحقك ❤️
بديت بالكيمياء البارحه ساعة 3 الظهر وقريت بس على ملزمتك واني اصلا باليومي اقرا على شرحك مال يوتيوب ومجموعة العضوية
جنت اريد ااجل بس كلت خلي اقرا واروح
ماكو سؤال وكف عندي ان شاء الله اخذ فوك 90 واني قارية بنص يوم فقط 😍❤️❤️❤️
شكرا يا أعظم استاذ بالكيمياء 🔥❤️

استاذ مهند رسميا خلصت رحلتنا وياك اليوم
بلا مجاملة وهلكلاوات
اكثر محاضرة جنت اتونس بيها بشكل عام هي محاضرتك

المحاضرة جانت بيها فد شي غريب فدشي يطي حماس

استاذ عاشت ايدك ملزمه ولا اروع ❤️❤️❤️

ارقى ملزمه بل عراق 👌

هلاو استاذي الجميل طبعاً ما اعروف شنو اكول وشلون اشكرك اني من طالباتك الالكترونين 2022 وبهل امتحان قريت على ملخصات محاضراتك وملزمة المراجعة المركزة 2022 وحرفياً اجا منها هواايه اشياء والاسئلة سهله شكراً هوااايه يا احلى استاذ واكثر استاذ خلاني احب الكيمياء ان شاءالله تجي درجة عالية واجي اكولك🥹🙏🏻🤍

هلاوو استاذ شلونك ان شاء بخير
استاذ مهند اني صحيح مو طالبتك لكن عندي ملزمتك كفت وفت
شكرا جزيلا الك على هيج ملزمه مرتبه
يكدر طالب يدرس عليه بدون ما يحتاج مدرس 💚

استاذ انشالله درجتي ما تقل عن ال97
ولله الحمد
ما قصرت استاذ

والله استاذ بدون مبالغه بس تدري لو ما محاضراتك وملزمتك وطريقه شرحك يلي ابدد متنسي جان مجاوب اليوم كل ما احل سؤال احنه حالي بل محاضره هوايه دعيتلك لأن يلي قدمته مو قليل شكرا الك لأن جنت بكل لحضه ويانه حب كلش جبير الك مراح انساك ابدد🫶🏻🤍🤍

يابه السلام عليكم
عمي اكو شي اقوى من الكيمياء 😅
بالرغم اغلب الطلاب اجلوا امتحنت والحمد الله متيقن من الاجابة كلش وان شاء لله 100
اعتمدت على الله ثم عليك وعلى ملازمك (الاصلية +المراجعة المركزة )
كلمة شكرًا كلش قليلة بحقك الله يحفظك إلنا وللأجيال القادمة .
احد طلاب اليوتيوب ❤️
انتهى ✅

أحب أشكرك استاذ على تعبك ويانه انا أحد طلاب اليوتيوب ومعتمد على ملازمك واليوم الاسئلة كلش سهلة و أن شاء الله إلا 100 أجيب.وألف رحمة على والديك

عاااااااااااااااااااااااااااااااااااااشت ايدك استاذ الحمد لله جاوبت و ان شاء الله ادزلك درجتي من تطلع النتائج من طلاب اليوتيوب