تعتبر التربية الإسلامية "رغم بساطتها مقارنة ببقية المواد" من أهم المواد نفسيًا للطالب، وشخصيًا اسميها (بوابة الوزاري)

بإعتبارها أول تجربة وزارية حقيقية للطالب، وأول مادة يواجهها الطالب، وجوابه فيها من عدمه يؤثر بشكل مباشر على نفسيته في استقبال بقية المواد، تخيل شعورك من تخرج من امتحان الوزاري للإسلامية وأنت مجاوب ومتأكد من درجتك الكاملة، ولا سمح الله تخيل طالب آخر صار عنده شك بنقطة أو بفرع أو انصدم بصيغة ما دارسها بشكل صحيح، شلون راح يأثر الموضوع على شغف الطالبين في الإمتحانات القادمة!

أني مؤمن أن التربية الإسلامية أهميتها مو فقط بيها كمادة، بل بتأثيرها النفسي على إمتحانات بقية المواد، اكو طلبة بسبب الواهس الصار عدهم من أول امتحان انشرحت انفسهم نفسياً وتحفزوا على الدراسة لبقية المواد بفترة الأيام بين الإمتحانات.

ملزمتكم 😍 وفرت إلكم كل شيء تحتاجوا بكل ما للكلمة من معاني، كذلك نزلت شرح جديد لأحكام التلاوة على قناة اليوتيوب، بمجرد ما تكتب اسمي باليويتوب تظهر إلك الشروحات.

اتمنى تعطون هاي المادة حقها، ولا تستهين بيها، ولا تهمل أي شيء، وركز على المراجعة المركزة النزلتها إلكم، وعلى كل تفاصيلها، وآية التوفيق ترافق كل طالب طموح بيكم ويسعى للإنتصار بطموحه على كل المُحبطات!

الاستاذ ساجد العگيلي 💜